tgoop.com/Omwiessam/1450
Last Update:
قصيده ثگيله للاربعين
-------------------------------------------------------
يادنيا ارحمي ابحالتي
من ايدي راحو اخوتي
ضليت وحدي بلوعتي
من فارگتهم _ ٢
يا دنيا كافي من الهجر رحميني اشواي
رديت اعثر بالجدم و اهمومي اهواي
محد مثل ضيمي ترا و يا عضم بلواي
عطشان گلبي جيت انه لشوفة اعضاي
محتامه جيت بكسرتي
ضليت وحدي بلوعتي
من فارگتهم _ ٢
محتامه جيت و دمعتي تجرح بالاخدود
و ياوسفه نيام اخوّتي ابطبگات الالحود
و گلبي من طبة المگابر حيل ممرود
محتاره الطم عالوجه و امورمه الازنود
يا فگد اهلنه و حيرتي
ضليت وحدي بلوعتي
من فارگتهم _ ٢
ااه يا فگدهم بالگلب خلالي اصواب
جيت و عبرتي امكسره و الدمع سچاب
يا صبر اتحمل بعد و امحمله اعتاب
ضليت اصيحن يا هلي موتني الاغياب
اغيابكم بي موتتي
ضليت وحدي بلوعتي
من فارگتهم _ ٢
يا كون ميته هالمسه يمكم يالاحنان
ماريد اردن للنزل سوولي امجان
الفاگده تشبع هضم و الگلب عطشان
و اني تعبني اليسر و الحيل خلصان
تسعر ابگلبي جمرتي
ضليت وحدي بلوعتي
من فارگتهم _ ٢
رديت من بعد الهضم و جور الايام
رديت وياي العليل و ذولي الايتام
و ااخ يا غربتنه ذيج و روحة الشام
و ذيج الاسياط الورمتنه اتدگ بالاعظام
تكتل يهلنه غربتي
ضليت وحدي بلوعتي
من فارگتهم _ ٢
-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY الشاعرة رغد ام وسام
Share with your friend now:
tgoop.com/Omwiessam/1450