واويلي على الزهراء
__________________

يصواب الزچيه اصواب
من عنده الدمع سچاب
من لاذت وراء الباب
بيها اشسوو الاعداء
__________________

عليها اتجمعت الارجاس
مصيبه ايشيب منها الراس
عصروها الگـَطع الانفاس
وابكل گلب خلو داء
__________________

ويلي كسّرو لضلوع
وگعت فاطمه واتلوع
منها كل كتر موجوع
والمدمع يصب ادماء
__________________

صاحت والدمع مدرار
بضلوعي نبت بسمار
يوجع چن لهيب النار
من تشتعل بالأحشاء
__________________

تريد اتگوم ما بيها
والباب انچفه اعليها
او فوگه اتدوس اعاديها
الها ناحت العلياء
__________________

عله ام احسين واويلاه
سطرها الطاغي ابيمناه
وابخدها طبع خلاه
ازرگ والجفن حمراء
__________________

او محسن عل ارض ممدود
اضِن منه ضلع ممرود
من عنده الامل مفگود
ميت والجروح احياء
__________________

صاحت فضه ادركيني
امن السطره انعمت عيني
محسن وين دليني
خل انحط عليه ارداء
__________________

ماتت فاطمه امن الجور
الخاطر والضلع مكسور
ضل عدها ثلاثه ابدور
تبچي الهم ارض واسماء
__________________

ودفنوها ابسواد الليل
وياها خذت كل حيل
ما الها گبر يا ويل
ضاع ابليلتن ضلماء
__________________

ابو فاطمة الطائي

فاطمه يا فاطمه
____________

يل حزنها سرمدي
اشما يخلّص يبتدي
اوجرح بل خد ابدي
اتفطرت لجله السمه فاطمه يا فاطمه

اعليچ گلبي منفجع
ليل وانهار ابدمع
والضلع آ يل الضلع
خله عيني اتصب دمه فاطمه يا فاطمه

الشبو ابابچ جمر
لسا بيّه يستعر
حرّگ ايام العمر
چنّه نار الحاطمه فاطمه يا فاطمه

انعه كل عمري واحن
من كسر ضلعچ اون
حزن ورث من حزن
سكن گلبي او آلمه فاطمه يا فاطمه

حزن ما يعرف امد
امن المهد للملتحد
خاطر ايوفي العهد
وانتي بيه عالمه فاطمه يا فاطمه

ابعزه خلصت العمر
بچي او لطم اعله الصدر
وارد ليچ او اعتذر
شنهي آنه امقدمه فاطمه يا فاطمه

لو اعيش الفي سنه
بچي او نوح او وهدنه
وانسه كل معنى الهنه
روحي تبقه هايمه فاطمه يا فاطمه

عله ضلعچ لنهشم
السمه لو تبچي دم
والكواكب تنعدم
تبقه الها اللايمه فاطمه يا فاطمه

اشلون وانتي العالمه
ام ابوها الغانمه
كوثر الله راسمه
واجه طاغوت الچمه فاطمه يا فاطمه

ضلعچ الدين الابي
كلشي بيچ انتي نبي
اشلون لن الناصبي
ضوه وجهچ يعدمه فاطمه يا فاطمه

___________________

ابو فاطمة الطائي

لتشييع سيدتي ومولاتي فاطمة الزهراء عليها السلام

شالوها الزچيه امودعه الله
حيدر وابنعشها هالله هالله
ابهيده امشي او تصبّر
بالك لا اتّعثر
________________________

ليل وضلمه وادروبك متاها
وادري اعيونك المدمع عماها
حيلك هدمه امصاب الدهاها
او ظهرك منكسر ويلا وراها

عل فرگه متگدر
بالك لا اتعثر
حيدر وابنعشها هالله هالله
______________________

شايل نعش الاحبيبه اعله متنك
وايفسر الصخر هل ليله ونك
شايلك جبل من تمشي چنك
دمعك من لحيتك حتى ردنك

كل خطوه اتحسر
بالك لا اتعثر
حيدر وابنعشها هالله هالله
______________________

ايعينك الله والگلبك يصبره
گبر ام الحسن بيدك تحفره
وكل حفنة ترب ظهرك تكسره
وتگعد تستراح او تجري عبره

گلبك هل توجر
بالك لا اتعثر
حيدر وابنعشها هالله هالله
______________________

علي وسّع گبرها او نعم التراب
لا تعصر ضلعها العصرته الباب
نزلها ابحذر عينك عل صواب
جرح ام الحسن للساعه ما طاب

الهاي الساعه اخضر
بالك لا اتعثر
حيدر وابنعشها هالله هالله
______________________

حيدر هونك ابدفن الزچيه
من اتخلي خدها عل وطيه
لنّه منسطر يابو الحميه
خافن ينلچم سوده عليه

خدها ازرگ يحيدر
بالك لا اتعثر
حيدر وابنعشها هالله هالله

__________________

او من توسد الزهره تحذر
عينك لا تصد للخد الايسر
خاف اتموت فوگاها يحيدر
لو شفت السواد او جفن الاحمر

اصبر يل غضنفر
بالك لا اتعثر
حيدر وابنعشها هالله هالله
______________________

منها اشبع نظر واترس اعيونك
وابچي ابهيده خافن يسمعونك
واتراب الگبر رده اعله هونك
علي يلي الدهر خيب اضنونك

او دلالك تفسر
بالك لا اتعثر
حيدر وابنعشها هالله هالله
______________________

ابو فاطمة الطائي

وصية السيده الزهراء للعقيله زينب (صلوات ربي عليهما ) ليلة شهادتها :

يـيُمه اوياچ هاي آخر مسـيّه
يزينب وارد اوصّيچ ابوصيّه
احسين اجروحه من ايصيرن اهواي
بلكي اتشرّبينه اهناك چف ماي
_________________________

