#қонунчиликдаги_янгиликлар

👩🏻‍🦽Ногиронлик пенсиялари алоҳида мурожаат талаб этмасдан "проактив" шаклда тайинланади.

“Ногиронлик пенсиялари ва компенсацияларни тайинлашда проактив хизматларни жорий этиш тўғрисида”ги Президент қарори қабул қилинди.

ПҚ-194-сон, 27.05.2025 й.

🗣 Қарорга кўра, 2025 йил 1 июлдан фуқароларга давлат пенсиялари ва компенсацияларни тайинлашнинг қуйидаги соддалаштирилган тартиби жорий этилади:

🔂фуқароларга I ёки II гуруҳ ногиронлиги белгиланганда пенсияларни алоҳида мурожаат талаб этмасдан проактив шаклда тайинлаш. Бунда фуқарога проактив шаклда тайинланган пенсияларни рад қилиш ҳуқуқи берилади;

🔂кўриш қобилияти бўйича I гуруҳ ногиронлиги бўлган шахсларга ҳамда ядро полигонлари ва бошқа радиация-ядро объектларида ҳарбий хизматни ўтаган шахсларга компенсацияларни электрон маълумотлар алмашинуви асосида проактив шаклда тайинлаш;

🔂ногиронлик пенсияси тайинлангандан сўнг камида 1 йил иш стажига эга бўлганда фуқаронинг пенсия миқдорини ҳар 2 йилда проактив шаклда қайта ҳисоблаш.

✅ 2025 йил 1 октябрдан давлат пенсия таъминотига оид ҳамда АТ “Халқ банки” томонидан пенсияларни нақд пул шаклида тўлаш билан боғлиқ хизматлар фуқароларни биометрик идентификация қилиш (Face-ID) ҳамда уларнинг имзосини электрон шаклда олиш орқали амалга оширилади.

📞 12-71     🌐 pfru.uz

Telegram | Facebook | Instagram |Youtube | X

2025 йил 1 июлдан бошлаб пенсиялар миқдори 10 фоизга оширилади.

Хусусан, Президент Фармонига мувофиқ:

🗄 ёшга доир пенсияларнинг энг кам миқдори 918 000 сўм;
🗄 ногиронлик пенсияларининг энг кам миқдори эса 1 012 000 сўм этиб белгиланди.

✅ Шунингдек, бугунги кунда пенсия миқдорлари йиллик инфляция кўрсаткичларидан кам бўлмаган миқдорларда оширилиши қонун билан белгиланган.

📞 12-71     🌐 pfru.uz

Telegram | Facebook | Instagram | Youtube | X

#байрам_табриги

✨ Қурбон ҳайити муборак бўлсин, азиз юртдошлар!

Барчангизни эзгу ва муқаддас айём — Қурбон ҳайити билан самимий муборакбод этамиз.

Ҳурмат билан,

Бюджетдан ташқари Пенсия жамғармаси жамоаси

📞 12-71     🌐 pfru.uz

Telegram | Facebook | Instagram | Youtube | X

#сайёр_қабул

🚨 Жорий йилнинг 25-27 июнь кунлари  Пенсия жамғармаси раҳбарияти томонидан Фарғона, Наманган, Андижон, Самарқанд, Навоий, Бухоро ва Жиззах вилоятларида фуқаролар учун сайёр қабуллар ўтказилади.

Сайёр қабуллар ўтказиладиган манзиллар ва вақтлари ҳақида батафсил маълумот:

📍 Фарғона вилояти, Қўқон шаҳар, "Янги Чорсу" МФЙ, Нуронийлар маскани биносида, 25 июнь соат 11:00 да

📍 Наманган вилояти, Чортоқ тумани, "Балиқ кўл" МФЙ, Султон Увайс Қараний зиёратгоҳи биносида, 25 июнь соат 16:00 да

📍 Самарқанд вилояти, Нуробод тумани, туман ҳокимлиги биносида, 25 июнь соат 11:00да

📍 Андижон вилояти, Избоскан тумани, "А.Навоий" МФЙ, 6-сон Болалар мусиқа ва санъати мактаби биносида, 26 июнь соат 11:00 да.

📍 Навоий вилояти, Кармана тумани, "Мирсаид Бахром" МФЙ, Маданият маркази биносида, 26 июнь соат 11:30 да.

📍 Бухоро вилояти, Қоракўл тумани, "Хўжалар" МФЙ, Маданият маркази биносида, 27 июнь соат 10:00 да.

