#Update

የእስራኤል እና የኢራን ጦርነት ከተጀመረ 9ኛ ቀኑን ይዟል።

በ9ኛ ቀን ከተሰሙ ዋና ዋና ነገሮች መካከል፦

⚫ እስራኤል 3 የኢራን ጀነራሎችን መግደሏን እና የኢስፋህን የኒውኪሊየር ጣቢያ ላይ ጥቃት መፈፀሟን ገልጻለች። የጦርነቱ ጊዜ ያልተገደበ መሆኑን የእስራኤል አመራሮች አንስተው ሲናገሩ የእስራኤል ጦርም እስራኤላውያን ለትልቅ ተልዕኮ እንዲዘጋጁ አሳስቧል።

⚫ የኢራን የውጪ ጉዳይ ሚኒስትር አባስ አራጋቺ አሜሪካ በጦርነቱ ከመጀመሪያ ቀን ጀምሮ ስትሳተፍ ነበር ሲሉ ገልጸዋል።  በአሜሪካ "የዲፕሎማሲ ክህደት" ተፈፅሞብናል ያሉት ሚኒስትሩ ከዚህ በኋላ አሜሪካን ለማመን እንደሚቸገሩ ገልፀዋል።

⚫  ዓለም አቀፉ የአቶሚክ ኢነርጂ ድርጅት በሁለቱ ሃገራት መካከል ጦርነቱ ከተጀመረ በኋላ ኢስፋህን በእስራኤል ጥቃት የተፈፀመበት ሥሦስተኛው የኢራን የኒውኪሊየር ጣቢያ መሆኑን አስታውቋል።

⚫ እስራኤል በኢራን ዋነኛ የነዳጅ አምራች አካባቢ በሆነው ኩዜስታን ላይ ጥቃት አድርሳለች። ጥቃቱ ወታደራዊ ኢላማዎችን ኢላማ ማድረጉን የእስራኤል ጦር አስታውቋል።

⚫ የኢራን የጤና ሚኒስትር ጦርነቱ ከተጀመረ ጀምሮ 430 ኢራናውያን መሞታቸውን እና 3000 የሚሆኑት መጎዳታቸውን አስታውቋል።

⚫ በእስራኤል ጥቃት ታባታቢይ አይዛር የተባለ የኒውኪሊየር ሳይንቲስት መገደሉን ኢራን ይፋ አድርጋለች። አይዛር ከባለቤቱ ጋር በቤቱ ሲገደል እስራኤል ከጦርነቱ መጀመር ወዲህ የገደለችው ስድስተኛው የኢራን የኒውኪሊየር ሳይንቲስት ሆኗል።

⚫ እስራኤል ለሊቱን ከኢራን ከ40 በላይ ድሮኖች እንደተላኩባት እና ከእነዚህ ውስጥ አንዱ የአየር መከላከያዋን ጥሶ እንደገባ ገልፃለች። የድሮን ጥቃቱም በሰሜናዊ እስራኤል ጉዳት ማድረሱ ሲነገር በትናንቱ የሃይፋ የሚሳኤል ጥቃት የተጎዱ ሰዎች ቁጥር 31 ደርሷል።

⚫ እስራኤል ጦርነቱ ከተጀመረ በኋላ 99 በመቶ የሚሆኑትን ከኢራን የተላኩባት ድሮኖች አክሽፌያለሁ ብላለች። እስራኤል የአየር መከላከሏ ከ470 በላይ የኢራን ድሮኖችን መጣሏን ነው የገለጸችው።

⚫ የሩሲያው ፕሬዚዳንት ቭላድሚር ፑቲን በተደጋጋሚ ለእስራኤል ኢራን የኒውኪሊየር የጦር መሳሪያ የመታጠቅ ፍላጎት እንደሌላት ነግሬያለሁ ማለታቸው ተነግሯል። ፕሬዚዳንት ፑቲን ሩሲያ የኢራንን ሰላማዊ የኒውኪሊየር ፕሮግራም ትደግፋለች ፤ እንደዛ የማድረግም መብት አላት ነው ያሉት።

⚫ አሜሪካ በርካታ የዩኤስ ቢ-2 ቦምቦችን ዛሬ ምሽት ከኦክላሆማ ከሚገኘው ከዋይትማን አየር ሃይል ጣቢያ ወደ ምዕራብ ማጓጓዟን CNN ገልጿል። ይህም ፕሬዝዳንት ዶናልድ ትራምፕ ወታደራዊ በኢራን ላይ የአየር ጥቃት ለመውሰድ ከወሰኑ ጥቅም ላይ ይውላሉ ተብሎ እንደሆነ ነው የተነገረው።

