HAPPY BIRTHDAY MONKITH 🧡 .

مرحبا شباب
احتاج توقعولي هاي العريضة
مجرد تدخلون اسمكم و الايميل و تدوسون sign this petition
و ياريت الي وقعها يدز انه وقعها

http://chng.it/wctGySDY5Q

مالها علاقة بلعراق
فدشي الي اعتبروه اذا ممكن
و اشكركم مقدما

بما انه النتيجة متقاربة
ف رح أنزلها اجزاء لان القصة طويلة

الجزء الأول

منو Timothy Dexter؟

هو شخص انولد ب 1747 بمادلين بماساشوستس الي هي بامريكا
بدايته جانت عادية كلش
عاف المدرسة و هو عمرة 8 سنين بس
واشتغل فلاح و بالجلود هم

بس جان دائما يحس انه هو يستاهل اكثر
ف لمن كبر اتزوج Elizabeth Frothingham الي مواليدها 1770

اليزابيث جانت ارملة غنية و هو تزوجها

ف هسة بما انه صار غني
شاف كل الاغنياء عدهم سلطة و منصب
ف هو هم راد يصير مثلهم
بس محد بمادلين جان يريد ينطي منصب لواحد عاف المدرسة من هو صغير اكيد
و هواية دز طلبات علمود يحصل اي منصب و جانوا يهملوها

بس اخر شي المسؤولين ايسوا منة و اخترعوا منصب جديد بس حتى يصير عندة منصب
زين شنو جان هالمنصب
جان "مخبر الغزلان" او "Informer of Deers"
مسؤول عن الغزلان بلمنطقة
بس الحركة وين
ماكو غزلان هناك اصلا!!

ف حرفيا جان كلش نصبة و كلش غبي بس هو فرح بلمنصب يعني فطسسسست

ف وراها قرر يفكر بسوالف تجارية واقتصادية و هلسوالف

ف شسوة
ب 1775 لمن مادلين جانت تريد تنفصل عن بريطانيا لان مادلين جانت مستعمرة بريطانية
ف جزء من هلحركة سوووا عملة جديدة اسمها ال Continental Dollar
بس الظاهر بذاك الوكت الظاهر الغباء جان شي طبيعي
ف الكونغرس قرر يطبع كومة من هاي العملة الجديدة
ف مثل ما الكل يعرف لمن تطبع هواية من عملة معينة رح تصير بدون قيمة
ف العملة هاي صارت بدون قيمة

ف بوكتها انطوا هواية من هالفلوس كرواتب لل Continental Army الي جان يقاتل علمود الاستقلال و هالحركات
ف لمن خلصت الحرب صار افراد هذا الجيش عدهم هواية من عملة مبيها اي فائدة
ف شفكر الكونغرس كال ننطيهم فلوس مقابل العملة الي مييها فائدة و ناخذها منهم
ف جانوا ينطون 1% من القيمة مال العملة الي خرطت وينطوهم بالدولار بدالها
هلشي يبين لا شيء نسبة قليلة و مراح يحصل الواحد شي
بس تيموثي قبلها اشترة كميات جبيرة و صرف اغلب مدخراتة حتى يشتري من Continental Dollar
ف صار اغنى من ورة هلحركة

اوكي اكيد هو القصة مو بس هيج وتنتهي
سوة تيموثي 40 تمثال ل 40 شخصية امريكية
وحدة من هاي التماثيل جانت لنفسه و كتب على نفسة قطعة مكتوب بيها 'The greatest philosopher in the western world" يعني اعظم فيلسوف بالغرب
و هلشي طبعا خريط لان هو جان غبي و حتى مدرسة ممخلص و حتى املاء ميعرف

ف ورة ما شافوا الناس شديصير وياه ف انطوه نصائح استثمارية غبية حتى يفلس
ف كلولة ليش متدز Warming pans للكاريبي
ال warming pans جانت اشياء تشبه الطاوة (رح اسميها طاوات) الواحد يحط بيها فحم و يشعلة و يحطه جوة الفراش البارد حتى يدفيه
ف هلشي جان يفيد بالمناطق الباردة مثل اوربا و ابد ميفيد بالمكانات الاستوائية او الحارة مثل منطقة الكاريبي
بس لان هو غبي ف صدك بكلامهم و شحن سفينة بيها 40 الف طاوة للكاريبي

بس لمن وصلوا سكان الكاريبي صفنوا و معرفوا بشنو رح تفيدهم حتى يشتروها بلاساس
بس اشتروها حتى يستخدموها كمغارف بصناعة دبس السكر!
ف حصل ربح بنسبة 80 بلمية تقريبا بسبب غبائه!