📍 Жиззах вилояти, Янгиобод тумани, "Янгиобод" ШФЙ, 19-сонли Болалар мусиқа ва санъати биносида, 27 июнь соат 10:00 да.

📞 Сайёр қабулда раҳбарнинг шахсий қабулига ёздириш учун алоқа контактлари бу ерда.

📞 12-71     🌐 pfru.uz

Telegram | Facebook | Instagram |Youtube | X

🔴 РАСМИЙ МУНОСАБАТ

Ижтимоий тармоқларда Ўзбекистонда пенсия ёшини ошириш таклиф қилинмоқда мазмунидаги хабарлар тарқалди. Пенсия жамғармаси мазкур ҳолат юзасидан қуйидагиларни маълум қилади:

✅ Бугунги кунда Ўзбекистонда пенсия ёшини ошириш бўйича ҳеч қандай якуний қарор қабул қилинмаган.

Пенсия ислоҳотини ўтказиш бўйича халқаро экспертлар томонидан берилган таклифлар ҳозирда Ўзбекистон шароитига мослиги, аҳолининг турмуш даражасига таъсири ва иқтисодий оқибатлари таҳлил қилинмоқда.

✅ Пенсия тизимига киритиладиган ҳар қандай ўзгартиришлар, жумладан, пенсия ёшига оид масалалар ҳам, албатта, кенг жамоатчилик муҳокамасидан сўнг, халқнинг фикри ва манфаатларини инобатга олинган ҳолда босқичма-босқич амалга оширилади.

Ҳурматли фуқаролар!

☝️ Пенсия таъминоти бўйича ҳақиқий маълумотларни фақат расмий манбалардан олишни унутманг.

🗣 Батафсил

📞 12-71     🌐 pfru.uz

Telegram | Facebook | Instagram |Youtube | X

⭐️ Пенсия тизими босқичма-босқич тўлиқ рақамлаштирилади.

Ўзбекистон Республикаси Президентининг "Иқтисодиёт ва молия вазирлиги ҳузуридаги Ғазначилик хизмати қўмитаси ҳамда бюджетдан ташқари Пенсия жамғармаси томонидан замонавий хизматларни жорий этиш чора-тадбирлари тўғрисида"ги Фармони имзоланди.

ПФ-105-сон. 26.06.2025

💬 Унга кўра, 2026 йил 1 декабрдан бошлаб:

- фуқароларнинг мавжуд иш стажи ва иш ҳақлари тўғрисидаги электрон маълумотларга асосан пенсия миқдорларини олдиндан аниқлаш бўйича "Менинг пенсиям" онлайн хизмати жорий этилади;

- пенсия таъминотига оид барча хизматлар тўлиқ проактив, электрон ҳамда интерактив шаклга ўтказилади.

💬 Пенсияга оид маълумотларни тўлиқ рақамлаштириш мақсадида:

- 2025 йил 1 октябрга қадар Мажбурий ижро бюроси томонидан мажбурий ижро жараёнида ундирувни пенсия тўловларига қаратишдан аввал дастлаб фуқароларни хабардор қилиш тизими жорий этилади.

- 2025 йил 1 ноябрга қадар Мудофаа вазирлиги томонидан мудофаа ишлари органларида рўйхатда турган ва пенсия тайинланаётган фуқароларнинг ҳарбий хизматни ўтаган даври тўғрисидаги маълумотларни "Рақамли ҳукумат" тизимининг идоралараро интеграциялашув платформаси орқали Пенсия жамғармаси ахборот тизимига тақдим этиш бўйича интеграция қилиш чоралари кўрилади;

- 2025 йил июль-октябрь ойлари давомида ҳоким ёрдамчилари ҳар бир маҳалладаги "маҳалла еттилиги" билан биргаликда фуқароларнинг меҳнат дафтарчаси маълумотларини камбағалликни қисқартириш ва бандликка кўмаклашиш бўлимлари орқали рақамлаштириш бўйича тарғибот ишлари амалга оширилади.

💬 Бундан ташқари, 2026 йил 1 августга қадар Олий таълим, фан ва инновациялар вазирлиги томонидан:

- фуқароларнинг олий таълим муассасаларидаги ўқиш даври тўғрисидаги маълумотлар тўлиқ рақамлаштирилади;

- давлат хизматлари марказлари орқали фуқароларнинг олий таълим муассасаларидаги ўқиш даври тўғрисидаги маълумотларни вазирликнинг электрон базасига юбориш имконияти яратилади.

📞 12-71     🌐 pfru.uz

Telegram | Facebook | Instagram | Youtube | X