Quranic Reflection Day 10🤍

“ፍላጎቶቻችሁን ወደዛ ከፍላጎቶች ሁሉ ወደተብቃቃው غኒይ እና ሀሚድ ወደሆነው ጌታችሁ ውሰዱ”🥰

አላህ ሱብሀነሁ ወተዐላ በሱረቱ አል ሉቅማን:12 ላይ እንዲህ ሲል ተናግሯል

وَلَقَدْ آتَيْنَا لُقْمَانَ الْحِكْمَةَ أَنِ اشْكُرْ لِلَّهِ وَمَن يَشْكُرْ فَإِنَّمَا يَشْكُرُ لِنَفْسِهِ وَمَن كَفَرَ فَإِنَّ اللَّهَ غَنِيٌّ حَمِيدٌ (١٢)

“ለሉቅማንም ጥበብን በእርግጥ ሰጠነው፡፡ (አልነውም)፡- «አላህን አመስግን፡፡» ያመሰገነም ሰው የሚያመሰግነው ለራሱ ብቻ ነው፡፡ የካደም ሰው (በራሱ ላይ ነው)፡፡ አላህ ተብቃቂ ምስጉን ነውና፡፡”

በዚህ አንቀፅ ውስጥ አላህ ሱብሀነሁ ወተዐላ ለሉቅማን ጥበብ እንደተሰጠው ይነግረናል፤ በሌላም የቁርዐን አንቀፅ “ከአላህ ጥበብ የተሰጠው ሰው ብዙ መልካም ነገር ተሰጠው” ብሏል ጥበበኛ እና አስተዋይ የመሆን ትልቁ ውጤት አመስጋኝነትን መሰጠት ነው።

አመስጋኝ መሆናችን አላህን ቅንጣት ታህል አትጠቅመውም፤ ባናመሰግነውም አላህን አይጎዳውም ምክንያቱም እርሱ አል-غኒይ- (የተብቃቃ) እና አል-ሃሚድ (ምስጉን) ነው። ይልቁኑ በአመስጋኝነታችን ብዙ የምናተርፈው እኛው ነን።

ሙሳ (ዐለይሂ-ሰላም) መድየን በደረሱ ጊዜ ከፊርዐውን( ለዕነቱላሂ አለይህ) አምልጠው ብዙ ጓዞችን ሳይዙ ሩቅ ተጓዙ እዚያም እንደደረሱ ሁለት ሴቶች እርዳታ እንደሚያስፈልጋቸው አይተው ተገነዘቡና የሚያስፈልጋቸውን እርዳታ አደረጉላቸው ከዚያም በአንድ ጥላ ስር ተቀምጠው እንዲህ አሉ።

«…… فَقَالَ رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ» (٢٤)

«…… ጌታዬ ሆይ! እኔ ከመልካም ነገር ወደኔ ለምታወርደው ፈላጊ ነኝ» አለ፡፡

ሱረቱ አል ቀሰስ: 24

ሰዎች እንደ ጠንካራ አድርገው ቢመለከቱትም ድክመቱን ተረድቶ እና ፍላጎቱን ተገንዝቦ ከምንም አይነት ፍላጎቶች ወደነፃው ጌታው ዞረ።

አላህን ማወቅ ማለት አላህ እንደሚያስፈልገን ማወቅ ነው። ፍላጎታችንን ወደዛ ከመፈለግ ወደተብቃቃው ፣ ምሉዕ ወደሆነው እና ለኛ ሰጥቶን እሱ ምንም ወደማይጎልበት ጌታ እንውሰድ። እንድንሰግድ ፣ እንድንፆም፣ ዱዐ እንድናደርግ ወይም መልካም ሰዎች እንድንሆን ሲያዘን እሱን የምንጠቅመው አንዳችም ነገር ኖሮ አይደለም። ጥቅሙም መሰጠቱም ለኛው ነው፣ አላህ ሲሰጥ ንፁህ የሆነ መስጠትን ነው የሚሰጠው ምክንያቱም እሱ ከኛ የሚፈልገው ምንም ነገር የለም። Give and take የሚባለው logic አላህ ጋር አይሰራም Ask and take ነው የኛ አዛኝ ጌታ ጋር ያለው።

አላህ አመስጋኞች፣ እሱን ብቻ እና ከርሱ ብቻ ፈላጊዎች ያድርገን🤲
Allah knows the best🙏

#30daysofquranicreflections
#Day10

Quranic Reflection Day 11 🤍

እጅግ በጣም በሚያስገርም ፍጥነት የመጀመሪያዎቹን የረመዳን 10 ቀናት አጠናቀቅን፤የናፈቅነውን፣ የሳሳንለትን እና ሀጃዎቻችንን ሰብስበን የጠበቅነውን ያህል ሳንጠቀምበት እየሄደብን ይመስላል…..ልጅ እያለሁ ጀምሮ የምመኘው ነገር ቢኖር ረመዳን 2 ወይም 3 ወራትን የሚቆይ season ቢሆን ብዬ ነበር። ነገር ግን ምሉዕ የሆነው ጌታችን አላህ ሁሉንም ነገር ሲደነግግ ከምክንያት ጋር ነው።

