Дунёдаги энг хавфсиз йўл, Россиянинг Ростов вилоятида аниқланди. 🤣🤣🤣

Мана нима учун ривожланишни истаган, ривожланаётган давлатлар ўз мутахассисларини россияга малака ошириш ёки қайта тайёрлашга юборишмайди!

Тафаккур қилинг, тафаккур қилишсин!

@Tafakkur3

Грузия ҳукумати Сталиннинг 1895/1896-ўқув йилидаги семинария мактаби баҳолар табелини эълон қилди.

Нима учун чаласаводлар ҳокимият тепасига келиш мумкин эмаслигини, агар давлат бошқаруви тепасига бунақалар келиб қолса, жамият бошига не кўргиликлар келиши мумкинлигини Собиқ иттифоқ тарихини яхши билгувчилар билишади.

Илмсизлик золимликка олиб келади. Тафаккур қилинг!

@Tafakkur3

Ҳиндистонлик 17 ёшли Шитал Деви қўлсиз туғилган бўлса-да, камондан ўқ отиш мусобақаларида қатнашди ва ғолиб бўлди.

Бу воқеа — шубҳасиз инсон иродаси, мақсадга интилиш ва руҳий баркамолликнинг ёрқин намунасидир. Унинг 17 ёшида қўлсиз туғилган бўлишига қарамасдан, камондан ўқ отиш каби жисмоний тайёргарлик ва аниқликни талаб қиладиган соҳада ғолиб бўлиши — инсон имкониятлари чексиз эканини илмий ва амалий жиҳатдан исботлайди.

Кўпинча соғлом инсонлар ҳаётдаги муаммоларни ўз кучига ишонмаслик, танбаллик ёки мақсадсизлик сабабли енгишга ҳаракат қилмайдилар. Бундай ҳолларда асосий муаммо жисмоний эмас, балки руҳий тўсиқлар — қўрқув, ўзини камситиш, масъулиятдан қочиш ҳисобланади.

Шундай экан Аллоҳ сизга берган чексиз имконият ва неъматларга шукр қилиб, улардан оқилона фойдаланиб ўз мақсадингизга эришинг!

Тафаккур қилинг!

@Tafakkur3

"Агар аёлингиз болаларингиз билан уйда қолса, оилангиз камроқ даромад қилади, лекин бойроқ бўлади." (таржима)

1960-йиллардан бошлаб АҚШ ва бошқа Ғарб давлатларида феминизмнинг кучайиши билан гендер роллари ўзгариб, аёллар ишчи кучига кенгроқ қўшила бошлади, уйида иззат топиб ўтирган аёллар кўчага чиқарилди. Бу ўзгариш ижтимоий ва иқтисодий жиҳатдан катта таъсир кўрсатди, ажралишлар сонининг ошиши ва оилавий тузилмаларнинг ўзгариши, яъни жамиятда ёлғиз онали (ёки кам ҳолатларда ёлғиз отали) оилалар кўпайиши шулар жумласидан. Бу ҳақида инглиз тилида ишончли манбалардан олинган мақолалар ва статистик маълумотлар талайгина.

Тадқиқотлар шунни кўрсатадики, тўлақонли оилаларда, яъни ота ва она томонидан тарбияланган болалар ёлғиз она томонидан ўстирилган болалардан ўртача юқорироқ академик натижаларга эришади, камроқ ҳуқуқбузарлик қилади ва психологик барқарорлик жиҳатидан устун бўлади. Ёлғиз оналик эса, айниқса, ижтимоий-иқтисодий муаммолар билан боғлиқ ҳолда, болалар ҳаётига салбий таъсир кўрсатиши аниқланган. Албатта, бу барча ҳолларда ҳам шундай бўлади дегани эмас, баъзи ёлғиз оналар (ёки оталар) фарзандларини жуда муваффақиятли тарбиялай олишади. Лекин бундай ҳолатлар умумий статистикада жуда камчиликни ташкил қилади.