و اكيد غباء تيموثي مراح يوكف لهنا
و الحظ مالته هم مراح يوكف

رجال الاعمال لمن شافوا فكرتهم جابتلة ربح عكس المتوقع
جتهم غير فكرة
كلولة دز شحنة فحم ل newcastle الي هي ببريطانيا
بذاك الوكت newcastle جانت اكبر مصدر للفحم
و جانوا الناس لمن ينصبون على احد يكلولة ودي فحم ل newcastle و يكولوها بالشقة
باعتبار شي غبي كلش
ف لمن كلولة ودي فحم الهم هو فعلا دز فحم هواية كلش ل newcastle
بس الشحنة مال الفحم متوصل راسا تاخذلها فترة
ف بالوكت الي وصلت بيه شحنة الفحم جانوا عمال المناجم مسوين اضراب عن العمل
ف باع الفحم بسعر اغلى من الطبيعي اصلا!

ف ورة هلاحداث صارت عندة ثقة جبيرة بتصرفاته
ف مرة لكة مجموعة بزازين ضالة
ف جمعهم و يعني اكيد ببلاش ذولة لان متابعين لاحد
و هم دزهم للكاريبي بدون ميفكر ليش ديدزهم
ف بين موصلوا جان بالكاريبي اكو مشكلة انه هواية عدهم فئران
ف اشتروا كل البزازين علمود تحللهم هاي المشكلة

وراها طخت ببالة يشتري كل عظام الحيتان الي ممكن يلكاها
و الي مجان بيها اي فائدة لمن اشتراها
بس ورة فترة قصيرة بفرنسا طلعت مودة جديدة الي هي "الكورسيه"
ف الطلب على العظام صعد كلش
حرزوا شصار
تيموثي حصل ربح خرافي مرة لخ!

هسة نجي شجان يسوي خارج مجال البزنس والتجارة
تيموثي جان يعتبر نفسه عندة علم بكل المواضيع
ركزولي على "جان يعتبر نفسه"

مرة من المرات جان ديتمشى وشاف واحد ديكتب قطعة لتمثال هستوهم مسويه لجفيرسون
ف لمن شاف انه كاتب بالقطعة على انه جيفرسون كتب وثيقة الاستقلال ضاج كلش وكلة غلط
ف كلة يغير الكتابة ف الي ديكتب مقبل يغيرها
ف جان يطلع بندقية و بقة يضرب طلقات يمة لحد ما وافق الي ديكتب و غير الي ديكتبه

المشكلة انه جيفرسون فعلا كتب اعلان الاستقلال و هلشي جان هستوة صاير قبل 10 سنين
ف الرفض مالته كانما يجي واحد هسة يكول انه المالكي جان خوش رئيس

تيموثي حتى يبقى يحس بالعظمة جان يحيط نفسه باغبياء مثلة
حتى عائلته جانت غريبة
جان عندة ثنين ولد الي جان المجتمع يوصف واحد منهم انه نص مخبل و نص سكران
و الولد اللاخ جان يوصفوه انه مخبل و سكران 100%

و جان يكره زوجته و وصل لمرحلة لمن يجوه ناس للبيت يكلهم اني ممتزوج
ولمن يسمعون صوت بلبيت (الي هو صوت مرته) و يسالوه شنو هذا الصوت
يكلهم لا ماكو احد بس عندي شبح بالبيت

و مرة طخت عندة انه يزيف موته
و يسوولة جنازة كاملة!
حتى بس يشوف شكد رح يجون ناس
ف اجوي 3000 شخص للجنازة
و جان هو واكف ديتفرج من بعيد
ف لمن شاف زوجته مدتبجي عليه طلع للناس وضربها على راسها بعكازة كدام الكل لان مدتبجي عليه
(مع العلم هو جان معاملها بشكل سيء كلش بحيث يكول للناس انه هو ممتزوج و انه هي ميتة)

ولمن جان موعد موته الحقيقي ديقترب فعلا
فكر انه يكتب كتاب حتى يبقى شي هو مسويه للاجيال
اسم الكتاب "A Pickle for the Knowing Ones"

الكتاب جان عبارة عن تمضرط بكل المواضيع مثل السياسة و الدين و حتى زوجته و اي شي يجي ببالكم
الكتاب جان نص الكلمات املائها غلط و ما استخدم اي علامات ترقيم

امثلة بسيطة على الكلمات الغلط الي كاتبها
رح اكتب الكلمة الغلط والصحيحة
jorge washeton - George Washington
Adetetoude - Attitude
felosfer - Philosopher
tobacker - هاي ماعرف اصلا شنو يقصد بيها فطست بس اعتقد قصدة Tobacco
jnrel - General
وهاي مثال بسيط من كتابه
تكدرون تطلعون الكتاب الحقيقي وتقروه فطست
الكتاب كلة املاء غلط و ماكو علامات ترقيم

بس كالعادة الكتاب انباع بسرعة
حتى الكتاب الغبي انباع!

ف لمن اجته انتقادات انه الكتاب مالته املائه غلط و ماكو علامات ترقيم
كتب كتاب ثاني هم بدون علامات ترقيم
و اخر صفحة جانت بس علامات ترقيم (الصورة الموجودة هي صورة حقيقية من الكتاب)
و كتب وياها هاكم علامات ترقيم حطوها وين ميعجبكم
*كلش داضحك لمن داكتب القصة خرببببببببببببببببب