ييمه اصواب ضلعي منّه ماطيب اولاگوم اعله احيلي
ليلة باچر اتوسد بل اتراب يــبنيتي اندعيلي
اريد ارتاح واغفه بلايه لچمات وايسكّن عويلي
يمهجة روحي بحسين ارد اوصيچ سِبّاحة دليلي

ظهر عاشور من اتشاهدينه
يگف محتار والدمعه اعله عينه
گبل ليروح للميدان اشبگيه
امانه ابصدره يا زينب تشميه
هاي آخر وصيه ... هاي آخر وصيه
_________________________

يزينب من يجي لوداعچ احسين وانوه اعله المنيه
سلميلي عليه او نحره شمّيه حفظيها الوصيه
او گليله تگول الزهره يحسين وحگ رب البريه
ازيد من كسر ضلعي وره الباب دمعك سوّه بيّه

ييمه الوالده او هيّه ابلحدها
تعطش من تحس يعطش وَلَدها
كل جرح الذي ياذيك يحسين
ابگلب امك تراه ايصير جرحين
هاي آخر وصيه ... هاي آخر وصيه
_________________________

لو دارو عليه الجيش صوبين لا يسمع بچيچن
تره طعن الخواصر ما يأذيه ازيد من دمعچن
او لمّن تسمعنّه ايصيح عطشان لا يتعلّه ونچن
طاسة ماي دوريله بل اخيام هل هلله بخيچن

بلكت الله ميذبحونه ضامي
يشَربونه گبل ميموت دامي
أُمنيتي يموت احسين مرتاح
ولا گلبه تشلعه اسيوف وارماح
هاي آخر وصيه ... هاي آخر وصيه
_________________________

لو صاب المثلث گلب الحسين واهوه اعله الوطيه
خدّه خافن التربان تچويه سوي له تچيه
گليله عليك انت الشمر جاي وانه الهم عليّه
عله صدرك يريد ايدوس يحسين ويچتف اديه

يزينب والشمر لو حز وريده
يعني بكربلا صرتي وحيده
بالچ عل يتامه والنساوين
عگب احسين انتي الهن احسين
هاي آخر وصيه ... هاي آخر وصيه
_________________________

وبعد يازينب اوصيچ اعله الحسين يوم اليذبحونه
تدوس اعليه عشره اخيول ويلاه صدره ايهشمونه
لمّي اضلوعه يايمه امن التراب زينب يل حنونه
واصبعه المنگطع هم دوّري اعليه خافن يمردونه

ييمه احسين من الگاع لمي
بل حومه وذر بالچ تخلي
ابعباتچ لملميهن ويه الدموع
واحسبيهن ييمه احساب الضلوع
هاي آخر وصيه ... هاي آخر وصيه
_________________________

ييمه آخر وصيه وبيها مختوم يوم الغاضريه
بلچن فد عباه عند النساوين سكنه أو رقيه
غطي احسين لتخلينه عريان گبل المغربيه
ثلث تيام رايح يبقه عل گاع ميدفنونه اميه

الله ايعينچ ابهاي الزيه
وانه من الگبر ارفع اديه
ادعي من الاله ايصبّرچ كون
اوبردن وسلام اسياط المتون
هاي آخر وصيه ... هاي آخر وصيه
_________________________

ابو فاطمة الطائي

أمير المؤمنين مخاطبا الزهراء صلوات الله عليهما . بلسان الحال :

ريـت يـنـدار الــكـسر بــضلـوعـي
فدوه حاچيني وارحمي ادموعي
فاطم .. ليش ياروحي السكوت
فاطم .. حـيدر آنــه راح امـوت
يل زچيه يل زچيه
__________________________________

ريت يندار ابضلوعي كسر ضلعچ فاطمه
او ريت روحي گبل روحچ كون صعدت للسمه
يا ضوه الدنياي اگعدي اعليچ عيني امعلّمه
الچانت ابوجهچ تصبّح اصبحت تهمل دمه

يل رحتي او عفتيني طير ابلايه اجناح
لا عايش متهنّي لا ميت مرتاح
كل ساعه بفراگچ تاخذ سبع ارواح

فاطمه والله العمر ما ريده
انتي دنياي او صفيتي ابعيده
موحش .. بيتي من دون البيوت
فاطم .. حـيدر آنــه راح امـوت
يل زچيه يل زچيه
__________________________________

سلوتي او نبضة دليلي انتي كل دُنيا علي
انت كلشي الي احبه انتي نعمه امن الله الي
رحتي والدلّال عگبچ ليل وانهار ايغلي
فاطمه ابيوم الدفنتچ چني دافن كل هلي

والدافن أحبابه ايضل عايش مكسور
ايضيعوني او يلگوني متوسد لگبور
چن گاع او عطشانه هيچ ابگلبي افطور

ركني مهدود او نحيله اعظامي
والله ما يحمل بشر الآمي
علگم .. ألهوه ابريتي يفوت
فاطم .. حـيدر آنــه راح امـوت
يل زچيه يل زچيه
__________________________________

يوم عصروچ وشهگتي كل نفس بيه انگطع
طلعو البسمار منچ لاكن ابصدري انطبع
ويه كل دمعه اعله خدچ فاطمه گلبي انشلع
ابگد وجع ضلعچ يروحي مهجتي حِملت وجع

يل زهره او بفراگچ تبچي اعليه الناس
مو گلبي. ايون جسمي من جدمي للراس
چن صخره اعله اضلوعي مكتوم الانفاس

روحي طلعت بس جسد شوفيني
راح حيلي امن البچي وونيني
عگبچ .. فرفحِت ما ضلي صوت
فاطم .. حـيدر آنــه راح امـوت
يل زچيه يل زچيه
__________________________________

آه ياليلة دِفنتچ دفنت ابصدري جمر
لملمت عافيتي كلها او ضوه اعيوني والعمر
اوياچ كلهن وسدتهن فاطمه ابنفس الگبر
واگعدت ويدي اعله خدي مدري بعدچ شنتظر

