tgoop.com/Omwiessam/1903
Last Update:
قصيده فزاعيه لوفاة السيده زينب ع
-------------------------------------------------------
الليله ام الخدر شنهي وضعها
ما واحد اجه و يمسح دمعها
ويشيل النعش بيده ويشيعها
احاا يم عون يالماجوج الاخوان
يالمتي غريبه ابعوز دفان
احا يم عون يالمتي غريبه
و گلبج ما هده ونه و نحيبه
اويلي اعليج هاي اعظم مصيبه
لرض الشام ما گصدوج الاحنان
محد راحلج و هناك ينعاج
علي السجاد وحده الليله وياج
مو هين على الطيبين بلواج
محد غسلاج و دمعه جريان
محد غسلج يم عون ويلاه
مطروح النعش جا منهو شالاه
و عليج انگاب منهو الليله شداه
ويصيح ابصوت ويلي يم الاحزان
اويلي اعليج يم الحزن زينب
هاي اگلوبنه تونلج و تنحب
و ما ننسه اخوج اللي امخضب
النوح ايلوگ ليكم ال عدنان
النوح ايلوگ لسمج يالعقيله
گضيتي بالغرب وحدج عليله
و ضل مطروح نعشج من يشيله
و بعدت على احبابج وسفه الاوطان
-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY الشاعرة رغد ام وسام
Share with your friend now:
tgoop.com/Omwiessam/1903