•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد🥀
وااا إماااماه وااا مسموماااه

قصيده لأستشهاد مولانا الحسن العسكري عليه السلام... تقرأ بطور البحر الطويل وبعدة أطوار

المستهل:

خل تجري دمه العيون للعسكري هذا اليوم
ندك اعله الصدر ولراس ونصرخ ويلي عالمظلوم

✵ـ•┈┈<◆✹✺✹◆>•┈┈•ـ✵

خل نبجي دمه لمصاب العسكري والينه
ونرفعها البيارغ سود وللزهره تعازينه
مجالس للحزن ننصب نواسي بيهه مهدينه
ونعظمله الأجر بمصاب أبوه ألي گظه مسموم

✵ـ•┈┈<◆✹✺✹◆>•┈┈•ـ✵

المصابه حزنت الاملاك أو عليه الدنيا متكدره
مصاب انضاف لمصايب البضعه الطاهره الزهره
كسر العظم يتجبر كسر الروح شيجبره
تنوح وتبچي عالاولاد وگلبهه من الحزن مالوم

✵ـ•┈┈<◆✹✺✹◆>•┈┈•ـ✵

شنهو الذنب عدوانه لأبو محمد يسمونه
بمصابه المنتظر أبنه يا ويلي يفجعونه
انحنه ظهره انهدم حيله الأبو من غمض عيونه
ينوح ويسجب العبره ولفراگه الگلب مهموم

✵ـ•┈┈<◆✹✺✹◆>•┈┈•ـ✵

الله ايعين مهدينه جم امصاب يتحمل
الاهله بعالم الأحزان المصايبهم دمع يهمل
حرك باب وضلع مكسور وفواطم تركب الهِزَل
واصعبهه لمصايب هاي الذبيح من العذب محروم

✵ـ•┈┈<◆✹✺✹◆>•┈┈•ـ✵

الدنيا اصبحت مرجونه والأملاك حزنانه
والاكوان متكدره لمصاب الحسن مولانه
والشيعه ابهظم تصرخ مصابك سيدي أذانه
وبحسره وألم تنحب تجري دموعهه من ادموم

✵ـ•┈┈<◆✹✺✹◆>•┈┈•ـ✵

نعاهد بضعة الهادي ما ننسه مصيبتهه
تذكر تظل كل مصاب طول العمر شيعتهه
من الظلموهه نتبرأ  ونلعن زمره عادتهه
نرثي امصايب العتره ونخدمهم نظل للدوم

✵ـ•┈┈<◆✹✺✹◆>•┈┈•ـ✵

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


نشر قصائد الشعراء والشاعرات + تلحين
https://www.tgoop.com/Wounds_AshuraOne

قصيده للامام الحسن العسكري «ع»



عظم الله اجـرج وجــر مهدينه
اليوم الامام العسكـري تفگدينـه


ايموت بالسم الحسن شاء القدر
الــزكّي الطاهــر الحـادي عشـر
ابو المهدي الأسمـه بالـوح انـذكر
ابدمعتج يــانـرجس اتـودعينـه

تفتـر اعليكـم يخـاتـون المـحن
على افراش الموت مولانا ويون
لوون وجهه تغير وجـبده انطعن
بعـد لحظات ويغمـض عينـه

راح يـرحـل عنـج ابــن الهادي
يبقـى گلبــج يالجليله اينـادي
اشـويه ريض بالحسن يالحـادي
أمـر الله ابعـيـنـچ تشوفيـنه

انتي شفتي النبي وفاطم بالمنام
اتغربيتـي وعفـتي اهلج والعمام
اتوفقيتي وصرتي زوجه للامام
چـان همــچ ربــچ اطيعيــنيه

الج جاه او منـــزله يالطاهــره
ام إمـام الامــه يا اعظم مــــره
بالشـدد مـولاتـي دومج حاظره
الطلب حاجه بالعجل تنـطينه


