اول بارت تعريف بسيط :
هو الامام الاول
كنيته: أبو الحَسن
تاريخ مِيلادة : 13 رَجب ثلاثين من عام الفيل .
تاريخ الوفاة: 21 رمضان سنة 40 ه‍
مكان الميلاد : الكعبة _ مكة
مكان الدفن : النجف الاشرف
مدة امامته 29 عاماً
مدة حياته 63 عاماً
القابة : أميـر المؤمنين ، يعسوب الدين ، حيدر ، الكرار ، المرتضى ، زوج البتول ، سيف الله المسلول ، الوصي وكثير من الالقاب 🦋 ،
الاب ابو طالب
الام فاطمه بنتُ أسد
زوجاتة : فاطمة ( عليها السلام ) ، ام البنين ، اسماء ، امامة ، خولة ، ام حبيب ، ليلى ، أم سعيد .
أولادة : الحسن والحسين والعباس ، المحسن ، زينب ، ام كلثوم ، عثمان ، فاطمه .

نجي هسه نحجي بالتفصيل ...

انولد الامام بمكه المكرمه بالكعبة بعصر الجاهلية يعني قبل مايجي الدين الاسلامي ...
الامام علي يصير ابن عم الرسول ابو الامام علي ابو طالب هو الي ربى النبي مثل متعرفون النبي يتيم فتربى ببيت الامام علي ، طبعاً ولادته جانت غريبه كُـلش وصارت بيها معجزة مو طبيعية اكو رواية قريتها تكول ام الامام علي من صارت حامل حامل بي بعد 9 اشهر صار عدها الم مال ولادى فتوجهت للكعبة بوقته الكعبة بيها اصنام والدين الاسلامي بعده منازل ، فوكفت ام الامام يم الكعبة وكالت اللهم اني اسئلك بحق هذا البيت ومن بناه وبهذا المولود الذي في احشائي الذي يكلمني ويؤنسني في حديثةُ ..
والي جانوا واكفين يمها استغربوا شلون يعني يحدثها وشلون طفل ببطنها يحاجيها !!؟..
فظلت تدعي يم الكعبة ،

ع فكره ام وابو الامام والرسول جانو كلهم موحدين يعيني ميعبدون الاصنام بذيج الفتره جانو يتبعون دين النبي ابراهيم ،
فعموماً ام الامام علي ظلت تدعي يم الكعبه فالناس بوقتها يكولون وره شويه انشكت الكعبه وصار بيها فتحه فدخلت ام الامام علي بهاي الفتحه و اول مطبت انسدت يكولون حاولنه نفتح باب الكعبه متفتح
وحسب الرواية ظلت 3 ايام محد يعرف شنو صار جوه بعد مرور ال 3 ايام هم رجعت الكعبه نشكت وطلعت منها ام الامام وشايلته بيدها
فـ الامام علي "عليه السلام" انولد بالكعبة فمن طلعت وسئلوها شنو الي صار جوه كالتلهم ان الله فضلني ع جميع نساء واختارني ان الد في بيته العفيف
تخيل هذا الحجي الناس مايعرفون شنو الله اكثرهم جانو كفار وكلتلهم ضليت 3 ايام اكل من ثمار الجنه وفجأة سمعت صوت بأذني يكول اسمية علـياً فانا العلي الاعلى واني خلقتهُ من قدرتي واشتقت اسمه من اسمي وهو اول من يكسر الاصنام ويرميها … وفعلاً اسم الامام علـي هو اول اسم مشتق من اسماء الله الحسنى لان العلي هو اسم من اسماء رب العالمين.. وع فكره لحد هسه موجود اثر انشقاق الكعبه اذا ترحون المهم وتحجون راح تشوفون الاثر لهسه موجود

الامام علي اول منولد اجا الرسول ص' ف أول مشاف الرسول كام يضحك فنطق وكال " السلام عليك يا رسول الله ورحمه الله وبركاته"
لا ومو بس هاي على حسب الروايات يكولون كام يرتل ايات من القران الكريم ، والقران اصلاً بعدة منازل بدة يكبر الامام علي وي الرسول وجان ابد ميفارق النبي لان مثل مكلتلكم الرسول جان عايش ببيت عمه الي هو ابو طالب ابو الامام علي ..
من كبر الرسول وتزوج خديجه طلع وعاش ببيت وحده ، بس هنا هم معاف الامام علي اخذه للبيت ويا وتربى الامام علي على ايد الامام وهو صغير .
اكو روايات تكول الامام من جان صغير ابو شافه لازم الاصنام ويكسر بيهن على فطرته ميعرف فجان ابو خايف لايشوفونه الناس لان بذاك الوقت كلهم يعبدون الاصنام ..
ف الروايات تكول ميودي لمكان بي اصنام لان كل ميشوفهن يكسر بيهن من جان طفل.
الامام علي من كبر شوية وصار شاب چان يشتغل بالزراعه واشتغل هم بحفر ابار مال مي ،لحد مانزل الدين الاسلامي ونزل الوحي على الرسول ، فمن نزل الدين الاسلامي على الرسول هو اول شخص صار مسلم بالتاريخ الاسلامي ..
كو حديث للامام علي ع يكول " بعث الرسول يوم الاثنين وصليتُ معه يوم الثلاثاء "
فمن كثر ماجان الامام متقرب مز الرسول جان يكله يا علي انتَ اخي في الدنيا والاخرة .

