اللریم ساچینا چاتا بیلمه دی
اومودسوز داراغیم کوسولو گئتدی
بیرشیرین اؤپوشله باشلار سئوگی لر
آجیان دوداغیم کوسولو گئتدی
توتدون اللریمدن دونیا دایاندی
-من سنی سئویرم – دیلده یاراندی
بیلمه دیم نه اولدو!نه دن اوساندی
باغیشلا قوجاغیم کوسولو گئتدی
باخیشلار قاباقجا اوتاغا گلدی
قیزاردی بُوزاردی یاناغا گلدی
سئومک سوزجوک لری قاباغا گلدی
قیزاران یاناغیم کوسولو گئتدی
بیر سویوق گئجه ده قار اوستونده قار
گلمه میش گئدیردین –گئتمه نه اولار؟-
لامپالار دالینجا گؤز ووروردولار
بیر یاغ سیز چیراغیم کوسولو گئتدی
باریشماق ایسته دی منده قوشمالار
سن ایله یازیلا ,سنده قوشمالار
بیردن دومان دوشدو!چن ده قوشمالار...
نئیله ییم واراغیم کوسولو گئتدی
#رامیز_رؤوشن
@Sevgidanizi1
اومودسوز داراغیم کوسولو گئتدی
بیرشیرین اؤپوشله باشلار سئوگی لر
آجیان دوداغیم کوسولو گئتدی
توتدون اللریمدن دونیا دایاندی
-من سنی سئویرم – دیلده یاراندی
بیلمه دیم نه اولدو!نه دن اوساندی
باغیشلا قوجاغیم کوسولو گئتدی
باخیشلار قاباقجا اوتاغا گلدی
قیزاردی بُوزاردی یاناغا گلدی
سئومک سوزجوک لری قاباغا گلدی
قیزاران یاناغیم کوسولو گئتدی
بیر سویوق گئجه ده قار اوستونده قار
گلمه میش گئدیردین –گئتمه نه اولار؟-
لامپالار دالینجا گؤز ووروردولار
بیر یاغ سیز چیراغیم کوسولو گئتدی
باریشماق ایسته دی منده قوشمالار
سن ایله یازیلا ,سنده قوشمالار
بیردن دومان دوشدو!چن ده قوشمالار...
نئیله ییم واراغیم کوسولو گئتدی
#رامیز_رؤوشن
@Sevgidanizi1
#حسرت
بو گئجه دونیانین ان غریبی‌یم
نه داما، نه داشا سیغیر بو حسرت.
جانی بوغازیندا اولان جانیمی،
ییغیر بوغازیما، ییغیر بو حسرت.
دونیادا ان غریب بو گئجه منم
بو نئجه غوربتدی، بو نئجه منم؟
سارالمیش باغچایام، سولموش چمنم
بئله‌جه کؤنلومو سیخیر بو حسرت.
دئییر گؤز یاشینا آغلا، آی اورک!
آرزینا نه قدر کولک اسه‌جک
کولالیق قیصاصی اولان بوینوز تک-
بو گئجه آلنیمدان چیخیر بو حسرت.
بو گئجه کؤزه‌رن کؤمور اولموشام
عؤمرومه قنیم بیر عؤمور اولموشام
ائله بیل برکیییب دمیر اولموشام
دونیانی اوستومه ییخیر بوحسرت.
بو گئجه دیدرگین قوش للـه‌یی‌یم
اوزومو اوشودن قیش کوله‌یی‌یم
قورولار اودوندا یاش گیلئیی‌یم
یاندیریر بو حسرت، یاخیر بو حسرت.
بو گئجه داشلارا دَییب قاییدان-
سسلره بنزه‌ییر سئوگیم ده، اینان!
بو گئجه اوستومدن یول سالیب گومان
گؤرن نه اولاجاق آخیر بو حسرت...؟
#علی_جوادپور
@Sevgidanizi1
بو گئجه دونیانین ان غریبی‌یم
نه داما، نه داشا سیغیر بو حسرت.
جانی بوغازیندا اولان جانیمی،
ییغیر بوغازیما، ییغیر بو حسرت.
دونیادا ان غریب بو گئجه منم
بو نئجه غوربتدی، بو نئجه منم؟
سارالمیش باغچایام، سولموش چمنم
بئله‌جه کؤنلومو سیخیر بو حسرت.
دئییر گؤز یاشینا آغلا، آی اورک!
آرزینا نه قدر کولک اسه‌جک
کولالیق قیصاصی اولان بوینوز تک-
بو گئجه آلنیمدان چیخیر بو حسرت.
بو گئجه کؤزه‌رن کؤمور اولموشام
عؤمرومه قنیم بیر عؤمور اولموشام
ائله بیل برکیییب دمیر اولموشام
دونیانی اوستومه ییخیر بوحسرت.
بو گئجه دیدرگین قوش للـه‌یی‌یم
اوزومو اوشودن قیش کوله‌یی‌یم
قورولار اودوندا یاش گیلئیی‌یم
یاندیریر بو حسرت، یاخیر بو حسرت.