أَيَّامًا مَّعْدُودَاتٍ فَمَن كَانَ مِنكُم مَّرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ فَمَن تَطَوَّعَ خَيْرًا فَهُوَ خَيْرٌ لَّهُ وَأَن تَصُومُوا خَيْرٌ لَّكُمْ إِن كُنتُمْ تَعْلَمُونَ (١٨٤)

“የተቆጠሩን ቀኖች (ጹሙ)፡፡ ከእናንተም ውሰጥ በሽተኛ ወይም በጉዞ ላይ የኾነ ሰው ከሌሎች ቀኖች ቁጥሮችን መጾም አለበት፡፡ በእነዚያም ጾምን በማይችሉት ላይ ቤዛ ድኻን ማብላት አለባቸው፡፡ (ቤዛን በመጨመር) መልካምንም ሥራ የፈቀደ ሰው እርሱ (ፈቅዶ መጨመሩ) ለርሱ በላጭ ነው፡፡ መጾማችሁም ለናንተ የበለጠ ነው፤ የምታውቁ ብትኾኑ (ትመርጡታላችሁ)፡፡”

[ሱረቱ አል-በቀራህ: 184]

ከዚህ አያህ ውስጥ ‹‹የተቆጠሩ ቀናት›› የሚለውን ገለፃ Deeply እያሰብኩት ነበር…ከዚህ አንቀፅ በፊት ስለፆም መደንገግ ፣ ከአንቀፁ ቀጥሎ የሚመጣው አያህ ላይ ደግሞ ረመዳን ቁርኣን የወረደበት ወር እንደሆነ አላህ ሱብሀነሁ ወተዐላ በከበረው ቃሉ ነግሮናል።

"የተቆጠሩ ቀናት" የሚለው Phrase የረመዳንን ፆም ለማመልከት እንደሆነ ብዙ አሊሞች አስገንዝበውናል so አላህ ﷻ እነዚህን ቀናት በቁጥር ሲገድብ በመፆማችን ውስጥ ያለው ድካም፣ ረሀብ እና መጠማት ለአጭር ጊዜ ብቻ መሆኑን እየነገረ የሙዕሚኖች ቀልብ ላይ እርጋታን ለመፍጠር ነው።

በሌላ በኩል ደግሞ “ተቆጥረዋል” የሚለው ቃል ለአንድ ነገር ያልተገደበ የሆነ Access (አቅርቦት) እንዳለን ካሰብን for granted ልንወስደው እና መስጠት ያለብንን ያህል ዋጋ ላንሰጠው ስለምንችል ነው።

እነዚህ ቀናት "የተቆጠሩ" ስለሆኑ እየቆጠርን መጠቀም አስፈላጊ ነው። ይህ ልዩ እድል እንዳያመልጠን ቀኑንና ሌሊቱን በታዛዥነት ፍፁም ለአላህ በጠራ አምልኮ ልናሳልፈው ይገባል፤ ካለፈው የቀረን ይበልጣልና እንጠንክር ወዳጆቼ🥰

አንዳንዴ ረመዳን ምንም ሳልጠቀምበት አመለጠኝ ፣ አሁንማ ረፈደ፣ በቃ ከዚህ ቡሀላ ቁርዐን ለመጀመር ጊዜው አይበቃኝም፣ እንዴት ስራዬንና ረመዳንን አብሬ ላስኪድ? ምናምን እያልን ከፍተኛ በሆነ ጭንቀት እና መረበሽ ውስጥ ለምንገባ ሰዎች እነዚህን ሶስት ነገሮች እያሰብን motivated ሆነን መቀጠል እንችላለን፦

1. አላህ ﷻ ጥረታችንን አይቶ ከኛ በተሻለ የአቅም ውስንነታችንን እንደሚረዳ እና እኛ ለነብሳችን ቅርብ ከሆነው በላይ እሱ ቅርብ እንደሆነን ማሰብ

2. መተንፈሳችንን እስከቀጠልን ድረስ በየቀኑ እና በየቅጽበቱ ወደ አላህ ተናንሰን ለመጸጸት ፣ ዱዐ ለማድረግ እና በየትኛውም አይነት ዒባዳ ወደሱ ለመቃረብ ጊዜ እንዳለን ማሰብ

3. ረመዳን ከገባበት ቀን ጀምሮ ከሰራናቸው ስራዎች እና ዒባዳዎች በአንዱም ላይ መመካት እንደማንችል አስበን እና አላህ ﷻ ኒያችንን ተመልክቶ ከችሮታው ምንዳን እንዲሰጠን ፣ ዒባዳዎቻችንን እንዲቀበለን ተግተን ዱዐ ማድረግ እንዳለብን አውቀን የተቀሩት ወርቃማ የረመዳን ቀናት ላይ ከነበረን performance የቻልነውን ያህል አጠንከረን መጓዝ ይኖርብናል።

