هنا تتوفر ملازمي الأصلية والحديثة

شباب جبتلكم ٦ اسئلة
كل سؤال ٣ فروع

وجاي على بالي ماخلي بيها ترك
حاير كلش

اخلي ترك لو لا

شباب اسئلة الامتحان الشامل راح تنزل الكم اليوم ب ٦ مساءً ان شاء الله ❤️

كمية الجهل والتخلف عند بعض الطلاب كارثية ، نزلنا معرف يستلم دفاتر الطلاب اللي حضرت الامتحان حتى نصحح دفاترهم لان وعدناهم بهالشي ..

ليش غيرهم يجي يدخل للمعرف ويصير تافه ويخلي نفسو بموقف غبي ؟

يعني والتالي ؟
ترى هيج مانكدر نتعامل معاكم
مدافتهم شنو براس البعض !


تعلم تحترم المواضيع حسب عناوينها وخصوصيتها.

#توضيح_مهم ..

▫️ أستاذ سالم أنت ليش تشرح على الكتاب ليش ما تشرح ع السبورة ؟

ج : صراحة انا كلش استغرب من هيج سؤال ! يعني المفروض اي طالب يفرح لأنه انا إشرح كتاب ، تعرفون ليش ؟

لأنه الاسئلة الوزارية والاجوبة النموذجية هي حصراً من هذا الكتاب بدون زيادة ولا نقصان ، فشكد حلو الطالب من الأساس اصلاً ديشوف الشرح على الكتاب اللي هو أساس الاسئلة والاجوبة الوزارية ؟ شكد حلو من الطالب يتابع شرح وهو مطمئن أنه الشرح كامل بدون نقص لأنه هو بعينو ديشوف الأستاذ ديشرح على الكتاب حصراً سطر سطر ؟

فلا يجي طالب اليوم يكول أستاذ اشرح سبورة ! ما ممكن اني اغير طريقتي بشرح المادة لأنه هي الطريقة الأفضل والاصح خصوصا خصوصا بمادة مثل الأحياء.

اما الفئة اللي تكول أحنا ما نفتهم الا سبورة ف احب اكوللكم لا تضحكون على نفسكم .. ماكو واحد مايفتهم على الكتاب ! الكتاب هو الأساس والاصل .. نصيحة راجعوا نفسكم زين قبل ما ترجعولي بنهاية السنة ندمانين وطلاب العام يعرفون شنو جاي احجي.

#ســـالـــم_ال_مــنـــصـــور

واللي مايعرف اسلوبي بالشرح ..

انا طبيعة نظام شرحي هو الإعتماد الكلي على الكتاب بالشرح لأنه هو اساس الاسئلة الوزارية والاجوبة النموذجية ولاحظت بالسنوات الأخيرة انه المدرسين ابتعدو عن الكتاب بالشرح وبقوا يشرحون للطلاب على ملازمهم او يشرحولوهم المادة على سبورة وانا ب اعتقادي انه هذا الشي مو هو الاصح .

ف انا جيت ب سنة ٢٠٢٢ وقررت اعتمد الكتاب واشرح وااشر واوضح الاسئلة الوزارية وافكارهم كلها على الكتاب حصراً وارجع اربط الكتاب بالطالب بعد ما أهمل الطالب الكتاب اللي هو روح الاسئلة الوزارية واجوبتها واساس كل الملازم.

فصرت ااشر الكتاب تأشيرات كاملة من اسئلة وزارية ومهمة واشرح على الكتاب ، وافهمهم شلون يجي السؤال واشرحلهم الوزاريات واعرض اجوبة وزارة التربية على كل سؤال وزاري واستخدم الصور والفيديوهات العلمية على المواضيع المعقدة على الطالب وابسطها الهم قدر الإمكان.

اثبتت لكل طالب تابعني أنه الأحياء مادة علمية تُفهم قبل ان تُحفظ وغيرت من نظرتهم للمادة من هي درخية الى فهمية تحتاج دراسة صحيحة.

وطريقة الكتاب طريقة نجحت بشكل كلش حلو لأنه الطالب نفسياً هو ويتابع يعرف أنه كل صغيرة وكبيرة الأستاذ جاي يمر عليها وما فاتوا شي من المنهج ان شاء الله.

#ســــالـــــم_ال_منصـــــــور

انا اتكلمت بهذا الموضوع اليوم
لأنه شفت طالب كاتب ، سالم يشرح على الكتاب ؟ شنو المميز بشرحو ؟

المميز بالشرح هو الكتاب اصلاً❤️😁
للاسباب اللي ذكرتها فوك.

بالاخير هي وجهات نظر
لكن أنا يكفيني أنه الطالب هو وديتابعني عندو شعور الاطمئنان أنه مديفوتو شي وديغطي كل مقررات المنهج.

وهذا احلى شعور ممكن يمر بي طالب السادس اللي طموحو عالي😂

+ ان شاء الله راح نرجع لفقرة ( لوفات المادة ) حتى مايفوتكم شي ..

خلصنا فصل اول وثاني ف ان شاء الله حنكمل باقي الفصول.

لحد الآن التسجيل مستمر على دورة ٢٠٢٥ للمنهج الكامل.

كذلك للكورس الأول
اما اللي يحب يشترك فقط بالوراثة
ف لاحقا هذا الاشتراك مو هسه👍

تنويه :

لكثرة إتصالات أولياء أمور الطلبة لغرض تمديد فترة التسجيل قررنا تمديد فترة التسجيل ليوم الخميس المقبل المصادف ٣٠-٥ حتى ان شاء الله ننطلق يوم السبت الموافق ١-٦ بإذن الله.

ملاحظة : هو التسجيل صراحة حيبقى مفتوح لكن الطالب اللي يسجل ويانا قبل بداية الدورة ويبدي معانا اكيد افضل من الطالب اللي يشترك متأخر ويلكي الدروس متراكمة عليه !

خصوصًا الأحياء من يصير بيها تراكم ف مشكلة لذلك رجاءً اللي مقرر يسجل خلي يلتزم بالتوقيتات المُعلنة.

#ســــالـــــم_ال_منصـــــــور

تنويه |

- طلابنا طاللباتنا نعتذر منكم على التأخير بالرد لكن هذا بسبب اللود والاقبال على التسجيل والحمد لله.

يعني اذا شفت صار تأخير للرد عليك واضافتك للكروب والقناة ف طبيعي لا تقلق هذا بسبب اللود بالإضافة لا تنسون اليوم جمعة هم فترة استراحة.

الأمور الحمد لله طبيعية وراح نضيف الكل بشكل تدريجي لا تهتمون❤️.

#ســــالـــــم_ال_منصـــــــور