بو گئجه داشلارا دَییب قاییدان-
سسلره بنزه‌ییر سئوگیم ده، اینان!
بو گئجه اوستومدن یول سالیب گومان
گؤرن نه اولاجاق آخیر بو حسرت...؟
#علی_جوادپور
@Sevgidanizi1
اوشاق دئدی سئوینجک
آناسینا چوخ شوکور
آناسی سا گؤزوندن
اوره یینه یاش تؤکور
آنا داها داریخما
وار بیزیمده باریمیز
پشمک میلاخ نوغولو
گؤندریبدی تاریمیز
آنا آنا قارپیزا
باخ بیر قیرمیز چیخیبدی
هله باخ بیر باجیما
نارین نئجه سیخیبدی
باخ بورا بو حالوادی
شیرین لیغی گؤرسه نیر
آلمالاری چکنده
باجیم دئدی آل گمیر
هله شاختا بابانی
چوخدا گؤزل چکمیشم
باخ آنا باخ الینده
بیر جوت وئر ال چکمیشم
ایسته میشم اللری
چکدییمی گتیرسین
تامارزی نی بیزلردن
بیردفه لیک گؤتورسون
بوایل چیلله رسیمده
گئرچک اولسون بیرسی ایل
باخ چیلله لیک چکمیشم
آنا نولار سنده گول
پوسته لنمیش دوداقلا
ناغیل سؤیله آی آنا
شاختا اولسون مهریبان
اوجاغیمیز قوی یانا
من چکمیشم اوشاقلار
سیز چکمه یین یاشایین
شیرین عؤمور اوزانسین
دوست تانیشی آرایین.
اوشاغین آغ سوفرادا
چکدیکلری گولوردو
اوزده گولن آناسی
دیریلیردی اؤلوردو
آخی تانری! نه دئییم
بو ظولمو سن یاراتدین؟
عدالتین هانی به؟
عرصه میزی داراتدین
من بیر آتا ایشیم یوخ
سیزلاییرام ایچیمده
سازاق طوفان قوپاریب
ائشیییم ده ایچیم ده
رقیه عبدیلی ( سازاق)
https://www.tgoop.com/Sevgidanizi1
آناسینا چوخ شوکور
آناسی سا گؤزوندن
اوره یینه یاش تؤکور
آنا داها داریخما
وار بیزیمده باریمیز
پشمک میلاخ نوغولو
گؤندریبدی تاریمیز
آنا آنا قارپیزا
باخ بیر قیرمیز چیخیبدی
هله باخ بیر باجیما
نارین نئجه سیخیبدی
باخ بورا بو حالوادی
شیرین لیغی گؤرسه نیر
آلمالاری چکنده
باجیم دئدی آل گمیر
هله شاختا بابانی
چوخدا گؤزل چکمیشم
باخ آنا باخ الینده
بیر جوت وئر ال چکمیشم
ایسته میشم اللری
چکدییمی گتیرسین
تامارزی نی بیزلردن
بیردفه لیک گؤتورسون
بوایل چیلله رسیمده
گئرچک اولسون بیرسی ایل
باخ چیلله لیک چکمیشم
آنا نولار سنده گول
پوسته لنمیش دوداقلا
ناغیل سؤیله آی آنا
شاختا اولسون مهریبان
اوجاغیمیز قوی یانا
من چکمیشم اوشاقلار
سیز چکمه یین یاشایین
شیرین عؤمور اوزانسین
دوست تانیشی آرایین.
اوشاغین آغ سوفرادا
چکدیکلری گولوردو
اوزده گولن آناسی
دیریلیردی اؤلوردو
آخی تانری! نه دئییم
بو ظولمو سن یاراتدین؟
عدالتین هانی به؟
عرصه میزی داراتدین
من بیر آتا ایشیم یوخ
سیزلاییرام ایچیمده
سازاق طوفان قوپاریب
ائشیییم ده ایچیم ده
رقیه عبدیلی ( سازاق)
https://www.tgoop.com/Sevgidanizi1
Telegram
sevgi dənizi
سئوگی غزللرین
دویغو گؤزللرین
شئعرین اؤزللرین
بوردان پای گؤتور
@Sevgidanizi1
دویغو گؤزللرین
شئعرین اؤزللرین
بوردان پای گؤتور
@Sevgidanizi1
اومودونو گؤیه توتوب بو اؤلکه
یانانی‌لا یانمایانی بیلینمیر.
آهیل-جاهیل، بیر-بیرینه قاریشیب
قانانی‌لا قانمایانی بیلینمیر.
قارغا، قارتال‌لاردان آتلاییر باشا
پلنگ‌لر باش اَییر او بدذات قوشا
نئجه آلیشماسین یانماسین مئشه!،
بولبولویله ساخساغانی بیلینمیر.
حاق ساواشی دؤنوب آلیش-وئریشه
کاسیب-کوسوب، مات قالیبدیر بو ایشه.
آمان آللاه، دؤیوشه باخ... دؤیوشه!
ساتقینی‌لا قهرمانی بیلینمیر...
