2024/9/29 اربعه و ستين يوم بدونك💔

2024/9/30 خمسه و ستين يوم بدونك💔

من تعب لواصلتله صار يومين حتى مالي خلك افضفض لنفسي هنا و اثبت تاريخ💔

2024/10/1 سته و ستين يوم بدونك💔

بداية شهر اكتوبر شهر ميلادي و شهر تعارفنه باقي 4 ايام ليوم 5 بشهر اكتوبر و يصير سنه ع بدايتنه و اول اتصال اتصلته عليه و اول مره سمعت بيها صوتك من عايدتني💔و سولفت ويايه ساعات بحجة دتسئلني عن معهد و شغل الك و حجيت ويه امي هم بحجة لدراسه مالتك و طلع لا جنت دتحاول تفتح موضوع و نحجي بس جنت دتحاول طلعلك سالفه حتى تحاجيني و ضلينه ساعات نحجي اذكر جانت ساعه 4 لعصر و جنت داقره يم باب لهول و انت تصلت و عايدتني و سولفنه بس بالبدايه نصبت عليه وكتلك لا رقم غلط جان بعدين دكلي جنت انت ببعقوبه بشغل هناك جنت تسولف و تضحك و لهفتك بالكلام و سوالف و شكد منطلق ليشوف لهفتك و مبادراتك و تعلقك بيه و تمسكك قبل ما يشوف اهمالك و بعدك هسه💔مداعرف تغيرت لو طلعت حقيقتك💔بس كلش حبيت شخصيتك الاولى ويايه و محاولاتك الي جانت تخليني احاول اتقبل فكرة الارتباط لان اني كلش جنت اكره لعلاقات ماحب الارتباط و لولد💔لما تعودتك و حبيتك كسرتني و رحت💔
اوووووف حيصير سنه 6 شهور منها سوه سعداء و 6 شهور منها انكسار و خذلان و عذااااااااب عذااااب انو انت رحت لغيري💔😔دمرتني لو مهما يكون سبب انت دمرتني💔😔شلون نطاك كلبك بيومين تروح تخطب من تجهزت لحفلتك ما ذكرتني مفكرت انو انت دتجهز لخطبتك مو طلعه ولا خطبتك ع وحده غير لتحبها💔

تدري مداصدك انو انت متريدها و تحبني و تريد ترجعلي و مداصدك انو انت دتحاول تعوفها و ترجعلي و انو انت ندمان ع هالغلطه و ما رايدها للبنيه....مداصدك لان هاي لبنيه نظلمت و هي مالها ذنب و اني ماريد اظلمها و مداصدك حجيك لان ممعقوله انت لرجال و كل شي بايدك اذا صدك ما رايدها و مة تحبها و تحبني و دشوف روحك انت لرجال صاحب لقرار تروح دكوللها للبنيه و تنفصلون و تنهي كل شي احسن ما تضل تاخرها و تظلمها و تظلمني و تعذبني....ماكو شي يمنعك رجال خطب بنيه ما رادها و ما صار نصيب يروح يحجيلها الها ولاهلها و بفصخ لخطبه و اذا صارت مشاكل طبيعي و تتحملها لان انت سبب بيها محد جبرك و لرجال ليحب بنيه و يريدها حلاله يضل رجال و يسوي كل شي حتى ما يخسرها و يتحمل كل لمشاكل حتى ياخذها
لحب مو كلام و بس ولا نزوه و لا لهفه مؤقته الحب ابدي و مواقف لحب مواقف زلم و صبر بنيه

لو تعرف شكد هالفكره شاغله بالي و ماخذتني من حياتي
مدارتاح بتواصلنه بس ماكدر اعوفك بنفس لوكت بس مدارتاح لان مدانسه انت خاطب اكو بنيه ثانيه دتحاجيها و دشوفها و تصيحلك حبيبي و حياتي و تحاجيك كزوجه الك💔مداتحمل هالفكره ترا شعور صعب ترا عذاب انت ما مجرب هشعور من تحاجي شخص تحبه من قبل لا يخطب و راح خطب غيرك و مستمرين تحجون تحجي ويه حبيب روحك و هو مو الك💔مستوعب لفكره شكد صعبه💔