ف الامام علي صار عمرة 24 سنه النبي صارت عنده بنية اسمها فاطمه الي هي فاطمه الزهراء .
هاي فاطمه هواي جانوا يجوها ناس للرسول يريدون يتزوجوها ف الرسول جان ميقبل يزوجها الهم ف اتقدمولها اغلب الصحابه والرسول كلهم جان يرفضهم ويكول الهم بعدها صغيرة لان وهي جان عمرها بوقتها 9 سنوات فمرة من المرات الرسول جان ديصلي جان ينزل علية ملك اسمه جبرائيل ، فكلة يا محمد ان الله يأمرك ان تزوج فاطمه من علي .
ف الرسول جمع كل الصحابة وكللهم ان الله امرني ان ازوج كريمتي فاطمه ب اخي وابن عمي علي ابن ابي طالب والله قبل هذا الزواج زوجهو بها في السماء بشهادة الملائكه وامرني ان ازوجكم بالارض واشهدكم على ذلك ..
واتزوج الامام علي من فاطمه وسموا هذا الزواج ب اسم زواج النورين .
الامام علي بفترة الرسول شارك بكل المعارك وجان اشجع انسان بالتاريخ الاسلامي ،ومن اهم معارك الامام علي هي معركه الخندق معركه الحرب ضد اليهود الي يسموها غزوة خيبر ، جانوا قبل اكو يهود يسمونهم يهود خيبر هذول جانوا يحرضون القبائل العربية الي جانت عايشه قبل على الرسول والمسلمين يخلون القبائل العربية يكرهون الاسلام والنبي محمد ف الرسول قرر يطلع يحاربهم وماعرف ليش هاي المعركه محد يذكرها حتى بفلم الرساله ميطلعوها هي ومعركه الخندق ، عموماً
بمعركه خيبر الرسول راح هو والمسلمين على مدينه خيبر جانت عبارة عن مكان بي سياج وباب عملاقه يعني تكدرون تعتبروها مثل القلعه وماكو غير مدخل واحد لهذا المكان الي هو خيبر باب وحده عملاقه ف الرسول جان يدز ناس عليهم يقاتلونهم بس محد كدر جانوا اغلبيتهم يخافون ف الرسول كال غداً سابعث رجلاً يحب الله ورسوله كرارٌ غير فرار .
لهذا السبب الامام علي يسمونه الكرار والرسول من كال كرار غير فرار لان جان كل ميدز ناس ينهزمون ويفرون هواي كانوا اكو مسلمين منافقين وي الرسول لا عبالكم كل الي وي الرسول زينين ، لا اكو ناس دخلت طمع للدين الاسلامي واكو ناس من خوفها صارت مسلمين بس بالاخير كلمن يبين على حقيقته

عموماً
الرسول قرر يختار الامام علي علمود يروح لخيبر ويقاتلهم ف الامام علي صعد على الحصان. وراح توجهه الهم فمن وصل جان اكو يهودي صاعد فوك كاله من انت كله انا علي ابن ابي طالب ف انفتحت الباب الجانت موجوده وطلع منها واحد اسمه مرحب هذا مرحب يهودي بس قبل جان معروف انو هو مقاتل قوي كلش وضخم كلش بحيث اضخم من الامام علي بمرتين .
وقبل جانو الناس اكثريتهم شعراء فجانت الناس قبل من تتقاتل يحجون بيت شعري فمن اجه هذا الي اسمه مرحب كال :
قد علمت خيبر اني مرحب
شاكي السلاح بطلٌ مجرب ُ
ف الامام علي" ع " رد عليه وكلة :
انا الذي اسمتني امي حيدرة
اكيلكم بالسيف كيل السندرة

حيدرة هو اسم من اسماء الاسد ام الامام علي ع" قبل من جان صغير جانت تصيحله بي .
ف الرواية تكول الامام رفع السيف مالته الي اسمه ذو الفقار فضربة بالسيق على راسة ..