አላህ ነብሴንም እናንተንም በረመዳን ከሚያተርፉ ሰዎች መሀከል ያድርገን🤲

Allah Knows the best🙏

#30daysofquranicreflections
#Day11

Quranic Reflection Day 12 🤍

አስተውለችሁ ከሆነ አለማችን ላይ የሚፈጠሩ አብዛኛዎቹ social Dramaዎች ታዋቂ(famous) መሆን መፈለግን እና የመበለጥ ስሜትን ተከትለው የሚመጡ ናቸው።

የሰው ልጅ ከነዚህ አራት ነገሮች መሀከል አንዱን ባህሪው ውስጥ ካገኘ ራሱን ሊያርም እና ሊጠነቀቅ ይገባዋል።

“1. ታይታን የሚወድና በሰዎች ስኬት የሚቀና ከሆነ
2. ሰዎች መብታቸው የሆነን ነገር ሲጠቀሙ ሲያይ ለመከልከል የሚሞክር ወይም እንዳይጠቀሙ ተፅዕኖ የሚፈጥር ከሆነ
3. ወንጀሎችን በግልፅ የሚሰራ እና ብልግናውን ሀገር ይወቅልኝ እያለ የሚለፍፍ ከሆነ
4.ሰዎች ሲደነቁና ሲሞገሱ ማየትን የሚጠላ ከሆነ”

ከእነዚህ አራት ምልክቶች መካከል የትኛውም በውስጣችን እንዳለ ካወቅን መጠንቀቅ ይኖርብናል። ቅናት የክፋት ሁሉ መሰረት ነው፣ ሚዛናዊነታችንን አሳጥቶ ጭፍን ራስ ወዳዶች ያደርገናል።

ሁሌም እንደሚባለው የሰው ልጆች ስንባል ከራሳችን ቀድሞ የሚታየኝ የሌሎች ሰዎች ስህተት ነው። ነብሳችን ትዕዛዟን ቀድማ ራሷ ላይ ነው መፈፀም ያለባት! ራሳችን ላይ ማረም ያልቻልነውን ስብዕና ሌሎች ሰዎች ላይ ታርሞ ማየትን መፈለግ ሞኝነት ነው።ሌሎች ሲመሰገኑ ሲወደሱ ሲሞካሹ እና ለመልካም ምግባራቸው recognition ሲሰጥ ልባችን ውስጥ ቅንጣት ታህል እንኳን የመበለጥ የመቆጨት ወይም የዛን ሰው ቦታ የመያዝ ምኞት መኖር የለበትም!!

የምንፈልገውን ነገር የምናገኘው ሰዎች ላይ በመመቅኘት፣ ለነሱ ስኬት ባለመደሰት፣ ለነሱ ምንም አይነት recognition ባለመስጠት፣ ወይም ጭፍን በሆነ ጥላቻ ውስጥ ተዘፍቀን ስለነሱ ክፉ የተባለን ነገር ሁሉ እያወራን reputationአቸውን ለማርከስ በመሞከር ሳይሆን ፣ ነብሳችንን ይህን ከመሰሉ ድርጊትና ሀሳቦች በማፅዳት ነው።

قَدْ أَفْلَحَ مَن زَكَّاهَا (٩)

“ (ከኀጢኣት) ያጠራት ሰው ፍላጎቱን በእርግጥ አገኘ፡፡”
[ሱረቱ አሽ ሸምስ: 9]

አላህ ሱብሀነሁ ወተዐላ አስበንም ይሁን ሳናስበው ነብሳችንን ከሚቆጣጠሩ ሸር ሀሳብ እና ድርጊቶች ይጠብቀን🤲
Allah knows the best🙏

#30daysofquranicreflections
#Day12

Quranic Reflection Day 14🤍

ሙሳ አለይሂ ሰላም ኸድርን እንዲከተለው እና አላህ ከሰጠው እውቀት እንዲማር ፍቃድ ሲጠይቀው

قَالَ إِنَّكَ لَن تَسْتَطِيعَ مَعِيَ صَبْرًا (٦٧)
وَكَيْفَ تَصْبِرُ عَلَى مَا لَمْ تُحِطْ بِهِ خُبْرًا (٦٨)

“(ባሪያውም) «አለ አንተ ከእኔ ጋር መታገስን በጭራሽ አትችልም። በዕውቀትም በእርሱ ባላዳረስከው ነገር ላይ እንዴት ትታገሳለህ»።”
ብሎ መለሰለት (ሱረቱል ካህፍ 67-68)

ነገር ግን ሙሳ አለይሂ ሰላም ለኸድር “አላህ የሻ እንደሆነ ታጋሽና ላንተ ትዕዛዝን የማልጥስ ሆኜ ታገኘኛለህ” ብሎ መንገዱን ከጀመሩ በኋላ ለሰይዲና ኸድር አላህ በሰጣቸው እውቀት ከሙሳ ዐለይሂ ሰላም የመረዳት አቅም በላይ መልኩ ነገሮችን መከወን ሲቀጥሉ ሙሳ አለይሂ ሰላምም መታገስ ተስኗቸው ጥያቄዎችን መጠየቅ ቀጥለው ነበር።