شتنطر بغيابچ غير الون والآه
ملچ الموت اشماله ما ياخذني وياه
من روحچ يقبضها علي المن خلاه

عل تراب المات كون انوسده
اشلون اوسد الي غده ازرگ خده
حيره .. منها كل حيلي يموت
فاطم .. حـيدر آنــه راح امـوت
يل زچيه يل زچيه
__________________________________

وسدت خدچ بديه وهاي آخر شوفه الچ
او خضبت شيبي ابدمعتي فاطمه اواتوسلچ
ارد اوصيچ ابوصيه الطاها من يستقبلچ
گولي حيدر موش حيدر يوم عني يسالچ

گليله بس دمعه او يتحسر عل راح
يتگلب كل ليله ايموت ابكل مصباح
من حيدر يابويه ضلت بس اجراح

علي باقي بس نفس گليله
اصواب خدي والضلع هد حيله
ناحل .. والدمع صايرله قوت
فاطم .. حـيدر آنــه راح امـوت
يل زچيه يل زچيه
__________________________________

اوداعة الله يل زچيه نامي نوم العافيه
من زمان اعيونج انتي امن الالم ما غافيه
نامي يل كلچ محنه يم سوالف دافيه
لا صبر ينفعني عگبچ لا دموعي شافيه

چن يعگوب اعيوني عاميها الدمعات
چم مره اشتم گبرچ واتگلي الاموات
ماترجع ما ترجع ياحيدر هيهات

والله لو موتي يصح بيديني
گبل عينچ چان اغمض عيني
ابگلبي .. اتگطعن كل البتوت
فاطم .. حـيدر آنــه راح امـوت
يل زچيه يل زچيه
__________________________________

ابو فاطمة الطائي

بل زهره الف داي ..... يبو صالح يمولاي

________

ثار الله يموعود .. يمته الثارك اتعود .. واتفرح الزچيه
للساع ام الحسين .. تبچي او تهمل العين .. كل صبح ومسيه
من عصروها بالباب .. كسر البيها ماطاب .. نيرانه سريه
والي امكَسَر اضلوع .. يبقه امساهر ايلوع .. يا راعي الحميه

يمته وتلفي عنّاي ..... يبو صالح يمولاي

________

امك يبن الاطياب .. ماتت من الصواب .. مضلومه او شهيده
عصره . اوسطرة والنار .. وابصفحتها بسمار .. بيها الهم يزيده
غصه ابغصه وآهات .. حسرات اعله حسرات .. يوميه جديده
حد ما ماتت اتنوح .. بيها زرگه الجروح .. مهضومه او وحيده

متعذبه يرجواي ..... يبو صالح يمولاي

________

ماتت والوجع ضال .. اجيال اعله اجيال ..
نتوارث حزنها
او ماضن يحصل ادواه .. الا يأذن الله .. والثوره اتعلنها
ونسمع بالسما صوت .. رد الچنه ياقوت .. رد ياشيعه ابنها
رد بيدينه صمصام .. رد ايداوي الالام .. وايسكن شجنها

راجع صاحب الراي ..... يبو صالح يمولاي

________

يومك يمته ياحيد .. واتبدل الحزن عيد .. عيد الزهره اسمه
ما نلبس بعد سود .. نلبس ابيض ابزود .. من ترجع ينعمه
احياء كلنه واموات .. نتلگه ابصلاوات .. والچفك نشمه
يترس عدلك الگاع .. تحيي كل امل ضاع .. والشملك تلمه

وانسمعك هلا اهواي ..... يبو صالح يمولاي

________

يمته يبن الابدور .. تمشي ابهيبه منصور .. والبيرغ تنشره
اتنشره اوفوگه مكتوب .. ثار الضعنه منهوب ..واضلوعچ يزهره
يزحف جيشك ازحوف .. ويطب ارض الاطفوف .. متضل رايه حمره
وللكافل تجي ابشوگ .. گلبك لجله محروگ .. واتطيح اعله گبره
تذكر جوده والماي ..... يبو صالح يمولاي

________

عجل يا دوه الروح .. تنتظرك تره اجروح .. كل جمعه تتاني
عجل وارحم ادموع .. عجل داوي الضلوع .. يا شمعة زماني
عجل رد للحسين .. ضامي او چبده نصين .. عجل يا اماني
عجل وانهض ابساع .. عمك عل نهر لاع .. واسكينه التعاني

واتنادي يمنواي ..... يبو صالح يمولاي

________

ابو فاطمة الطائي

ردات لتشييع سيدتي ومولاتي فاطمة الزهراء عليها السلام :


يل شايل النعش ام حسن بالك عليها
بسمارهـا او كسر الضلع ما خله بيها
بهداي بهداي
اجروحها اهواي
ما تحتمل لچمه بعد يل شايلها
             حيدر .... ياعلي
__


نعش الزچيه فاطمه شيلو يشيعه
بدموع واشموع او لطم شيعو الوديعه
جوگات جوگات
وانصيح هيهات
ما ننسه ضلع الطاهره او يوم الفجيعه
                           
              حيدر .... ياعلي
__
ابو فاطمة الطائي

ردات للتشييع الرمزي للزهراء عليها السلام




بدموعنه انشيع ام حسن هاي المسيه
وانصيح الله يلعنه الصاب الزچيه
نلعن الشيخين
الكسرو الضلعين
الحرگو الباب النبي يوم الرزيه
              حيدر .... ياعلي
__

تشييع رمزي الفاطمه واجب نقيمه
رغمن عله اعقول المريضه او مو سليمه
وانصيح ويلاه
يم الحسن آه
ماتت شهيده فاطمه ماتت سقيمه
              حيدر .... ياعلي
__

ابو فاطمة الطائي

يزهراء يزهراء
يزهراء يزهراء
______________

روح المُصطفى .. زهراء
زَمزم والصّفا. .. زهراء
كوثر العلا .. زهراء
فاطم وكفى ..

