🔴 IV Тошкент халқаро инвестиция форуми

📌 IV Тошкент халқаро инвестиция форуми доирасида бир қатор меморандум ва келишувлар имзоланди. Фармацевтика тармоғини ривожлантириш агентлиги директори Абдулла Азизов Қувайтнинг “Gulf Care” ва Кореянинг “Unimed Pharmaceutical” компаниялари билан ҳамкорлик келишувини имзолади.

Келишувга мувофиқ, "Tashkent Pharma Park" инновацион илмий ишлаб чиқариш фармацевтика кластери ҳудудида “Gulf Care” компанияси фармацевтика маҳсулотларини ва “Unimed Pharmaceutical” компанияси косметика маҳсулотларини ишлаб чиқаришни ташкил этиш режалаштирилган.

Website | Telegram | Instagram | Facebook | Youtube

🔴 UNDP вакиллари Фармагентликда

📌 Фармацевтика тармоғини ривожлантириш агентлиги директори Абдулла Азизов ва UNDP вакиллари ўртасидаги учрашув жорий фармацевтика соҳасидаги ҳамкорлик масалаларини муҳокама қилиш мақсадида бўлиб ўтди.

✅ Учрашувда соғлиқни сақлаш тизимидаги бошқарув масалалари, глобал ва маҳаллий даражадаги имкониятлар ва муаммолар, маҳаллий ишлаб чиқаришни ривожлантириш, регулятор тартиблар, рақамлаштириш ва техник ёрдам масалалари кўриб чиқилди.

✅ Томонлар соғлиқни сақлаш соҳасида самарали ва барқарор бошқарув механизмларини жорий этиш, фармацевтика соҳасини халқаро стандартларга мувофиқ равишда ривожлантириш зарурлиги таъкидладилар.

✅ UNDP вакиллари маҳаллий ишлаб чиқариш салоҳиятини ошириш ва глобал фармацевтика марказлари билан ҳамкорликни йўлга қўйишга тайёрлигини билдирди.

Website | Telegram | Instagram | Facebook | Youtube

🔴 Япониянинг етакчи тадбиркорлари билан мулоқот

📌 Ўзбекистон Республикасининг Япониядаги элчихонаси кўмагида, Фармацевтика тармоғини ривожлантириш агентлиги директори Абдулла Азизов ва Япониянинг етакчи тадбиркорлари ўртасида видео мулоқот бўлиб ўтди. Унда Ўзбекистон косметика саноатини ривожлантириш имкониятлари муҳокама қилинди.

✅ Учрашувда "Takasago International Corporation", "Japan Cosmetic Industry Association (JCIA)", "Kamimoto Co., Ltd.", "Lion Corporation", "Milbon Co., Ltd.", "Fine Today Co., Ltd.", "TOA Inc.", "Nippon Shikizai", "Mochida Healthcare Corporation" каби 30 га яқин компаниялар вакиллари иштирок этди.

✅ Учрашувда инвестиция муҳити, инфратузилма, маҳаллий ишлаб чиқаришни йўлга қўйиш имкониятлари ва халқаро бозорларга чиқиш истиқболлари муҳокама қилинди. Томонлар келгусида ҳамкорлик қилиш ва зарур меъёрий-ҳуқуқий механизмларни ривожлантиришдан ўзаро манфаатдор эканликларини билдирдилар.

✅ Учрашув конструктив руҳда ўтиб, икки томонлама ҳамкорлик ва халқаро шериклик учун янги йўналишларни очиб берди.

Website | Telegram | Instagram | Facebook | Youtube

🔴 Фармацевтика тармоғини ривожлантириш агентлиги ва “NOYA CA PHARMACEUTICAL” МЧЖ қўшма корхонаси ўртасида инвестиция шартномаси имзоланди

📌 “NOYA CA PHARMACEUTICAL” МЧЖ қўшма корхонаси "Tashkent Pharma Park” инновацион илмий-ишлаб чиқариш фармацевтика кластери ҳудудида янги фармацевтика маҳсулотлари ишлаб чиқариш лойиҳасини ташкил этади.

✅ Ушбу шартнома доирасида замонавий фармацевтика маҳсулотлари, жумладан, психотерапевтик дори воситаларини ишлаб чиқариш корхонасини ташкил этиш кўзда тутилган.

✅ Лойиҳа бўйича умумий инвестиция ҳажми 14,625 млн. АҚШ долларини ташкил этади. Лойиҳани амалга ошириш нафақат дори воситалари ишлаб чиқаришни кенгайтиришга, балки янги иш ўринларини яратиш, саноат инфратузилмасини ривожлантириш ва мамлакатнинг экспорт салоҳиятини оширишга ҳам хизмат қилади.

Website | Telegram | Instagram | Facebook | Youtube

🔴 Zhendong Group компанияси вакиллари билан учрашув бўлиб ўтди

📌 Фармацевтика тармоғини ривожлантириш агентлиги директори Абдулла Азизов ва Хитойнинг етакчи фармацевтика компанияларидан бири - "Zhendong Group" вакиллари билан учрашув бўлиб ўтди.

✅ Музокаралар давомида томонлар фармацевтика ва биотехнология соҳаларидаги ҳамкорлик истиқболларини муҳокама қилиб, "Tashkent Pharma Park” инновацион илмий-ишлаб чиқариш фармацевтика кластери лойиҳасини МДҲ ва Марказий Осиё минтақаси учун фармацевтика хаби сифатида ривожлантириш, клиник тадқиқотлар (CRO), илмий-тадқиқот ва тажриба-конструкторлик ишлари (R&D), API ишлаб чиқариш ва тозалаш, шунингдек, биотехнология ва биосимиляр дори воситаларини ишлаб чиқиш соҳаларида қўшма ташаббусларни кўриб чиқдилар.

✅ Шунингдек, учрашув чоғида Ўзбекистонда фармацевтика саноатини жадал ривожлантиришга қаратилган ҳуқуқий, институционал ва инвестицион ислоҳотлар, соҳа учун яратилаётган қулай шарт-шароитлар ҳақида маълумот берилди.

✅ "Zhendong Group" вакиллари Ўзбекистон бозоридаги улкан салоҳият ва яратилаётган имкониятларни юқори баҳоладилар.

Website | Telegram | Instagram | Facebook | Youtube