⚡️Jomboy tumanidagi qurilishda qator kamchiliklar aniqlandi

⌛Samarqand viloyati hududiy qurilish va uy-joy kommunal xo‘jaligi nazorati inspeksiyasi tomonidan joylarda ko‘p qavatli uylar qurilishi jarayonlari ustidan sifat nazoratiga qaratilgan tadbirlar olib borilmoqda.

📊Jumladan, viloyatning Jomboy tumani Samarqand mahallasida qad rostlayotgan o‘rta qavatli turar-joy binosi qurilishi ko‘zdan kechirilganda bir qator kamchiliklar aniqlandi.

➡️Temir-beton o‘zak (serdechnik) vipusklari loyiha bo'yicha chiqarilmagan. Bu esa loyihaviy yuk ko‘tarish qobiliyatiga salbiy ta’sir o‘tkazib, seysmik bardoshlilikni kamaytiradi.

➡️10-blokda avyazichni poyas armokarkazlar belbog‘ qadami loyiha talablariga zid ravishda bajarilgan bo‘lib, bu texnik jihatdan armaturalashdagi muhim nomuvofiqlik hisoblanadi.

➡️Qurilish obyekti hududidan qurilish chiqindilari chiqarilmagan, ishchilar maxsus kiyim-bosh bilan ta’minlanmagan, texnika xavfsizligi qoidalari buzilgan.

✔️Aniqlangan kamchiliklar yuzasidan quruvchilarga tegishli tavsiya va ko‘rsatmalar berildi, sifatsiz ishlarni joyida demontaj qildirish chorasi ko'rildi.

🔴 Eslatma: Qurilish sohasida amalga oshirilayotgan har qanday ishlar belgilangan loyiha-tashkiliy hujjatlar hamda amaldagi qurilish normalari va qoidalariga to‘liq mos holda olib borilishi shart. Aks holda, bu kabi kamchiliklar kelgusida fuqarolar xavfsizligi va binolarning barqarorligiga tahdid solishi mumkin.

@SamTvr