⚫ የእስራኤል ጦር የኢራን አብዮታዊ ዘብ የቁድስ ኃይል አዛዥ እንዲሁም የኢራን አብዮታዊ ዘብ የፍልስጤም ኃይል መሪ ሰዒድ ኢዛዲን መግደሉንም አስታውቋል። የኢራን አብየታዊ ዘብ አመራሮቹ ስለመገደላቸው በይፋ ያለው ነገር የለም።

Source: CNN, NBC
Photo : Reuters

@TikvahethMagazine

#Update

አሜሪካ 'Midnight Hammer' ብላ በሰየመችውና በኢራን ላይ በፈፀመችው የለሊቱ ጥቃት እስካሁን ምን እናውቃለን ?

አጠቃላይ የኦፕሬሽኑ መረጃ

🕒 ኦፕሬሽኑ የ25 ደቂቃ እርዝማኔ ነበረው።

✈️ በጥቃቱ አሜሪካ 125 የጦር አውሮፕላኖችን ተጠቅማለች።

🛵  በጥቃቱ አሜሪካ 7 B-2 የተሰኙ የከባድ ቦምብ ጣይ አውሮፕላኖችን ተጠቅማለች።

🚀  በጥቃቱ አሜሪካ በኢራን ላይ 14 GBU-57 የተሰኙ እያንዳንዳቸው 30,000 ፓውንድ የሚመዝኑ ቦምቦችን ጥላለች። እነዚህ ቦምቦች በጥቅም ላይ ሲውሉም በአለም ታሪክ ለመጀመሪያ ጊዜ ነው።

🎯75 ኢላማቸውን የማይስቱ ተተኳሾች ተተኩሰዋል።

🚢  በጥቃቱ የአሜሪካ የጦር መርከቦች ተሳትፈዋል።

የኦፕሬሽኑ አፈፃፀም

የኦፕሬሽኑ አላማ የኢራንን የኒውኪሊየር መሰረተ ልማቶች ማውደም መሆኑ ሲነገር ጥቂት ቁልፍ ሰዎች ብቻ ስለ ኦፕሬሽኑ እንዲያውቁት ተደርጓል።

አሜሪካ በኢራን ላይ የአየር ድብደባ ከመፈፀሟ በፊት የአሜሪካ የጦር መርከቦች በኢስፋህን በሚገኙ መሰረተ ልማቶች ላይ የክሩዝ ሚሳኤል ጥቃት አድርሰዋል።

ኢራንን ለማዘናጋት በርከት ያሉ የB-2 ቦምብ ጣይ አውሮፕላኖች ወደ ምዕራብ እንዲበሩ ሲደረግ ከቦምብ ጣይ አውሮፕላኖቹ ጋር ነዳጅ የሚሞሉ የጦር ጀቶችን እና ተዋጊ ጀቶች ወደ ኢራን የአየር ክልል እንዲገቡ ተደርገዋል።

ዋናዎቹ ጥቃቱን ያደረሱት ቦምብ ጣይ አውሮፕላኖች ወደ ቦታው ለመድረስ 18 ሰዓት በርረዋል።

አሜሪካ የጦር አውሮፕላኖቿን ወደ ኢራን የአየር ክልል ካስገባች በኋላ በከፍተኛ ፍጥነት እንዲበሩ እና በትልቅ ከፍታ እንዲበሩ አድርጋለች።

የአሜሪካ B-2 ቦምብ ጣይ አውሮፕላኖች ሁለት 30,000 ፓውንድ የሚመዝነውን ቦምብ በመጀመሪያ ዙር በፎርዶው ጣቢያ የጣሉት ሲሆን በሶስቱ ጣቢያዎች ጥቃቶች የተፈፀሙት በ25 ደቂቃዎች ውስጥ ነው።

በኦፕሬሽኑ ወቅት ከኢራን የሚኖርን ጥቃት ለመከላከል በርካታ የጦር አውሮፕላኖች ቦምብ ጣዩን አውሮፕላን ቢያጅቡም ከኢራን ምንም አይነት እርምጃ ሳይወሰድ አውሮፕላኖቹ የኢራንን የአየር ክልል ለቀው ወጥተዋል።

ፔንታጎን ይህንን የተደራጀ እና ዘመናዊ ኦፕሬሽን መፈፀም የምትችለው አሜሪካ ብቻ ነች ሲል ገልጿል።

@TikvahethMagazine