📌 Маҳаллий ишлаб чиқарувчилар фаолияти ўрганилмоқда

🔴 Фармацевтика тармоғини ривожлантириш агентлиги директори Абдулла Азизов маҳаллий фармацевтика маҳсулотлари ишлаб чиқариш салоҳиятини ўрганиш ва тадбиркорлар билан очиқ мулоқотни йўлга қўйиш мақсадида жойларда қатор ишлаб чиқарувчи корхоналарда бўлди.

❗️ Навбатдаги учрашувлар "Ziyo Nur Farm" ва "ТСМТ" корхоналарида бўлди. "Ziyo Nur Farm" корхонаси маҳаллий дори воситалари, биологик фаол қўшимчалар ва косметика маҳсулотлар ишлаб чиқаради. "ТСМТ" корхонаси замонавий тиббий техника ишлаб чиқариб келмоқда. Ташриф давомида корхоналардаги технологик жараёнлар, қўлланилаётган замонавий ускуналар, сифат назорати тизими ҳамда ички ва ташқи бозорга етказилаётган маҳсулотлар тури кўздан кечирилди.

✅ Учрашувлар чоғида маҳаллий ишлаб чиқаришни янада кенгайтириш, маҳсулот турларини диверсификация қилиш, экспорт йўналишларини ривожлантириш, шунингдек, сертификатлаш ва халқаро стандартларга мослашишда юзага келаётган муаммолар муҳокама қилинди.

✅ Агентлик директори корхоналар раҳбарияти ва мутахассислари билан суҳбатда маҳаллий ишлаб чиқарувчиларни қўллаб-қувватлаш, соҳага инвестиция жалб қилиш ва уларнинг рақобатбардошлигини ошириш устувор йўналишларидан бири эканини таъкидлади.

✅ Шунингдек, Агентлик масъуллари билан ҳар бир корхона фаолияти юзасидан ҳамкорликда аниқ таклиф ва тавсиялар тайёрланиб, амалий ечимлар ишлаб чиқилиши белгиланди.

Website | Telegram | Instagram | Facebook | Youtube

📌 “Made in Uzbekistan” халқаро кўргазмаси ИННОПРОМ-2025 доирасида ўз ишини бошлади

🔴 Жорий йилнинг 7-10 июль кунлари Россия Федерациясининг Екатеринбург шаҳрида бўлиб ўтаётган “ИННОПРОМ-2025” халқаро саноат кўргазмаси доирасида “Made in Uzbekistan” миллий стенди ўз ишини бошлади. Ушбу нуфузли тадбир Ўзбекистон саноати ва инновацион салоҳиятини халқаро майдонда намойиш этиш, янги ҳамкорлик алоқаларини ўрнатиш ва ташқи бозорларга чиқиш имкониятларини кенгайтириш мақсадида ташкил этилмоқда.

✅ “Made in Uzbekistan” миллий стендида юртимизнинг турли тармоқларини намойиш этувчи корхоналар иштирок этмоқда. Хусусан, фармацевтика соҳасига ихтисослашган 5 та етакчи компания ўз маҳсулотлари ва илмий-ишлаб чиқариш ишларини тақдим этмоқда. Улар томонидан ишлаб чиқарилган юқори сифатли дори воситалари ва замонавий технологиялар кўргазма иштирокчилари ҳамда халқаро ҳамкорлар томонидан катта қизиқиш ва эътирофга сазовор бўлмоқда.

✅ Кўргазма доирасида ўзбекистонлик компаниялар томонидан бир қатор экспорт шартномалари имзоланиши режалаштирилган бўлиб, бу мамлакатимиз маҳсулотларининг ташқи бозордаги рақобатбардошлигини янада оширишга хизмат қилади.

Website | Telegram | Instagram | Facebook | Youtube

📌 Фармагентликда Хитойнинг "Zhendong Group" компанияси вакиллари билан учрашув

🔴 2025 йил 8 июль куни Фармацевтика тармоғини ривожлантириш агентлиги директори Абдулла Азизов ва Хитойнинг "Zhendong Group" фармацевтика компанияси делегацияси билан учрашув бўлиб ўтди.

✅ Учрашувда "Zhendong Group" вакиллари Ўзбекистонда ишлаб чиқаришни маҳаллийлаштиришга қизиқиш билдирди. Хусусан, офталмологик дори воситалари, фаол фармацевтик субстанциялар (АПИ), тиш пастаси ишлаб чиқаришни ташкил этиш, шунингдек, дори шаклларини ишлаб чиқиш ва биоэквивалент тадқиқотлар (CРО/БЕ) ўтказиш марказини ташкил этиш истиқболлари муҳокама қилинди.

✅ Мулоқотда экологик стандартлар, технологик жиҳозлаш, тадқиқот инфратузилмасини ривожлантириш, ички бозорда маҳсулотларнинг оммабоплигини таъминлаш масалаларига алоҳида эътибор қаратилди.

✅ Суҳбат якунида томонлар ўзаро ахборот алмашинуви ва келгусидаги ҳамкорликни ривожлантириш борасида келишиб олдилар.

Website | Telegram | Instagram | Facebook | Youtube