رِوايات سُودانية🪐🤎!)"

رِوايات سُودانية🪐🤎!)"

#ثمن_الاختيار ❤️ حلقة 13 و 14 متابعة ممتعة

#ثمن_الاختيار❤️
حلقة 13

أنتَ لا تستحق إنتظارًا واحدًا، عاتبةٌ على "قلبي" الذي هواكَ حتى في الغياب.))

لما قال لي:
_بتحبي؟
=منو هو؟
_زميلك الإتقدم ليك بتحبي ولا لقيتي ك خيار؟
=أعرس ك خيار ليه من عدم العرسان يعني؟
_قولي إنك بتحبي أو لا.
=أكيد بحبو.
_مريم انا عايز أسالك سؤال بس ما عارف أجيبو ليك كيف؟
"سكت مسافة بعدها قال:
هو إحنا مش كان في بينا حاجة؟ أو كان في مشاعر مشتركة على الأقل؟
=حتى السؤال ما عارف تصيغو كيف عمومًا أنا ما بنكر إنو كان في شي بس من ناحيتي إختفت زيما إنت فجأة قررت تختفي.
_أنا متين إختفيت؟ بالعكس أنا كنت مستغرب إنتِ الما كنتِ بترسلي لي حتى بعد عرفت إنو تلفونك إتسرق وجبتي تلفون كنت منتظرك ترسلي تطمني علي أقلاها بس دا ما حصل.
=الموضوع ما تحدي منو يرسل اول إنت كان بإمكانك ترسل بس عارف مشكلتك شنو؟ بتفضل مستني مني أبادر على طول.
_بس يا مريم أنا كنت بسأل منك أخواتي وأمي بس ما ..
=برجع وأقول مشكلتك بتنتظر وما بتحاول.
_ما كان موضوع بستاهل تفصليني عشانو.
=إحنا لما بنحب بنبقى عايزين يتعمل لينا زي ما بنعمل بنفس الطريقة.
_قصدك إني ما كنت بحبك؟
=ما صرحت لي.
_الحب أفعال وإنتِ وكل الحوالينا عارفين.
=جات علي لحظات سألت نفسي الضمان شنو إنك بتحبني بجد وإنت ما صرحت لي بيها الأفعال براها برضو ما كفاية.
_يعني أفهم كل شي إنتهى؟
=مافي شي ح ينتهي نحن أهل وأخوان قبل كل شي الح يتغير إنو كل واحد فينا ح يبدا حياة جديدة والفات إعتبره فترة مراهقة وعدت.
_ما كان فترة مراهقة بالنسبة لي كنت واعي وكبير كفاية وإخترتك وبنيت عليك أحلام كتير .. مريم أنا بجد كنت عايزك وكنت متوقع إنك إنتِ كمان منتظراني واول ما جيت كان في خاطري أشوفك اول وحدة وأعمل خطوة جادة بس جيتي حسيتها عادية معاك كأنو ما كنتِ منتظراني ولا نفسك تشوفيني ما فاهم الـ خلاك تتغيري كدا شنو؟
=عامر لو دي كانت بت تانية غيري إنت ح تتعامل معاها كدا؟ ما ح تصرح بمشاعرك؟ ما ح تهتم شوية؟ ح تختفي وتجي على كيفك والمفروض هي تكون مستنياك؟
_أنا أسف على الفات يا مريم والجاي أوعدك ح يكون حلو.
=ما جاوبت على أسئلتي وسكوتك معناه لا وبي كدا حسستني إنو أنا ما أستاهل البيتعمل للبنات.
_أنا غلطان وبعتذر يا مريم.
=في حاجات الف إعتذار ما ح يغيرها يا عامر ما دايمًا ح تعرف تصلح أي شي بـ إعتذارك عنو.
_أعمل شنو عشان تسامحيني.
=خليها للأيام كفيلة تداوي كل جروحنا وتصلح كل شي بس حاليًا ما عندي شي أعملو ليك الزمن كفيل ينسيك.
_زيما نساك ومحى الكان بينا؟
=من بدينا نتكلم وإنت بتقول الكان ودا أكبر دليل لي وليك يا عامر إحنا لو حسبناها صح إنو ما كان في حاجة واضحه بينا أنا الإتعشمت فيك أما بالنسبة ليك كلو كان عادي أنا ما قادرة أصدق إنك قريت جامعة وخلصت وسافرت وحصلت تغييرات كتيرة في حياتك كل دا وما حصل ولا تغير في علاقتي بيك إنت ممكن تكون واثق 100% إني قافلة عليك بس أنا لو سألتك ح تجاوب بصراحة إنو ما كان في حياتك غيري؟ لأنو تصرفاتك ما بتوحي كدا لو بجد أنا الوحيدة في حياتك ما كان إستغنيت عني بالبساطة دي البعرفو إنو الزول البعز عليك صعب جدًا تفرط فيه أو حتى تخسره بسهولة.
_"فضل ساكت ما عرف يقول شي"
=عمومًا إنت قبل كدا ما عملت أي خطوة أو حتى قلت شي كُنت متوقعة منك قبل تسافر تفتح موضوعنا مع أهلي هما وقتها أكيد ما كانو ح يرفضو أو يطلبو منك شي بس وقتها ما كنت بتفكر غير في نفسك وكنت ضامني شديد.
_ما تقولي حاجة ما عارفها يا مريم نحن كُنا في وضع صعب ح تكون أنانية مني أفكر في علاقتنا وناس بيتنا ما لاقين ياكلو.
=إنت دايمًا عندك مبرر لـ أي شي.
_وإنتِ عنيدة من لما كُنتِ صغيرة وبعدين ما أولى أنا من الغريب ونحن متفاهمين يا مريم أنا بعرفك أكتر من نفسي وإنتِ بتعرفيني البمنع نكون سوا شنو؟
=عشان عارفاك كويس ما ح أفكر فيك تاني وأنا الحمدلله أخذت زعلتي وربنا عوضني وإنت كمان ربنا يعوضك.

