tgoop.com/Yazahraaa655/22351
Last Update:
سجن بغداد
بحر الطويل
~~~~
گالو بيك ابن جعفـــر ابطاموره گضه الليالي
اعليــــه بيبانك امغلگه ياذنب الجنه ويــــــــاك
تهيل اعليــــــــه تربانك الكاظم فلاينســــــــــاك
اخذ منك جثيره اجراح احسابك بالقيامـه اهناك
خلــــــــي ينفعك هارون
خصيمك باجر المسجون
هذا ابن النجــــه ذل نون
العشره ماوفيت اويــاه هذا امامي الغالي
الظلمه ترست عيونــــه والاصفـاد اجرحت ايده
يناجي ربـــــــه يامولاي يطلب موتـــــــه ويريده
احبابه عنــــــــه بعيدين يگلهـــــــــم الفرج عيده
باچر بالقيامــه هناك
شنهو عذرك ونجواك
يطاموره فلا ينســاك
ظل آبـــــــــو رضا بسجنج ليله بس دمع هالــــي
ماشاف الشمس لايــــوم ولاشم الهوه ساعــــه
گضــــــاه ليلــــــــه اليمر اعليه وزايده اوجاعـه
مايعرف نهـــــــــــار وليل يدعي وروحه ملتاعه
عجل بالفرج ربـــــي
مجروح ونزف گلبي
محد من هلي گربــي
الموت ارحم اليـــــــه هواي ربي انظر الحالــــي
يسجن الارشيد ويــــــاي ظلمه وعايش بحسره
چنك ماعـــــــرفت البيك امـــــي فاطمه الزهره
بطاموره وظــــــلام الليل ماصار العلــــي وأجره
اترابك يأذينـــــــــــــــي
بسجنك خلصت اسنيني
ذنبــــــي شنهو حاچيني
عمري بسجن ياحيـــــــــف يالمرمرت احوالــــي
بالسم تختمـــــه عمري ومحد غمض عيونــــي
وحيد ولا اهل يمـــــي الحماميل اليشيلونـــي
امام الرافظـــه ينادون وحديد مگيد متونــــي
بالجمعـــــــه الفرج منك
جدي المصطفى خصمك
من فاطـــــم شنو عذرك
وحشه جنازتــــــي ياحيف غريب ودمعي ايلالــي
فارگتك انـــــــه بجروح ماتشفه يسجن الشوم
عله گاعك چنت مطروح خلصت العمر مظلـــوم
وايگیودك خذت ويــــاي ينظر الهن القيـــــــوم
ويروح الفاطمه امــــي
اشكي امصابي اوهمي
وچبدي ينزف الدمـــي
وراوي الجدي الكــــــــرار وامي الزهره اغلالي
تمـــ ✍🏻ــت بحــمد الـله
بقـ✍🏻ـلم الشــاعرة ام لـيـــث المــالكــي
المـلقبـة خـادمـة نور الظهور المقــدس
لاا اجيــز حـ❌ـذف الاسم
https://www.tgoop.com/Yazahraaa655
BY الشاعره نور الظهور المقدس(ام ليث)
Share with your friend now:
tgoop.com/Yazahraaa655/22351