تمـت بـعـون الله تعالـى
بـ✍️خادمـة الحسين "عليه السلام"
الملـه أم مـجتبـى 
نسالكـم الدعـاء بتعجيل الفـرج لصاحـب الزمـان( عـج)

https://www.tgoop.com/Wounds_AshuraOne

الحمد لله على هذا التوفيق
انتظرونا بالجديد قريبا جدا
ونسألكم الدعاء بالتوفيق والقبول

هوسات للامام الحسن العسكري« ع»


سامـره عليه اليـوم مـرجونـه
شالوه الحسن راحوا يدفنونـه
تلطم عالوجه نـرجس الخاتونه

شال المعصوم /// وخلاها


شال العسكري وتنتحب خلاهـا
تفيظ من الدمع مولاتي عيناها
شدنه العـزه هاليـوم ويــــاهـا

وي نرجس ونتـج /// ونيها


موضع علم رب الكون واسراره
فجع اهله بغيابه واضلمت داره
عمت عين الطغاة الطفوا انواره

اتـون احبابـــه /// وحـزنانه


تمـت بـعـون الله تعالـى
بـ✍️خادمـة الحسين "عليه السلام"
الملـه أم مـجتبـى 
نسالكـم الدعـاء بتعجيل الفـرج لصاحـب الزمـان( عـج)

قصيدة: خبر الاكبر
بصوت: محمد الطرفي
الشاعر: محمد الزيدي
▪️▪️▪️▪️▪️
خبر للمخيم وصل وانكلب ليل
اجو كالو ابنك علي سحكتة الخيل
صحت لا صحت لا علي بعده مامات
بعدني اشمن بالخيام عطر هيل

صدك طايح يا نبع --- صدك كسرولك ضلع
كوم احجيلي -- يبني يبني
كصدت عليك بهضم --- وصلتك جلد وعظم
خلص حيلي --- يبني يبني
علي جاوين الربه -- ابوك اليوم انسبه
وشيب ليلي --- يبني يبني

اعتنيتك ياربه سنيني اعتنيتك
اجيتك عفت المخيم واجيتك
بحوافر خيل متوزع لكيتك
*-*-*-*-*-*-*-*-*-*-*-*-*-*-*
علي انا ابوك التبوس ايده  كل يوم
ابوس ايدك الحلوه يوليدي بس كوم
ياول سليب الرمل يلهب وحار
افصلك الروح واسويلك هدوم

وعلي بس ترجع الي ---ابوسك ايدك ياعلي
شتريد اكثر --- يبني يبني
اذا مو كلبك يدك --- ترة ازعل منك صدك
واكعد بالحر --- يبني يبني
شوكت لحسينك ترد --- يبو الطول الينحسد
ها يمعتبر --- يبني يبني

انه ادري بالعطش ماخذ حلاتك
دهاك عيوني واعصرهه بلهاتك
كبل لا ينسبن رد لخواتك
*-*-*-*-*-*-*-*-*-*-*-*-*-*-*
اذا ما كمت هسه اطي الوجه وين
ترة كبالي وادم شماته وملاعين
يالمبجي ابوك اسمع شكالت الناس
تكول ابن الحسين علي مبجي الحسين

يالمطيح دمعتي _ ويالمجمل غربتي
وحاني متوني -- يبني يبني
كتلني بويه الحجي _ وذبل جفني من البجي
شكد هضموني __ يبني يبني
الضحك يابوية الضحك ** ثكيل بكلبي يرك
ما حشموني ** يبني يبني

بصدور الشماته گلوب موته
حجي الشامت ثكيل يغثني صوته
ما فزعوله جا ولدة وإخوته
***
يمستعجل تروح يمستعجل تموت
وأنه لكبري ردتك علي يبني زاتوت
ردت من يذبحوني تصبحلي دفان
وتلبسني ثوب وتدبرلي تابوت

وعلي يابويه استحي ** اضل عاري بمذبحي
لا تلجمني  ** يبني يبني
يكون عليه تمر ** تحط لثوبي عطر
وتلبسني ** يبني يبني
كلف يمبيض الوجه ** دشد حيلك يانفه
وكوم الزمني **يبني يبني