ام الحسن ام احسين
هيه الدنيا .هيه الدين
هم أنسيه هم حوراء
مثلها ما رأت كل عين

درّه صافيه امصفايه
آيه او حيّرت كل آيه
بيها العلي يتباها
لنها منتهى كل غايه

يزهراء يزهراء
يزهراء يزهراء
_______________

مِسكٌُ أَضوَعُ ... زهراء
نورٌُ يَسطِعُ ... زهراء
لـٰكن أسفي .. زهراء
صابوا الأضلِعُ ..

ياويلي اشعظم المصاب
من عصروها خلف الباب
كسرو من عندها اضلوع
طاحت والدمع سچاب

الباب اصبحت محروگه
ارجاس جوگه تدفع جوگه
بسمار بل صدر ضل نابت
منه فاطمه مخنوگه

يزهراء يزهراء
يزهراء يزهراء
_______________

كَالنَجمِ هَوَت .. زهراء
جَنّةٌُ خَوَت .. زهراء
فِردوسُ ٱلسَّما .. زهراء
بالنارِ انكَوت ..

جنّه او عذباها ابليس
شنعاها يحادي العيس ؟
وانه ابگلبي ازغر آه
اكبر من عرش بلقيس

لا آه لا دمع يكفيني
نيران فاطمه تچويني
عمري مايكفي ابچيها
عمرين يا ألهي انطيني

يزهراء يزهراء
يزهراء يزهراء
_______________

جرح ابدي .. زهراء
حزن سرمدي .. زهراء
مهما ينتهي ... زهراء
فينا يبتدي ..

چن مجرى الدماء ايدور
حِزنّه يم ضلع مكسور
صرنه انعيش بس لثنين
للزهراء . والعاشور

عشنه ابهل حياة الغايه
لجلچ أن نسوي اقرايه
نلطم والدموع اتلالي
ونشد للعزاء الرايه

يزهراء يزهراء
يزهراء يزهراء
_______________

هـٰذي الأدمعُ .. زهراء
صَوتٌُ يُسمعُ .. زهراء
رَغمَ الضالمِ .. زهراء
باقِِ يُرفعُ ..

اشما بينه الزمان ايدور
نبقه ابهل عزاء اندور
لو يمنعنه راد الموت
ننعاچ ابوسط لگبور

دنيه وآخره ويّاكم
انوالي للذي وآلاكم
والعن روح ابو الشيخينِ
وابغض كلمن العاداكم

يزهراء يزهراء
يزهراء يزهراء
_______________

ذا عهدي لكِ .. زهراء
أني سالكِ .. زهراء
درب العاشق .. زهراء
انتي مالكِ ...

منچ ليچ يا زهرآء
عبد امن الف للياء
خادم وارتجي مرضاچ
چن ضامي يدور ماء

بيدچ سلّمت ناصيتي
ترضين هاذي هيه امنيتي
گلبي لجلچ احسينيه
اسكن بيها موش ابيتي

يزهراء يزهراء
يزهراء يزهراء
_______________

ابو فاطمة الطائي

يومك امتانينه يا وعد بارينه
____________________________

وين يا موعودها او ثار السمه
وين يا طلّاب نحلة فاطمه

وين يا يوسفنه وين
طال وعدك يل حنين
والبچي ما خله عين
گوم شوف اعيونه ايصبن دمٓه

رد يمهجة فاطم
اقتص امن الضالم
سيدي يل قائم واطلب بثار الضلع

انشد امن الزهره
عل جمر والعصره
والالم والسطره واطلب ابثار الضلع

والگلب وونينه يا وعد بارينه
____________________________

وين يل سيفك يعدل المايله
يمته نتلگاك وانگلك هلا

يمته نسمع هل نداء
يصدح ابأعلى السماء
أن وعد الله جاء
واسمك العرش الضلاله ايزلزله

السنن تحييها
والفتن تمحيها
دنيتي اتحليها طلعتك يبن الحسن

منو غيرك گدها
رايته نعگدها
للطغاة ايردها طلعتك يبن الحسن

امن الصبر ملينه يا وعد بارينه
____________________________

احگوگ تطلبها الك يل مهدي دين
ثار امك فاطمه او ثار الحسين

تنتظر ليل او نهار
تعباها الأنتظار
اتصيح يل مهدي البدار
واصل السابع سمه صوت الونين

چم ضلع متهشم
چم گلب متألم
چم متن متورم جم جفن ازرگ بقه

شرد اعدد منهن
وانت تدري ابكلهن
أول او آخرهن چم جفن ازرگ بقه

والوجع ضل بينه يا وعد بارينه
____________________________

يامن امن الباب للكاسر جروح
يبو روح الما بقت لولاها روح

ليت شعري يا أمام
هم ضگت طعم المنام ؟
او هم تهنيت ابطعام ؟
سيدي هم يوم مرّك ما تنوح ؟

يمته تبره آلآمك
ويرتفع صمصامك
والنصر جدامك تترس اعدائك رعب

يا ذخر للزهره
تجبرلها الكسره
يا ملاذ الفقره تترس اعدائك رعب

الجيتك حنينه يا وعد بارينه
____________________________

يوم تلفي او تترس الدنيا جمال
يعني عيد الزهره هاذه ابلا جدال

أتفرّح اولاد الرسول
وتنتهي احزان البتول
والالم عنها يزول
الطاهره المضلومه تحفيها السؤال ؟