Ачинарли томони, эндиликда муаммо фақат фарзанд тарбияси билан боғлиқ эмас, балки унинг кўлами кенгайиб, масаланинг бошқа томонлари ҳам пайдо бўла бошлаган. Бугунги кунда АҚШ ва Европада эркакларнинг ижтимоий ролини қайта кўриб чиқиш масаласи кўтарилмоқда. Масалан, эркаклар орасида депрессия ва ўз жонига қасд қилиш кўрсаткичлари аёлларникидан юқорироқ. Аёлларнинг касбий имкониятлари кенгайгани сари, баъзи эркаклар ўз ўрнини топишда қийинчиликка дуч келмоқда. Шунинг учун "эркаклик инқирози" ва эркаклар ҳуқуқларини ҳимоя қилиш мавзулари баъзи социологлар орасида долзарб масалага айланган.

Ҳўш, биз қандай хулоса қилишимиз мумкин?
Ривожланаётган мамлакатлар Ғарб тажрибасидан ўрнак олиши табиий, лекин ҳар қандай ижтимоий ислоҳотнинг узоқ муддатли оқибатларини ҳам инобатга олиш керак. Масалан, оилавий қадриятларни бузмасдан туриб, гендер тенглиги ва иқтисодий тараққиёт ўртасида мувозанатни топиш муҳим. Агар ривожланган мамлакатларнинг ўтиш жараёнида йўл қўйган хатоларидан сабоқ олинмаса, худди шундай муаммоларга дуч келиш эҳтимоли юқори.

Интернетдан.

Тафаккур қилувчи инсонлар учун!

@Tafakkur3

Фирибгарликни янги тури!

Кўча-кўйда, айрим шахслар вилоятма-вилоят юриб Умра ёки Ҳаж сафарини баҳона қилиб, пиёда, велосипед, от ёки туяда сафар қилмоқдаман, деб халқдан моддий ёрдам сўраб юрган фирибгарлардан эҳтиёт бўлинг!

Умра ва Ҳаж сафарлари Исломда муқаддас амаллардан бири бўлиб, уларни шуҳрат, пул топиш ёки одамларни алдаш воситаси сифатида фойдаланиш оғир гуноҳ ҳисобланади.

Бундай ҳолатлар фақат моддий фирибгарлик эмас, балки жамиятда диний қадриятларга нисбатан ишончсизлик пайдо бўлишига ҳам олиб келиши мумкин.

Исломда ниятнинг софлиги, ҳалол йўл билан сафар қилиш ва ўзини намоён қилиш эмас, балки сиртдан кўринмайдиган тавозе, ихлос каби ички сифатлар муҳим ҳисобланади.

Тафаккур қилайлик!

@Tafakkur3

БУ ДУНЁДА МУСУЛМОН ХАЛҚИ ЯШАБ ҚОЛИШИ УЧУН ЗАМОНАВИЙ ИЛМ-ФАНГА ЭГА БЎЛМОҒИ ЛОЗИМ - БЕХБУДИЙ

Мутассиблар тафаккур килолмайдилар!

Сиз эса тафаккур қилинг!

@Tafakkur3

Эҳтиёт бўлинг фирибгарлар!

Бухоролик брат, спиртли ичимлик истеъмол қилиб, велосипедда муқаддас Умра сафарига йўлга чиқибди.

Биз юқоридаги постларимизда ҳам эслатган эдик. Халқимизни пок ислом динига бўлган чексиз муҳаббатидан фойдаланиб қолишга ҳаракат қалаётган турли-туман фирибгарлардан эҳтиёт бўлининг.

Ўзидан бечора ҳол ясаб олган, ёки юриш-туриши, гап-сўзи, иши ва яшаш тарзига ошкора диний расм-русим бериб уни кўз-кўз қиладиган ҳар қандай тоифадан узоқроқ бўлининг.

Инсон ўз эътиқодини яхши билиши баробарида эътиқодини шахсий даражада, иложи борича махфий сақлаши лозим.

Умра ва Ҳаж масаласига келсак, бу амаллар қурби етганлар учун. Шундай экан, кўча-куйга бу каби “сафарга” чиққанларга эътибор қилманг, ёрдам ҳам берманг. Ана шунда ўз-ўзидан уруғи қурийди буларнинг.

Тафаккур қилинг!