يتربات المضايف وانته داري
شني معناها زلمه شكبرة عاري
كوم وشيل ابوك من الصحاري

***
#اللهم_عجل_لوليك_الفرج_والنصر_والعافية
خبر الأكبر مكتوبة
https://www.tgoop.com/Wounds_AshuraOne

*★فاطمة كل عام★*

فاطمه كل عام
تشكر الخدام
لا متنساكم يالخدمتو حسين
...
فاطمه بآخر محرمها وصفرها
تجازي اصحاب المآتم والحضرها
لليقدم تعزيه اتقدم شكرها
شكراً من الزهره يا ناس اشكبرها
ينكتب اسمه
بدفتر الخدمه
ربنه يرعاكم يالخدمتو حسين
..
تگول يوميه چنت للمأتم اسعه
الناعي والرادود من يقرالي اسمعه
لو بچيتو بيدي احسب دمعه دمعه
والله كل دمعه بگبركم تضوي شمعه
العبره لوليدي
توگع بأيدي
حاضره اوياكم يالخدمتو حسين
..
اني ما أنسه الخِدم والباري يشهد
والصرف درهم ، ألف مني ايتسدد
يا بشر أقسم وحق شيبة محمد
چان يجبر خاطري الي يلبس اسود
كلشي دين بدين
حته دمع العين
گلبي يهواكم يالخدمتو حسين
...
اليلطم ويترك على صدره علامه
بهالأثر يتميز بيوم القيامه
ينحشر للجنه بثياب الخدامه
ايصير جاري وهذي للخادم كرامه
إلي يخدمنه
منزله يمنه
الجنه مأواكم يالخدمتو حسين
...
بالقيامه هناك مجلس عدنه يا ناس
نشوف عاشوراء واقع مو بالاحساس
من نشوف حسين بس منحر بلا راس
وآنه بالمحشر أشيل اچفوف عباس
بساحة المحشر
نبچي عالمنحر
هناكه الگاكم يالخدمتو حسين
...
حسين لمن ينذكر لو چانو اثنين
دوم اصيرن ثالثتهم واهمل العين
يالتناشد عني وين ومرقدي وين
انه گبري بكل گلب ينحب عله احسين
ونتي مخفيه
بكل حسينيه
جرحي واساكم .. يالخدمتو حسين
..
*★خادم الحسين ( عليه السلام)*
*كرار حسين الكربلائي★*
https://www.tgoop.com/Wounds_AshuraOne

شوط كربلائي الى الامام الحسن العسكري (ع)

-------------


بألم هالليله وبدمعات مشه حادي الحزن يحدي
بمصاب العسكري انواسي ونعزي القائم المهدي


1

نواسي الحجه هالليله بمصاب العسكري المظلوم
الليله ايودع الوالد المهدي وبگلب مالوم
واحنه وياه نصيح بصوت بهل يوم ونصب دموم
الله يساعدك مولاي وتشاهد والدك مسموم
بدمعاتك تون ونوح
تنحب والگلب مجروح
مايرجع ابد ليروح
مايرجع بعد هيهات وكل الدمع مايجدي

2

نور العسكري الليله يرحل بس يظل النور
من صلب الصلب يبقه هذا النور ظل يدور
الليله النور يتحول للمهدي بأمر دستور
هالليله بحزن ينصاب
گلب المهدي يا احباب
بعد الفاجعه لو غاب
بأمر الباري والاحزان كلها بألم من تبدي

3

يظل گبر الحسن كعبه وهدف للشيعه والغايه
الگبره الناس تتعناه وبديها اترفرف الرايه
تعزي المهدي بمصابه تروح الناس مشايه
بمثل هذا الحزن كل عام
تتعنه اله الخدام
واحدهم يجي محتام
للمهدي يجددها وثواب ازيارته يهدي

4

الليله المهدي هالليله ينادي بدمعه سچابه
من زغره ويصيح بصوت وتسعر ناره لهابه
يصيح ودمعته بعينه آه يحسين ومصابه
عليه يشهد الباري
اصيح بليلي ونهاري
ما انسه ابد ثاري
اصيح وگلبي يلهب نار الثار الثار ياجدي

5

خلي انودع المسموم بدموع وألم حسره
الله يصبر المهدي بمصابه وحيرته وكسره
ونحلفه احنه بالمذبوح يمهدينه فرد نظره
انودع العسكري بدمعه
ونعزي القائم وننعه
انصيح وصوتنه ايسمعه
مو بس لطامه يالمهدي الك كلمن حضر جندي



الشاعر السيد رياض الرسل الجابري
https://www.tgoop.com/Wounds_AshuraOne

جديد..

