السلام عليكم خدام الحسين اكو موضوع جاي يتداول في الكروبات ع مود قصيده كلهم فصل ماريد اخواتي الي اثارو الموضوع والقصيده قديمه اريد اكلهم شكد بكلوبكم حقد عليه اشكد مضغوطين اشكد شايلين خباثه واكول الكتب ان شاءالله ما تتوقف بسبب كلامكم الداني وغير مبريه الذمه الشاركت بل موضوع تاخذ اي كتاب او اي قصيده من القنات مني وتقراها ما ابريجن الذمه المشاركه بل موضوع وبعد تقرالي والحسين خصيمها وابو فاضل

وشكري وامتناني لشاعرتنه القديره ام حسين العسكري بسبب موقفها المشرف بجانبي تحياتي الها ولكل خادمه دافعت عني

مع الاسف اللي يحقد و يشيل ابگلبه على شخص يروح يشوه سمعته

ام جعفر معروفه مو اليوم والبارحه ربي يوفقها و يعلي مراتبها
لا تهتمين علويه حبيبتي الزهراء والحسين لو ماراضين عنج ما توصلين لهذا التوفيق هنيأً الج


وداعتج اللي حجو عنج نفسهم مگطعين نفسهم على قصايدج ويقرون بيهن


اتمنالج كل التوفيق و اشوفج باعلى المراتب و من ابداع لإبداع ان شاءالله



اختج الصغيره ✍️ رغد البهادلي

*﷽*
اللهم صل على محمد وال بيت محمد وعجل فرجهم الشريف ياالله 🤲
🌺قصيده تراث ( للقاسم ع ) 🌺
طور *( ليلى اتنادي )* للمرحوم حمزه الصغير
——————————————————

رمله .. اتنااادي
جسام بعدك زاد انه  اونيني


رمله اصبحت هاليوم      ثكله   بابنها
و المنها  راح   اوليد       شنهو حزنها
ذاكه  رباها   ايروح     و سهرة جفنها
اتطلبه  تعب ارباه        و تطلب لبنها
رمله  ...  اتنااادي


گلبي انترس من راح  اهموم ومصايب
ثاري  الولد  يا ناس     اغله  الحبايب
حگي  اون  اعليه      و دلالي  ذايب
وسفه ثمرتي اينام     فوگ  الترايب
رمله  ...  اتنااادي


يا ثمر گلبي اعليك    ما يهده وني
جاسم يلب احشاي   يالولد  يبني
يبني التراب شلون    باگاك   مني
لا تنسه امك كون     يالرحت عني
رمله  ...  اتنااادي


الراح  ابنها  اتعيش     لا حيل  عدها
الربت و تعبت عليه     ضلت  وحدها
جا المن اتضل ياخلگ  الفگدت ولدها
راح التحسبه ايدوم   و ايضل سندها
رمله  ...  اتنااادي


يا ناس الامضيعه الولد     تبقه  مچدره
الما عرستله اتضل تبجي ابحسره
اتعيش بالهم و الحزن    و بالگلب جمره
و ااخ اليفارگ مو سهل      الله اليصبره
رمله  ...  اتنااادي


ابدال العرس يبني    عرسك للاكبور
و الحنه عجنوها       من دم الانحور
يا نار  الامدلل          و بگليبي  اتفور
تعبانه اصيحن حيل    و الظهر مكسور
رمله  ...  اتنااادي

—————————————————
*تمت بقلم خادمة اهل البيت ع ✍️الشاعره 🎤والملا رغـد الـبـهـادلـي*
ذمة عدم حذف الاسم
https://www.tgoop.com/Ragadalbhadley

مشكوله ذمتها الماخذه المستهل و مغيره القصيده و ناسبتها الها 👆

هاي من ٢٠١٩ كاتبتها اني

قصيده فزاعيه ( ليلة الوحشه )
.....................

گوه اليوم اون الكم يالاخوان
تعبانه تراني و حيلي خلصان


گوه انحب عليكم ما الي حيل
نشف دمعي ابكثر ما ليكم ايسيل
بكل خطوه اصيحن ااه يا ويل
و الحسرات خلن گلبي تعبان

تعبان الگلب ما بيه عالنوح
بس الروس فوك ارماح واتلوح
حتى النوگ تبجي بدمع مسفوح
لو سمعتني اون مدمعها جريان

تبجي النوگ حنت حيل وياي
و حست بالهضم جنها اعله بلواي
ابلا هودج عليها امشي ولا افياي
و متني من الضرب هدّل و وجعان

يوجعني المتن توجعني الاصفاح
السوط اللي يطگني بالظهر لاح
و گلبي ابضيمه ضل مشلوع سباح
و ما بيه اون و الگلب ولهان

تعبني الدرب و الروح حنت
و من اسمع بنات حسين ونت
يا روحي عليهن حيل لهفت
اديهن ناعمه و الدمه جريان

اصد لجفوفهن مجتوفه بحبال
تجري ادموم و اني ابدمع همال
اصيحن صبرن شويه على الحال
بعد ماكو رحم من بعد الاحنان

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam