tgoop.com/Shayh_Muhammad_Hassan/34
Last Update:
Нуьре яххьаш
Шайх Мухьаммад Хьасса́на (АллахIа Iалашвойла иза) боху:
«Ткъа дегIехь болу ницкъ - деган ницкъанна а, Далла муьтIахь хиларна а тIера стом бу, ладоха Ибн Iабба́се: «Дика хIума дечун нур хуьлу юьхь тIехь». Хьайн АллахIан дуьхьа ала, сан ваша, стеган юьхь тIе хьежча алар нисло-кх хьан цуьнга: «Ма нуьре ю хьан юьхь». Iаьржа басехь хила а тарло хьуна иза, Iаьржа дилха долуш хила а тарло хьуна иза, тIаккха а ахь цуьнга олуш нисло-кх, нур ду-кх хьан юьхь тIехь, билггал хаа ду хьуна иштта верг буьйсанна Далла Iибадат деш хиллий, Дела хьехош хиллий, ламазехь хиллий, Iибадатехь хиллий, тасбихь деш хиллий, Далла воьлхуш хиллий, Далла хьалха сийсазваьлла хиллий, Далла хьаставелла хиллий, Iуьйра ламаз деш хиллий. Хьан юьхь гича олу-кх хьоьга: «ХIай сан ваша, хьан юьхь ма нуьре ю-кх». КаIбан Делора бакълуьш ма ву хьо, валлахIи хуьлу цуьнан юьхь нуьре, баккъалла нур ма хуьлу цунна тIехь, цо динчу Iибадатан беркатца, цу Iибадатан дозаллица, бакъ ду-кх иза, Ибн Iабба́са боху: «Дика хIума дечун нур хуьлу юьхь тIехь, даг тIехь нур хуьлу цуьнан, дегIехь ницкъ хуьлу цуьнан, рицкъангахь шорто хуьлу цуьнан, нахана дукхавезаш хуьлу иза»... Дика ду тIаккха, Шайх, дика нах цабезарш ма хуьлу (и хIун ду)?! Иза ца хила йиш яц, мунафикъ стагана муъмин стаг везаре цкъа а са ма тийса ахь... Мунафикъ нахана-м АллахIан Элча а ма ца везна, харцонан дайшна АллахIан Элча а ца везна».
[Хьехам: А́са́руз-зуну́би вал-маIа́си́]
https://www.tgoop.com/Shayh_Muhammad_Hassan
BY Шайх Мухьаммад Хьассан
Share with your friend now:
tgoop.com/Shayh_Muhammad_Hassan/34