ዛሬ ይህንን ሱራህ እየቀራሁ ድንገት ይሄ አያህ ትኩረቴን ሳበው፣ በሕይወታችን ውስጥ አንዳንድ ጊዜ ስሜታዊ፣ ሥጋዊ ወይም መንፈሳዊ ትግሎች ውስጥ እንዴት እንደምናልፍ Deeply think እንዳደርገግ አድርጎኛል፤ ነገሮች ለምን አሁን በሆኑበት መልኩ ሆኑ የሚለውን መረዳት ባንችልም እንኳን ሳንታክት ለመረዳት እንሞክራለን፣ ግን ምንም ውጤት የለውም።

አንድ ነገር በሚከሰትበት መንገድ ለምን እንደሚከሰት ከጀርባ ያለውን ምክንያት ሁልጊዜ እኛ ማወቅ አለብን ማለት አይደለም። እውቀት አንዳንድ ጊዜ ከመጋረጃዎች በስተጀርባ በማይታይ ሁኔታ ውስጥ ይቀራል፥ ያ እውቀት የአላህ ብቻ ነው። በእንደዚህ ዓይነት ሁኔታዎች ውስጥ ስንሆን፣ ሙሉ እምነታችንን አላህ ሱብሀነሁ ወተዐላ ላይ ብቻ ጥለን ሁሉም ነገር የሆነው በእርሱ ፈቃድ እንደሆነ በማወቅ በእርሱ ላይ ሙሉ በሙሉ መተማመን አለብን።

አላህ ከሰጠን የዕውቀትና የማገናዘብ አቅም በላይ ያለውን ነገር በፍፁም ልንረዳው አንችልም።

በእንደዚህ ዓይነት ሁኔታዎች ውስጥ ሰብር አድርገን ለምን እንዲህ ሆነ? ለምን በዚህ መልኩ አልሆንም እያልን ግላዊ መላምት ከመስጠት መታቀብ ፈታኝ ቢሆንም የማይቻል ነገር ግን አይደለም። ከአላህ ፈቃድ በስተጀርባ ያለውን ጥበብ በፍፁም ልንረዳው አንችልም ነገርግን እሱ አል-ሀኪም (እጅግ ጥበበኛ) እና አል-አሊም (ሁሉን አዋቂ) መሆኑን አውቀን ታጋሽ መሆን ያስፈልጋል።መረዳት በከበደንም ጊዜ እርሱ ለኛ ከኛ የሚሻለውን እንደሚያውቅ ማመን አለብን። በችግር ጊዜም ሆነ በድሎት ጊዜ humble እና ታጋሽ ሆነን ሁሉን ነገር በዕውቀት አድራጊው ሀያሉ ጌታችን አላህ እንደሆነ እንገንዘብ ለማለት ያህል ነው።🥰
Allah Knows The Best🙏

#30daysofquranicreflections
#Day14

Quranic Reflection Day 18🤍

وَلَنَبْلُوَنَّكُم بِشَيْءٍ مِّنَ الْخَوْفِ وَالْجُوعِ وَنَقْصٍ مِّنَ الْأَمْوَالِ وَالْأَنفُسِ وَالثَّمَرَاتِ وَبَشِّرِ الصَّابِرِينَ (١٥٥)

“ከፍርሃትና ከረኃብም በጥቂት ነገር፣ ከገንዘቦችና ከነፍሶችም፣ ከፍራፍሬዎችም በመቀነስ በእርግጥ እንሞክራችኋለን፡፡ ታጋሾችንም (በገነት) አብስር፡፡”

الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (١٥٦)

“እነዚያን መከራ፤ በነካቻቸው ጊዜ «እኛ ለአላህ፤ ነን እኛም ወደርሱ ተመላሾች» ነን የሚሉትን (አብስር)፡፡”

أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (١٥٧)

“እነዚያ በእነርሱ ላይ ከጌታቸው የኾኑ ምሕረቶች ችሮታም አልሉ፡፡ እነርሱም (ወደ እውነት) ተመሪዎቹ እነርሱ ናቸው፡፡”

[ሱረቱ አል-በቀራህ: 155-157]

በፈተና እና በመከራ ጊዜ ቁርዐን ጥልቅ የሆነን መመሪያ እና ማጽናኛ ይሰጣል። Currently በፍልስጤም ያለውን አስቸጋሪ ሁኔታ ስንመለከት፣ ከላይ የተጠቀሱት የቁርዓን አንቀጾች ከሌላው ጊዜ በተለየ ስሜት ይሰጣሉ ፣ ይህም በአላህ ላይ ያለን እምነት ላይ ሊያመጣ የሚችለውን ጥንካሬ እና ቆራጥነት ያስታውሰናል።

ቁርዓን ስለተለያዩ ፈተናዎች በተደጋጋሚ ይናገራል ፣ የሰው ልጅ በተለያዩ የህይወት ዝቅታዎች ውስጥ ሊገባ ይችላል። አላህም ስለነዚህ ፈተናዎች እንዲህ በማለት ይነግረናል፡-

“ከፍርሃትና ከረኃብም በጥቂት ነገር፣ ከገንዘቦችና ከነፍሶችም፣ ከፍራፍሬዎችም በመቀነስ በእርግጥ እንሞክራችኋለን፡፡ ታጋሾችንም (በገነት) አብስር፡፡”