✍شاهمار_اکبرزاده
https://www.tgoop.com/Sevgidanizi1
یانانی‌لا یانمایانی بیلینمیر.
آهیل-جاهیل، بیر-بیرینه قاریشیب
قانانی‌لا قانمایانی بیلینمیر.
قارغا، قارتال‌لاردان آتلاییر باشا
پلنگ‌لر باش اَییر او بدذات قوشا
نئجه آلیشماسین یانماسین مئشه!،
بولبولویله ساخساغانی بیلینمیر.
حاق ساواشی دؤنوب آلیش-وئریشه
کاسیب-کوسوب، مات قالیبدیر بو ایشه.
آمان آللاه، دؤیوشه باخ... دؤیوشه!
ساتقینی‌لا قهرمانی بیلینمیر...
✍شاهمار_اکبرزاده
https://www.tgoop.com/Sevgidanizi1
Telegram
sevgi dənizi
سئوگی غزللرین
دویغو گؤزللرین
شئعرین اؤزللرین
بوردان پای گؤتور
@Sevgidanizi1
دویغو گؤزللرین
شئعرین اؤزللرین
بوردان پای گؤتور
@Sevgidanizi1
صبريميز سؤز قونوسو مين هيجان قوينوندا،
گل-ده آچ قار چيچه-ييم شاختا-بوران قوينوندا.
آرپا چای سيز و آرازسيز من او ايتگين سارا كی،
ياشاديردين منی سن هر گون آخان قوينوندا.
حسرتيندن حزين-حال سيز و حايات سيز جانيمی،
وئره-رم بيرده گزم ياز تک آچان قوينوندا
لال آشيقلار ساياغی غوربتی كؤكله ندی سازيم،
سؤزومون مين آوازی سيندی اوزان قوينوندا.
سارماشيق تك فيكيريم قارما-قاريشدير دولاشير
مني او درده سالان دويمه، ياخان، قوينوندا ...
آتاميز سورگونه گئديكده آنام بويلويدور
دونيايا، آلما يئريكليردی، تاوان قوينوندا.
جايديرير فيكريمی بيردن اوچورام قارتال تك،
خطری باشدان آشان مين طيران قوينوندا.
جانلانيردي گؤز اؤنومده گؤزو قانلي-قادالی
تنی، تبريزليييمين باغری دومان قوينوندا
دؤشو او شانلی شاخان بايراغيمين مسكنی دير
سرحدی سئوگی، آی-اولدوز گؤزو قان قوينوندا
يوز سينيرسيز اؤپوشون يوردو، پريشان قوجاغی!!
سؤزو قاچ دير، گؤزو بير عؤمر دايان قوينوندا
#آیسو_مختاری
@Sevgidanizi1
گل-ده آچ قار چيچه-ييم شاختا-بوران قوينوندا.
آرپا چای سيز و آرازسيز من او ايتگين سارا كی،
ياشاديردين منی سن هر گون آخان قوينوندا.
حسرتيندن حزين-حال سيز و حايات سيز جانيمی،
وئره-رم بيرده گزم ياز تک آچان قوينوندا
لال آشيقلار ساياغی غوربتی كؤكله ندی سازيم،
سؤزومون مين آوازی سيندی اوزان قوينوندا.
سارماشيق تك فيكيريم قارما-قاريشدير دولاشير
مني او درده سالان دويمه، ياخان، قوينوندا ...
آتاميز سورگونه گئديكده آنام بويلويدور
دونيايا، آلما يئريكليردی، تاوان قوينوندا.
جايديرير فيكريمی بيردن اوچورام قارتال تك،
خطری باشدان آشان مين طيران قوينوندا.
جانلانيردي گؤز اؤنومده گؤزو قانلي-قادالی
تنی، تبريزليييمين باغری دومان قوينوندا
دؤشو او شانلی شاخان بايراغيمين مسكنی دير
سرحدی سئوگی، آی-اولدوز گؤزو قان قوينوندا
يوز سينيرسيز اؤپوشون يوردو، پريشان قوجاغی!!
سؤزو قاچ دير، گؤزو بير عؤمر دايان قوينوندا
#آیسو_مختاری
@Sevgidanizi1
#قارا_گؤزلرین
نه گؤزل سوزولور قارا گؤزلرین،
عجبا، اونلاری سوزمک واختیمی؟!
دوروشون معنالی، باخیشین ده-رین،
من بو ده-رین لیکده بولدوم باختیمی.
سنین گؤزلرینمی گنجلیک باغیندا،
یوخسا نرگیزلرین سایریشیب اوینار؟
یوخسا چیخیلمایان عئشقین داغیندا،
عؤمرومون دیریلیک چئشمه سی قاینار؟
او قارا گؤزلرین دئییل پارلایان،
اولدوزلار ایچینده گئجه لریمدیر.
بلکه ده روحوما آیدینلیق یایان،
بیر سرین، ضییالی یاز سحریمدیر.
قوی دئسین دونیانین ائل آشیقلاری،
بو شؤوقو کیم منیم روحوما یایدی.