@Tafakkur3

#ибрат

ҚИЗИҚ…

• Қизиқ, 1000 сўмлик пулни эҳсон қилсак роса кўпга ўхшайди-ю, бозорда жуда камдек туюлади…
• Қизиқ, бир соатлик Аллоҳнинг зикри жуда узоқ чўзилганга ўхшайди-ю, телевизор олдидаги бир соат сезилмай ўтиб кетади …
• Қизиқ, дуо қилаётганда керакли сўзларни тополмай қийналамиз-у, оғайни-улфатлар билан гаплашганда сўзга чечан бўпкетамиз…
• Қизиқ, футболда қўшимча вақт камроқ берилса, жаҳлимиз чиқади-ю, Жума хутбаси озгина чўзилса, шикоят қиламиз…
• Қизиқ, Қуръоннинг бир порасини ўқиш роса қийин бўлади-ю, бирорта романнинг 100 бетини бир нафасда ўқиб чиқамиз…
• Қизиқ, концерт залларида одамлар биринчи қаторлардан жой олишга уринишади-ю, масжидда охирги сафга қочишади…
• Қизиқ, Қуръоннинг бир оятини ёдлаш роса мушкул бўлади-ю, бекорчи миш-мишларни оқизмай-томизмай тарқатиб юрамиз…
• Қизиқ, олди-қочди газеталарда ёзилган нарсаларга ишонамиз-да, Аллоҳнинг каломи оятларига ишонишимиз қийин кечади…
• Қизиқ, кўпчилик ҳеч нима қилмай, ҳеч нарсага ишонмай, Жаннатга кириш истагида бўлади...

Тафаккур қилиш қобилияти бор инсонлар учун!

@Tafakkur3

Бола дунёни онасининг кўзи билан кўради

Инсоннинг ҳаётга бўлган муносабати, ахлоқий қадриятлари ва тафаккури, болаликда олган тарбиясига боғлиқ. Бола дунёни англашни, ҳаётга муносабатни аввало онаси орқали ўрганади. Шу сабабли бола дунёни айнан онасининг кўзи билан кўради.

Она қандай бўлса, бола ҳам шундай бўлади. Она меҳрибон, илмли ва эътиқодли бўлса, бола ҳам шундай фазилатларни мерос қилиб олади. Шунинг учун болалардан буюк ишлар кутишдан аввал оналарга илм ва маърифат ўргатишга аҳамият бериш зарур.

Тарихимиздаги Имом Бухорий, Ибн Сино, Навоий ва Улуғбек каби зотлар ўз билимли ва маърифатпарвар оналарининг тарбияси самарасида етишиб чиққан. Улар болалигидан илмга муҳаббат, ахлоқ ва масъулиятни онасидан ўрганган.

Бугун эса айрим оналар илм ва тарбиядан кўра маиший ҳаётга, зийнат ва моддий ҳаётга қизиқишмоқда. Бу эса болаларнинг фикрлаш доираси ва қадриятларига таъсир қилмоқда. Агар келажакда яна буюк зотлар етишишини истасак, оналарни илмли, маърифатли ва тафаккурли қилишимиз керак.

@Tafakkur3

Ўзбекистонда тўйлар: аҳоли камхарж ва ихчам маросимлар тарафдори

“Юксалиш” ҳаракати республика миқёсида Ўзбекистонда тўй харажатлари мавзусига оид сўровнома ўтказди.

1247 нафар иштирокчи қатнашган сўровнома натижалари кишини мулоҳазага чорлайди.

⚡️ респондентларнинг 65%и тойга 50-100 млн сўм ва ундан кўпроқ пул сарфлайди — бу ўртача оиланинг йиллик даромадига тенг.

❕ 81% респондент ойига 12 млн сўм даромад олади, аммо тантана ўтказиш учун қарз олиши кераклигини билдирган.

🤔 Харажатлар сабаби — ёшларнинг истаги эмас, ота-она ва эл-уруғ олдида уятга қолиш қўрқуви.

☄️ 44,5% — тўйга сарфлаган пуллари учун ачиниш ҳис қилган.

Одамлар ўзгаришларга тайёр: кўпчилик тантана ва маросимларни қисқартириш, тежалган маблағларни эса таълим, уй-жой ва саломатликка сарфлаш тарафдори.