እነዚህ አያዎች ትዕግስትን፣ ጽናትን እና መከራን በእምነት የታገሡትን ሰዎች ምንዳ አጉልተው ያሳያሉ።
በዚህ ፈታኝ ጊዜ፣ በፍልስጤም ውስጥ ነፃነትን እና ፍትህን ከሚሹ ወገኖቻችን ጋር አንድ ሆነን ስንቆም፣ መጽናናትን ፣ መነሳሳትን እና ከአላህ የሆነ እርዳታን ለማግኘት ትልቁ መሳሪያችን ወደ ቃሉ መመለስ ነው ። ተስፋ እንዲኖረን፣ በመከራ ውስጥ እንድንቆም፣ እና አላህም በትዕግሥት ከሚጸኑት ጋር መሆኑን እንድናስታውስ ቁርዐን ያስታውሰናል።

በፍልስጤም ላሉ ወንድም እህቶቻችን ሰላም እና ፍትህ ዱዐ ስናደርግ በቁርዓናዊ ጥበብ ከተመራን የአላህን ውሳኔ በትዕግስት ተጠባባቂነታችንን ያጠናክርልናል፣ በየትኛውም አስጨናቂ ጊዜ ውስጥም ብንሆን እሱ ላይ ያለን እምነት ወደፊት መንገዱን እንደሚያበራልን ያስገነዝበናል።

አላህ ሆይ! አንተ አል-ፈታህ ነህ ፣ ከሁሉ በላይ የሆንክ የችግሮች ሁሉ ፈቺ ነህ። በፍልስጤም እና በተለያዩ የአለማችን ክፍል የሚገኙ ሙስሊም ወንድም እህትቶቻችንፈተናዎች እና ችግሮች በሀያልነትህ ጎብኘው🤲

“እዝነቱ ይደንቃል የሌለ እስኪመስል”

Allah Knows The best

#30daysofuranicreflection
#Day18

🌙تقبل الله منا ومنكم صالحل اعمال🌙
كل عام وانتم بخير
عيد مبارك
{ Eid-Mubarek }
[ ኢድ-ሙባረከ ]

መች ሚታይ ሆኖ እንደቀላል?
ውበቶ ልብን ይገላል፤
አንዘፈዘፈዘኝ ናፍቆቶ
ሳላየው በሩቅ ያን ጀማል።

እንዳለ ሙንሺድ መሐመድ ሰዒድ ረሒመሁላህ ጊዜያዊውን ዓለም ተሰናበተ! ... አላህ ከምትወዳቸው፤ ከናፈቅካቸው ነብይ ጋር ያጎራብትህ! በጀነቱም ይሞሽርህ ... አል-ፋቲሓ!

الى جنات الخلد .. الى عليين مع الأنبياء والصديقين والشهداء 😭💚

❤️🥰እሺ ነገ ፀሀይ ከወጣችበት ቀናት ሁሉ ምርጡ ቀን ነው፣ ነገ አላህ የ 2 አመት ወንጀል የሚምርበት ቀን ነው፣ ነገ አላህ ብዙ ባሮቹን ከ እሳት ነፃ የሚያወጣበት ቀን ነው፣ ነገ የ ዱዓዎች ሁሉ በላጭ ዱዓ የሚደረግበት ቀን ነው፣ ነገ አላህ መላዒኮቹ ፊት በኛ የ ሚመፃደቅበት ቀን ነው፣ ነገ ልዩ ቀን ነው፣ ነገ የ አመቱ ምርጥ ቀን ጌታችን ከመቼውም ጊዜ በላይ ለኛ ቅርብ የሚሆንበት ቀን ነው ያ ጀማዓ የነገው ቀን normal ቀን አይደለም እና አደራ በ normal ውሎ እንዳያልፍ።

እና ከ ፈጅር በፊት 30 ደቂቃ ቀደም ብለን እንነሳና 2 ረከዓ በ ጥሞና ልክ ከዚህ በፊት እንዳልሰገድነው፣ ልክ አላህ ፊት ቆመን ጀነት በ ቀኛችን በግራችን ጀሀነም እንዳለ እያሰብን 1 ረከዓ ደግሞ ዱዓችንን የተዘበራረቀ ስሜታችንን ርግፍ አድርገን ለ አላህዬ እንነግረዋለን። ግን እኮ ለይል ሰግጄ አላውቅም? ኢሄ ቀን ኖርማል አይደለም እያልኩህ🥰 ከዛም ሱሁራችንን ቀመስ ቀመስ አድርገን ወደ ፈጅራችን🖤

ከዛም ፈጅራችንን ሰግደን ጸሀይ እስክትወጣ በመስገጃችን ላይ ቁርዓን እየቀራን ቁጭ ብለን የ ንጋቱን ውበት እያስተነተንን ሀሳባችንን ሰብስበን ሀጃዎቻችንን በ ፎልደር ሰብስበን የምንፈልገውን ነገር በደንብ አውቀን ወደ ስራችን / ክላሳችን / ጉዳያችን🖤

