كان من دُعاء النبي ﷺ:
‏"وأسألُك قُرَّةَ عينٍ لا تنقطع"
‏وقُرَّة العين قيل: معناها بَردُها، وانقطاعُ بُكائِها واستِحرارها بالدَّمع؛ فإنَّ للسُّرورِ دَمعةً باردةً، وللحُزن دمعة حارَّة، وقيل: هو من القرار أي: رأَت ما كانت مُتشوِّقة إليه، فقَرَّت ونامت!🥺

لازم وانت داخل على رمضان تكون محدّد النُّقطة اللي هتنطلِق منها في العبادة

محدّد نقطة انطلاقَك المَقصود بيها مَعرفتك هتبدأ منين.. وكلنا بنختلف هنا
علشان مش كلنا نفس مُستوى العبادة

حد لسه هيبدأ يثبَت عالفرائض، ماينفعش يتارجِت على قيام ١١ ركعة
حد عُمرُه ما أتمّ ختمة واحدة فـ ٣٠ يوم ماينفعش يتارجِت على ٣-٤ ختمات
وخليك عارف ان جدولك في رمضان، غير جدولي، غير جدولهُم
علشان مش كلنا هننطلق من نفس النقطة

وبلاش حماسَك ناحية رمضان يخلّيك تفكّر انك هتدخل تقفّل اللعبة، لو الشياطين الكُبرى متسَلسلة فـ انت نفسَك كَفيلة بيك وشياطين الإنس مابيتوصّوش..

فـ لازم تحدّد انت هتبدأ منين والصّدق والواقعيّة في المرحلة دي مُهم جدًا.

تاني نقطة حدّد عايز تَنتهي من رمضان وانت محقّق إيه.. ماينفعش تسيب نفسَك اللي تحققه تحققه واللي ماتحققهوش ماتحققهوش وزي ما تيجي تيجي، لأ لازم تحُط هدَف يحفّزك علشان لما تعدّي عليك أيام فتُور..
وُضوح الهدَف قُصاد عينيك هيدفَعك ويشجّعك باستمرار بإذن الله

وخلّيك واقعي في تحديد الهدف
مثلًا هدفي أختم مرتين، أنتظِم على ٥ ركعات قيام، أتوب عن ذنب مُعيّن، وهكذا (ودا بتحدّده بُناءًا على مَهامك في رمضان، يعني لو عندك شُغل أو دراسة لازم تحطّهم في الاعتبار)
ربنا سُبحانه وتعالى يفتح عليك وتحقّق أكتر من هدفَك لكن رقم واحد تحدِّد وتستعين بالله -عزوجل- وتتوكّل عليه..

رمضان يوم السبت 1مارس
• وقت الإفطار 5:54
• وقت الفجر 4:54

أحيوا سُنّة التبشير بدخول رمضان:
عن أبي هريرة رضي الله عنه قال كان رسول اللهﷺ يُبَشِّر أصحابه بقدوم رمضان فيقول:
"قد جاءكم شهر رمضان شهرٌ مبارك ، كتب الله عليكم صيامه ، فيه تُفتح أبواب الجنة وتغلق فيه أبواب الجـحيم ، ‏وتغل فيه الشيـاطين ، فيه ليلةٌ خيرٌ من ألف شهر ، من حُرِمَ خيرها فقد حُرِم". 🌙

بنات عاوزه أتكلم فِي حاجه مهمه ممكن معظمنا مش واخدين بالهم...

احنا لما نصوم مش بنصوم عن الأكل والشرب وبس... لا، الصيام أنك تصومي عن كل حاجه عن الكلام وعن الكذب وعن الرياء وعن أنك تفكري فِي أي حد.
وسيدنا محمد قال. صل الله عليه وسلَّم .قال:
(مَنْ صَامَ رَمَضَانَ إمَانًا وَاحْتِسَابًا غُفِرَ لَهُ مَا تَقَدَّمَ مِنْذَنْبِهِ . رواه البخاري) صدق رسول الله...