كان لازم أقعد القعدة دي مع عامر .. كان لازم أفهمو لأنو تصرفاتو من جا كانت مستفزة .. فجأه عايزني أرجع أتعامل معاه عادي؟
عايز يلف ويرجع ويلقاني في مكاني ودي حاجة مستحيل تحصل مهما كان عندي مشاعر ناحيته.
عامر قدر يهدم أي شي كان حلو في يوم من الأيام بغيابه عن تفاصيلي المهمة ولحظاتي الإحتجت فيها وجودو معاي.

_______

"عند ملك"

كنت لسة زعلانة من نفسي عشان إتكلمت مع عمرو بالطريقة دي وإني لومتو على حاجة ما في يدو.
بزعل من نفسي لما ألقى إني بقيت جزو من قصص أنهار الما بتخلص دي حتى هي نفسها ما بتركز مع الموضوع كتير زي الطفل بالضبط اول ما يلقى لعبة جديدة بجدع اللي كانت عندو.

www.tgoop.com/RwayatSudan/42777

2.1K viewsتنزيل صابر ♡, Mar 18, 2023 at 09:51

#ثمن_الاختيار❤️
حلقة 13

أنتَ لا تستحق إنتظارًا واحدًا، عاتبةٌ على "قلبي" الذي هواكَ حتى في الغياب.))