የ ከሰዓቱ ክፍለ ጊዜ is the treasure ሁሉንም ነገር እርግፍ አድርገህ ትተህ ወደ መስገጃህ እዬዬ ብለህ ማረኝ በለው፣ ጭቅጭቅ እያደረከው ከ ጀሀነም ነፃ አውጣኝ በለው፣ ጠዋት ላይ በ ፋይል ያስቀመጥከውን ሀጃዎችክን ዘርግፋቸው አላህን እኮ ነው የምትጠይቀው አታመንታ ሁሉንም ዘርግፍ... አላህ አይሆንም አይሳካም በ ጭራሽ! ያልከውን ሁሉ በ አንድ ጀንበር ሁን ሊለው አይችልምን? ይችላል በደንብ ይችላል በደንብብብብ!

ከደከምክ እስከ አስር የ 30 ደቂቃ nap ውሰድ እና ለ አስር ተነስ ከ አስር በኋላ ግን እንድች ብለህ እንዳትዘናጋ፤ እነዚህ የምትሮጥላቸው ሀጃዎች ሁሉ በ አላህ እጅ ናቸው ሙጥኝ ብለህ ለምነው ልብህ እስኪረጋጋ እና ጌታህ እሺ ያለህ እስኪመስልህ ድረስ እጅህን አታውርድ። ታዲያ ይህን ስታደርጉ በ መሀል ስሜን ማስገባትን አትርሱ🖤

ይህን ማድረግ ያልቻለ የ ስራው በሀሪ ያልፈቀደለት ግን ከ ቀኑ የ ከሰዓቱን ክፍል 30 ደቂቃን ወሰዶ ጌታውን ይለምን፣ ቀኑን በዚክር ያሳልፍ፣ ቁርዓኑን ይቅራ🖤

ሀይድ ላይ ያለሽ ቆንጂት አንቺ ደግሞ ያልፆመ እንዳይጠይቀኝ አልተባለም ሲደክምሽ እየበላሽ እየጠጣሽ ዘክሪ፣ ፆመኞችን ነይተሽ አስፈጥሪ በያንዳንዷ ልፋትሽ ውስጥ ኢህቲሳብ አድርጊ🖤

Asin

💊ዛሬ ጁሙአ ነው ሁቦች መልካም ጁምአ ይሁንልን🥰
  ጁምአም አይደል ሰላዋትና ዱዓ እናብዛ አላህ ያግራልን🥰

     የጁምአ ስጦታ 🎁
🥰አላህ ከምትወጂዉ ነገር ጋር በቶሎ ካገናኘሽ የመጠበቅን ሀይል የሰብርንና የዱዓን ተዐምር አታዉቂም::❤️‍🩹

🤌በምትጠብቂዉ ነገር ላይ ፈተናወች ከገጠሙሽ ታገሽ በዛዉ ልክ የዉጤቱ ጥፍጥና እየጨመረ ይሄዳል!!!!

💊ልብሽ ድክም ሲልብሽ……🥰
አስታውሺ ትላንት አላህ
ከየት እንዳነሳሽ❤️‍🩹
በወንጀላችን ልክ ሳይሆን በተውበታችን ልክ የሚመዝነን ጌታ ጥራት ይገባው 🥰

🥰እስኪ ልመርቃቹ አሚን በሉ 🤲

ጨለማ  በብርሃን እንደሚሸነፍ  ፥
ያስጨነቃችሁ ለሰው ማታወሩትን ተራራ መስሎ የታያቹ ጉዳያቹሁን አላህ
ደልዳላ ሜዳ ያርግላችሁ ፤ 🤲
ችግሮቻችሁ እንደ ጠዋት ጤዛ ይርገፉ,
የልቦናችንን መሻት አላህ ይሙላላችሁ ፣ አሚን አሚን 🤲
አደራቹህ በዱአቹህ አትርሱኝ መላኢካዎች ለናንተ ዱአ ያረጋል🥰
መልካም ጁምአ በድጋሚ ♥️
https://www.tgoop.com/Nurelyetim_charity

የረሱለላህﷺ አጎት የሆኑት ዐባስ ኢብኑ ዐብዱል-ሙጠሊብ ባለቤት የሆነችው ኡሙል-ፈድል ቢንት አል-ሓሪስ ወደ ሰይዳችንﷺ ዘንድ በመሄድ እንዲህ አለች፦
"ያ ረሱለላህﷺ! ያለፈው ሌሊት ያልተለመደ ህልም ተመለከትኩ።"
ረሱለላህም:-"እንዴት ያለ ህልም?" ሲሉ ጠየቋት።
እሷም:-"ካንቱ አካል የሆነ ቁራጭ ተቆርጦ ቤቴ ሲቀመጥ ተመለከትኩ።"
ሰይዳችንምﷺ:-"መልካም ህልም ነው።ፋጢማህ ወንድን ትወልዳለች።ባንቺ ቤት ይሆናል የምትወልደው።" ሲሉ ፈቱላት።
ከዚያት በኃላም ሰይዳህ ፋጢማህ ሑሰይንን ወለደች።በጊዜውም በኡሙል-ፈድል ቤት ነበረች።
ከዚያም ትኩረቴን ወደ ሰይዳችን ላይ አደረኩ።የረሱለላህﷺ ዐይን እምባን ያፈሱ ነበር።
"እኔም ያ ረሱለላህﷺ እናትና አባቴ ፊዳ ይሁንሎት! ምን ገጠሞት?" ስል ጠየቅኩ።
እሳቸውም:-"ጂብሪል መጥቶ ኡመቴ ይህ ልጄን እንደምትገድለው ነገረኝ።" አሉ።
እኔም:-"ይህን?" ስል ጠየቅኩ።
ረሱለላህምﷺ:-"አዎ! ቀይ የሆነ አፈርንም ይዞ መጥቶኛል።" ሲሉ አረጋገጡላት።

