tgoop.com/Sudaniislam/19724
Create:
Last Update:
Last Update:
بتحكي :
ناس البيت جابوا حداد عشان يشتغل ليهم شغله بسيطة "لِحام"
بعد ما خلص شغلته ..
وبقى ماشي قالوا ليهُ الحساب !
إتحجج جاي جاي بإنه ما ح يشيل قروش ..
أها بِقو يحنسو فيه ..
إنه لازم تشيل حقك، وظروف الحرب،والأولاد، والحال من بعضه، والدنيا قبايل عيد
رد ليهم :
والله ربنا كارِمني كرم وباسِطها علي شديد، والخير جايني من كل حِته الحمد لله لمن خجلان منه !
ومشى !
إحنّا بنتضجر من أحوالنا ياخوانَّا بي ياتو حجة؟
ما شفتوا الناس ال قاعدين تِحت الشجر؟
الما عندهم مأوى .. والما عندهم لا أكل ولا شراب !
الما عندهم مصدر رِزق ثابت .. وغيرهم كتير..
ربنا يكرم كل زول ساعي للرزق الحلال، ويوسع رزقه، يرزقه من حيث لا يحتسب، يعدِل خطاويهُ ويهون قواسيهُ..
يا رب ما نسعى إلا للحلال .. وما تبارك خطواتنا إلا بالحلال🌸..
#إِنتقي_سُبل_نجاتِك.
#وعد_الدرديري.
BY خطوات للأجُر🌸.))
Share with your friend now:
tgoop.com/Sudaniislam/19724