يعني يابنات..شهر رمضان شهر اختبار وسباق يتسابق فيه العباد ليُروا الله من أنفسهم خيراً .
ومعني احتسابا ايه؟ احتسابا ببساطه يابنات يعني "النيه"
أنك تنوي وتستحضري في قلبك ثواب العمل الصالح ال احنا بنتمناه من الله عند القيام به فشجعو أنفسكم واطلع علي قلبك عشان تاخد الثواب العظيم من وار العمل دا
يعني متفكريش فِي حد لا يجوز ليكِ عشان نيتك فِي الصيام متروحش علي الفاضي لااازم تغضي بصرك وتسيطري علي افكارك شهر رمضان شهر اختبار ولازم تنجي فيه فاهمني ياحبايبي.🎀

احفظوها جيّداً ، كم نحتاجها ! ❤️

قال الإمام ابن القيم رحمه الله تعالى :

"من أدام التسبيح أنفرجت أساريره ، ومن أدام الحمد تتابعت عليه الخيرات ، ومن أدام الإستغفار فتحت له المغاليق ".

رمضانُكم مبارك وقلوبكم فرحانة ودعاؤكم مقبول وخواطركم مجبورة وأملكم في الله غيرُ خائب

‏"ورفعتُ كفي والمطالبُ جمّةُ
لكن ربي واسعُ الرحماتِ "
❤️❤️

تأتي سورة الكهف كل اسبوع لنأخذ منها أجوزا زائدة، وتودع فينا من جميل القصص ما تنير دروبنا.

من قرأ سورة الكهف يوم الجمعة أضاء له من النور ما بين الجمعتين.

- حبيبنا المصطفى ﷺ

اللهمَّ صلِّ على نبينا محمد

اللهم صل على نبينا محمد صلاةً تُحسنُ بها الأخلاق وتُيسر بها الأرزاق وتدفع بها المشاق وعلى آله وصحبه صلاةً دائمةً من يوم خلقت الدنيا إلى يوم التلاق واسترنا بين يديك يا عزيز يا خلّاق
❤️❤️

يارب أن يأتي رمضان
محملًا بإجابة دعواتنا

كُن سبباً في كثرةِ الصّلاةِ على النّبي ❤️

الوارد عند رؤية أي هلال من الأهلة هو ما رواه الإمام أحمد أن رسول الله صلى الله عليه وسلم كان يقول عند رؤية الهلال: اللهم أهله علينا باليمن والإيمان والسلامة والإسلام ربي وربك الله.

الحمدلله الذي زاد في أعمارنا لنعيش رمضان مرة أخرى ، فرصة أخرى لغفران الذنوب ❤️

يارب ابعد عن المعاصي في رمضان
يارب ارزقني تدبر القرآن في رمضان
يارب مكسلش عن التراويح
يارب أعني علي الصوم
يارب أعني علي ذكرك وشكرك وحسن عبادتك.

‏"رَبِّ هَبْ لِي مِنَ الصَّالحِين، صاحِبًا وحبيبًا."

"اشدُدْ بِه آزرِي، وأشرِكهُ في أمري، كَيْ نُسَبِّحكَ كثيرًا ونَذكُرَك كثيرًا."

في رحلتك في الحياة وفي أي خطوة تمشيها؛ إوعى تستبعد حاجة عن ربنا، ولا تستكتر حاجة على نفسك.
مفيش حاجة اسمها ده صعب وده بعيد وده مستحيل، ولا في حاجة اسمها اللي حصل حصل وفات الأوان!
في حاجة اسمها سعي وأخذ بالأسباب، في حاجة اسمها توكل على الله وتسليم لله، ومفيش أبدًا حدود لأي إنسان بيسعى وهو متوكل على الله..
(إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ)
كل حاجة ممكن تحصل، وكل الأسباب ممكن تتسخر، وكل الأبواب ممكن تتفتح، بس لأن ربنا أراد ده!
انت تستحق كل جميل
وربنا كريم وهيراضيك.

"ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ"
لأجل أننا مُسلمون،
وتعظيم شعائرِ الله فريضة؛
رمضان مُبارك، وكل عامٍ وأنتم بخير.💗

طَيب الله رمضانكم وأعاده علينا
وعليكم بالخير واليمن والبركات.