دوناردیم، گؤزونون شن ایشیقلاری؛
قلبیمین جامیندا قیریلماسایدی.
قارا قیش اوستومه تؤکر قارینی،
نرگیز گؤزلریندن منی آییرسان.
منیم اومیدیمین قاپیلارینی،
نئچون گاه آچیرسان، گاه قاپاییرسان؟
سنین گؤزلرینمی گنجلیک باغیندا،
یوخسا نرگیزلرین سایریشیب اوینار؟
یوخسا چیخیلمایان عئشقین داغیندا،
عؤمرومون دیریلیک چئشمه سی قاینار؟
#میکاییل_موشفیق
@Sevgidanizi1
نه گؤزل سوزولور قارا گؤزلرین،
عجبا، اونلاری سوزمک واختیمی؟!
دوروشون معنالی، باخیشین ده-رین،
من بو ده-رین لیکده بولدوم باختیمی.
سنین گؤزلرینمی گنجلیک باغیندا،
یوخسا نرگیزلرین سایریشیب اوینار؟
یوخسا چیخیلمایان عئشقین داغیندا،
عؤمرومون دیریلیک چئشمه سی قاینار؟
او قارا گؤزلرین دئییل پارلایان،
اولدوزلار ایچینده گئجه لریمدیر.
بلکه ده روحوما آیدینلیق یایان،
بیر سرین، ضییالی یاز سحریمدیر.
قوی دئسین دونیانین ائل آشیقلاری،
بو شؤوقو کیم منیم روحوما یایدی.
دوناردیم، گؤزونون شن ایشیقلاری؛
قلبیمین جامیندا قیریلماسایدی.
قارا قیش اوستومه تؤکر قارینی،
نرگیز گؤزلریندن منی آییرسان.
منیم اومیدیمین قاپیلارینی،
نئچون گاه آچیرسان، گاه قاپاییرسان؟
سنین گؤزلرینمی گنجلیک باغیندا،
یوخسا نرگیزلرین سایریشیب اوینار؟
یوخسا چیخیلمایان عئشقین داغیندا،
عؤمرومون دیریلیک چئشمه سی قاینار؟
#میکاییل_موشفیق
@Sevgidanizi1
بو گئجه دونیانین أن غریبی یم
نه داما،نه داشا سیغیر بوحسرت
جانی بوغازیندا اولان جانیمی
ییغیر بوغازیما،ییغیر بوحسرت.
دونیادا أن غریب بو گئجه منم
بو نئجه غوربتدی،بو نئجه منم
سارالمیش باغچایام،سولموش چمنم
بئله جه کؤنلومو سخیر بوحسرت.
دئییر گؤز یاشینا آغلا،آی اورک
آرزینا نه قدر کولک اسه جک
کولالیق قیصاصی اولان بوینوزتک-
بوگئجه آلنیمدان چیخیر بوحسرت.
بوگئجه کؤزه رن کؤمور اولموشام
عؤمرومه قنیم بیر عؤمور اولموشام
ائله بیل برکییب دمیر اولموشام
دونیانی اوستومه ییخیر بوحسرت
بوگئجه دیدرگین قوش لله یی یم
اوزومو اوشودن قیش کوله یی یم
قورولار اودوندا یاش گیلئیی یم
یاندیریر بوحسرت،یاخیر بوحسرت
بوگئجه داشلارا دییب قاییدان
سسلره بنزه ییر سئوگیلیم ده اینان
بوگئجه اوستومدن یول سالیب گومان
گؤرن نه اولاجاق آخیر بوحسرت؟...
#علی_جوادپور
@Sevgidanizi1
نه داما،نه داشا سیغیر بوحسرت
جانی بوغازیندا اولان جانیمی
ییغیر بوغازیما،ییغیر بوحسرت.
دونیادا أن غریب بو گئجه منم
بو نئجه غوربتدی،بو نئجه منم
سارالمیش باغچایام،سولموش چمنم
بئله جه کؤنلومو سخیر بوحسرت.
دئییر گؤز یاشینا آغلا،آی اورک
آرزینا نه قدر کولک اسه جک
کولالیق قیصاصی اولان بوینوزتک-
بوگئجه آلنیمدان چیخیر بوحسرت.
بوگئجه کؤزه رن کؤمور اولموشام
عؤمرومه قنیم بیر عؤمور اولموشام
ائله بیل برکییب دمیر اولموشام
دونیانی اوستومه ییخیر بوحسرت
بوگئجه دیدرگین قوش لله یی یم
اوزومو اوشودن قیش کوله یی یم
قورولار اودوندا یاش گیلئیی یم
یاندیریر بوحسرت،یاخیر بوحسرت
بوگئجه داشلارا دییب قاییدان
سسلره بنزه ییر سئوگیلیم ده اینان
بوگئجه اوستومدن یول سالیب گومان
گؤرن نه اولاجاق آخیر بوحسرت؟...
#علی_جوادپور
@Sevgidanizi1
#منی_دیندیر
آرتیق کؤورلمیشم توم حایاتیمدان،
اؤزومدن کوسموشم، گل منی دیندیر.
