🔴 АҚШ Фармакопеяси - USP ҳамкорлигида халқаро конференция

📌 Тошкент шаҳрида бўлиб ўтган халқаро анжуманда АҚШ, Озарбайжон, Қозоғистон, Қирғизистон, Тожикистон, Туркия, Иордания, Польша ва Латвия каби мамлакатларнинг миллий регулятор органлари вакиллари, халқаро ташкилотлар ҳамда фармацевтика соҳаси мутахассислари иштирок этди.

❗️ Анжуман доирасида меҳмонлар “Tashkent Pharma Park” инновацион илмий-ишлаб чиқариш фармацевтика кластерининг маъмурий биносида ташкил этилган экскурсияда иштирок этдилар.

➡️ Агентлик директори Абдулла Азизов меҳмонларни бинодаги замонавий кутубхона фаолияти билан таништирди. Унда ходимлар ва талабалар учун яратилган билим олиш ва китобхонлик муҳитига алоҳида эътибор қаратилди.

➡️ Шунингдек, иштирокчилар Фармацевтика тарихи музейи фаолияти билан танишар экан, юртимизда анъанавий табобат ва доришунослик тарихи, аждодларимизнинг илм-фанга қўшган ҳиссасига катта қизиқиш билдирди.

➡️ Анжуман иштирокчиларига кластер ҳудудида амалга оширилаётган лойиҳалар, хусусан, замонавий ишлаб чиқариш, таълим ва илмий тадқиқот инфратузилмалари ҳақида батафсил маълумот берилди.

➡️ Шу билан бирга, Фармацевтика техник университети профессор-ўқитувчилари ва талабалари билан жонли мулоқот бўлиб ўтди. Меҳмонлар ўқув лабораториялари, таълим жараёни ҳамда кадрлар тайёрлаш тизими билан яқиндан танишдилар.

✅ Халқаро миқёсда ташкил этилган мазкур анжуман Ўзбекистоннинг фармацевтика соҳасини ривожлантириш, уни халқаро стандартларга мос равишда трансформация қилиш, минтақавий ҳамкорликни кенгайтириш ва илмий-амалий алоқаларни мустаҳкамлаш борасидаги интилишларини яна бир бор намоён этди.

Website | Telegram | Instagram | Facebook | Youtube

🔴 Жаҳон банки вакиллари Фармацевтика тармоғини ривожлантириш масалаларини муҳокама қилдилар

📌 Фармацевтика тармоғини ривожлантириш агентлиги директори Абдулла Азизов Жаҳон банки делегацияси билан учрашди. Суҳбат чоғида Ўзбекистонда фармацевтика соҳасига хусусий инвестицияларни кенг жалб этиш салоҳияти, соҳага стратегик ёндашув ва унинг соғлиқни сақлаш тизими ҳамда саноатни ривожлантиришдаги ўрни атрофлича муҳокама қилинди.

❗️ Мулоқот давомида хусусий сектор ривожига тўсиқ бўлаётган омилларни аниқлашга алоҳида эътибор қаратилди. Натижада, қуйидаги устувор йўналишлар белгилаб олинди:
➡️ Аниқ сиёсий чора-тадбирларни ишлаб чиқиш (policy actions);
➡️ Ҳудудий инфратузилма ташаббусларини ривожлантириш (ground schemes).

✅ Учрашув якунида фармацевтика соҳасида самарали бошқарувни таъминлаш ва барқарор ривожланишга эришишда халқаро ҳамкорларни жалб этиш муҳимлиги таъкидланди.

Website | Telegram | Instagram | Facebook | Youtube

🔴 Kusum Healthcare компанияси билан инвестицион лойиҳа муҳокама қилинди

📌 Агентликда Ҳиндистоннинг Kusum Healthcare компанияси вакиллари билан учрашув бўлиб ўтди. Унда компания вакиллари корхона тарихи, ҳозирги фаолият йўналишлари ҳамда амалга оширилаётган лойиҳалар ҳақида батафсил маълумот тақдим этдилар. Шунингдек, амалга оширилаётган инвестицион лойиҳа доирасида юзага келаётган айрим муаммолар муҳокама қилинди.

✅ Агентлик директори Абдулла Азизов томонидан компания вакиллари билдирган масалалар диққат билан тингланиб, уларни ҳал этиш бўйича тегишли таклиф ва тавсиялар берилди. Агентлик мазкур муаммоларни ижобий ҳал этишда амалий ёрдам кўрсатишга тайёр эканлигини таъкидлади.

✅ Учрашув очиқ ва конструктив руҳда ўтди ҳамда томонларга келгусидаги ҳамкорлик имкониятларини муҳокама қилиш учун замин яратди.

Website | Telegram | Instagram | Facebook | Youtube

🔴 Маҳаллий фармацевтика маҳсулотлари ишлаб чиқарувчи тадбиркорлар билан учрашув

📌 Бугун Фармацевтика тармоғини ривожлантириш агентлиги биносида Агентлик директори Абдулла Азизов, Фармацевтика маҳсулотлари хавфсизлиги маркази директор ўринбосари Шоядбек Васиев ҳамда Туркиялик эксперт Ҳасан Бағжи иштирокида маҳаллий фармацевтика маҳсулотлари ишлаб чиқарувчи тадбиркорлар билан учрашув бўлиб ўтди.

✅ Учрашувда Референт нарх шакллантириш тизими доирасида рецепт бўйича бериладиган дори воситалари нархларини қайд этиш тартиби тўғрисидаги низомга киритилган ўзгаришлар муҳокама қилинди. Тадбир давомида ишлаб чиқарувчиларга мазкур ўзгаришларнинг мазмун-моҳияти, уларнинг амалий таъсири ҳамда тартибни татбиқ этиш жараёнида юзага келиши мумкин бўлган масалалар юзасидан тушунтиришлар берилди.

✅ Йиғилиш очиқ мулоқот руҳида ўтди ва иштирокчилар томонидан билдирилган таклиф ва мулоҳазалар қайд этилди. Мазкур учрашув маҳаллий ишлаб чиқарувчиларни қўллаб-қувватлаш, соҳага оид норматив-ҳуқуқий ҳужжатлар ижросини самарали ташкил этиш ҳамда тартибни амалиётга татбиқ этишда ўзаро ҳамкорликни янада мустаҳкамлашга хизмат қилади.

Website | Telegram | Instagram | Facebook | Youtube