tgoop.com/Omwiessam/1948
Last Update:
قصيده مربعه و فزاعيه للكاظم ع
-------------------------------------------------------
تون اليوم معصومه اعله واليها
اجينه انعينها و كلنه نعازيها
معصومه تون و اتصيح يايابه
شال البي محنه و يكلف امصابه
حگها الشال ابوها اتنوح مرتابه
راح الدللاها و ينشد اعليها
الف ياحيف راح اللي يناشدها
بعد منهو يجيها و منهو يسعدها
و الابنيه تذل اخلاف والدها
مهضومه تضل محد يشكيها
تجرح بالگلب غصة المهضومه
تبقه ابعوز ابوها و حيل مندومه
و لو ينباع تفدي الروح و اتسومه
غالي يالابو مو جلمه و احجيها
تدرونه الابو ما مثله ابد غالي
و محد مثل گلبه ينشد اشحالي
اليوم النوح عالوليان يحلالي
و معصومه اعله ابوها خل نواسيها
نواسيها ابدمعنه و نلطم اوياها
محتامه اعله ابوها وراح خلاها
اليوم اتصيح بويه و تهل عيناها
و حگها الشال ابوها الدمعه تجريها
-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY الشاعرة رغد ام وسام
Share with your friend now:
tgoop.com/Omwiessam/1948