(ኢማም ሐኪም በሙስተድረካቸው፤በይሀቂም በደላኢል ላይ የዘገቡት።)

የፅናት፣ትዕግስት፣ለእውነት የመቆምና የመስዋዕትነት ተምሳሌት በሆኑት ኢማም ሑሰይን ኢብኑ ዐሊይና የከርበላእ ሹሀዳኦች ላይ የአላህ ሰላም ይስፈን🙏🤲

#ከርበላእ_ጋዛ 1

Ber Hum

ሰይዳችንﷺ ስለ ሰይዳህ ፋጢማህ ሲያወሩ እንዲህ ነው ያሉት:-
فاطِمَةُ بَضْعَةٌ مِنِّي، فمَن أغْضَبَها أغْضَبَنِي.

"ፋጢማህ ከኔ የሆነች አካል ናት።እሷን ያስከፋት እኔን ያስከፋኛል።"(ቡኻሪ)
ይህ ሰይዳህ ፋጢማህ ልጃቸው ብቻ ሳትሆን የሳቸው ክፍል እንደሆነች የሚጠቁም ነው።በዚህም እሷን በማስደሰት ውሰጥ እሳቸውን ማስደሰት፤እሷን በማስከፋት ውስጥም እሳቸውን ማስከፋት እንዳለ የገለፁት።

ለሰይዱና ዐሊይም በተመሳሳይ መልኩ እንዲህ ብለዋል:-

أنتَ منِّي وأَنا منكَ
"አንተ ከኔ ነህ። እኔም ካንተ ነኝ።"(ቡኻሪ)

በተመሳሳይ መልኩም ስለ ልጅ ልጃቸው ሰይድ ሑሰይን እንዲህ ብለዋል:-
حُسينٌ منِّي ، و أنا منه ، أحبَّ اللهُ مَن أحبَّ حُسينًا ، الحسَنُ و الحسينُ مِن الأسباطِ
"ሑሰይን ከኔ ነው።እኔም ከሑሰይን ነኝ።ሑሰይንን የወደደን አሏህ ይውደደው(ወዶታል)።ሐሰንና ሑሰይን ከ"አስባጥ" ናቸው።"(ቲርሚዚይ፣አሕመድ፣ኢብኑ ማጀህ)

"ሑሰይን ከኔ ነው!" የሚለው ከሰይዳህ ፋጢማህና ሰይድ ዐሊይ የተገኘ በመሆኑ የሳቸው አካል መሆኑን የሚጠቁም ነው።"እኔ ከሑሰይን ነኝ!" የሚለው ግን በውስጡ ብዙ ሚስጥሮችን የያዘ ይሆናል።ይህም በተለምዶ ልጅ ወደ አባት ሲጠጋ እንጂ አባት ወደ ልጅ ሲጠጋ የማይስተዋል በመሆኑ ነው።በዚህ ሐረግ የሚገለፀው ዋነኛው ነጥብ ሰይዳችንﷺ በሌሉበት ሰዓት አቋማቸው በሰይዱና ሑሰይን ሊገለፅ እንደሚችል ጥቆማን የሚሰጥ መሆኑ ነው።በተለይም ነገራት በተመሳሰሉበትና አደናጋሪ በሚሆኑባቸው ሰዓታት ሰይዳችንንﷺ ሑሰይን ዘንድ፤አቋማቸውንም ካቋሙ እንደምናገኝ ይነገርናል።

በከርበላእ ሜዳ ኢማም ሑሰይንን ለመግለደል የተሰበሰበው የበኑ ኡመያ ሰራዊት ቀኝ አዝማች የነበረው ዐመር ኢብኑል-ሐጃጅ ወደ ሑሰይን ሰራዊቱን ሲያነሳሳ እንዲህ ነበር ያለው:-

"ከጀማዓህ የተፃረረውን ከዲን የወጣውን ሰው ተጋደሉ።"