وتبتدي واتحاسب
كل زنيم او ناصب
الدفع والضارب يصطلي ابنار الغضب

وعل لطمها ابخدها
امربعين اتردها
وعينه هم تمردها يصطلي ابنار الغضب

مايشوف ابعينه يا وعد بارينه
____________________________


اتحاسب الشيخين عن كل الجره
الباب واضلوع واخيام اموجره

امن البدايه الكربله
أشسوه شمر وحرمله
وحده وحده تسأله
الثاني والاول يجاوب تجبره

للسقيفه اتسائل
عن چفوف الكافل
شنهو بيها الحاصل ابيا ذنب متگطعه

وزينب الگادوها
ابيا سبب يسبوها
وعل متن ضربوها ابيا ذنب متگطعه

ياوكت تلفينه يا وعد بارينه
____________________________

ابو فاطمة الطائي

على الطور ألاهوازي للزهراء سلام الله عليها :

يـل رايد فخر داريـن وابجـنّـة عدن تربـح
احضر مجلس الزهراء بس ابهل درب تفلح
_________________________________

يوم الحشر رايد زاد ما يرهم تجي خالي
او بيدك دفتر ابيض كون ناصع كلش ايلالي
او صك بي خاتِم الكرار بس ذاك الختم غالي
رايدله دموع اثگال او نوح اعله الضلع عالي

ابغير الخدمه للزهراء لا لا تعتقد تنجح

_________________________________

الجنّه مو بلاش اهناك لا بد مِن ثمن الها
او كلشي ابسعره هل جنات للي ايريد يدخلها
شي بل خدمه . شي بل آه شي بدموع تهملها
ودمعه المو على الزهراء ربك ميتقبّلها

والدفتره ابلا دمعات هل دفتر فلا يصلح
_________________________________

جنات العدن توقيف بس لليخدم الزهره
يصعد بيها بالتدريج ياهو الاكثر العبره
والما باچي الها اهواي باچر ينترس حسره
وهنيال الذي ابعزيات خلّص يا خلگ عمره

لا مثله نبي مرسول لا مثله ملك يفرح
_________________________________

يصاحب هل عمر مضمار وامسابق تره الوادم
شد حيلك عله الدمعات واحضر كل عزه الفاطم
مالك شغل بل يحچون ياهو امن الحچي سالم ؟
وجّه وجهك او گلبك واصبح من صدگ خادم

گللها يا أم احسين من دربچ فلا أبرح
_________________________________

أتحصّن بل خدامه او دوم خلّـك بل عزه امحزّم
عمرك قدمه للزهراء . والزهراء ما تندم
باچر جلدك او عظمك اعليها النار تتحرم
وتوگف بالحشر سلطان تلفي امعزز امكرم

تتلگاك حور العين واتسمعك حچي امّلّح

_________________________________

كل دمعه على الزهراء اهناك اتصير ياقوته
وكل حسره الضلعها اتصير چن مرجان منحوته
ربك منطي للخدام چلمة شرف مبخوته
كلمن يوفي للزهراء يوفيله گبل موته

يبدل سيئاته احسان او كل ذنوبه تتصلح
_________________________________

ابو فاطمة الطائي

بلسان حال امير المؤمنين عليه السلام

ريت يندار بيه الصواب __ يُم الحسين اوضلعي ينصاب
حاچيني رحمي ابحالتي
مو دمعي خضب شيبتي
يا لـوعـتي او يا حسرتـي

يام الحسين يام الحسين
_________________________________________

وين اسوالف الحلوات اشو بس البچي اسمع
يزهرة عمري لا اتونين دليلي ابونچ اتگطّع
ابكل مره تگولين آه احس ارويحتي تطلع
رحمي اعيوني يم احسين بيهن ما بعد مدمع

لو بيدي چا درت الألم او بضلوعي خليت الكسر
بس اشبدي يا فاطمة ما يرهم انبدل العمر

لو بدي چان عمري افديچ __ او ما تونين ساعه اخليچ
عگبچ بعد المن اضل
يا دنيتي او كل الاهل
من هل عمر راح الامل
يم الحسين يم الحسين
_________________________________________
من يوم انكسر ضلعچ انكسر كلشي ابتفاصيلي
او يا طيحتچ فوگ الگاع من عندي خذت حيلي
چن بيًه رمح مكسور والله ما نمت ليلي
امن اريد انهض اتچّيلچ ادور عل يتچّيلي

بسمار البصدرچ نبت من گلبي لسا ما طلع
او چف السطر خدچ اثر منه على وجهي انطبع

سهله من كون يمي تبقين __ صعب الافراگ يم الحسين
لو رحتي من يبقه العلي
عگبچ أنه مو الاولي
بس الدمع ضال ايهلي

يم الحسين يم الحسين
_________________________________________

اعيونچ ليّه افتحيهن وانظريلي ولو نظره
اريد اوياچ اتوادع واسولفلچ عله الحسره
وانشدچ يدفنونه اشلون البخده اثر سطره ؟
اخاف الچم جرح ضلعچ بيه اشلون يل زهره

متحير ابدفنچ صرت واشلون اوسدچ عل ترب
ماعندي مهجه التحتمل او لا ضل بعد عندي گلب

خايف اعليچ منّ التراب __ وجرحچ ادريه لسه ماطاب
رشيته من فيض الدمع
هل هلله گتله بل ضلع
لصواب بي ما ينجرع

يم الحسين يم الحسين
_________________________________________

اوسدچ عل تراب اشلون اچفوفي ما يعيننّي
اگعديلي يماي العين اسمعي حسرتي او وني
شوفي ايدي على خدي غريب بلا وطن چني
امن ادفنچ بلله يل زهراء گلليلي اشيضل مني

كلشي ابدفنتچ يندفن عمري وحياتي والامل
گلبي وعيوني والنفس من عدها كلشي ما يضل

بس الدموع اوجفن خاوي __ ذني يبقن للنعاوي
ميت لچن ما مندفن
شريانه يجري بس حزن
بين المگابر مستچن
يم الحسين يم الحسين
_________________________________________

لون بيديه يم احسين ابلحدچ آنه اتوسد
ولا احمل ألم فرگاچ يل هجرچ حزن سرمد
يروح او راحه يا ريحان يادمعه اتحفر بالخد
عگبچ صبحي صار اظلم امّا ليلي امسهّد