لما قال لي:
_بتحبي؟
=منو هو؟
_زميلك الإتقدم ليك بتحبي ولا لقيتي ك خيار؟
=أعرس ك خيار ليه من عدم العرسان يعني؟
_قولي إنك بتحبي أو لا.
=أكيد بحبو.
_مريم انا عايز أسالك سؤال بس ما عارف أجيبو ليك كيف؟
"سكت مسافة بعدها قال:
هو إحنا مش كان في بينا حاجة؟ أو كان في مشاعر مشتركة على الأقل؟
=حتى السؤال ما عارف تصيغو كيف عمومًا أنا ما بنكر إنو كان في شي بس من ناحيتي إختفت زيما إنت فجأة قررت تختفي.
_أنا متين إختفيت؟ بالعكس أنا كنت مستغرب إنتِ الما كنتِ بترسلي لي حتى بعد عرفت إنو تلفونك إتسرق وجبتي تلفون كنت منتظرك ترسلي تطمني علي أقلاها بس دا ما حصل.
=الموضوع ما تحدي منو يرسل اول إنت كان بإمكانك ترسل بس عارف مشكلتك شنو؟ بتفضل مستني مني أبادر على طول.
_بس يا مريم أنا كنت بسأل منك أخواتي وأمي بس ما ..
=برجع وأقول مشكلتك بتنتظر وما بتحاول.
_ما كان موضوع بستاهل تفصليني عشانو.
=إحنا لما بنحب بنبقى عايزين يتعمل لينا زي ما بنعمل بنفس الطريقة.
_قصدك إني ما كنت بحبك؟
=ما صرحت لي.
_الحب أفعال وإنتِ وكل الحوالينا عارفين.
=جات علي لحظات سألت نفسي الضمان شنو إنك بتحبني بجد وإنت ما صرحت لي بيها الأفعال براها برضو ما كفاية.
_يعني أفهم كل شي إنتهى؟
=مافي شي ح ينتهي نحن أهل وأخوان قبل كل شي الح يتغير إنو كل واحد فينا ح يبدا حياة جديدة والفات إعتبره فترة مراهقة وعدت.
_ما كان فترة مراهقة بالنسبة لي كنت واعي وكبير كفاية وإخترتك وبنيت عليك أحلام كتير .. مريم أنا بجد كنت عايزك وكنت متوقع إنك إنتِ كمان منتظراني واول ما جيت كان في خاطري أشوفك اول وحدة وأعمل خطوة جادة بس جيتي حسيتها عادية معاك كأنو ما كنتِ منتظراني ولا نفسك تشوفيني ما فاهم الـ خلاك تتغيري كدا شنو؟
=عامر لو دي كانت بت تانية غيري إنت ح تتعامل معاها كدا؟ ما ح تصرح بمشاعرك؟ ما ح تهتم شوية؟ ح تختفي وتجي على كيفك والمفروض هي تكون مستنياك؟
_أنا أسف على الفات يا مريم والجاي أوعدك ح يكون حلو.
=ما جاوبت على أسئلتي وسكوتك معناه لا وبي كدا حسستني إنو أنا ما أستاهل البيتعمل للبنات.
_أنا غلطان وبعتذر يا مريم.
=في حاجات الف إعتذار ما ح يغيرها يا عامر ما دايمًا ح تعرف تصلح أي شي بـ إعتذارك عنو.
_أعمل شنو عشان تسامحيني.
=خليها للأيام كفيلة تداوي كل جروحنا وتصلح كل شي بس حاليًا ما عندي شي أعملو ليك الزمن كفيل ينسيك.
_زيما نساك ومحى الكان بينا؟
=من بدينا نتكلم وإنت بتقول الكان ودا أكبر دليل لي وليك يا عامر إحنا لو حسبناها صح إنو ما كان في حاجة واضحه بينا أنا الإتعشمت فيك أما بالنسبة ليك كلو كان عادي أنا ما قادرة أصدق إنك قريت جامعة وخلصت وسافرت وحصلت تغييرات كتيرة في حياتك كل دا وما حصل ولا تغير في علاقتي بيك إنت ممكن تكون واثق 100% إني قافلة عليك بس أنا لو سألتك ح تجاوب بصراحة إنو ما كان في حياتك غيري؟ لأنو تصرفاتك ما بتوحي كدا لو بجد أنا الوحيدة في حياتك ما كان إستغنيت عني بالبساطة دي البعرفو إنو الزول البعز عليك صعب جدًا تفرط فيه أو حتى تخسره بسهولة.
_"فضل ساكت ما عرف يقول شي"
=عمومًا إنت قبل كدا ما عملت أي خطوة أو حتى قلت شي كُنت متوقعة منك قبل تسافر تفتح موضوعنا مع أهلي هما وقتها أكيد ما كانو ح يرفضو أو يطلبو منك شي بس وقتها ما كنت بتفكر غير في نفسك وكنت ضامني شديد.
_ما تقولي حاجة ما عارفها يا مريم نحن كُنا في وضع صعب ح تكون أنانية مني أفكر في علاقتنا وناس بيتنا ما لاقين ياكلو.
=إنت دايمًا عندك مبرر لـ أي شي.
_وإنتِ عنيدة من لما كُنتِ صغيرة وبعدين ما أولى أنا من الغريب ونحن متفاهمين يا مريم أنا بعرفك أكتر من نفسي وإنتِ بتعرفيني البمنع نكون سوا شنو؟
=عشان عارفاك كويس ما ح أفكر فيك تاني وأنا الحمدلله أخذت زعلتي وربنا عوضني وإنت كمان ربنا يعوضك.

كان لازم أقعد القعدة دي مع عامر .. كان لازم أفهمو لأنو تصرفاتو من جا كانت مستفزة .. فجأه عايزني أرجع أتعامل معاه عادي؟
عايز يلف ويرجع ويلقاني في مكاني ودي حاجة مستحيل تحصل مهما كان عندي مشاعر ناحيته.
عامر قدر يهدم أي شي كان حلو في يوم من الأيام بغيابه عن تفاصيلي المهمة ولحظاتي الإحتجت فيها وجودو معاي.

_______

"عند ملك"

كنت لسة زعلانة من نفسي عشان إتكلمت مع عمرو بالطريقة دي وإني لومتو على حاجة ما في يدو.
بزعل من نفسي لما ألقى إني بقيت جزو من قصص أنهار الما بتخلص دي حتى هي نفسها ما بتركز مع الموضوع كتير زي الطفل بالضبط اول ما يلقى لعبة جديدة بجدع اللي كانت عندو.

BY رِوايات سُودانية🪐🤎!)"