tgoop.com/Omwiessam/1804
Last Update:
قصيده لوفاة ام البنين ع
-------------------------------------------------------
امعاشر الونات گلبي اخلافكم
خاليه و وحشه من اصد لدياركم
روحي بالفرگه اذبلت
و هاي هيه و انتهت
روحي خلصت كثر ما تنعالكم
امعاشر الونات و النوح الدليل
و كون اليفارگ احبابه هم يشيل
ايروح و ايجاورهم احسن ما عليل
شله بالعشره بعد
و الغوالي ما ترد
روحي خلصت كثر ما تنعالكم
شله بأيامه بعد لو ما يجون
و عيشته مره تصير و ما تهون
و النواظر تمشي من شوف العيون
اغيابكم تعبني حيل
و الدمع ما جف يسيل
روحي خلصت كثر ما تنعالكم
يمه مو تدرون ما احمل بُعد
رحتو كلكم و اني ماعندي سند
ابد مو بالهين افراگ الولد
يگطع اهروش الگلب
شحال الامفارگ محب
روحي خلصت كثر ما تنعالكم
الوالده اتريد الولد وكت الوزه
ايشيلها بيده و دموعه امنززه
و هوه ينصب ليها جادر و العزه
هسه اني بلا ولي
وين ولدك ياعلي
روحي خلصت كثر ما تنعالكم
شيلة التابوت مو سهله تره
اتريد الاحنان التجي و امسطره
ابهيبه كون اتشيل نعش الطاهره
ابعاد ليها مااجو
يم نعش امهم بجو
روحي خلصت كثر ما تنعالكم
-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY الشاعرة رغد ام وسام
Share with your friend now:
tgoop.com/Omwiessam/1804