📜قصيده:ضعن الاهل
🎤بصوت:حيدر الفريجي
🖋الشاعر:محمد تقي البهاذلي

--------------------✍️

الليله اروح الليله عل الناكه

مالي ضله بيه مشتاكه

--------------------✍️

ضعن الاهل شال....حمل العمر مال

البنيه ابوها رحل عنها ماكال

فراكك كضاني.... وجندوب اتاني

يوميه باجر اكول يرد بالعيال

--------------------✍️

ارد الحك اضون المشن
والحك خواتي

منتضره طارشكم يرد
انه وعباتي

--------------------✍️

الليله اروح الليله عل الناكه

مالي ضله بيه مشتاكه

يابوي... يبوي... يبوي

--------------------✍️

راح الضعن راح....واجمع بالنياح

والحسره ياخذه دمعي وراهم

ضل يخفت الصوت.... يمكن بتكم تموت

انه ومرضي كمنه ندور دواهم

--------------------✍️

الغيبه طالت والهجر
ما اله داعي

ياخذني ياهو الكربله
محضره متاعي

--------------------✍️

كتاله هاي الغربه كتاله

ماتخلي واحد بحاله

يابوي...يبوي... يبوي

--------------------✍️

صليت الغروب...كوه وحيلي متعوب

عليله ودعيه بنداء استغاثه

ليه يرد تمنيت... وانه لحالي ضليت

عفتني وخذتهن خواتي الثلاثه

--------------------✍️

اشعل بخور بكل مسه
وارسملي خيمه

وكل مغرب يمر اختنك
خنكت يتيمه

--------------------✍️

مقهوره حل منكم مقهوره

هو  انه كلبي عايز حروره

يابوي... يبوي... يبوي

--------------------✍️

اكعد واصفن حسين....وكولن هسه جا وين

اين استقر الدرب هسه بيكم

تنامون وتكعدون....وبتكم حايره شون

بتكم تون هاي وتحن عليكم

--------------------✍️

مشتاكه لهلي وللضعن
ولصويحباتي

لعبد الله احن ودمعتي
ترست عباتي

--------------------✍️

احلامي بويه صارت احلامي

بضعونك اركب وانت كدامي

يابوي... بوي... بوي

--------------------✍️

تمت
الحمد لله
✍️حيدر الفتلاويhttps://www.tgoop.com/Wounds_AshuraOne

زيآرَة الإمام الحسَن العَسكري "عـَليـه السـَلام"