سورگون خیالیمی اوتورد یانیندا،
یالقیز حایاتیمدا قال، منی دیندیر.
ساخلا منلیگیمی باخیشلاریندا،
یانیم او باخیشین ده-رین اودوندا.
آیریلیق تئلينده هیجران نوتوندا،
یانیق کرمینی چال منی دیندیر.
چال بلکه اونودام کئچن آنلاری،
سنسیز صاباحلاری سؤکن دانلاری.
اوره-ییمدن آخان قارا قانلاری،
کوسگون دوداغیندان آل منی دیندیر.
اونود غم آرایا سالان ایللری،
قایتاریم الیندن آلان ایللری.
ووصال حسرتینده قالان ایللری،
اولگون یادداشیندان سال، منی دیندیر.
بوتون آرزیلارا یاناشماق اوچون،
قوی سنله دوغولوم هر صاباح، هر گون.
عؤمور یوللاریندا سئوگی عؤمرومون،
ده-رین دویغوسوندا دال، منی دیندیر.
#سجاد_ساجدی_فرد_یئنيلمز
@Sevgidanizi1
آرتیق کؤورلمیشم توم حایاتیمدان،
اؤزومدن کوسموشم، گل منی دیندیر.
سورگون خیالیمی اوتورد یانیندا،
یالقیز حایاتیمدا قال، منی دیندیر.
ساخلا منلیگیمی باخیشلاریندا،
یانیم او باخیشین ده-رین اودوندا.
آیریلیق تئلينده هیجران نوتوندا،
یانیق کرمینی چال منی دیندیر.
چال بلکه اونودام کئچن آنلاری،
سنسیز صاباحلاری سؤکن دانلاری.
اوره-ییمدن آخان قارا قانلاری،
کوسگون دوداغیندان آل منی دیندیر.
اونود غم آرایا سالان ایللری،
قایتاریم الیندن آلان ایللری.
ووصال حسرتینده قالان ایللری،
اولگون یادداشیندان سال، منی دیندیر.
بوتون آرزیلارا یاناشماق اوچون،
قوی سنله دوغولوم هر صاباح، هر گون.
عؤمور یوللاریندا سئوگی عؤمرومون،
ده-رین دویغوسوندا دال، منی دیندیر.
#سجاد_ساجدی_فرد_یئنيلمز
@Sevgidanizi1
قییما منی یولا سالا یاد ائللر!
اؤزون یئتیش، گؤز یاشینا سار منی!
چوخ زاماندیر گؤزلریمیز گؤروشمور،
ائله بیل کی اونودوبسان، یار، منی!
باخیشلاریم یوللارینی قوجاقلار،
دیلیم تیترَر، هر گلندن سوراقلار.
حیاتیمی دوندوراجاق سازاقلار،
ایتیره‌جک کولک منی، قار منی!
«کونول» گئدیر، سنین اولسون بو حیات!
سئوگیمیزی اورگیندن قوپار آت!
دردیم اولوب ماهنیلارا ناغارات،
مندن سونرا اوخشایاجاق تار منی.
#فاطمه_عبدی_کؤنول
@Sevgidanizi1
اؤزون یئتیش، گؤز یاشینا سار منی!
چوخ زاماندیر گؤزلریمیز گؤروشمور،
ائله بیل کی اونودوبسان، یار، منی!
باخیشلاریم یوللارینی قوجاقلار،
دیلیم تیترَر، هر گلندن سوراقلار.
حیاتیمی دوندوراجاق سازاقلار،
ایتیره‌جک کولک منی، قار منی!
«کونول» گئدیر، سنین اولسون بو حیات!
سئوگیمیزی اورگیندن قوپار آت!
دردیم اولوب ماهنیلارا ناغارات،
مندن سونرا اوخشایاجاق تار منی.
#فاطمه_عبدی_کؤنول
@Sevgidanizi1
اوچدون اللریمدن سون اومید کیمی
ایندی بو ییخیلمیش دونیاما باخما!
قولومدا یالقیزلیق قاندال‌لاری وار
منی بو سئوگیدن یئتیم بوراخما!
سئودالی گونلری نئجه اونودوم؟!
ائله سویوق باخیب جانیمی یاخما!
آناسیز-آتاسیز بیر اوشاق کیمی،
منی بو سئوگیدن یئتیم بوراخما!
گئدیرسن خوشبخت اول، آجیما منه!
دئمه، آیریلیغی قافانا تاخما!
دوشدوم آیاغینا، قوربانام سنه
منی بو سئوگیدن یئتیم بوراخما!
«قدردن قاچیلماز» سؤیله‌ییب آمّا،
یولومو قارانلیق چیخمازا سالما!
خوشبختلیک منیم ده حاقّیم‌دیر آخی
منی بو سئوگیدن یئتیم بوراخما...!
#نوصرت_کسمنلی
@Sevgidanizi1
ایندی بو ییخیلمیش دونیاما باخما!
قولومدا یالقیزلیق قاندال‌لاری وار
منی بو سئوگیدن یئتیم بوراخما!
سئودالی گونلری نئجه اونودوم؟!
