بس لو اعرف ليش؟
جنت وياك لبنيه ليتمناها كل رجال بريئه نظيفه محبه بصدق وفيه صادقه تهتم من تحب تكون مستعده تسوي لمستحيل لخاطر لشخص لتحبه تبالا بحبها و اهتمامها تحير شلون تفرح لتحبه تتكطع و تنقهر كلش من تغيب عنها لو شوبه و تضل خايفه عليك بشغلك و بيومك ومن تغيب اذا صار ايشي برا ولو حتى صارت حرب تعوف لكل واول شخص تسئل عليه و تتواصل وياه انت فضلتك عالكل حتى ع نفسها ما تدور سوالف لي تثكل روحها عليك ع طبيعتها و عفويتها ما كل مصار موضوع تحط لكرامه و لكبرياء عافتهم ت جنب وياك نطتك لرص و حاولت وياك و تحملت ماكو بنيه تتحمله ... تحملت تنطيك فرصه و تضل وياك مثل ما هي و حبتك اكثر بعد و هتمتلك اكثر بعد و حاولت ترجعك من شافتك تريد ترجع تحملت لي ماكو بنيه تتحمله لعفت من اول مشكله و تزوجت غيرها رجعت و كلت غلطان و تهورت و سامحتك و نطتك فرصص مو فرصه و فوك كل لاذيه لتحملتها منك تجازيها كل مره بالتخلي بالاهمال بالبعد تخليها دايما وحدها من تحتاجك تخليها بحيره اذا صدك تحبها لو لا و كل متزعل منك هي تراضيك مفد يوم خلتك تراضيها و لبستك لما تصالحها تزعل منك و تخاف لا تزعلك جنت ااذي روحي و بجي و قهر و هموم و تفكير و غيره و كبرياء و الم و نار بالقلب تحملتهم بس حتى ما تعوفك انتظرتك تصلح غلطك و تعوف لما تريدها حتى ترجع للتحبها بس استمريت بالغلط اكثر ع ما بيدك شي ولا كانو انت لرجال و كل شي بيدك ما تريدها تعوفها و ترجع للتريدها صدك لو صدك تحبببب💔اذيتها كسرتها دمرتها خربت حياتها خليت وصمه عليها انو هي صاحبة تجربه كرهتها بنفسها تعبتها هلكتها هملتها هانت عليك اذيتها منك رغم كل هذا هي تحبك و متفهمتك و تحاول تصدك ودكول ميخالف لظروف حكمت قدر و مكتوب ... بس انت محسيت بيها انت ما بادلتها هالحب والاهتمام انت جنت بشغف لبدايات و بعدين صرت اذيه الها وهي لي دامتلك ع نفس طبعها و حبها و تعاملها ما تغيرت ولو شويه رغم هي لتاذت منك💔رغم اذيتك الها جانت متحس بالراحه الا من تحاجيك وياك تنسه دنيا تفصل تن لعالم تبطل تفكر بعقلها تبطل تفكر بالصح والغلط كل ليهمها ضل يمها للابد💔وين تلكه لتحبك كدي شسويلك بعد اكثر؟
جنتلك مل شي وانت جنتلي اذيه ما بعد لحب💔😔

الليل مديخلص ومدا يكضى بلياك ارجععععع كلبي حيطك عليك والله مشتاقه احاجيك💔

لو تدري حجم لوحده و لتفكير لعايشته هسه و شكد كارهه الليل و الحياة!!💔💔
ليششششش لك ليششش
جنت احن بشر و حبيتك و جنت زينه وياك اتعبك اضوجك احجيلي كلي مو دير وجهك و تعوفني وحدي هيج
حلو هسه لسويته؟؟؟ حلو من خليتهم يكلولي لعشتي وياه عاشه ويه هوايه قبلج و عادي كضه وكت وياج و عافج بالاخير ما اخذج حلاله كلمن ياخذ من ثوبه ما والمتي
زين ليش؟ليش ما والمتك ليش اجيتني اذا مافيدك؟ليش اني من بين كل هالبنات؟ليش خذت غيري لاخذتها شنو لبيها وما بيه شو احسن منها وياك شو حبيتك و جان خذنه بعض عن حب بشنو قصرت وياك؟💔اصلا من اول فىاك ليش عفتني؟ليش خذلتني ليش هنت عليك؟

بكلبي مو كسرة بكلبي نار حركت روحي حرك لدرجة الانجماد تدري والله ظاهريا ثلج ولا كانو اكو هالنار بداخلي
حركة لروح هاي بليل تبين عليه من اضل وحدي ويه لذكريات و لدموع و ريحتك و كل ذكرياتك💔شكد الهي بنفسي بس بعز هاللهو افكر بيك

وين انت هسه شدسوي شصاير وياك هالايام شصاير بحياتك ويامن دتحجي و تريح روحك من تفضفض عن يومك المن دتشكي ويامن دتفتح اتصال وتنام منو ديكعدك الصبح للشغل لو لمغرب للقاعه منو ديسمعك و يحاول يحجيلك كلام يهون تعبك منو ديشاقه وياك من ينك عليك بالشقه و ضحك وانت تتنرفز منو ديكلك احبك يوميه💔منو ديزعل منك و يراضيك حتى خاف انت هم زعلت رغم انت مزعله💔شون ديكضه يومك شون عايش حياتك دتفكر بيه لو لا

معقوله مدتفكر بيه مثل مدافكر بيك؟ معقوله عادي عندك كل لعشناه يروح كانو مصار؟معقوله ممشتاقلي؟معقوله خدعتني؟😔💔مداصدك كل ماذكر لماضي و شون جنت ويايه ماصدك انو انت خدعتني مستحيل و همين مستحيل تكون بعدين كرهتني ماصدك عفتني لان متحبني و متريدني
عفتني لان تورطت بغيري و تفرضت عليك بعد مو؟

