tgoop.com/Shayh_Muhammad_Hassan/26
Last Update:
АллахIа бала хIунда ца боссабо керста нахана тIе?
Шайх Мухьаммад Хьасса́на (АллахIа Iалашвойла иза) боху:
«ХIинца хьан коьрте беана болу цакхетам дIабоккхур бу ас, хIай лераме да, хIай дукхавеза кIант, хIинца хьан коьртачохь ойла ю-кх, собар-собар, хIай Шайх, нагахь иза иштта ахь ма-бохху делахь, Сийлахь-Тоьлла волчу АллахIа бала хIунда ца боссабо керста нахана тIе?! Хьо тхо бехкедеш ву, тхоьгахь йолу халонаш Iесалла а, къинош бахьана долуш ду бохуш, тIаккха хIун эр дара ахь, Iесалла-м юьйцур яцара вай, мелхо Лекха волчу Паччахьца керстаналла диначеран хьокъехь?! Цунна жоп, дукхавезаш волчу Пайхамара делла-кх, сахьихь долчу хьадисехь деана ма-хиллара, Ахьмада шен Муснад жайнахь а, и воцчо а дийцина долу, Iукъбат ибн Iа́мирера (АллахI реза хуьйла цунна) дийцина долу, Пайхамара (саллаллахIу IалайхIи ва саллам) аьлла: «АллахIа лена дезарг луш хьайна гича, иза къинош лелош волшехь, хьуна хоийла и лай Сийлахь-Тоьлла волчу АллахIа Iехош вуй». Шайна лаахь Лекха волчун дош ду-кх шуна, дешийша: «Шайна хьехар деш дерг цара дицдича...». ХIай Дела, хIун хир бу цунна бекхам? ХIун ду хьан некъ бицбиначарна хиндерг, хьан элчанаша деънарг дицдиначарна, Iеламнаха бохург дицдиначарна, хIун бу царна хинболу бекхам?! Латтанаш дегор ду?! Дац! Латтанаш текхар ду?! Дац! Хьайбан суьрте хуьйцур бу уьш?! Бац! Мелхо, царна хиндерг – «Цара шайга шеца хьехам бина хилларг (кхерам тесна хилларг) дицдича, Оха дIайиллира царна массо дикачу хIуманан неIарш (шайн къиношкахь уьш дуккха латтийтархьама)‚ уьш бакхийбуьйш болуш шайна деллачух‚ тIаккха цIеххьана схьалийцира Оха уьш – тIаккха цара догдиллира массо диканах. Хадийра ша зулам деш хиллачу халкъан тIаьхье. Хастам бу Iаламаш кхиош волчу Далла». [Сурат: АнIа́м, аят: 44-45] ХIинца дIабелин хьан цакхетам?!».
[Хьехам: А́са́руз-зуну́би вал-маIа́си́]
https://www.tgoop.com/Shayh_Muhammad_Hassan
BY Шайх Мухьаммад Хьассан
Share with your friend now:
tgoop.com/Shayh_Muhammad_Hassan/26