الما فرحو لضحكتك لا تنثرلهم عرس
شيجيب باجر عشك
والعشك ضاع من امس


ذياب كزار💜

شفة تعض ندم ع الراح

وچف يذب حرگته وينكسر بلچف


الگاطع

سورة ماي



ذياب كزار

فزيت الصبح
شفت الحلم مذبوح
و بعيني نسه سچينته الذباح



الگاطع

ورقه بيضه ورازقي أبيض
وعيني تتهجه البياض
كلشي اشوف وناس ماتدري شنو
تبتسم ماتدري بيه
گاعد اقرا بلون گلبي


عبد الكريم القصاب

انه بلياك سفر بين الثلج والنار


عزيز السماوي

واوچي بموت
وسيول الحنين تفيض


مظفر النواب

اثاري من اشتكيلك چنت اسليك

واسولف مُوتي گدام الكتلني


،
،

عصام كريم

خفت لا أنمل .. بچيت


.

الكل_معني💔

نصي صوتك موت سكته..
لا تصيّح حضرة السلطان غافي
اختنگ واشبگ أمنيتك
دگه خل تعوف دگه..
وانته من ياهو انته!!
چفك المتشلبي ويدورله منقذ
لا تطلعه ..
هناك يم شباچهم ميته الضماير..
وعينك المتروسه نار اتباوع المن!!!
لا تفكهه
خاف لا تبچي ويطفي النار دمعك!!
من يسمعك!!!
من يچهبك!!
لا تأشر غطي اصبعك
انته عايش بالعراق وهذا ذنبك!!!


وليد العوادي

ومن مشيت الخطوه سيف
ودرب الاموادع رگبتي

ذياب گزار

يـ ابو هلالين

الأول منطفي بروحي

وهذاك
هلالك الثاني
بـ سمه چبدي يهل خنجر

أمجد الحلفي

بـ كثر ما حملت حنطه ليتامة گبل

بـ ضلوع محنيه

يطلع بـ ظهرك زرع من تمطر الدنيه

،
،

ضياء المياحي

السلام على أمام المتقين علي

فدوه من اعصب وانفعل

ساعدني وابرد

مو گبل بوب المراضه تسدهن..

،
،

رضا العبادي

من تحبلك شخص مالازم چفوفـه

تقبل يعوفك لحد ما توصل لمرحله

توگف گبال المري وتموت من البچي

وگلبك يگلك چذب مانگدر نعوفه..

،
،

رضا العبادي

من يشيلك صاحبك

دنياك تسوه

،
،

ضياء المياحي ✨💜

وما أقبل خيالي يعيش تعبي وياي

غطيت الشَمس

لمّن تعب ظلي

،
،

احمد الذهبي ✨💜

أجه غير أكض روحي

گبل بسته

وسرح مثل البريسم لمّن جسته

،
،

عدنان البركي ✨💜

ودفعت الثمن غالي وياك

ثلث أضعاف

شباب وطيش عمري وثورة أحلامي

،
،

عطا السعيدي ✨💜