الالم صار مو بكلبي بس صار براسي و بمعدتي صار بداخل روحي صار بكل حياتي تعبت والله كافي ارجع خلنرجع احسن من لبدايه هم كافي خليطلع هذا لصار بينه كابوس و نكعد منه واحنه سويه مرتاحين💔

تسوه هي؟تسوه علمود دراسه سويت كل هذا؟خذلان و كسران روح و دمار و عذاب و قهر وهموم و اذيه ماضي و حاضر و مستقبل ضياع و دمار و حسره بالكلب لاخر لعمر شي ميوصفه لكلام بس تسوه كل هالعذاب لعشته و عشناه علمود دراسه؟💔

2024/10/11 ... 8:44pm
the End....💔
ما حنسه هتاريخ بعمري💔عفتني و حظرتني بلا كلام و بلا مبررات💔

💔💔شفتك شسويت و شون دمرتني
و شفت عيوني لحلوات شون ذبلتهم و بجيتهم و شفت شلون لبنيه اللطيفه الحبابه صارت ضعيفه منهاره و مكسور خاطرها
شفت شلون الله سهلها بس انت عقدتها و اختاريت الفراك💔

اشتاقيتلكككك💔😔ارجع كافييي💔💔

بدت تمطر هسه اول مطره بهذا الشتا
اول مطره بدونك اول صوت كراكيت بهذا شتا و اني مو وياك و اامن وياك من خوفي من صوت لكراكيع

💔💔هالمره انت ماكو و ادزلك و تحجيلك دتمطر من انت بغرفتك و متدري بشي هالمره من تمطر ماخابرك اطمن عليك لان ينشلع كلبك بشغلك من تمطر💔💔هالمره ماكو و نحجي سوه و ندعي بوكت لمطر و اكعد اقنعك لدعاء وكت لمطر مستجاب وينك هسه انت و يامن دتحجي معقوله عوضك غيري و نطيتهه مكاني!!! زين معقوله تنساني معقوله نسيتني!!! وينك...بعدني تخاف من صوت لرعد لعالي و ضواه لقوي وينك و تجي اطمني بسوالفك و ضحكاتك و ننام ع صوت بعض مرتاحين و اني مطمنه و ما خايفه ولا مركزه بصوت لرعد و كل تركيزي وياك وينك بس انت جنت تعرف شون تلهيني و تروح خوفي من لرعد لحد ما خليتني اقوه💔اشتاقيتلك ارجع

تعرف هالمره دعيت الله يرجعك الي و يهيءكل لظروف حتى نرجع و ينمسح لماضي نبدي بداية حلوه سوه و للابد💔دعيت اذا انت نصيبي فكون ترجعلي باسرع وقت لان كلبي نار عليك و دعيت اذا اني مو خير الك او انت فالله يقويني بلياك و يعودني بدونك💔دعيت الله يضلح وضعك و وضعي حتى نرجع سوه💔نرجع بلا قهر و معاناة ماتحمل فكرة لحياة بلياك

ردتك باخر دقيقه دكلي احبج
دكلي اعوف لدنيا بس ضميني يمج
ابقي يمي ...خايف تضيعين مني شلون اجيج
ايدي جانت تنتظر ايدك تضمني
سكته مني و سكته منك
هيج قصتنا انتهت .💔

ماكعد راحه اني🌚
بس مكدرت اريد اعرف ليش راسلتني لبارحه💔
اذا مارايدني ليش هم دزيت و رديت حظرتني
ليش دتحرك كلبي شنو جيت تطمن اذا داتاذه و منقهره جيت ترجع لجروح و تجددلي القهر؟💔
ليش هيج دسوي؟
ليش تلعب باعصابي و تحرك بكلبي؟

باع شون جنت ويايه باول مره كسرت روحي و ثقتي و هسه شون صرت💔

💔💔وصلتني للمرحله لجنت خايفه اوصللها
جنت اخاف بعد ماكدر اتنازل و اتحمل و اسامح و انطي فرص جنت خايفه ماكدر اوثق بيك و وصلت للخفت منه
كل يوم تكسر ثقتي اكثر من لقبلها كل يوم تبعدني عنك اكثر و اكثر عودتني على غيابك هواااااايه علمتني من انكسر واوكع لازم ارمم نفسي و اقوى و اكوم وحدي شافيت كسرة كلبي بنفسي و هالشي لبعدني عنك صرت اشوفك سبب جروحي و قهري و سبب تعبي و سبب فشلي دمرتني و حطيتني بنص نار و قهر صعب احد يتحمله حطيتني بحيرة الي اني شسويتله و هيج جازاني!!!💔
ضليت بقهر فتره طويله ضليت اتمناك يمي و ويايه و تعتذر عن لسويته بيه و تراضيني و ترجع ويايه احسن من الاول بس ضليت تكابر و ضليت ويه غيري و اني بقيت احترك بنار لفراك و نار فكرة انو انت جبت غيري بمكاني و خليت غيري حلالك و باقي وياها وانت دكلي ماريدها💔لحقيقه لمداصدكها بقيتني بنار افعالك لما خليتني اطفي هنار وحدي و بردت كل مشاعري تجاهك و صرت اخاف منك و صرت ما امن بيك مداكدر اوثق بيك و اصدكك طول لوكت حاسه انو انت حتعوفني مره لخ و طول لوقت ببالي فكرة انو احنه منتهين و انت ما حتكدر تخليني حلالك بيوم و حضل بالحرام وياك💔💔