ليش .... شنو سويتلك و استاهل منك هالمعامله و الكسره و هالخذلان شنو لشي لموزين لسويته ولو شي واحدددد بس شي واحد موزين سويته وياك و خلاك تكسرني هيج
شو حبيتك بكل صدق و براءه حبيتك كسند و شريك روح و عمر شو انت اول ولد حاجيته بكل حياتي واول شخص شلته واول شخص فتحت كام وياه(و بحجابي ما غلطت بشي)اول شخص طلبت مساعدته من وكتت بمشكله اول بشر بكل شي يشهد الله انت اول رجال بحياتي عرفته و حاجيته و كل شي
ليش هيج كسرتني ليش حتخليني اروح لغيرك واني اريدك ليش حتخليني اكون لبنيه لصاحبه تجربه و مرت بعلاقة حب و فشلت!!!ليش وانت تعرف اكره نفسي هيج ماتقبلها ع روحي اكون بنيه صاحبة تجربه سابقه💔ليش دمرت حياتي و سعادتي و روحي و مستقبلي ليش شنو سويتلك و هيج جازيتني لك والله و الله و الله كل لكلام ما يعبر عن الالم و سوء الايام لسوده لعشتها القهر و العذاب و الاذيه لشفتها و الله جنت احس روحي دتطلع جنت احس ما حيطلع عليه صبح من الانهيار ليصير بيه بعدني بهالعذاب بس بلا احساس مات شعوري من تعب و تحول الالم لقلبي و عيوني و صار لحزن ع هيئة صداع جنت ادورك من انهار و انقهر و اجي اشكيلك و اعاتبك
بس هسه صرت اضم بكلبي كل شي لو احجي هنا لان اعرف كلامي و لعتاب حيقلل من احترامي و كرامتي و حتجاهلني و حتعصب عليه و تبعد عني فتره لذلك خلص كله نظم بكلبي و بطلت ماحجيلك شي بس كون واثق لدتسوي و لكتمان لعيشتنياه و حرمتني حتى من حقي انو اعاتبك و احجيلك شصاير بيه بسببك و حرمتني حتى من حقي انو اعرف ليش هيج سويت و شنو نيتك بالاخير و همين كل ما احتاجك ما الكاك و من اكلك محتاجتك تجاهلني ....انانيتك و اهمالك و برودك صدك حيقنعوني بيوم انو انت ما تحبني او بطلت تحبني حتقنعني بيوم انو هالمكان مو الي ولازم اتركه لاصحابه💔انت دتبعدني هوايه اتمنى تحس قبل لا يفوت الاوان اكثر ... هوايه دتبعدني و دتحسسني انو ما تريدني بحياتك و وجودي و عدمه مو مهم💔

