Самарқандда соғлиқни сақлаш тизимини ислоҳ қилиш масалалари кўриб чиқилди

Вилоят ҳокими вазифасини бажарувчи Адиз Бобоев вилоятимизда соглиқни сақлаш тизимини ислоҳ қилиш бўйича Туркиянинг соғлиқни сақлаш масъуллари билан учрашув ўтказди. Унда соғлиқни сақлаш тизимини ислоҳ қилишда тажриба алмашиш масалалари муҳокама қилинди.

Туркия томони соғлиқни сақлаш соҳасида тиббий суғурта тизими, тиббий хизматлар сифатини янада ошириш, бирламчи тиббий-санитария ёрдамини такомиллаштириш бўйича самарали механизмлар юзасидан маълумот берди.

Вилоят раҳбари Туркия тажрибасини ўрганиш ва уни тиббиёт бирлашмаларида қўллаш ташаббусини қўллаб-қувватлади.

— Ушбу ёндашув тизим бошқарувини оптималлаштириш ва тиббий самарадорлигини оширишга имкон беради, — деди Адиз Бобоев.

Музокаралар якунида томонлар соғлиқни сақлаш соҳасида қўшма ташаббусларни амалга ошириш ва ушбу йўналишда тизимли ҳамкорликни ривожлантириш бўйича келишувга эришди.

✅@Zarnews_uz

#Айни_пайтда

Самарқанд вилояти божхона бошқармаси томонидан “Самарқанд” ташқи иқтисодий фаолият божхона постида вилоятда фаолият олиб бораётган тадбиркорлар ҳамда божхона расмийлаштируви бўйича мутахассислар иштирокида кенгайтирилган давра суҳбати бўлиб ўтмоқда.

Тадбирда вилоят божхона бошқармаси бошлиғининг биринчи ўринбосари А.Муҳаммадиев бошчилигида бошқарманинг тегишли таркибий тузилма раҳбарлари қатнашмоқда.