Батафсил: https://yuksalish.org/uz/news_detail/829

@Tafakkur3

Тошкентнинг "Пропкасидан" ҳатто Президент ҳам дод деворибди.

Ш.Мирзиёев: " Ўзим машинани бошқариб келаётган эдим, мен ҳам тирбандликда турдим 15-20 минут, тургандаям яхшилаб турдим, эл қатори!"

Бизни роҳат чорраҳалари томонларда бирдан йўлларга эътибор кучайиб кетди десам, буёқда яхшилаб тузлашган эканда.

Жаноб Президент, шу... бир вақтингиз бўлса роҳатдан қўйлууу томонларга ҳам бир машинангизда сайр қилинг, айниқса кечга яқин. 😉😁

@Tafakkur3

МУНОСИБ ВОРИС

Кунлардан бир кун Хитой императори ўзига муносиб ворис танлаш мақсадида Хитойдаги барча 14 ёшли болаларни йиғибди ва ҳаммасига биттадан уруғ бериб шундай дебди:
- Олти ойнинг ичида мана шу уруғлардан энг чиройли гул ўстирган бола менинг ворисим бўлади!
Белгиланган вақт ўтибди. Ҳамма болалар бир-биридан чиройли гулларни олиб келишибди. Император иштирокчиларнинг гулларини кузатиб кетаётса, бир бола йиғлаб турганига кўзи тушиб қолибди ва унга савол берибди:
– Нега йиғлаяпсан, болакай?
– Мен ҳар қанча ҳаракат қилмай, гулни ўстира олмадим, – деб жавоб қилибди.
Шунда император:
– Мен айнан шу болани ўзимга ворис қиламан, – дебди.
Вазирлари таажжубланиб, мурожаат қилишибди:
– Ҳазрати олийлари, нимага шунча чиройли гул ўстирган болалар бир четда қолиб, айнан гул ўстиролмаган болани танлаяпсиз?
Император:
– Чунки, мен уруғларни тарқатишдан бир кун олдин ҳаммасини қайнатган эдим. Улардан гул тугул ниш ҳам чиқмасди! Мен айнан шу боланинг тўғрисўзлиги учун ўзимга ворис қиламан, – деб жавоб қилибди.

Бугун жамиятимиз ана шундай фитратли ворисларга муҳтожлиги бор!

Тафаккур қилайлик!

@Tafakkur3

Ёшлар раҳбарларидан ўч олиш мақсадида офисда ўзларини иш билан банддек қилиб кўрсатмоқда!

Кўп раҳбарлар масофадан ишлашга қарши курашиб, одамларни ишхонага "қамашда" давом этмоқда. Бу шароитда ишдан бўшаб кетишни ўзига эп кўролмаганлар эса ўз вазифаларига масъулиятсиз ёндашиб, керагидан камроқ ишларни бажармоқда.

Кўп ёшлар уларга камроқ лойиҳа юклашлари учун, ўзларини офисда жуда банддек кўрсатишмоқда. Шу тариқа улар ишда ўтаётган вақтни компенсация қилишга уринишяпти.

Бундай ёндашув ходимларнинг иш унумдорлигини ёмонлаштирмаса-да, стресс ва ҳафсала сўнишига олиб келади. Экспертлар менежерларга шумерларнинг талабларига қулоқ тутиш ва бундай ҳаракат сабабларини бартараф этишни маслаҳат бермоқда.

Жараённи англаб етишингиз учун Россиянинг машҳур Камеди Клаб шоусида ижро қилинган «Табличка» номли чиқишини кўришни маслаҳат берамиз.

Айрим "замонавий", хорижий тилни биладиган, хорижда ўқиб келган, янгича услубда ишлайдиган, ёш кадрлар йиғилган ташкилотдаги иш жараёни.

Кўринг ва тафаккур қилинг! 😁

@Tafakkur3

Бошимни ёстиққа қўйиб қўймасимдан тонг ёришади. Ҳали уйғониб уйғонмасимдан ухлаш пайти бўлади.
Кунлар тўхтамасдан ўтмоқда. Ўзимга ўзим:
"Ҳақиқатда амаллар дафтарини солиҳ амалларга тўлдирган одам ҳақиқий бахтиёрдир", деб айтаман.