ائله سویوق باخیب جانیمی یاخما!
آناسیز-آتاسیز بیر اوشاق کیمی،
منی بو سئوگیدن یئتیم بوراخما!
گئدیرسن خوشبخت اول، آجیما منه!
دئمه، آیریلیغی قافانا تاخما!
دوشدوم آیاغینا، قوربانام سنه
منی بو سئوگیدن یئتیم بوراخما!
«قدردن قاچیلماز» سؤیله‌ییب آمّا،
یولومو قارانلیق چیخمازا سالما!
خوشبختلیک منیم ده حاقّیم‌دیر آخی
منی بو سئوگیدن یئتیم بوراخما...!
#نوصرت_کسمنلی
@Sevgidanizi1
ياز باخيشليم ساچينى پيتلاشيق اويناتمالييق
ائله بيل ياز گونو تر سارماشيق اويناتمالييق
آى اوزونله گئجه ميز اولسا صحر عيبى نه دير
دئمک اوندا ايکيميزده ايشيق اويناتمالييق
قونشو شعرينده گتيرميشدى بى بى شاه قئشنيز
نه يازيق بيز هله وار کى آشيق اويناتمالييق
يوخارى باشداکى لار هى سينه دى بوددو سؤکور
آشاغى باشدا بيز آنجاغ قاشيق اويناتمالييق
#محمدنوین_باراز
@Sevgidanizi1
ائله بيل ياز گونو تر سارماشيق اويناتمالييق
آى اوزونله گئجه ميز اولسا صحر عيبى نه دير
دئمک اوندا ايکيميزده ايشيق اويناتمالييق
قونشو شعرينده گتيرميشدى بى بى شاه قئشنيز
نه يازيق بيز هله وار کى آشيق اويناتمالييق
يوخارى باشداکى لار هى سينه دى بوددو سؤکور
آشاغى باشدا بيز آنجاغ قاشيق اويناتمالييق
#محمدنوین_باراز
@Sevgidanizi1
sevgi dənizi pinned «ياز باخيشليم ساچينى پيتلاشيق اويناتمالييق ائله بيل ياز گونو تر سارماشيق اويناتمالييق آى اوزونله گئجه ميز اولسا صحر عيبى نه دير دئمک اوندا ايکيميزده ايشيق اويناتمالييق قونشو شعرينده گتيرميشدى بى بى شاه قئشنيز نه يازيق بيز هله وار کى آشيق اويناتمالييق…»
آرزولار توتمادی باش، سن یئنه باش چک یاراما
داشلیغا گیردی عؤمور، یئتمه‌دی کؤیرک یاراما
سوواشیب پنجره‌مه کؤکلو قارانلیق هاواسی
بیر اودوم قانلی نفس اولمادی دستک یاراما
وئرمیشم دیل وطنین داغلارینا، قارشی‌لاشیب
هره بیر سیخما دوز آتدی، ایکی بؤیرک یاراما
آتیلان اوخ گئری دونمز، سزیرم ایسته‌یینی
قارا قانچیل بولودو سپ گؤزومه، اک یاراما!
اؤز یئرینده قوجالا بیلمه‌دیم آه، آه! فله‌یین
اوره‌یی قیزمادی، هئی سوزدو اؤلوم تک یاراما
داغی دومسوکله‌دی زینگیلتی آهیم، جان‌دردی
دوشدو مین قارقا قوناق‌لیق‌لاری جمدک یاراما
شعریمین آل یاناغین سسلر اؤپورسه، اودو کی
باغلانیبدیر بایاتی، اوخشاما گؤیچک یاراما
ناماز اوستونده‌ییمیش بیرده آنام، آه گؤزومون
توزونو آلدی، سیغال چکدی موبارک یاراما
گل گولوشلرله قونوش! باخما من آغلامسینیرام
تئلینی کؤلگه‌له، هؤر بیر نئچه کؤینک یاراما!
#یعقوب_نیکزاد
@Sevgidanizi1
داشلیغا گیردی عؤمور، یئتمه‌دی کؤیرک یاراما
سوواشیب پنجره‌مه کؤکلو قارانلیق هاواسی
بیر اودوم قانلی نفس اولمادی دستک یاراما
وئرمیشم دیل وطنین داغلارینا، قارشی‌لاشیب
هره بیر سیخما دوز آتدی، ایکی بؤیرک یاراما
آتیلان اوخ گئری دونمز، سزیرم ایسته‌یینی
قارا قانچیل بولودو سپ گؤزومه، اک یاراما!
اؤز یئرینده قوجالا بیلمه‌دیم آه، آه! فله‌یین
اوره‌یی قیزمادی، هئی سوزدو اؤلوم تک یاراما
داغی دومسوکله‌دی زینگیلتی آهیم، جان‌دردی
دوشدو مین قارقا قوناق‌لیق‌لاری جمدک یاراما
شعریمین آل یاناغین سسلر اؤپورسه، اودو کی
باغلانیبدیر بایاتی، اوخشاما گؤیچک یاراما
ناماز اوستونده‌ییمیش بیرده آنام، آه گؤزومون
توزونو آلدی، سیغال چکدی موبارک یاراما
گل گولوشلرله قونوش! باخما من آغلامسینیرام
تئلینی کؤلگه‌له، هؤر بیر نئچه کؤینک یاراما!