عنّچ نفذ تصبّري ولا بي نفِع تجلّدي
چن حزني اهلال الشهر كلما يخلص يبتدي

اوداعت الله يم الحسين __ يلي ذكراچ ساكن العين
ما دافنچ وسط الترب
مدفونه انتي بل گلب
ابروحي العزيه تنصب
يم الحسين يم الحسين
_________________________________________

عسن نوم العوافي اعليچ نامي يم حسن نامي
انسي اجروحچ الكلفات وانسي جفنچ الدامي
روحي يم ابوچ اهناك واحچيله عله الآمي
گليله علي الكرار ناحل والدمع عامي

گليله باقي بس اسم عگبك بل اصحاب ابتله
داحي الباب اصفر وجه بل گوه جدمه شايله

بل مگابر صاير اينام __ للمنيه يحسب ايام
گليله يسألك الدعه
لفراگ والله امصدعه
واكتاره كلها توجعه

يم الحسين يم الحسين
_________________________________________

ابو فاطمة الطائي

لعن الله عمر
لعن الله عمر
__________

لَعَنَ اللهُ الزنيمُ ابنُ الزنيم
الصوّب الزهراء بصواب الأليم
خلّه من عدها البدن خاوي سقيم
لا دوه ايصحله ولا ايجبره حكيم

چم ضلع منها كسر
لعن الله عمر
_______________

لعنة الله عل حرگ باب البتول
يا فعلته اجبال من عدها تزول
من عصرها ماخجل من الرسول
خلة ونة فاطمه الزهره تـطول

ابليس مثله ما كفر
لعن الله عمر
_________________

امحزّم ابحقده اجه ايقود الجموع
يدفع الباب او غدت فاطم تلوع
مو ضلع واحد كسر منها ضلوع
طاحت اعله الگاع واتهل الدموع

اتموت خلاها ابقهر
لعن الله عمر
______________

فوگ كسر اضلوعها اوذاك المصاب
عل وجه گام او ضرب ام الحجاب
اشلون سطره والجفن من عدها ذاب
ربي يا جبار صُب فوگه العذاب

خله في اسفل سقر
لعن الله عمر
________________

ربي هاذي دعوتي في كل صلاه
أبلعنة الشيخين صوتي ايضل نداه
العن الأوّل مع الثّاني او أباه
حد رضا الزهراء وابطول الحياه

للأبد . طول الدهر
لعن الله عمر
___________________

آنه حي او مَيت ارفع هل نداء
بل لحد . بل برزخ . ابيوم اللقاء
ادخل الجنه واصيح ابكبرياء
( لعن الله عمر ) يهل السماء

وابعدد قطر المطر
لعن الله عمر
_____________

ابو فاطمة الطائي

الرادود مرتضى الخفاجي \ آخر وصية \ العتبة العباسية المقدسة
https://youtube.com/watch?v=IJ3LvjFiCWA&si=29oym8C1tuY1XY_x

لمصاب ام البنين عليها السلام


موتي يا روحي غريبه
منين ابو فاضل اجيبه
لو صحت مايسمع .. عالشريعه امگطّع
آ يروحي آ يروحي
_________________________________

چني ما مكتوب ليّه بس ونيني
عدله . ميته . والدمع تارسلي عيني
أربع اقمار آنه ربّيت ابأديني
غير وكت الموت تحضرني بنيني

ميته واتحسر عليهم
ردت التشيعني اديهم
ما اجو حضروني .. وحدي عافوني
آ يروحي آ يروحي
_________________________________

گبل موتي بس ردت عباس اگله
الموته سهله . بس فرگتك ماهي سهله
احسين معصوم او غيابك ما يحمله
انكسر ظهره والدمع من دم يهمله

او گلبي فارگكم سويه
اربعه . او ابن الزچيه
چم جرح خليتو ... يلي ما رديتو
آ يروحي آ يروحي
_________________________________

موتي ياروحي غريبه موتي بل هم
اعزازچ ابطف النوايب صرعه كلهم
مشو بس روس او مناحر جتني منهم
مشو ما حسبّو منهو اليدفن امهم

اوليدي الينومس عمامه
ليه وده بس يتامه
همه اليشيعوني .. ابگبري ايدفنوني

آ يروحي آ يروحي
_________________________________

حيل كلفه الأُم تموت ابلا ولدها
اتنازع او دمعتها تهمل فوگ خدها
لا بواچي او لا نوايح ويلي عدها
غربه اليشيعونها او حفرو لحدها

والله يادنيه هظيمه
اتموت وحدها العظيمه
الكفل زينب وينه ... خل يشوف ابعينه
آ يروحي آ يروحي
_________________________________

أيسي ياروحي او اجرعي چاس المنون
ما يرجعون ايسي منهم ما يرجعون
احسين شيجيبه واعرفه صدره مطحون
وابو فاضل اخذ حيله سهم العيون

ما يگدرون اشبديهم
يا عمت عيني عليهم
مادرو باحوالي .. والاجل يبرالي

آ يروحي آ يروحي
_________________________________

الليله آخر ليله وادفن امنياتي
چنت اتمنى يلفّوني ابعباتي
واندفن يم الاحبهم عل فراتي
الما ترست العين منهم كل حياتي

حتى امنيتي بعيده
تالي دفنوني وحيده
الولدي ما ودوني .. ولا اجو اخذوني
آ يروحي آ يروحي
_________________________________

ابو فاطمة الطائي

لمصيبة ام البنين عليها السلام ابيات
للتشييع الرمزي

اجنازة ام عباس خل نمشيلها
ويه ابو فاضل نروح انشيلها
_______________________

ماتت ام عباس ياوسفه او هظم
گومو يالله انشيلها ابنوح او لطم
چا دموع العين بعد المن نضم ؟
كون ام عباس دم نبچيلها
_______________________

