🔴 IV Халқаро Фармацевтика Форуми

📌 Соғлиқни сақлаш вазирлиги, Фармацевтика тармоғини ривожлантириш агентлиги кўмагида Хорижий фармацевтика компаниялари ва ишлаб чиқарувчиларининг Ўзбекистондаги ваколатхоналари уюшмаси томонидан ўтказилаётган анжуманда 15 дан ортиқ мамлакатлар, жумладан, Европа, Осиё ва МДҲ давлатларидан 200 дан ортиқ делегатлар иштирок этмоқда.

✅ Форум доирасида соҳа билан боғлиқ қатор долзарб масалалар таҳлил қилиниши режалаштирилган. Улар қуйидагилардан иборат:

🔴 соғлиқни сақлаш тизимини трансформацияр қилиш ва давлат харидлари механизмларини такомиллаштириш;

🔴 суғурта тиббиёти, соғлиқни сақлашни молиялаштиришнинг барқарор моделларини жорий этиш салоҳияти;

🔴 дори воситалари ва тиббий буюмлар муомаласини тартибга солишни янада кучайтириш;

🔴 нарх белгилаш, рақамли маркировкалаш ва бозор таҳлилига замонавий ёндашувлар;

🔴 Самарали маркетинг стратегияси ҳамда фармацевтика маҳсулотларини тарғиб қилиш ва бошқалар.

‼️ Шунингдек, анжуманда ялпи мажлислар, панель сессиялари, рамалиётга йўналтирилган маҳорат дарслари ўтказилиши кўзда тутилган.

Website | Telegram | Instagram | Facebook | Youtube

🔴 Ҳиндистоннинг "GPE EXPO" компанияси асосчиси билан учрашув

📌 Фармацевтика тармоғини ривожлантириш агентлиги директори Абдулла Азизов "GPE EXPO" компанияси асосчиси ва директори жаноб Пареш Жҳумарвала билан учрашув ўтказди.

✅ Учрашув давомида жаноб Пареш Жҳумарвала "GPE EXPO" компаниясининг фаолияти, Ҳиндистон ва Бангладешда амалга оширилган йирик лойиҳалар, шунингдек, ҳозирги кунда Нигерия ва Иорданияда олиб борилаётган ишлар ҳақида батафсил маълумот берди. У шунингдек, Ўзбекистон фармацевтика соҳасида олиб борилаётган ислоҳотлар ва мавжуд салоҳиятни эътироф этиб, мамлакатимиз Марказий Осиёда фармацевтика марказига айланиб бораётганини таъкидлади.

✅ "GPE EXPO" директори яқин келажакда Ўзбекистонда фармацевтика йўналишида йирик халқаро кўргазма ташкил этиш режа қилинаётганини маълум қилди.

✅ Ўз навбатида, Агентлик директори "GPE EXPO" ташаббусларини қўллаб-қувватлашга тайёр эканлигини билдириб, бундай ҳамкорлик фармацевтика саноатининг янада жадал ривожланишига хизмат қилишини қайд этди.

✅ Томонлар ўзаро манфаатли ҳамкорликни йўлга қўйиш ва уни босқичма-босқич ривожлантириш бўйича келишувга эришдилар.

Website | Telegram | Instagram | Facebook | Youtube

🔴 Иккинчи Ўзбекистон-Хитой ҳудудлараро форуми доирасида Хитойнинг Гансу провинцияси тадбиркорлари делегацияси билан учрашув бўлиб ўтди

📌 Жорий йилнинг 3 июнь куни Фармацевтика тармоғини ривожлантириш агентлиги директори Абдулла Азизов Хитой делегациясини "Tashkent Pharma Park” инновацион илмий-ишлаб чиқариш фармацевтика кластерининг ҳозирги ҳолати ва ривожланиш истиқболлари, шунингдек, давлат томонидан қўллаб-қувватлаш чоралари ва хорижий инвесторлар учун яратилаётган қулай шарт-шароитлар билан таништирди.

✅ Хитой ишбилармон доиралари вакиллари Ўзбекистонда яратилаётган имкониятларга алоҳида қизиқиш билдириб, мамлакатни бутун Марказий Осиё минтақасининг истиқболли платформаси ва салоҳиятли фармацевтика маркази сифатида кўришларини таъкидладилар.

✅ Музокаралар чоғида хитойлик сармоядорлар республика ҳудудида доривор гиёҳларни етиштириш, шунингдек, тайёр фармацевтика маҳсулотларини ишлаб чиқариш бўйича қўшма лойиҳаларни амалга оширишга қизиқиш билдирди.

✅ Томонлар белгиланган йўналишларда узоқ муддатли ва ўзаро манфаатли ҳамкорликни ривожлантиришдан манфаатдор эканликларини тасдиқладилар.

Website | Telegram | Instagram | Facebook | Youtube

🔴 Венгриянинг "Plasma Expert Group" компанияси вакиллари билан янги лойиҳалар муҳокамаси

📌 "Plasma Expert Group" компанияси вакиллари Ўзбекистондаги мавжуд қон марказлари, биотехнологик инфратузилма ва экспорт салоҳиятини юқори баҳолаб, ушбу соҳадаги истиқболли лойиҳаларда иштирок этишга тайёр эканликларини билдирди. Шунингдек, қон плазмасини халқаро талаб ва стандартларга мувофиқ ҳолда тайёрлаш, сақлаш ва ташиш шартлари муҳокама қилинди.

✅ Фармагентлик директори Абдулла Азизов ўз навбатида инвестициявий муҳит, қулай шарт-шароитлар ва яратилган имтиёзлар ҳақида маълумот бериб, ҳамкорликка тўлиқ тайёр эканини билдирди.

✅ "Plasma Expert Group" компанияси томонидан Ўзбекистонда замонавий плазма марказларини ташкил этиш, халқаро даражадаги плазмаферез ускуналари ва булутли ахборот тизимлари жорий этиш орқали донорлар саломатлигини доимий мониторинг қилиш имкониятлари ҳақида тақдимот ўтказилди. Компания ушбу технологияларни жалб этиш орқали нафақат юқори сифатли хомашё базасини яратиш, балки тезкор, самарали ва хавфсиз даволаш имкониятларини таъминлаш ниятида эканини маълум қилди.

✅ Маҳаллий ишлаб чиқариш йўлга қўйилган тақдирда, мамлакатда янги иш ўринлари яратилиши, соҳа учун малакали кадрлар тайёрланиши, биофармацевтика соҳасида барқарор ва келажакка йўналтирилган инфратузилма шаклланиши таъкидланди.

Website | Telegram | Instagram | Facebook | Youtube