......ትዝብት .....
በሚሞት ስጋው በሚጠፋ ፈርሶ;
መልካምነት እያለ ክፋትን አንግሶ;
ጥልን አርግዞ እርስ በራሱ;
ከሌላው ስነጥቅ ላይሞላ ከርሱ;
የሞቱን ቀን ሁላ ከቶ ሳያስተውለው;
በቅጡ ሳይኖር እንዴት ይሞታል ሰው?::
✍Sola

https://www.tgoop.com/solgitm

...........ተናጋሪ አውሬዎች.............

ለውጥ ለውጥ ይሉናል:
ለድጋፍ ይጠሩናል:
ማየት ያልታደሉ ልባቸዉ ታውሮ:
አልታይ ብላቸው የህዝቡ እንጉርጉሮ :
ለማንም እያጨበጨቡ:
ለተሾመ ሁሉ እጅ እያራገቡ:
እንባችንን ጠጥተው ስሰክሩ:
አለፈላቸዉ ብለው ለዓለም አወሩ:
ደም እንደ ወንዝ መፍሰሱ:
የህፃኑ እጆች ጠመንጃ ሲያነሱ:
ሞት ሀዘን ሰቆቃና ለቅሶ:
በየደጃፉ ላይ ነግሶ:
ለውጥ ለውጥ ይሉናል;
ለድጋፍ ይጠሩናል::
✍✍SOLA

.......ሆሳዕና...

ጌታ ሆይ ተቀምጠህ በአህያ ጀርባ
ወደ ኢየሩሳሌም ስትገባ
ማንንም እንደማትንቅ አይቻለሁና
ና ና በእኔም ክብር ሆሳዕና።
✍sola

" ስንት ይሆን ኪሎዬ?*

በኑሮዬ መስመር ላይ በህይወት ጎዳና
ጉዞዬ ከሆነ ውሃ አልባ ደመና
ፍቅር ካልቋጠርኩኝ በልቤ ስልቻ
ዘግይቼ ከወጣው የምግባር እንጎቻ
ተስተካክሎ ቢቆም ልብስና ስጋዬ
በነፍስ ሚዛን ላይ ስንት ይሆን ኪሎዬ?
"

......እባክሽ ንገሪኝ....

ደስተኛ ነሽ አንቺ እኔን ረስተሻል
ያለፈውን ትተሻል
ህይወት ሰምሮልሻል
ምኑም ትዝ አይልሽ
ሙት ነኝ በልብሽ
እኔ ግን ያንቺ ከርታታ
ቆዝሚያለሁ በተውሺኝ ቦታ
ስትለዪኝ ባመመኝ ህመም
ዛሬም ደጋግሜ ስታመም
ለትላንቴ ለዛሬዬም ባልሆንም
ብቻ አለው ምንም አልልም
አንቺ ግን ያለፈውን ትተሻል
ደስተኛ ሆነሻል
ይሁን እሱ ይበቃኛል
ግና ዓለሜ...
ሁሉን ትቼ እንዳንቺው
እንዳልኖር ያረገው
ምን ይሁን ምስጥሩ-
ላንቺ ተገልጦ ለኔ የተሰወረው?
😔💔
✍SOLA
@Solayee

ጠፋህ አሉኝ ከጠረናቸው
ራሴን ስፈልግ እነሱን አጣሁዋቸው
አይደለም ከነሱ ከራሴም እጠፋለው
በውስጤ ጨለማ የተደበቀ ፍለጋ
ራሴን ስፈልግ ራሴ ላይ ልንጋ።
"Loneliness is a sign you are in disperate need of yourself"
©MILK and HONEY

"
:
:
በህይወት ጎዳና፤
ሳንል ጎንበስ ቀና፤
ያለ እንቅፋት ያለ እሾ፤
አይገኝም የድል እርሾ።"

የሆነ ቀን...

እኔ ምን ሆኜ ነው
አፌ የተዘጋው
አንደበቴን ምን ለጎመው
ቃል ማውጣት ስለምን ተሳነው
ምነበር እዛኔ በተነፈስኩ
ለዚህ ሰቆቃ ዛሬ ባልተዳረኩ።

ሌላ ቀን...

እኔ ምን ሆኜ ነው
እንደዚያ ማወራው
በአንደበቴ የመጣ ዕራሴን ምጠላው
እንደው መአት በመታኝ
በዚያ ቀን አፌን በዘጋኝ
ምነበር እዛኔ ዝምምም ባልኩ
ለዚህ ሰቆቃ ዛሬ ባልተዳረኩ።
✍Sola

"መናገር ሲገባን ባልተናገርነው እና መናገር ሳይገባን በተናገርነው መሀል ብዙ ፍቅር ባክኗል።" ጅብሪል

ለመላው የእስልምና እምነት ተከታይ እህት/ወንድሞቻችን እንኳን ለ1444ኛው የኢድ አል‐አድሀ በዓል አደረሳችሁ! 🙏❤️

መልካም በአል!

......የውሸት መሃላ .....