گومو ويه الكافل انشيل النعش
انشارك ابتشييعها املاك العرش
وحضرو اجنازتها ايمتنه اثنعش
والزچيه جاعده او تنعيلها
_______________________

خل نهل ادموعنه اعله ام الكفل
العاشت او ماتت تون ابلا ملل
احزان بيها ايفطر اركان الجبل
والله يعگوب النبي ميشيلها
_______________________

ماتت الونتها مو مثل الونين
ماتت او چاتلها بس حب الحسين
ويلي يا شيعه گلب ام البنين
حالته مثل الجمر تحليلها
_______________________

شيعوها والدمع خلو يسيل
عزو العباس بمصابه الثجيل
صيحو الله ايعظم اجرك ياكفيل
يا فجيعه الما ايصح امثيلها
_______________________

يا فجيعه ايشيب من عدها الوجود
ماتت ام عباس ام اربع حيود
راحت او دمعتها تحفر بالخدود
من اثر طف نينوه او تفصيلها
_______________________

شيلو اجنازتها هاي ام الوقار
هاي رفعت حب ابو اليمه شعار
وامست ابدرب الخدم شمعه او منار
مشعل ادروب الخدم يضويلها
_______________________

عله الروس انشيل نعش ام الگمر
واتغسل خلها بدموع النظر
هاي دره طاهره او ام الدرر

چنه آيه امن السمه تنزليها
_______________________

ابو فاطمة الطائي

اعادة نشر
لمولد سيدتي ومولاتي فاطمة الزهراء عليها السلام .

هالليله افراح او سهر هالليله
ميلاد زهراء الفخر هالليله
___________________________

الليله افراح او تهاني الليله نسهر ما ننام
الليله ميلاد العظيمه سيّدة كل الأنام

هالله هالله اشلون كوثر
من وجهه الكون ازهر
للجمال الزهره مصدر چنها ريحانه

بيها الله ضل يباهي
محد الفاطم يضاهي
صلي اعليها يلاهي هاذي دعوانه

نهديلها ارواح اونظر هالليله
ميلاد زهراء الفخر هالليله
___________________________

كوثر العشق الألهي الليله اشرق عل وجود
چنها ريحانه او عطرها تقتبس منه الورود

آية الرب العظيمه
والكرامه المستديمه
دنيتي ما الها قيمه لولا زهرتنه

يوم مولدها احسبه
جوه بضلوعي اكتبه
يا أسم بس هوه احبه هوّه فرحتنه

ياليتها اتطول دهر هالليله
ميلاد زهراء الفخر هالليله
___________________________

مولد الزهراء فاطم عيد بس ما مثله عيد
السمه طشت نداها والارض لبست جديد

ابعالم العلوي هلاهل
بالعرش عقدو محافل
عن حسنها البي تكامل اشگد شعر كتبو

يقره جبريل القصيده
چم ملك ضل رافع ايده
ايصيح هالله هالله عيده للفرح هبّو

هواي اسمچ ايخلف أثر هالليله
ميلاد زهراء الفخر هالليله
___________________________

او بالارض يم المدينه كل نبي مرسل نزل
ايهني سيد الكون احمد جايب اورود او أمل

يم محمد جايه كلها
أمن آدم لأخر رسلها
هيه بنتك وانت ابنها والله تستاهل

امبارك اعليك الزچيه
هاي من الله هديه
تسوه كل اهل الوطيه اي وابو فاضل

خل خصمك ايموت ابقهر هالليله
ميلاد زهراء الفخر هالليله
___________________________

هاي نعمه او خوش نعمه بيها الله اعلينه مَنّ
هاي من امنه وابونه يا گلبها اهواي أحن

يا فداچ امي يبضعه
يا ضوه ومتروس رِفعه
جفني ابهل ليله دمعه بالفرح يهمل

انتي فرحتنه الچبيره
انتي عل وادم اميره
دار انتي وانتي ديره كل محب تشمل

يازهره مو مثل الزهر هالليله
ميلاد زهراء الفخر هالليله
___________________________

لون اهديلچ دليلي واهدي شوفي والعمر
والله يل زهره قليله مدري منچ شعتذر

امقصر او جايچ تراني
جايب افراح او تهاني
واجمل الوان الاماني الحضرتچ هادي

ابرحمتچ قبليها مني
يلي متخيبين ضني
يا مليكة روحي إني عطفچ امرادي
يا خير واچفوفچ نهر هالليله
ميلاد زهراء الفخر هالليله
___________________________

ابو فاطمة الطائي

كذلك اعادة نشر
لمولد سيدتي ومولاتي فاطمة الزهراء عليها السلام .

صلاوات صلاوات على الزچيه فاطمه
____________________________

هالليله ميلاد الضوه والفرحه ما توسعنه
كوثر محمد اشرقت للدنيا اصبح معنى
لولا ضياء أم الحسن چا بل مهالك ضعنه

هيه نوراََ . . وسروراََ . وطهوراََ .. للگلب
هي نبعه .. هي شمعه .. هي رِفعه الكل محب

مقامات مقامات يعرفها بس رب السمه
صلاوات صلاوات على الزچيه فاطمه
____________________________

بزغت مثل وجه الشمس والدنيا ضوت بيها
خضّر دربها بالهلا او رب السما امحييها
مولدها چن زفة عرس ورد او شمع يضويها

ابحضن ابوها .. من لگوها .. شبهوها بالضوه
ماي صافي .. وجه دافي .. لليوافي ..چن دوه

ينادون ينادون مبروك عيد الغانمه
صلاوات صلاوات على الزچيه فاطمه
____________________________

ابّيت النبوه ازهرت واتعطرت اركانه
قرآن چنها اتنزلت يمدحها ضل قرآنه
كوثر يسميها الوحي بعناد كل عدوانه

