طول ما انت مقتنع إنَّها ماحتتحل فهي فعلًا مااا حتتحل
سيدنا عبد الله بن مسعود يقول "البلاء مُعلَّق بالنُطق به".. واتذكر إنو "كُل مُتوَقَّع آتٍ"
ربنا سبحانه و تعالى يقول (فَمَا ظَنّكم بِرَبّ العَالمِين)
خلّي ظنك بربنا خير مهما كانت الأمور مُعقَّدة وتأكد تمامًا إن ربنا حيراضيك فالوقت الصح بالحاجة اللي نفسك فيها)

‏"لا بأس بقليل من الحزن مقابل أن تتخذ قراراً صحيحاً لكي تبني عليه حياتك، أحياناً تكون القرارات القاسية هي السبيل الوحيد لواقع أفضل وحقيقي.. الوقت يعالج كل شيء ويهدم كل شيء، حتى الذكريات الجميلة وأنبل العواطف تموت ويحل محلها نوع من الحكمة الباردة التي تجعل كل شيء يهدأ."

أن يصبح همك إصلاح نفسك، والصلاة في وقتها وذكر الله كل لحظة، واستشعار معنى وجودك في هذه الحياة، وإمساك لسانك عن كل مالا يعنيك ولا فائدة منه، أن تُطهّر لسانك من كل ذنب يقترفه واعتداء، أن تعيش وتأنس بالقرب من الله والبحث عن مايرضيه، أن لا يهمك إلا رضا الله ثم قربك من عائلتك🤍.

#مريوميات
أنا عايزة أخلي الحجاب ، ربنا حيغفر لي اكيد
ما ممكن يحاسبني على حتة قماش...

_عموماً كده كل صحابي بيقولوا إني حلوة من دون حجاب ، وشعري حلو ما يستاهل يتقصف بسبب كتمة الطرحه طول اليوم....
_ولا الهيدباند -(ده شنو القرف ده زي الخالات اووف وكمان بيساعد على الجلحات )- ينفع تكوني مجلحه وجبهتك لحد أضنيك... البسي طرحه وحتة الشعره القدام دي ما فيها حاجه بالعكس كده انتي حتبقي وااو رهيييبه..

- ملامحك جميله ما تخفي جمالك وتكوني معقدة
ومتخلفه بالطريقة دي .. السلسل ده رهييب بس
لو تلفي طرحتك وترفيعها وتبيني الحلقات يبقى
الطقم تحفه...
-انتي صغيره ليي بتلبسي عبايات عيشي عمرك
العمر مره - حقيقي العمر مره- وما بتكرر..

في فترة من فترات حياتي كنت عايشه بطريقة
لما أتذكرها بقشعر وبحس قدر شنو انا كنت سطحية ومتخلفه..
تقريبا لحد ما وصلت تالت ثانوي.

اوريكم سطحية كيف ..
حجابي كان على قدرة يعني وما مقتنعه بيه
وكنت حاسه اني مضغوطة، لما امشي المدرسة
أو أطلع مع صحباتي فكان لازم البس حجاب..

الفكرة أنو بشوف نفسي شينه شديد بالحجاب
وملامحي من دونه احلى ...-سبحان الله ما دا الغرض منه- ...

المهم في تالت اخدنا سورة النور .. وحرفيا عانيت
جداً عشان افهم الآيات صح ..
ومسيطرة عليّ أفكار فظيعه....

( سورة أنزلناها وفرضناها....) ..
انا : يعني ي أستاذ هي السورة دي فرض ؟
أستاذ قرشي ربنا يديه الصحه والعافيه ، كان
إنسان رهيب لأنه بحاول ينزل لمدى فهمنا
وإدراكنا وبتعامل مع جهلنا في الفتره ديك
بكل إنسيابيه، بخلينا نسأل ونجاوب على
أسئلتنا وبإجابات تكاد تكون نموذجيه..

ف هو إنصدم صراحه بسؤالي المفاجيء والغبي
في نفس الوقت.. بقى ساكت مسافه يستوعب
انا قصدي شنو...
الأستاذ: القرآن كله فرض ي بنتي..
(إن الذي فرض عليك القرآن لرادك إلى معاد..)
سورة القصص..