السَّلامُ عَلَيْكَ يا مَوْلايَ يا أَبا مُحَمَّدٍ الْحَسَنَ بْنَ عَلِيٍّ الْهادِيَ الْمُهْتَدِيَ وَرَحْمَةُ اللهِ وَبَرَكاتُهُ، اَلسَّلامُ عَلَيْكَ يا وَلِيَّ اللهِ وَابْنَ أَوْلِيائِهِ، اَلسَّلامُ عَلَيْكَ يا حُجَّةَ اللهِ وَابْنَ حُجَجِهِ، اَلسَّلامُ عَلَيْكَ يا صَفِيَّ اللهِ وَابْنَ أَصْفِيائِهِ، اَلسَّلامُ عَلَيْكَ يا خَليفَةَ اللهِ وَابْنَ خُلَفائِهِ وَأَبا خَليفَتِهِ، اَلسَّلامُ عَلَيْكَ يَا بْنَ خاتَمِ النَّبِيِّينَ، اَلسَّلامُ عَلَيْكَ يَا بْنَ سَيِّدِ الْوَصِيِّينَ، اَلسَّلامُ عَلَيْكَ يَا بْنَ أَميرِ الْمُؤْمِنِينَ، اَلسَّلامُ عَلَيْكَ يَا بْنَ سَيِّدَةِ نِساءِ الْعالَمِينَ، اَلسَّلامُ عَلَيْكَ يَا ابْنَ الأَئِمَّةِ الْهَادِينَ، اَلسَّلامُ عَلَيْكَ يَا بْنَ الأَوْصِياءِ الرّاشِدِينَ، اَلسَّلامُ عَلَيْكَ يا عِصْمَةَ الْمُتَّقِينَ، اَلسَّلامُ عَلَيْكَ يا إِمَامَ الْفائِزِينَ، اَلسَّلامُ عَلَيْكَ يا رُكْنَ الْمُؤْمِنِينَ، اَلسَّلامُ عَلَيْكَ يا فَرَجَ الْمَلْهُوفِينَ، اَلسَّلامُ عَلَيْكَ يا وارِثَ الْأَنْبِياءِ الْمُنْتَجَبِينَ، اَلسَّلامُ عَلَيْكَ يا خازِنَ عِلْمِ وَصِيِّ رَسُولِ اللهِ، اَلسَّلامُ عَلَيْكَ أَيُّهَا الدّاعِي بِحُكْمِ اللهِ، اَلسَّلامُ عَلَيْكَ أَيُّهَا النّاطِقُ بِكِتابِ اللهِ، اَلسَّلامُ عَلَيْكَ يا حُجَّةَ الْحُجَجِ، اَلسَّلامُ عَلَيْكَ يا هادِيَ الأُمَمِ، اَلسَّلامُ عَلَيْكَ يا وَلِيَّ النِّعَمِ، اَلسَّلامُ عَلَيْكَ يا عَيْبَةَ الْعِلْمِ، اَلسَّلامُ عَلَيْكَ يا سَفينَةَ الْحِلْمِ، اَلسَّلامُ عَلَيْكَ يا أَبَا الإِمامِ الْمُنْتَظَرِ، الظّاهِرَةِ لِلْعاقِلِ حُجَّتُهُ، وَالثّابِتَةِ فِي الْيَقينِ مَعْرِفَتُهُ، الْمُحْتَجَبِ عَنْ أَعْيُنِ الظّالِمينَ، وَالْمُغَيَّبِ عَنْ دَوْلَةِ الْفاسِقِينَ، وَالْمُعِيدِ رَبُّنا بِهِ الإِسْلامَ جَديداً بَعْدَ الْانْطِماسِ، وَالْقُرْآنَ غَضّاً بَعْدَ الْانْدِراسِ، أَشْهَدُ يا مَوْلايَ أَنَّكَ أَقَمْتَ الصّلاةَ وَآتَيْتَ الزَّكاةَ، وَأَمَرْتَ بِالْمَعْرُوفِ وَنَهَيْتَ عَنِ الْمُنْكَرِ، وَدَعَوْتَ إِلى سَبيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ، وَعَبَدْتَ اللهَ مُخْلِصاً حَتّى أَتَاكَ الْيَقينُ، أَسْأَلُ اللهَ بِالشَّأنِ الَّذي لَكُمْ عِنْدَهُ أَنْ يَتَقَبَّلَ زِيارَتِي لَكُمْ، وَيَشْكُرَ سَعْيِي إِلَيْكُمْ، وَيَسْتَجيبَ دُعَائِي بِكُمْ، وَيَجْعَلَنِي مِنْ أَنْصَارِ الْحَقِّ وَأَتْباعِهِ وَأَشْياعِهِ وَمَواليهِ وَمُحِبّيهِ، وَالسَّلامُ عَلَيْكَ وَرَحْمَةُ اللهِ وَبَرَكاتُهُ

ـلآ تَنسونَا مِنْ صآدقِ دَعوآتَكُم

هدية الى مولانا العسكري «عليه السلام»