ዐጂብ ነው።ዲን፣ዒልምና ተቅዋን ከረሱለላህﷺ የወረሰው የልጅ ልጃቸው በኩፋ ሀገር አዕራብ ነበር ከዲን የወጣ የተደረገው።ለሱ ዲን ማለት የሆሆይታው ብዛት የአጋፋሪው መበርከት ነበር።እሱ በተሰበከው ዲን ከሱ ጋር ከ10 ሺህ በላይ የበዳይና ግፈኛ ንጉሶች አገልጋይ ሰራዊት መኖሩ የሑሰይንንና መቶ የማይሞሏ አጋሮቹን ዲንና እውነታ መንጠቅ የሚችል ነበር።የሰይድ ሑሰይን መውጣትም ይህ አስተሳሰብ የአያታቸው የሰይዳችንﷺ ዲን እንዳልሆነ ለዓለም ለማሳወቅም ነበር።አዳራሹም ከርበላእ ሆነ።ከሃምሳ አመት በፊትም ሰይዳችንﷺ "እኔ ከሑሰይን ነኝ" ሲሉ እስከዚህ ሜዳ ድረስ ማለት ነው።ሰይድ ሑሰይን ላይ የተመዘዘው ሰይፍ እንዲሁም የተወነጨፈው ቀስት ሰይዳችንﷺ ላይ በቀጥታ የተመዘዘና የተወነጨፈ ነው።

የፅናት፣ትዕግስት፣ለእውነት የመቆምና የመስዋዕትነት ተምሳሌት በሆኑት ኢማም ሑሰይን ኢብኑ ዐሊይና የከርበላእ ሹሀዳኦች ላይ የአላህ ሰላም ይስፈን🙏🤲

#ከርበላእ_ጋዛ-2

ከኩፋ የመጣው የዑበይዱላህ ሰራዊት ሰይዱና ሑሰይንና ተከታዮቻቸውን ከቦ ወደኩፋ መግባትም ሆነ ወደ መዲና መመለስን ከልክሏቸው ነበር።በዚህ ሁኔታ ሳሉ ምሽቱ ሲደርስም ሰይዱና ሑሰይን ለወንድሞቻቸውና ለተከተሏቸው ሰዎች እንዲህ አሉ:-
"ከናንተ መካከል ወደቤተሰቡ መመለስ የፈለገ ካለ ፈቅጄለታለሁ።ሰዎቹ እኔን ብቻ ነው የሚፈልጉት።ሌሊቱ ሸፍኗቹሃል።መንቀሳቀሻ አድርጋቹህ ተጠቀሙትና ሂዱ።"

ወንድሞቻቸው፣የወንድማቸውና የአጎቶቻቸው ልጆች እንዲሁም ከኃላቸው የነበሩት ተከታዮቻቸውም ምላሽ ተመሳሳይ ነበር:-

"ካንቱ ወዲያ በዱንያ የምንቆይበት ምክኒያት የለንም።ባንቱም ላይ የምንጠላውን ነገር ደርሶ አያሳየን።"

ከዚያም ሰይድ ሑሰይን ወደያንዳንዳቸው እየሄዱ እንዲመለሱ ጠየቋቸው።የሁሉም መልስ ተመሳሳይ ነበር።

"ለምንድነው ጥለኖህ የምንሄደው? የዱንያ ህይወትን መርጠን? ወላሂ ፈፅሞ አናደርገውም።ስላንቱ ነፍሶቻችን፣ቤተሰቦቻችንና ንብረቶቻችን ፊዳ ይሁንሎት! ካንቱ ወዲያ ህይወት ካለን አሏህ የተረገመ ያድርግብን።" ሲሉ መለሱላቸው።

ከኩፋ እሳቸውን ለመርዳት የመጡት ሰዒድ ኢብኑ ዐብዲላህ አል-ሐነፊይም እንዲህ አሉ:-

"ወላሂ አንቱን ጥለን አንሄድም።የረሱለላህንﷺ አማና ካንቱ በመከላከል እንደጠበቅን እንደሆነ አሏህ እስኪያውቅልን አንተዎትም።" አስከትሎም ታሪካዊ ንግግሩን አደረገ:-
"ወላሂ ካንቱ ጋር በመቆሜ እንደምገደል፤ከዚያም እንደምቀሰቀስ፤ከዚያም መልሰው እንደሚያቃጥሉኝ ባውቅ፤ይህም ሰባ ጊዜ ተደጋግሞ እንደሚፈፀምብኝ ቢነገረኝ እንኳን ፈፅሞ አንቱን አልተውም!"

ወንድማቸው አቡል-ፈድል ዐባስ ኢብኑ ዐሊይም እንዲህ ሲሉ መለሱላቸው:-
"ለምንድን ነው የምንሸሸው? ካንቱ በኃላ ለመኖር? አሏህ ያንን ቀን አያሳየን!"

ይህን ቃል የገቡት ቁጥራቸው በሰባዎቹ የሚቆጠር የኢማም ሑሰይን ተከታዮች ከአራት ሺህ በላይ ሙሉ ለሙሉ የታጠቀ ሰራዊት ፊታቸው ቆሞ ነው።ቃላቸውንም ጠብቀው ሁሉም ከሳቸው ቀድመውም ተሰውተዋል።

አሰላሙ ዐለል-ሑሰይን ወዐላ አውላዲል-ሑሰይን ወዐላ አስሐቢል-ሑሰይን

#ከርበላእ_ጋዛ_3