هيه آيه .. وحكايه .. وهدايه .. للبشر
هيه رحمه .. هيه نعمه .. هيه نسمه بالسَحر

عطر هيل عطر هيل بيها العقيده سالمه
صلاوات صلاوات على الزچيه فاطمه
____________________________

محلاه يا هذا الفرح يجمع شمل خدامچ
امبارك يزهره مولدج يسعد جميع ايامچ
ارواح جبنه مو ورد يا فاطمه گدامچ

يا فرحنه .. يا املنه .. يا وطنه النعشگه
يا ضوانه .. يا دوانه .. يا هوانه النشهگه

عبيدچ عبيدچ وانتي الاميره الحاكمه
صلاوات صلاوات على الزچيه فاطمه
____________________________

ليچ التهاني من گلب مابي دغش مولاتي
رايات عليت ابفرح رفّت عله اولاياتي
واقرالچ ابيات الفرح وايهلهلن ابياتي

ذوله ربعي .. كلها تدعي .. واتتي سمعي هل دعا
يا أملنه .. ذا حفلنه ... قِبله منه .. اجمعا

بلياچ بلياچ منشوف حسن الخاتمه
صلاوات صلاوات على الزچيه فاطمه
____________________________

ليلة ولادة كوثرك يا ربي ليلك طوله
حد مطلع الفجر تضل صفگتنه والهلهوله
والما يعجبه هل فرح كون ابسقر گلوله

هل شعائر .. والمنابر .. كلشي ساهر للفجر
ما تعبنه .. اشما نشدنه .. هيه عدنه ابهل عمر

يزهراء يزهراء انتي فرحتي الدايمه
صلاوات صلاوات على الزچيه فاطمه
____________________________

أبو فاطمة الطائي

زهرآ يازهرا زهرا يازهرا
_______________________

يازهرا خدامچ بل مولد فرحانه
يا فرحة امن الباري نزلها ابأحسانه
صوغة انتي امن الجنه يانبعه او ريحانه
ما تسوه من دونچ يل زهرا دنيانه

زهرا يا زهرا زهرا يازهرا
_______________________

يافرحه يا بسمه يا نبضة دلالي
غير اسمچ يا زهرا ماعندي شي غالي
ياعيدچ حاسبله بالهجري او ميلادي
شهديلچ بالمولد هاذه الشاغل بالي

زهرا يا زهرا زهرا يازهرا
_______________________
حوريه وما مثلچ يل زهره حوريه
انسيه بل انتي تاج الكل انسيه
بنوارچ عرش الله او جناته مضويه
يازهره او كل زهره گدامج محنيه

زهرا يا زهرا زهرا يازهرا
_______________________

دريه مكنونه يا سر امن الباري
اعليچ انشد صحباني ومرات انشد جاري
بت طه او ام طه هاي امحيره افكاره ؟؟
ابهل معنه تتعثر يا فاطم اشعاري

زهرا يا زهرا زهرا يازهرا
_______________________

امبارك ميلادچ يا جنه امن الجنه
جايب لچ ورداتي او للمحفل اتعنه
يل زهراء او بسمچ ليل انهار اتغنه
اهديلچ دلالي اتقبلينه اتمنه

زهرا يا زهرا زهرا يازهرا
_______________________

ميلادچ نساني الامي واحزاني
ما اكتب بس حبچ هل شاعر خلاني
انشدلچ يوميه ويقرالج وجداني
يا صومي او تسبيحي يا ديني او قرآني

زهرا يا زهرا زهرا يازهرا
_______________________

ابو فاطمة الطائي

لميلاد سيدي ومولاي الامام محمد الباقر عليه السلام

للبـاقر اشـعـاري
وافراحي وازهاري
يل عايش بافكاري .... يل باقر يل باقر
_______________________

هل ليله فرحه والگلب ياسيدي ناده
مبروك يا شيعة علي مبروك للساده
ميلاد البعلو السمه سلطانه وامجاده
چنه الشهد واطيب بعد ياعيد ميلاده

مثل الطير انغرد
بسمك نبقه انردد
واعقدنالك مولد __ يل باقر   يل باقر
_________________________

ابميلاده فرحانه السمه والگاع مبتشره
واملاك نزلت للارض متعنيه للعتره
اتبارك الحيدر علي واتهني للزهره
ابهذا الوليد الي ترس كل الارض عطره

يا محلات ارسومه
يوم السعد يايومه
الي يجن مالومه __ يل باقر   يل باقر
_________________________

قرة اعيون الكل محب والكل گلب طاهر
انت الي رايد يوصفك لازم نبي او شاعر
يل تمشي بيه او يالنبض ياكحلة الناظر
عيدك امبارك سيدي يمحمد الباقر

دلالي مو بيده
بس انت اليريده
وايعيّد وي عيده __ يل باقر   يل باقر
_________________________

في يوم واحد من رجب جت اجمل ابشاره
مولد سميّ المصطفى والوارث انواره
ميلاد باقر كل علم واليحتوي اسراره
خير او يعم اعله الارض بالوانه وازهاره

دنيانه امحليها
عينك هايم بيها
صلى الله اعليها __ يل باقر   يل باقر
_________________________

هنيال كل شيعة علي الله لطف بيهم
ودّالهم باقر علم بعلومه يحييهم
كل يوم سجدات الشكر تتوجب اعليهم
منطيهم الله امحبتك چا شنهي ينطيهم

يا كوكب يا دُره
ياغصن امن الزهره
يعگال الكل غتره __ يل باقر   يل باقر
_________________________

ميلادك افراح او سهر والشيعه تتحنه
يا خير من رب السمه وامنزلك النه
انت انولدت اعله الارض لو نزلت الجنه
خير او عطاء او مكرمه هالليله تشملنه

يل تكرم خطارك
واتشمله ابنوارك
امبارك وامبارك __ يل باقر   يل باقر
_________________________

ابو فاطمة الطائي