tgoop.com/Yazahraaa655/23843
Last Update:
دفن الحسين ع
فائزي
~~~~
يدفن اجساد الي بگت بالطف رهينه
اجســــاد ظلت عالثره امغسلها دمـــها
منــــها الرسوم امغيره والترب طمـــها
السجاد من يمها وصـل ناده بسمـــــــها
ابلهفــــه كام من النحر يبچي ويشمها
ايكلها حرمكم هالمشت ابروح الحزينه
يابويه عالدنيــــــه العفى بعدك ياوالــــي
يضمك الف حيـف الثرى يااعز غالــــــي
بعدك الدنیه موحشــــــه وظلمه الليالــي
ياريت تنظر بويـــــه الي بالضيم حالـــي
اشلون بعدك انـــــــه ارد لأرض المدينه
اعذرنـــي عنك من رحت اومــــــــادفنتك
رديت الك يــــــــــاوالدي ابياحاله شفتك
امجفن ابذاري التــــــرب ابلوعــــه ندبتك
ومعفر ابدم النحــــــــــر اوصال الجمعتك
اعليــــــــــ.ـه حلت نايبه اوعمي وينــــه
يابويــــه عنك من رحت امكيدنــي بغلال
وانظر خواتــــي اوعمتي امجتفـــه بحبال
لوتنظر الحال الحـــــــرم بعدك ابيــــاحال
لاولي عنده اولاحمـــــــه منـه الحمل مال
يالجنت انتــــــــه بالشدد عينك علينـــــه
اليوم اجيت الكربلــــــــه من الكوفه وحدي
لجسادكـــــــم ادفن ردت نـــــــاري ابچبدي
لاعمـــــــي بگه اولااخوه للدفن عنــــــدي
ياكربله علينــــــــــه جره هاليــــوم اشهدي
رحنــــه ابيسر من تربتج عترة نبينـــــــــه
جيت ادفن انــــه ابتربتچ الغالي احسين
سبعين اخوته وصحبتــــه ليوث الميادين
جيت انـــــه اغسل منحره ابدمعـــة العين
وارجع العمتـــــــــي تنتظر عايشه ابنارين
نار السبـــــــي اونار افگدت حامي الظعينه
من نحر ابو اليمه سمــــــع ادفن الجسمي
عبد الله يبني ياعلــــــــــي وسده يمــــــي
يگصد الشاطي العلگمــــــي اوصل ابهمـــي
گله مشينـــــــــــــه باليسر بعدك يعمــــــي
گله الگطــــــــــع منك نحر اليحدي بينـــــه
“”””””””””””””””””””””””””
# تمــــــت -بـــــــحــمــد -الـــلـه
✍🏻الشـــاعــره. ام ليــــــث المـــــالــكٰي
الملقبه خادمة نور الظهور المقدس
لا أجيز حذف او تغيير الاسم
https://www.tgoop.com/Yazahraaa655
BY الشاعره نور الظهور المقدس(ام ليث)
Share with your friend now:
tgoop.com/Yazahraaa655/23843