Ona tilichilarga RESPEKT!

Baholash markazining faoliyati bo‘yicha eng asosli va keng ko‘lamli e’tiroz aynan ona tilichilar tomonidan bildirilmoqda. Ular faqat savollar xatoligini emas, balki attestatsiya tizimining o‘zagi, validlik, ilmiy asos kabi murakkab jihatlarni ko‘tarib chiqishdi.

Biz esa hozircha faqat savollar xatoligi bo‘yicha sudga murojaat kiritmoqdamiz (lekin shuning o‘ziyam asli katta gap, bir qancha insonlarga ball berilishi uchun harakat qilamiz).

Nima uchun bizning e’tirozlar ona tilichilarniki kabi keng ko‘lamli emas? Buning ba’zi sabablari bor...

Afsuski, bizda ba’zi past saviyadagi manipulyatorlar (ha, ilmiy saviyasi “0”ga tengligi hammaga ma’lum, lekin manipulyatsion qobiliyatlari mavjud) har qanday vaziyatdan birovni yomonotliq qilish uchun foydalanadi.

Men birorta tilshunosni ko‘rmadimki, bu vaziyatdan shaxsiy piar, birovni yomonotliq qilish uchun foydalangan bo‘lsa...

Bizda esa repetitorlik qilishga na ilmi, na ko‘nikmalari, na materiali, na metodikasi, na tizimi mavjud bo‘lgan odamlar bor. O‘zi ularning repetitorlik qilayotganining o‘zi shubha ostida, lekin imtihon savollarini tanqid qilganlarni ko‘rib, “ana, o‘quvchilari ololmagan, shunga tanqid qilyapti, men esa kuchliman” deb chiqadi.

Ha, ha, juda kushlisan, kushli abituriyentsan… Lekin undan nariga – ilmiy asos, tizim, strategik yondashuv, sifatli material, haqiqiy repetitorlik mas’uliyati... Bu ko‘chalar sen uchun berk.

Xuddi shunday holat 12-oktyabrdagi “Milliy sertifikat” imtihonidan keyin ham kuzatilgan edi. O‘sha paytda ayrim savollarni tanqid qilgan edik, argumentlar keltirdik edik. Ba’zi manipulyatorlar meni yomotliq qilish uchun paytdan foydalanib qolgan edi...

Keyinchalik natijalar chiqqanida esa eng yuqori ko‘rsatkichlar, jumladan, o‘sha kungi rekord ball ham menda tayyorlangan o‘quvchi tomonidan qo‘lga kiritildi. 😁

Demak, tanqid – mas’uliyat. Buni esa faqat ilmni istaydigan, adolat o‘rnatishga harakat qiladigan ong egasi tushunadi.

Shunday ekan, shovqindan tiyiling. Yordam bera olmasangiz, jim turing. Zero ilmiy saviyasi bo‘lmagan odamdan maslahat ham, yordam ham kutilmaydi.

Bizning advokatimiz dushanba kuni sudga rasmiy ariza kiritadi. Kutilayotgan muhim bir narsa hal bo‘ldi – endi huquqiy jarayon boshlanadi.

Baholash markazi xatolari faqat to‘g‘ri, noto‘g‘ri javobda emas aslida. Oqibatlar, oqibatlari jamiyatimiz uchun og‘ir... Ularning tarozisida jiddiy muammolar bor. Buni esa saviyali odamlargina anglaydi.

(c) Jalol BOLTAYEV

👉 @TESTLIDER