سورة النور سورة أحكام وتشريعات وسورة واضحه جداً ..
لما وصلنا لآية الحجاب..
حصل جدل كبير وبيني وبين نفسي صراع فظيع
انا : ي أستاذ يعني الحجاب فرض؟ !
بسأل وانا زعلانه جداً ..
الاستاذ: انتي مؤمنة بالله ..
اي الحمد لله لو ما كده انا بسألك عن الحاجات دي
ليي ..
الاستاذ : يعني مؤمنة بملائكته ورسله وكتبه؟
انا: ...
طيب مؤمنة بالقرآن..
انا : اايوا.

(وليضربن بخمرهن على جيوبهن...)
طيب يا أستاذ ربنا قادر يقول حجاب إشمعنى
(خمرهن) ..
الاستاذ : القرآن نزل لمنو ؟!
انا: نزل على سيدنا محمد صلى الله عليه وسلم ونزل على أمته ..
الاستاذ : أمته اللهي منو يعني ، أمة عربية صح؟!
وكانت قريش افصح العرب واتقنها للغه ...

والخمر هو ما يغطي العقل .. والخمار مشتقه
منها .. إذن
انا: الخمر ما يغطي العقل، العقل في الرأس ، إذن
واضح ..
يعني يا استاذ الحجاب جنة ونار🥺؟!
الاستاذ : ايوا الحجاب جنة ونار ، كل ما هو فرض
جنة ونار وكل ما هو نافله درجة من الجنة .
(وما زال عبدي يتقرب إلي بالنوافل حتى أحبه) ..

اهااا كده في سؤال ..
انا: ليي بدأت سورة النور كده .. (سورة أنزلناها
وفرضناها ..) ..
الاستاذ : (وانزلنا فيها آيات بينات لعلكم تذكرون)
لأن فيها احكام كثيرة ، ومهمة جداً .

دا بعني اني خلاص كده بقيت عالمة بالأمر ده
ومتيقنة ان الحجاب فرض ، مش زي ما كنت
فاكره اني ممكن اكون بعبد ربنا وبصلي وبصوم
بس من دونه، يعني لما يكون عندنا عرس ما ينفع
البس كعب ومن دون طرحه.... وحاتحاسب على
معرفتي وأستهين بمعصية الله ..!
-دقيقه طالما بتعبدي ربنا وبتحبيه طيب ما تمشي
على طريق ربنا وتعاندي هوى النفس ...

يعني كده انا ما ينفع اعصي ربنا على علم ، ولو
دا شيء هيّن ما كان نزل في سورة عظيمة من
عند ربنا بتبدأ بتنبيه أنها فرض ..
كان أوحى لرسوله أن أخبر أمتك ان تحتجب
نسائها وتستتر...

ربنا رحيم غفور لطيف ، ربنا حكيم ... فما تستهونوا المعصية.. بحجة (الله غفور رحيم)
نعم ولكنه شديد العقاب..

الحجاب ي جماعه ما حتة طرحة ما بتتشاف إلا
بالمجهر ومغطية نص أضان والنص التاني بره..
ورقبتك باينه وشعرك والبيبي هير التعبتي عشان
تعمليه برا الطرحه... في الحاله دي ما ليه لازمه ..
ولا انك تلبسي ضيق ومحزق وملزق وقصير..
هو اصلا ربنا فرض علينا الحجاب عشان الأنثى
تخفي جمالها فلا يُطمع فيها صح ولا شنو.....

ولاااا عشان تكوني متخلفه ورجعية وسط شلتك
ديل اصلا العدم واحد مع أصحاب تخاف تطيع
ربك وسطهم...

واخيراً...
عارفه كترت كلامي
صفات الحجاب : لا يصف ، لا يشف ، ولا يكشف...
واعتقد ان ده كله واضح
وشكراً ✨

#مريم_محمد

_والله إننا في قمة السعادة و الرضا عن أنفُسِنا ..و ما يزيدُنا الانتقادُ إلا تمسُّكاً و عِزة فإنّ سلعة الله غالية.. إنّ سلعة الله الجنة.

