tgoop.com/Omwiessam/1449
Last Update:
قصيده فزاعيه مع هوسه للاربعين
-------------------------------------------------------
اجيت انصب لخوتي الاربعينيه
تعبانه اجيت و حيل ما بيه
اجيت انصب عزيه و انصب اقرايه
و على امتوني جبت للكافل الرايه
و اصرخ يا سبع و ادموعي اجرايه
( مهضومه .. و اصرخ گعدولي )
مهضومه اجيت و روحي خلصانه
و دمعاتي تهل لحبابي جريانه
اصيحن يا هلي گعدو يملفانه
( اتلگونه .. جينه ابهل يوم )
اجيناكم يهلنه گومو لاگونه
اجينه و نارنه تستعر چانونه
واحدنه البواچي عاميه اعيونه
( اتنشدونه .. عن ضيم الحال )
محد ناشدانه و گالنه شبينه
اجينه اليوم علينه بواجينه
انصيح و محد المنهم يحاجينه
( حاجونه .. مشتاگين احنه )
حاجونه يهلنه اليوم اجيناكم
موش انه العزيزه و جايه انعاكم
جبت نسوانكم هايه و يتاماكم
( و عذروني .. ماتت جم وحده )
-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY الشاعرة رغد ام وسام
Share with your friend now:
tgoop.com/Omwiessam/1449