من نسى قدر العرب حزة الشبعه
‏فالشدايد لا يصوّت بـ أساميها .

اللي على المجد داس الشوك برجوله
‏بكره بيمشي على سجّاد شيرازي .

‏بيني و بين المقـام السهل حالة نـفور
‏دايم ادور الحاجة اللي تستحق جهدي .

مابين الكتف واصبع الابهام
تلقى اللي لأجله ترتفع كل التحايا .
MBS ‏🇸🇦

‏ليا منّا لقينا كل بابٍ للأمل مسدود
‏طرقنا باب ربٍ ما عليه أقفال وحراسه .

‏عسى لي أثر طيب مواقف وذكرى خير
‏ونفس تنول اللي تمناه يا ربي

‏ولا تبتليني بالسعيّ في نصيب الغير
‏ولا تضيّع سنيني وأنا أدور لطبي

‏وهب لي بصيرة ما توردني التقصير
‏تميز قلوب الناس في كرهي وحبي

‏ ونورني أشوف الحقيقة مثل ما تصير
‏انا أشوف الاشياء مثل ما يشتهي قلبي .

ما فات خله و لا تهتم من باكر
و أغنم من اليوم ما ساقت توافيقه .

‏من طاح من عين الرضا حقه وجاه
‏أنا عن اللي ما يـناسب ترفّعت .

‏ألا يالله إنّا تحت هيبة سماك ضعوف
‏ولا نعلم الخافي ولا نضمن الخيرة

‏تدور السنين وغيبها ما هو بمكشوف
‏ومحاريفها مابين ضحكة و تكشيرة

‏وأنا عبدك الي يحتويه الرجا والخوف
‏يقصر و يستغفر اليا شاف تقصيره

‏تحت كف غيثك مارتجي للبشر معروف
‏لو تنوشه صدوف الزمان ومقاديره .

لو تختلف عند العرب بعض الأذواق
‏تلقى خفيف الروح كلٍ يحبه .

تغانموا ما يوصلكم لـ خضر الجنان
ليالي العمر ما تمشي على مهلها .

‏لو يردّك دمع ! سيّلنا لك بحر
‏ ولو يردك صوت صرنا لك رعود
‏
يرحمك ربي عدد قطر المطر
‏وعدد حبات الصحاري والنفود
‏
وعدد ماكبّر على القبله بشر
‏وعدد ركعات المصلي والسجود .

يقولون مابه قمةٍ تستوي بـ القاع
وانا اقول تحت القاع ودعت لي قمه .

كل ماواجهت لي طيّب دعيت الله تعالى
‏ما يوريه الظروف اللي تخليه يتردى .

اللي يبي العز لا ينشد عن الراحه
‏نيران الأمجاد تبغى من يصاليها .

سعود الفيصل

‏مبارك عليكم الشهر
اسأل الله أن يتقبل منا و منكم الصيام و القيام و صالح الأعمال 🤍 .