#یعقوب_نیکزاد
@Sevgidanizi1
من اون بئش یاشیمدا-ایییرمی یاشیمدا
ائله بیلیردیم کی، قیرخ قوجالیقدیر.
اللی‌یه چاتیرام، آنجاق باشیمدا
اوشاقلیق هاواسی هله قالیبدیر.
ائله بیل دونن‌دیر، چیینیمده چانتا
قورغا یئیه-یئیه درسه گئتدیییم.
ائله بیل دونن‌دیر، او قامیش آت‌دا
نزیل قامچی ووروب، «آت» سَیریتدیییم
حیسّ ائده بیلمیرم یاشیمی نئیلیم
اوره‌ک او اوره‌کدیر، هوس او هوس…
گاه آرانا دوشور، گاه داغا مئیلیم،
نه‌دیر کؤنلومده کی بو دویغولار بس؟
ائله بیل دونه‌نین اوشاغییام من
بو عشقه، هوسه بعضا گولورم
آنجاق قینامیرام اؤزومو بعضا
آخی، نه یاتدیم کی نه یوخو گؤرم؟
گنجلیکدن الیمیز اوزولن کیمی
دونیادان دؤرد ال‌له یاپیشیریق بیز.
یاشیمیز، اؤتدوکجه آغاجلار کیمی
درینه ایشله‌ییر ریشه‌لریمیز.
اودور باخ… حیطده قوپوب ولوله،
اوشاقلار اویناشیر، دیرماشیر داما.
من ده اونلار ایله توتوب ال-اله،
قاچماق ایسته‌ییرم اوشاقلیغیما.
ایسته‌رم «گیزلن‌پاچ» اویناییم یئنه،
باشیما گؤتوروب چؤلو-شمنی.
ائله گیزله‌نیم کی، دوشوب ایزیمه
هئچ تاپا بیلمه‌سین قوجالیق منی.
آنجاق یاش اؤزونو گؤستریر هر دن،
اورکده چوخ گیزلی دؤیونتولر وار.
کوچه‌ده، باییردا تؤوشوینده من،
سانیرام، یوخوشدو، داشدی گوناهکار.
یولدا بالالاردان دالا قالاندا،
نئیله‌سین بو یوخوش، بو داش بیلمیرم
آنجاق گؤزللییه حئیران اولاندا،
اؤزومو اوغلوم‌لا هم یاش بیلیرم.
#بختیار_وهابزاده
@Sevgidanizi1
ائله بیلیردیم کی، قیرخ قوجالیقدیر.
اللی‌یه چاتیرام، آنجاق باشیمدا
اوشاقلیق هاواسی هله قالیبدیر.
ائله بیل دونن‌دیر، چیینیمده چانتا
قورغا یئیه-یئیه درسه گئتدیییم.
ائله بیل دونن‌دیر، او قامیش آت‌دا
نزیل قامچی ووروب، «آت» سَیریتدیییم
حیسّ ائده بیلمیرم یاشیمی نئیلیم
اوره‌ک او اوره‌کدیر، هوس او هوس…
گاه آرانا دوشور، گاه داغا مئیلیم،
نه‌دیر کؤنلومده کی بو دویغولار بس؟
ائله بیل دونه‌نین اوشاغییام من
بو عشقه، هوسه بعضا گولورم
آنجاق قینامیرام اؤزومو بعضا
آخی، نه یاتدیم کی نه یوخو گؤرم؟
گنجلیکدن الیمیز اوزولن کیمی
دونیادان دؤرد ال‌له یاپیشیریق بیز.
یاشیمیز، اؤتدوکجه آغاجلار کیمی
درینه ایشله‌ییر ریشه‌لریمیز.
اودور باخ… حیطده قوپوب ولوله،
اوشاقلار اویناشیر، دیرماشیر داما.
من ده اونلار ایله توتوب ال-اله،
قاچماق ایسته‌ییرم اوشاقلیغیما.
ایسته‌رم «گیزلن‌پاچ» اویناییم یئنه،
باشیما گؤتوروب چؤلو-شمنی.
ائله گیزله‌نیم کی، دوشوب ایزیمه
هئچ تاپا بیلمه‌سین قوجالیق منی.
آنجاق یاش اؤزونو گؤستریر هر دن،
اورکده چوخ گیزلی دؤیونتولر وار.
کوچه‌ده، باییردا تؤوشوینده من،
سانیرام، یوخوشدو، داشدی گوناهکار.
یولدا بالالاردان دالا قالاندا،
نئیله‌سین بو یوخوش، بو داش بیلمیرم
آنجاق گؤزللییه حئیران اولاندا،
اؤزومو اوغلوم‌لا هم یاش بیلیرم.