2024/10/2سبعه و ستين يوم بدونك💔

ليوم وضع الامني موزين و صار تهديد عالبلد بالق..ص...ف ...و اني جنت خايفه عليك لان مدترد عبالي طالع فردت بس اسمع صوتك اطمن مو بس اطمن انو مابيك شي لا بس خفت و انت من اسمع صوتك اطمن و ارتاح وانسه دنيا...بس انت مجنت ترد طلعت نايم و كتدت دكلي لو ما جعت جان ما كمت...هاي بدل متفكر بيه و دكول اكوم اطمن لبنيه و ننام💔😔شون صرت تكدر يوم كامل بدوني و بدون متحجي ويايه💔
ليوم خابرتك خايفه دكلي شكو دتخافين و ماكو داعي صيري قويه و تنرفزت عليه بالاخير ... بدل ما طمني و بدل مدكلي اضل يمج من كتلك ضل يمي ليوم لان اطمن وياك
ما انتظرتك تبادر بالكلام من شفتني خايفه و اني طلبت منك و كتلك خليك يمي بقي لاتصال لان ارتاح واطمن هيج
انت عصبت كتلي يابببه خلي انزل اكلي لكمه و ماكو داعي لخوفج💔واني خايفه عليك اكثر ما خايفه ع روحي و اهلي💔
حرفيا هاي مو اول مره احتاجك و تعوفني او ما الكيك هواااايه مرات و كل مره احتاجك ما الكيك💔من جنت دكلي اني سند الج و امان و اضل يمج و سندج للابد شجنت تفكر مكلت شون نطيتها كلمه و ما حوفي بيها و اني رجال شون ما اوفي؟؟ ...مفكرت هيج؟وينك هسه؟ لا صرتلي سند و لا امان اجيك خايفه ارجع خايفه و مقهوره💔
اسلوبككككك مو طبيعي ممعقول يعني اهمالك و برودك كلش تجاوز حده و كانو اني شخص غريب او شخص عادي كلش بحياتك مو مهمه
فرق جبير بين معاملتي و معاملتك رغم لمفروض اني الاقسى و الاجرح و الابتعد و الاهمل و يمكن حتى اكره لو انت بدلي و اني اسوي لسويته انت جان كرهتني بس اني بعدني احبك لان من كتلك احبك مو كلمه و كلتها و خلص لا كلتها واني اعرف انو لازم ما اتخلى و احاول و ابادر و احافظ و اهتم و اهم شي اتمسك حجيتها و اني اعنيها بكل معانيها و اعرف مسؤولية كلمة لاحبك شنو ...بس للاسف انت احسك حتى ما تحبني لان لا افعالك تدل ع هشي ولا كلامك و مو هنا لمشكله انت اصلا احسك دتكذب عليه و تجيني وكت فراغك او مملك وكت ليعجبك انت تلكيني و من اريدك ما الكاك اغلب لاحيان
ليش ؟ليش تفضل تلفونك تكلب بي ع انو ترد عليه تفضل طلعاتك ع انو تنطيني دقايق منها تذكرني و ترد عليه ...اني اعوف كل شي و اجيك بنص اهلي و احاجيك رسايل باي طريقه احاول احاجيك افز من نومي كل شويه عبالي دزيت اسهر و اقاوم لنعس و اروح ثاني يوم للمدرسه لو اذا عندي طلعه و كعده من صبح اروح مطفيه ميته نعس بس في سبيل قاومت نعس علمودك انتظرتك لما اتصلت تالي ما تتصل اني اتصل و اكلك وينك
مرات نايم و عايفني ومرات دتلعب بجهاز و مرات طالع...لك والله كمت اكتد وحدي اغلب لوكت ماخلي احد يمي اكول حتى خاف يدزلي شي او يريد يتصل كبل ارد اكون وحدي مرتبه وضعي ع انو باي لحظه ممكن تتصل ... بس ما تبادر ما تتصل ...ىغم اني لبنيه و اني لي متكدر ترد باي وكت و انت لرجال لي تكدر ترهمها و تكدر ترد باي وكت محد حييكلك ويامن و تكدر تسوي كل شي لان انت لرجال مو اني يعني هاي لمحاولات من واجبك انت هم ... واجبك تحسسني بوجودي و اهميتي بحياتك واجبك تحسسني انو انت صدك تحبني 💔ارجع واكول لحب مو كلمه تنكال و خلص مسؤوليتها و واجباتها جبيره مو اي شخص يوفيلها لي مو كد هالمسؤوليه ليورط روحه و يكسر روح و قلوب بنات ناس💔ليدمر حياة انسان جانت حياته طبيعيه و حلوه راضي بيها

ساعه 11 نزلت تاكل و كتلك هم حتتاخر لل1 و2 ورانه كعده منوكت لا تتاخر كتلي ماطول
حصير ب1🙂😂
عالاقل اصدق بكلامك
عفت اكلي و صعدت فوك دانتظرك🙂💔

منايمه زين و ميته نعس و تعب من دراسه و لمدرسه و لهوسه لصارت فعيوني كوه فاتحتهم و داقاوم نعس دانتظرك تتصل

يعني هاي تفاصيل لماخذتني من حياتي متفكر بيها؟ متفكر انو لخاطر هالتعلق لي متعلقته بيك انو لازم تبادر لازم تهتم شويه متفكر؟🙂😂معقوله بس اني لي افكر بيك ليل نهار و حته باحلامي من انام

💔💔👌🏻الحب مو كلااااااام وبس👌🏻✨

2024/10/3 ثمانيه و ستين يوم بدونك💔

تلفونك بيدك دكلب و تتفرج و فاتح البرامج بس ما ترد على رسائلي لصارلها 7 ساعات اكثر هم👍🏻💔هذا حبك

حتى بالكلام ماكو قبل جنت دكلي احبج مشتاقلج هسه ابدد هسه حتى اذا بشقه اسئلك تحبني؟تتنرفز و تسميها سوالف جهال هالتصرفات بس صدك هاي مو سوالف جهال ولا داشاقه بس دابينها انو شقه وله اني اقصدها من كل روحي بنفسي اسمعها منك مثل قبل جنت انت اكثر واحد دكولها و جنت ضوج اذا اكلك اني هم و اسكت تريدني اكلك احبك💔