_الستر لم و لن يضُرنا لا ديناً ولا دنيا..
نسأل الله الثبات و تمام الهداية 💕

و فرقٌ بين من تمشي بسترٍ ..
و من تمشي بغير الستر فينا💙🧕

من عايزة تخلي الحجاب إلي
فتاة محجبة و من ثم إلي منقبة 💙💙

اضاءت لعالمنا نجمة 🌟

انا عارف ان الاوضاع الحاليه لا تشجع على الشغل ولا المذاكره ولا ممارسه حياتك الطبيعية، احساس انك ما عارف تعمل حاجه في حياتك من غير ما تفكر وتتابع الاحداث امر صعب ، قاعد مستني تسمع خبر حلو ، قرار مهم، اي خبر تعدي بيه اليوم♥️

الحُبُّ يَطغى والحنينُ عظيمُ
‏وهواكَ في كلِّ القلوبِ مُقيمُ

‏صلَّى عليكَ اللهُ في عليائه
ما هبَّ مِن نفحِ الجِنانِ نَسيمُ💛.

اللهم ارزقني القدرة على اجتياز ما يصعب علي والصبر على أمور ضاقت علي واليقين بأنك ستفرجها قريبًا

"إِذا سَأَلتَ فَسَـل مَن فيهِ مَكرُمَـــةٌ
لا تَطلِبِ المـاءَ إِلّا مِن مَجَاريــهِ"🪞

سلامات يا الطيبين ..

محتاج مساعدة عاجلة ، حسابي في بنكك مقفول و نزلت لي تحويلات و أنا في حاجة ماسة ليها ...

فمحتاج شخص شغال في بنك الخرطوم
@MUALFATIH

أَعِنّي عليَّ؛ علي ضعفِي وقِلةَ صَبرِي وضِيق نفسِي وطاقتِي،والدُّنيا.

سورة الكهف الشيخ محمد عثمان حاج علي || من الأية ١ إلى ٢٤ || تلاوات سودانية

اللهم رحمتك يا الله
رحمتك التي تليق بإحسانك و جلالك و عظيم خزائنك ..
لأجل الحق الذي قامت عليه السماوات والأرض يا الله ..
لأجل دينك و كلماتك .
أتوسل إليك بكل اسم هو لك أن ترفع هذا البلاء بتدبير منك لطيف ..
يارب أجب دعاء المظلومين يارب المظلومين ..
يارب نتوسل إليك أن تنزل السلام عليهم و ترحمهم
يا مولانا اخلف عليهم بخير و احسن عاقبة هذا الأمر ..
يا الله اجعل قدرهم عافية من السوء كله وأنت وحدك القادر القدير المقتدر ..
يا الله لأجلك أنت أقم الحق وأنت الحق و وعدك حق ..
اجعلهم قدر (وَقُلْ جَاءَ الْحَقُّ وَزَهَقَ الْبَاطِلُ ۚ إِنَّ الْبَاطِلَ كَانَ زَهُوقًا ) ..

اللهم في يوم الجمعه ‏نسألك طمأنينة ، و عفو منك ، و مغفرة كالغيث المهيب تُصيب أرجاء قلوبنا ، فتزيل عنها الأثقال
‏اللهم في يوم الجمعه اﺭﺯقنا ﻣﺎ ﻟﻢ نتوقع ﺣُﺪﻭثه ، فإننا نحتاﺝ ﻓﺮﺣﺎً ﻳﺴﻊ ﻫﺬﻩ ﺍﻟﺪﻧﻴﺎ

بتختلف ظروفنا ومشاكلنا وهمومنا لكن احساس الحرمان من البيت والشوق للخرطوم هو الاحساس الثابت والمشترك بينا كلنا،فاللهم ارزقنا الرجوع لبيوتنا من حيث لانحتسب.

كلٌ منا مبتلي في شئ ، لم تصفو الدنيا لأحد ، ف اللهُم أعن كل ذي وجعٍ علي وجعه .