عروض تخفيضات

متوفر رشق متابعين انستا
متوفر رشق لايكات انستا
متوفر رشق منشورات انستا
متوفر رشق متابعين تيك توك
متوفر رشق لايكات ومشاهدات تيك توك
متوفر رشق متابعين ولايكات فيسبوك
متوفر رشق قنوات وكروبات تلي
عروض خاصه لكل شخص يدخل من طرف القناه

للتواصل @S3JOO

مشايه اجينه الكربله
وكل الخدم صاحت هله
**
امن البداية للنهايه. راية طلعت وره رايه. يا هله بزواره
وترست الكاع المواكب. خدمة الزوار واجب. ما تضل محتاره
حسين عايش بضماير. رددت بسمه الحناجر. ما عرفنه اسراره

زاير حسين الخدم يستقبلوه
وجادر الموكب ابد ما فاركوه

واهل المواكب رايتك شالوها
ونجلب بي الزاير ابنك
***
امن البحر للنحر نمشي. وعفنه لجل حسين كلشي وكربله تحيينه
بالمشي نواسي العقيله. وكل حمل طايح نشيله. وزينب تنادينه
اشما تعبنه نصيح فدوه. والتعب لحسين يسوه. حبنه عايش بينه

طلعت المشايه يوم الأربعين
وغيمت عالكاع زوار الحسين

وتمر بينه لو هاا نزعل
***
امحزمه الخدام كلها. وهالخدم ماكو مثلها. هله بهل الغيره
ما يضيع احنه تعبنه. ولجل ابو اليمه نصبنه. موكب بكل ديره
لازم الزاير نخدمه. انطينه للعباس كلمه. وما يضل بحيره

حته شياب الخدم محروگه
وكلمن يعبر طلع عن شوگه

ومر اعليه الموكب رادك
***
الكربله نمشي سويه. نريد نوصل للبنيه. والغريب نزوره
ما يهم بعد المسافه. واليحبه بكلبه شافه. هيجي بينه حروره
انطلقت اليوم المسيره. وبالدرب خضرنه غيره. وعالي شلنه الصوره

شوف جم مليون عاشك ناده
امعزب الزوار عم الساده

وبينه العباس يرحب
***
كلها طلعت للزياره. والكلب يم المناره. وكبته اشمحلاها
ازغار وكبار اعتنينه. ولجل ابو اليمه مشينه. ورايته شلناها
كل سنه نجدد عدنه. وعالوعد احنه بعدنه. الصرخه رددناها

واحنه حته اطفالنه معلميها
تخدم وزوارك تلاكيها

خادم الكل الزوار
***
تمت
تحسين الخفاجي

انه السجاد وشرح حالي
شفتك مذبوح بويه كبالي
وبين ايتامك حاير
بويه بيوم العاشر
*
اكبر جرح جرح الابو. وانه صحت ضيعتك
وذيج الحوافر من طحت. مدري شكثر ساحكتك
محتار اطلع يا سهم وسيوفهم ماخذتك
سابح لكيتك بالدمه. وفوك الترايب عفتك

انه السجاد شوف جروحي
جم مره وياك طلعت روحي
شوف بحالي شصاير
بويه بيوم العاشر
***
عفت الكمر عالمشرعه. ومكطعه جفينه
مهشوم راسه بالعمد. والسهم صوب عينه
الاطفال تشكي امن العطش. وبخيمته متانينه
وكلها تنادي بالدمع. اتاخر اهواي علينه

الاطفال تصيح وينج عمه
وزينب شتصير. يابو اليمه
والأيتام تناطر
بويه بيوم العاشر
****
مرفوع راسك عالرمح. وهدومك مسلبيها
ويابويه اشوف عمامتك. هوسو بالطف بيها
والشمر يحرك بالخيم. واختك يصيح عليها
وانضر رقيه امن الركض. جوه الجمر رجليها

كل وحده تصيح. شوف امتوني
وانه اعله الخد تجري عيوني
يصعب كسر الخاطر
بويه بيوم العاشر
***
للشام عماتي نسبن. والليل ما نامنه
والحادي كل ما يبتعد. ضلت تطول الونه
متجتفات وعالهزل. راعي العلم يردنه
فوك الرمح راسك بجه. السوك من طبنه

عيون الشمات تنضر لينه
والشام احجار. يرمي علينه
الياحد گلي نكابر
بويه بيوم العاشر
***
كربت منيتي والتفت. هلبت يجوني احبابي
تمنيت لو جفني غمض. انته التهيل اترابي
شمسويه بيه كربله. ما يشفه جرح صوابي
الباقر يهد حيله الوكت. راح شكثر بغيابي

ينكطولي الماي وانه بحيره
اتمنيت وياي. راعي الغيره
عن هالدنيه مسافر
بويه بيوم العاشر
***
تمت
تحسين الخفاجي

خويه من سبينه يم كبرك اجينه.
كلب العيله مكسور
وننشد وين الگبور
يم كبرك اجينه
**
امن الناكه رميت بروحي يم كبرك
وذكرت الخيل ذيج الكسرت صدرك
السهم يحسين طالع عفته من ضهرك
شخبارك صحت يالمنكطع نحرك

من الشام اجيتك
ولحضه ما نسيتك
شفنه الضلم والجور
وننشد وين الكبور
*****
رحت صوب الشريعه بدمعي ملهوفه
ادور عالجفيل الكطعو جفوفه
زينب مو طبعها تمشي وتعوفه
تعمه عيوني لو بعيوني ما شوفه

ويم كبرك يعباس
كمت الطم عله الراس
اختك رادت تزور
وننشد وين الكبور
**
ليلى تكلي دليني بعلي الأكبر
اريد ابني بعد عالفرگه ما اكدر
اجت يم الكبر وبهمها تتعثر
ودمعتها جرت يم جسمه الموذر

شوف اتگله حالي
انه امك يوالي
يسهر جفني معذور
وننشد وين الكبور
***
رمله تصيح كوم اكعد يبعد امك
يجاسم ليش يابس عالرمح دمك
مثل الطير احومن يالولد يمك
وحضن بالتراب بدمعي وشتمك

تعبني غيابك
بحسره ابجي الشبابك
يمك اشعل بخور
وننشد وين الكبور
***
بعبد الله الرباب تصيح دليني
بلكت يكعد اوليدي ويحاجيني
ناغيت الولد شو ما يناغيني
انه ادري الطفل كاعد يتانيني

يعرف ريحة امه
اريد الصدري اضمه
دم المنحر يفور
وننشد وين الكبور
*****,
تمت
تحسين الخفاجي