#بختیار_وهابزاده
@Sevgidanizi1
سنله منی قوشا گؤرن یاغیشلار،
ایندی مندن سنی سورور، نه دئییم؟
عشقیمیزه نغمه قوشان او قوشلار،
ایندی مندن سنی سورور، نه دئییم؟
سئوگیمیزه شاهید اولان بولاقلار،
باشیمیزا کؤلگه سالان بوداقلار،
سندن اؤترو بو تیتره‌ین دوداقلار،
ایندی مندن سنی سورور، نه دئییم؟
بیزیم ائودن سیزه گئدن او یوللار،
آرخامیزجا پیچیلدایان او کوللار،
سنسیز آرتیق قوینومداکی بو قوللار،
ایندی مندن سنی سورور، نه دئییم؟
پاییز بیزی دیسکیندیرن او یئللر،
یازدا بیزه قاش گؤز آتان او گوللر،
تئللرینی اوخشادیغیم بو اللر،
ایندی مندن سنی سورور، نه دئییم؟
باخیشیندان دردی قانان اورگیم،
سندن اؤترو منی دانان اورگیم،
«کؤنول» کیمی اودا یانان اورگیم
ایندی مندن سنی سورور، نه دئییم؟
#فاطمه_عبدی_کؤنول
@Sevgidanizi1
ایندی مندن سنی سورور، نه دئییم؟
عشقیمیزه نغمه قوشان او قوشلار،
ایندی مندن سنی سورور، نه دئییم؟
سئوگیمیزه شاهید اولان بولاقلار،
باشیمیزا کؤلگه سالان بوداقلار،
سندن اؤترو بو تیتره‌ین دوداقلار،
ایندی مندن سنی سورور، نه دئییم؟
بیزیم ائودن سیزه گئدن او یوللار،
آرخامیزجا پیچیلدایان او کوللار،
سنسیز آرتیق قوینومداکی بو قوللار،
ایندی مندن سنی سورور، نه دئییم؟
پاییز بیزی دیسکیندیرن او یئللر،
یازدا بیزه قاش گؤز آتان او گوللر،
تئللرینی اوخشادیغیم بو اللر،
ایندی مندن سنی سورور، نه دئییم؟
باخیشیندان دردی قانان اورگیم،
سندن اؤترو منی دانان اورگیم،
«کؤنول» کیمی اودا یانان اورگیم
ایندی مندن سنی سورور، نه دئییم؟
#فاطمه_عبدی_کؤنول
@Sevgidanizi1
٬
اوره یین
بورانلی قیشین
سیغناجاق ائوی
و...
من،
سیبری ده یاشایان بیر دده سیز اوشاق
اوشویور‌م...
#عزت_طهماسبی
@Sevgidanizi1
اوره یین
بورانلی قیشین
سیغناجاق ائوی
و...
من،
سیبری ده یاشایان بیر دده سیز اوشاق
اوشویور‌م...
#عزت_طهماسبی
@Sevgidanizi1
دولوب گؤزلرینه سئوگی حسرتی
قارا گون‌لرینه آغ یارانماییب
قانلی دوداغیندان آخیر نیفرتی
قادین وار دردینه داغ یارانماییب
قادین وار آلنینا سینیر چکیلیب
قادین وار سینیرسیز سئویر سئویلیر
قادین وار آدینا باریش اکیلیب
ساواش قیزلارین گؤز یاشین سیلیر
قادین وار گونلری قارالیب بیردن
ساچینین آغیندان آسیلیب سسی
قادین وار آرزیسی قارا دمیردن
دحشت پنجه سینده کسیلیب سسی
بیلیرم دونیانین چال ها چالیندا
یازی‌میز قادین‌سیز گول آچمایاجاق
ان آزی شعریمین اؤز ماحالیندا
آناسیز کؤرپه‌لر دیل آچمایاجاق
بو لال گئجه لری قانمایان‌لاری
مارتین سکگیزینه باغلاماق اولماز
سئوگی اوجاغیندا یانمایان‌لاری
یاغیشین سسینده آغلاماق اولماز
#دومان_بختیاری
@Sevgidanizi1
قارا گون‌لرینه آغ یارانماییب
قانلی دوداغیندان آخیر نیفرتی
قادین وار دردینه داغ یارانماییب
قادین وار آلنینا سینیر چکیلیب
قادین وار سینیرسیز سئویر سئویلیر
قادین وار آدینا باریش اکیلیب
ساواش قیزلارین گؤز یاشین سیلیر
قادین وار گونلری قارالیب بیردن
ساچینین آغیندان آسیلیب سسی
قادین وار آرزیسی قارا دمیردن
دحشت پنجه سینده کسیلیب سسی
بیلیرم دونیانین چال ها چالیندا
یازی‌میز قادین‌سیز گول آچمایاجاق
ان آزی شعریمین اؤز ماحالیندا
آناسیز کؤرپه‌لر دیل آچمایاجاق
بو لال گئجه لری قانمایان‌لاری
مارتین سکگیزینه باغلاماق اولماز
سئوگی اوجاغیندا یانمایان‌لاری
یاغیشین سسینده آغلاماق اولماز
#دومان_بختیاری
@Sevgidanizi1