Теварак атрофда бўлаётган ҳодисалар ҳам жуда тезлик билан содир бўлмоқда....

Шундай экан солиҳ амалларни бажаришга шошилинг,
• бир бирингизга салом беринг,
• азонни муаззин билан такрорланг,
• беш маҳал намозни вақтида адо этинг,
• нафсларингизни (шайтондан) қўрғон қилинг,
• қариндош уруғлар билан алоқани тикланг,
• сизларга чин муҳаббат қўйганларни эҳтиёт қилинг,
• одамларга табассум қилинг,
• Қуръонни қўлдан келганича ёд олинг,
• садақа қилинг,
• тасбеҳ,
• истиғфор,
• такбир айтинг,
• рўза тутинг,
• Набий алайҳиссаломга салавот айтинг,
• қалбларингизни охиратга боғланг,
• дунё бир ҳолатда давом этмайди ва дунёда абадий қолмайсизлар....

Тафаккур қилинг!

@Tafakkur3

Адолат фақат қонун билан эмас, виждон билан ҳам таъминланиши керак!

Усмонли салтанатининг илк йилларида бурсалик бир киши отни сотиб олганидан кейингина унинг касал эканлигини пайқади.
Отни қайтариб бермоқчи бўлди-ю, лекин сотган одам отни қайтариб олмаслигидан хавотирда эди.
Шунинг учун, у қозига бориб, ишни расман ҳал қилмоқчи бўлди. Бироқ қозини жойида топа олмади.
Касал от тунда вафот этди.
Эртаси куни у бориб қозига бўлиб ўтган ҳодисани айтиб берди ва нима қилиш кераклиги ҳақида ёрдам сўради.
Қози: “Зарарни мен қоплайман!”, деди.
Қозига ҳайрон бўлиб қараган одам: “Бу ишга сизнинг алоқангиз йўқ-ку, нега тўлайсиз?” деди.
Қози: “Тўғри, менинг бу масалага алоқам йўқ.
Лекин кеча келганингизда мен иш жойимда бўлсайдим, отни эгасига қайтариб берган ва сиз пулингизни ундириб олган, от эса сизнинг қўлингизда эмас, эгасининг қўлида ўлган бўларди.
Менинг ишхонамда йўқлигим сизга зарар келтирибди.
Шунинг учун зарарни мен тўлайман", деди ва зарарни қоплади.
Ўша қози кейинчалик Усмонлилар салтанатининг биринчи шайхулисломига айланадиган Мулла Фанорий Шамсиддин (1350-1431 эди)

Жамиятнинг барча жабҳасида адолат байроғи баланд ҳилпираб турсагина бу миллатнинг келажаги бўлади, шу давлат гуллаб тараққий топади!

Тафаккур қилайлик!

@Tafakkur3

Маҳмудхўжа Беҳбудийнинг 1915 йили "Ойна" журналида нашр қилинган мақоласи "Бизни кемиргувчи иллатлар" деб сарлавҳаланган.

Беҳбудийнинг 100 йил олдин ўз мақоласида кўтарган муаммолар бугунги кунда ҳам ўз долзарблигини йўқотмаган.

Жумладан, ўз мақоласида Беҳбудий шундай ёзган:

"Бизни кемиргувчи иллатлар деганда, захму маразними гумон этарсиз? Ёинки, сил, сил-ар-ия ва махавликними дерсиз? Йўқ, андан ҳам ямонроқ ва андан ҳам жонхарош, бевоя, хонавайрон ва ғариб этгувчи бир дард, биз — туркистонийларни шаҳри ва қишлоқи ёйинки ярим маданий, ярим ваҳший синфларимизғача истило этиб, бутун тириклигимизға сорилгон ва бизни инқирозға ва таҳликаға ва жаҳаннамға юмалататургон тўй, азо исминдаги икки қаттол душманни дерман."

"...биз бўлса, бадбахтона ва Худонинг амриға бўюн қўймасдан кофирона бир суратда тўй ва азо деган, йўқ бўлушимизға сабаб бўлган одатларга бору йўқимизни сарф ва исроф этармиз. Йилда икки ой наврузи кофири учун сайр этармиз.

