tgoop.com/Yazahraaa655/5171
Last Update:
جلوة للشباب القاسم ابن الحسن ع
الوزن فائزي
يمة يايمة. يالولد يبني
يمة يايمة. يلولد يبني
شلتك ييمة يلولد تسعه من الشهور
تالي على الغبره تون والراس منحور
🔳🔳🔳🔳🔳
رملة تون اعلى الولد وتصيح يبني
ارباك جاسم والحمل يمه تعبني
گومي يزينب لشباب الحنه اعجني
لاحنة شفت ولا عرس الگلب مكسور
يمة يايمة. يالولد يبني
يمة يايمة. يلولد يبني
بسچ يروحي من العتب بسچ يروحي
راح الولد وبغيبته زادت جروحي
ابچي علشبان دم ياعين نوحي
جثتك تضل بنينوى يابدر البدور
يمة يايمة. يالولد يبني
يمة يايمة. يلولد يبني
ظليت اون الفرگتك والگلب مهموم
يومك مثل يوم الحسن الراح مسموم
حرمة وغريبه يالولد والدمع مسچوم
وحدي عفتني بكربلة ييمة مجبور
يمة يايمة. يالولد يبني
يمة يايمة. يلولد يبني
يوم العرس ابكربله صاير مصابك
يكثر حنيني يلولد من اذكر شبابك
ويلّي صارت حنتك من دم خضابك
راح الفرح مني بعد والدمع منثور
يمة يايمة. يالولد يبني
يمة يايمة. يلولد يبني
ردتك ييمه بلحد اتهل ترابي
تشيل وتشيع جنازتي وتبچي لمصابي
صوابك كسر مني. الگلب وزيد عتابي
ردتك العازات الدهر للضيجه مذخور
يمة يايمة. يالولد يبني
يمة يايمة. يلولد يبني
💔💔💔💔💔💔
تمت ب✍🏻أم ليث المالكي
الملقبة خادمة نور الظهور المقدس
لا أجيز حذف الاسم ❌
https://www.tgoop.com/Yazahraaa655
BY الشاعره نور الظهور المقدس(ام ليث)
Share with your friend now:
tgoop.com/Yazahraaa655/5171