ከቶ አልዋሽሽ
እውነት ልማልልሽ
ስሚኝ ልንገርሽ...
ዳግም ላላስብሽ
ቆርጬ ልተውሽ
ላይታየኝ ትዝታሽ
እንደ ሙት ልቆጥርሽ
ቃል ልግባልሽ።
ከንግዲህ ልንቃ
እንባዬ ይብቃ
አንቺም እኔም ሌላ
አላውቅሽ ከዚህ በኋላ
ፍፁም አልዋሽሽ
ይሄው ማልኩልሽ።
ግና.................
እንደዛ ብልም አፌ ጠንክሮ
ልቤ ያለቅሳል አሁንም አምርሮ።
                    ✍ @Sola

........ርዕስ አጣው.......

በውስጤ የተፈጠርሽ
ዓለሜ አንቺ ነበርሽ
ያንቺን መለየት በልቤ አምቄ
ሌላ ነገር እንዴት ልፃፍ አድምቄ
ይሄው አንቺን ከተለየው
ግጥም መፃፊያ ሌላ ርዕስ አጣው
✍Sola

ከዕለታት 1ቀን...
የኛዋ ሞኝ ሀገር እራሷን ረገመች
"የተማረ ይግደለኝ"ብላ ተማፀነች።
ይሄው ደረሱላት
ተምረው ገደሏት።😭🇪🇹
sola

"
መነሳትን ፈጥሮታልና-እንደወደቅን ላንቀር
ግዜ ያክመዋል ሲደርስ-ሁሉ ቢተው ሁሉ ቢቀር;
ከአለም ምድጃ ብንጣድ- የተጠበስን ቢመስል;
ልንጣፍጥ ይሆናል-ሰዓት ጠብቀን ስንበስል
"©

❤22/12💚
ከአመታት በፊት
በዛሬዋ ዕለት
እየጮኹ እያለቀስኩ
ይቺን ምድር ተቀላቀልኩ።

#አንድ አመት ወደ ሞቴ ተጠጋው።
                     @Solayee

ሰው ለሰው
ድሮስ መች አነሰው
እኔ ልቅደም በልጦ እንጂ
ዛሬ የታመስነው  
ሰንሰለቱን ባንስት አብሮ መፈጠሩን
እናውቅበት ነበር አንድላይ መኖሩን            

.......አደግን.....

ተበላ ተጠጣ ተኖረ
ዕድሜ በረረ
ሰውነት ተቀየረ
ጥንቃቄ ተጨመረ
ጭንቀት ተደመረ
ምኞት ተፈጠረ
ፍርሃት ተቆጠረ
ሀሳብ ከሀሳብ ተባበረ
አመነ ጠረጠረ
ልብ አፈቀረ
በዚያው ተሰበረ
ልጅነት ቀረ
ትልቅነት ጀመረ።
✍Sola

"
“ናልኝ” ቢሉህ ፥ ትመጣለህ
“ስጠኝ” ቢሉህ ፥ ትሰጣለህ
ቸር አይደለህ !
….
እኔስ ግን…
       ምን ብዬ ልጠይቅ ?
     ሕይወቴን ፣ ምን ላ’ርገው ?
እወቅልኝ እስቲ
ምንድነው ጌታዬ ፥ እኔ ምፈልገው ?"

ውለታ ስንመልስ

እንከን ከሌለበት
ከዚያ ከሠማዩ ቤት
ማንም በማይጠጋው
በሚያንቀጠቅጥ ግርማው
ከሞቀው ጓዳ
በምስጋና ናዳ
ተፈርቶ ባስፈርነቱ
ገዝቶ በገዥነቱ
ሲኖር የነበረ
አምላክ የከበረ
አንዳች ሳይጎድለው
ጥፋቴ አሳዘነው
ወረደ በሰው ልጅ ተተፋ
አጎነበሰ ተጣለ ተገፋ
ክብሩን አጎደሉ
ጌታውን ተቀባበሉ
...እኛስ መቼ ችላ አልነው
ውለታውን በአጥፍ መለስነው
የተሰጠን ፍቅር ሸክም ሆነብን
ገድለን ሰቅለን ምላሽ መለስን።

                     😭✍ሶላ

.....ባንሄድ ይሻላል.......

ተውጦ በመከራ ፅልመት
እንዲህ አለኝ ሰማሁት...

አንዳንድ ቀንማ በእውነት ያደክማል፣
ለዓመታት ያለሙት ባዶ ሆኖ ይገኛል።
ህይወት በራሷ ክብ፣
እኛን ይዛ ካለሀሳብ፣
መንገዱን ሳናውቀው፤
መድረሻውን ላናየው፤
ስንጓዝ እየታገልን፣
ዕረፍት እየከጀልን፣
ለካስ ልብ ያላልነው፣
ያ ሞት ብቸኛው ዕረፍት ነው።

...ተው
............ተው
ስማኝማ የኔ ወንድም፣
ግድየለህም እንክረም።
ሀዘኑን ዋጠው፣
ምጡንም ያዘው፣
ይሁን እንባህም ይብዛ፤
ኪስህን በጨርቅ አብዛ።
ለሞት እጅ አትስጠው፣
እራሱ ይምጣ አንተ አትቅደመው።
ሁሉን ችሎ ዕልፍ ካለ ሰው፣
እልፍ ያተርፋልና በጊዜው፤
ለማሸነፍ ቀርበህ አትሁን ተሸናፊ፣
ታገል እስከ ጥጉ፤
በፈጣሪ ቀን ነህና አትራፊ።

                    ✍Sola