Бир ой муқаддам Самарқандни Панжакент қасабасидаги наврўз сайриға мушак-фишанг отишдан учгина киши ўлуб, ўндан зиёда киши мажруҳ бўлди. Кўпкари ва улоқ чопмоқлик одати малъунонасиға ҳар вилоятдан ҳар сана юзлар ила киши охиратға кўчар, на қадар киши мажруҳ ва маъюб бўлар. Кўп кишилар сайр ва кўпкари шумлиги ила ишдан ва зироат вақтидан қолур. Уйиға озуқаси йўқ, ҳўкузи ва соғар сийири йўқ экан, бир неча юз сўмға от олиб ва ҳар куни анга ҳиндидек парастиш этибу ҳар кун бир сўм сарф этар, на учун? Тўй ва сайрға кўпкари чопмоқ учун. Ўн-йигирма чақиримға тўй бўлдими, ҳар ким ишини, деҳқончилигини қўюб, отланиб кўпкарига кетар. Деҳқон учун олтундан азиз вақт фавт бўлди-кетди. Экин биргина кун кейин сепилган учун пишмай қолар. Биргина кун сўнгра йиғилган учун ёғинга қолиб, баъзи хирманлар чириб кетар."

"Беш-олти маърака ва худойи, 8—10 жумъа оқшоми деб бутун маҳалла ва қишлоқ халқиға палов берармиз. Баъзи бир бечора сағир ва муштипар аёллар меросдан ва ҳақларидан ноқис олурлар. Баъзи қарзхоҳларни ҳаққи худойи ва хайрот, нохудойи ва шаррот сабаби ила куюб кетар. Бечора ўлукни зиммаси қарздан қутулолмай қолур. Худо учун айтингиз, бу хайротми, бу худойими?"

Тафаккур қилинг!

@Tafakkur3

Қалб — инсон амалларининг ойинасидир

Инсоннинг қилган ҳар бир гуноҳи ва ҳаромга қўл уриши унинг қалбидаги ҳолатнинг ифодасидир. Расулуллоҳ соллаллоҳу алайҳи васаллам бундай деганлар:

"Огоҳ бўлинг! Жасадда бир парча гўшт бор. Агар у соғлом бўлса, бутун жасад соғлом бўлади. Агар у бузилса, бутун жасад бузилади. Огоҳ бўлинг! У — қалбдир."
(Имом Бухорий, 52; Муслим, 1599)

Бу ҳадисдан англашиладики, инсоннинг ташқи ҳаракатлари — унинг қалбидаги ҳолатнинг акси. Агар қалб соғлом, иймон билан тўла, пок ва ниятда соф бўлса, инсоннинг феъл-атвори ҳам шунга мос бўлади. Аксинча, агар қалбда нифоқ, ҳасад, кибр, риё ва бошқа маънавий иллатлар бўлса, унинг тана аъзолари ҳам гуноҳ ишларга мойил бўлади.

Гуноҳ – қалбнинг касаллигидир. Бир гуноҳ қилинса, қалбда қора нуқта пайдо бўлади. Агар инсон тавба қилмаса, қалб янада қоп-қора бўлиб боради. Буни Расулуллоҳ соллаллоҳу алайҳи васаллам "қалбнинг занглаши" деб ифодалаганлар. Қалбнинг зангидан халос бўлиш учун зикр, истиғфор, Қуръон тиловати, яхшилик қилиш ва ихлос билан ибодат қилиш керак бўлади.

Инсон ўз қалбини асраш ва парваришлашга масъул. Қалбни тозалаш — бу нафсни тарбиялаш, ниятни софлаш, гуноҳлардан тийилиш ва Аллоҳдан ҳақиқий ҳаё қилишдир.

Қалб — инсон маънавий ҳаётининг марказидир. У соғлом бўлса, бутун ҳаёт соғлом бўлади. Қалб касал бўлса, гуноҳларга йўл очилади. Шунинг учун, қалбни асраш — иймонни асрашдир. Қалбни поклаш — ҳаётни нурли қилиш демакдир.

Тафаккур қилинг!

@Tafakkur3

Маҳмудхўжа Беҳбудийнинг 1915 йили "Ойна" журналида нашр қилинган мақоласи "Бизни кемиргувчи иллатлар" деб сарлавҳаланган.