1️⃣ _ سورة الفاتحه مره
2️⃣ _ سورة الاخلاص 3 مرات
3️⃣ _ سبحة صلوات📿

ولكم الاجر والثواب 🤲🏻

https://youtu.be/a09VRnUQz7I?si=hsec_P6TTteXl9A5
متابعيني الأعزاء طبتم وطاب مسائكم بكل خير وعافيه إن شاء الله
فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل جزاكم الله خير الجزاء وجعلها في ميزان حسناتكم

نعتذر عن التأخير بالنشر بسبب ضعف النت

للزهراء عليها السلام

اللهم العن الكسر ضلع ام الحسن
اللهم العن الكسر ضلع ام الحسن


اللهم العن    كل     من   أذاها
اللهم العن    كل     من عاداها
اللهم العن اليمحو من  ذكراها
اللهم العن الما يود  لم  المحن

•───✧◐◐✧───•
اللهم العن الكسر ضلع ام الحسن
•───✧◐◐✧───•


اللهم ارحم كل  من     والاها
اللهم ارحم البالگلب    خلاها
اللهم ارحم  الیبچي  لمبچاها
اللهم ارحم العيون الي  بچن

•───✧◐◐✧───•
اللهم العن الكسر ضلع ام الحسن
•───✧◐◐✧───•


اللهم صبر زينب اعله ام الوفه
اللهم صبر  و    لجرحها   خففه
اللهم صبر  و    لدمعها   کفکفه
اللهم صبر  حسينها    لمن  يون

•───✧◐◐✧───•
اللهم العن الكسر ضلع ام الحسن
•───✧◐◐✧───•


اللهم خفف جرح فاطم والدمع
اللهم خفف  اعلیها  آلام  الضلع
اللهم خفف راح  زينب   تنفجع
اللهم خفف صعبه من  یتفارکن

•───✧◐◐✧───•
اللهم العن الكسر ضلع ام الحسن
•───✧◐◐✧───•


اللهم عجل أبفرج یوسف فاطمه
اللهم عجل الياخذ    بثار  السمه
اللهم عجل أمر ابن حامي الحمه
اللهم عجل   ويثأر لأم   الحسن


اللهم العن الكسر ضلع ام الحسن

تمت بعون الله ...
الشاعره براق البديري.
https://www.tgoop.com/Wounds_AshuraOne

للزهراء ع علي ع يتكلم

ماتت زهره روحي
وكثرت بيه جروحي
بدفنتها بذاك اليوم
ردت عونه ردت عونه

يسموني بحامي الجار
محد هد طفه النار
كاسر روحي البسمار
ردت عونه ردت عونه

طحت كلي وي طيحتها
النار بجفها طفتها
انكسر ضهري بعد كلشي
بس لتطيح شيلتها
@@@@@@@@@@@@@&@@@@@@@@@

ماضل شي ما ينجاب
ماتت من دفعه باب
الناس تباوع وتگول
انخطف لونه انخطف لونه

فاگد حنية الكون
ولدي عله امهم يبجون
رايد من عدكم عون
انخطف لونه انخطف لونه

وكف گلبي عله شوفتها
نذر روحي عله عيشتها
طفه حلمي عله بابج
الزهره عازه عازتها
@@@@@@@@@@@@@@@@@@@@@@@

ماتت مدفوعه اباب
وراح الحگها بمحراب
الفاگد من عده احباب
شيسمونه شيسمونه

محسن بويه بكبري
يكبر ويكض ضهري
الميت ابنه ابسمار
شيسمونه شيسمونه

مربط بلوصيه انه
جا ما سرفن ردانه
قدر صار وأشاء الله
علي يحتاج عوانه
@@@@@@@@@@@@@@@@@@@@@@@

حاجيت الزهره بروح
ابنج باجر مذبوح
كعدي وخلينه نروح
عله عيونه عله عيونه

خيمت بزرج تنشاف
باجر زينب تنعاف
باجر ميته النسمات
عله عيونه عله عيونه

خلصت رحلت عمري
بعيني وشايف گبري
من طاحت ام حسين
باجر طايح خدري

كرار تحسين الخيكاني
https://www.tgoop.com/Wounds_AshuraOne