انقسم راسه بالنص بحيث السيف نزل لحد اسنانة هنا اليهود من شافوا اقوى واحد عدهم انقتل سدوا باب القلعه مالتهم وطبوا جوه وانهزموا
الروايات هنا تكول الامام علي " عليه السلام" توجه على الباب لزمه ب اثنين اديه وقلعها من الباب قلع ، شلع الباب وسوا مثل الجسر وخله المسلمين يصعدون علية ويعبرون من عبروا المسلمين انتصروا عليهم ، الروايات تكول هذا الباب الي قلعه الامام علي " عليه السلام" حاولوا يشيلونه 40 رجل وماكدروا لحد ماوصل عددهم 70 شخص لما كدروا يشيلونه
لعد شكدد قوي الامام علي " عليه السلام" .

ورة مكملت المعركه الرسول كال للامام علي " عليه السلام" :
(يا علي انت مني بمنزله هارون من موسى الا انه لانبي من بعدي حربك حربي وسلمك سلمي وسرك سري وعلانيتك علانيتي ان الله عزوجل امرني ان اخبرك انك اول داخلٌ في الجنه )

كلنه نعرف انو الامام علي عنده سيف اسمه ذو الفقار ، شنو سالفه هذا السيف ومنين اجا وهسه هو وين ؟!

هذا السيف نزل بي جبرائيل على النبي محمد "ص" والنبي انطى الامام علي " عليه السلام" وهذا السيف تورث لكل الائمه ويسمونه ب اسم ذو الفقار لان الامام الباقر " عليه السلام " يكول ماضرب به احد من خلق الله الا وافقره الله في الدنيا والاخرة هو بشكل عام سيف نازل من السماء ..
وحالياً الروايات كلها تكول انو موجود عند الامام المهدي "عجل الله تعالى فرجه "

تدرون انو الامام علي " عليه السلام" حتى قاتل الجن ، بيوم من الايام الرسول جان ديمشي يم وادي هذا الوادي صاير بين الجبال من جان ديتمشى نزل عليه الوحي فجبرائيل كال للنبي :
اكو كفار من الجن يريدون يأذوك وموجودين بهذا الوادي .
ففعلاً راح الامام علي " عليه السلام" ويا 100 شخص لهذا الوادي اول منزلوا حسوا برياح كلش قوية يعني صارت عبالك عاصفه .
الي ويا يكولون من كد ما الرياح قوية ردنه نوكع على وجوهنه ف الامام علي " عليه السلام" صاح :
انا علي ابن ابي طالب ووصي الرسول وابن عمه اثبتوا ان شئتم .
والروايه تكول ظهروا على اشكال غريبه عدهم ادينات مشتعله نار وانهزموا وطبوا اسفل الوادي،
ف الامام لحكهم ببطن الوادي وكام يردد ب ايات من القران الكريم ،
والي ويا كاموا يسمعون السيف مالته كاعد يضرب وكام يطلع دخان اسود من بطن الوادي فقاتلهم الامام علي " عليه السلام"
الامام اسطورة لو شكد ماتقرون عنه متكدرون تخلصون عنده عجائب عقلك ميستقبلها ..

كبر الامام علي " عليه السلام" واتزوج بفاطمه الزهراء " عليها السلام"
وصار عنده اولاد الي هم الحسن والحسين ف اجتي لحظه استشهاد الرسول ، ف الرسول جمع كل اهل بيته وكللهم هاي اخر سنه الي وياكم وهنا عرف الامام علي " عليه السلام" راح يواجهه ويتحمل اذية من بعد الرسول موطبيعية وراح تظهر الاعداء والناس الي تكرهه خصوصاً الي جانوا يحسدون الامام علي " عليه السلام" على حب النبي "ص" اله .

ف الرسول وصى على الامام علي " عليه السلام" قبل لايموت وبحجه الوداع الي هي اخر حجه حج بيها الرسول بالمسلمين وكف بيها كدام كل العالم ورفع ايد الامام علي " عليه السلام" كدامهم وكال :
من كنت مولاة فهذا علي مولاة الله والي من ولاة وعادي من عاداه
ووصاهم انو هو الخليفه من بعدي ..

صباح الخير♥️

بصَراحة صباح الازعاجات ات ات ات🦦😂

المهم.

"نادي عليًا" كم بِها العلّاتُ تُشفىٰ!🤍


{«نادي عليًا مظهر العجائب تجدهُ عونًا لكَ في النوائب، كُل همٍ وغمٍ سَينجليّ بولايتكَ ياعليّ ياعليّ ياعليّ »70 مرة من المجربات باذن الله تعالى لقضاء الحوائج}

مبارك لكُم الولاية♥️

مُتباركين تَــــــك عيني
وكُل عامً ونحنُ من المُتمسكين بولاية ألأمير عليّ "عليهِ السلام "