Беҳбудийнинг 100 йил олдин ўз мақоласида кўтарган муаммолар бугунги кунда ҳам ўз долзарблигини йўқотмаган.

Жумладан, ўз мақоласида Беҳбудий шундай ёзган:

"Бизни кемиргувчи иллатлар деганда, захму маразними гумон этарсиз? Ёинки, сил, сил-ар-ия ва махавликними дерсиз? Йўқ, андан ҳам ямонроқ ва андан ҳам жонхарош, бевоя, хонавайрон ва ғариб этгувчи бир дард, биз — туркистонийларни шаҳри ва қишлоқи ёйинки ярим маданий, ярим ваҳший синфларимизғача истило этиб, бутун тириклигимизға сорилгон ва бизни инқирозға ва таҳликаға ва жаҳаннамға юмалататургон тўй, азо исминдаги икки қаттол душманни дерман."

"...биз бўлса, бадбахтона ва Худонинг амриға бўюн қўймасдан кофирона бир суратда тўй ва азо деган, йўқ бўлушимизға сабаб бўлган одатларга бору йўқимизни сарф ва исроф этармиз. Йилда икки ой наврузи кофири учун сайр этармиз.

Бир ой муқаддам Самарқандни Панжакент қасабасидаги наврўз сайриға мушак-фишанг отишдан учгина киши ўлуб, ўндан зиёда киши мажруҳ бўлди. Кўпкари ва улоқ чопмоқлик одати малъунонасиға ҳар вилоятдан ҳар сана юзлар ила киши охиратға кўчар, на қадар киши мажруҳ ва маъюб бўлар. Кўп кишилар сайр ва кўпкари шумлиги ила ишдан ва зироат вақтидан қолур. Уйиға озуқаси йўқ, ҳўкузи ва соғар сийири йўқ экан, бир неча юз сўмға от олиб ва ҳар куни анга ҳиндидек парастиш этибу ҳар кун бир сўм сарф этар, на учун? Тўй ва сайрға кўпкари чопмоқ учун. Ўн-йигирма чақиримға тўй бўлдими, ҳар ким ишини, деҳқончилигини қўюб, отланиб кўпкарига кетар. Деҳқон учун олтундан азиз вақт фавт бўлди-кетди. Экин биргина кун кейин сепилган учун пишмай қолар. Биргина кун сўнгра йиғилган учун ёғинга қолиб, баъзи хирманлар чириб кетар."

"Беш-олти маърака ва худойи, 8—10 жумъа оқшоми деб бутун маҳалла ва қишлоқ халқиға палов берармиз. Баъзи бир бечора сағир ва муштипар аёллар меросдан ва ҳақларидан ноқис олурлар. Баъзи қарзхоҳларни ҳаққи худойи ва хайрот, нохудойи ва шаррот сабаби ила куюб кетар. Бечора ўлукни зиммаси қарздан қутулолмай қолур. Худо учун айтингиз, бу хайротми, бу худойими?"

Тафаккур қилинг!

@Tafakkur3

Яратган баъзида яратганлари тилида гапиради, фақат биз эшитишни билмаймиз. 😢

"Ўзим бўлсам бўлди" дейишни қачон тўхтатамиз?

Қачон, бу сайёрада биз билан бирга туғилган, яшашга ҳаққи бор жонзотларни ўзимиздай қабул қилиб, улар билан келишиб яшашни ўрганамиз...

Улар нима қилсин? 😥

Усти-устига гуноҳлар қилишдан чарчамайдиган биз — одамзодни кечир, Роббим! 😢

Муаллиф: Гузал Жумабаева.

Тафаккур қилувчи қалб эгалари учун!

@Tafakkur3

❗️1 кг картошка етиштириш учун 100 литр сув керак,
1 кг гуруч етиштириш учyн 4 минг литр сув керак,
1 кг мол гўштини етиштириш учун 11 000 литр сув керак,
1 кг пахта етиштириш учун эса 10 000 дан 20 000 литргача сув керак бўлади.

Кейинги 30 йилда бизни жуда катта қурғоқчилик кутмоқда.

Пахтадан бутунлай воз кечиш даври келмадимикан?

Тафаккур қилайлик!

@Tafakkur3