#yangi_nashr

Kutilgan va kutilmagan kitoblar yaqin kunlarda kitobxonlarga taqdim etilish arafasida 😍

Kutubxonangizda naqd 14 ta kitob uchun boʻsh oʻrin tayyorlab qoʻysangiz boʻladi.

Yuqoridagi suratda kitoblarning bir qismi.

🔸Zabarjad Media – eng yaxshisini ilinamiz!

#yangi_nashr

O‘zbek xalq og‘zaki ijodi 🎩

Chaldirmoqlar

Chaldirmoqlar boladagi fikrlash qobiliyati, tafakkur tarzini shakllantirishda juda muhim. Ular insonni yanada ko‘proq o‘ylashga, mulohaza yuritishga chorlaydi. Yaqin-yaqingacha chaldirmoqlar
topishmoqlar tarkibida o‘rganib kelingan. Aslida esa chaldirmoqlar butunlay boshqa janrdir. Ularning topishmoqlardan farqi quyidagi jihatlari bilan farqlanadi:

Topishmoqlar ixcham, lo‘nda shaklga ega. Ularda vaziyat va holat izohlab o‘tirilmaydi. Chaldirmoqlar esa hajman katta va ularda vaziyat to‘lig‘icha tushuntiriladi.

Topishmoqlar ko‘p hollarda she’riy shaklga ega. Chaldirmoqlar esa asosan nasriy yo‘lda bayon etiladi.

Topishmoqda aniq detal yashiriladi va uni topish talab qilinadi. Chaldirmoq esa bir kishi tomonidan aytiladi va chalg‘itish asosiy maqsad bo‘ladi. Ikkinchi kishi shu chalg‘ituvlardan o‘tib, chaldirmoqning ma’nosini yechishi talab etiladi.

Topishmoqda narsa turli qiyos, o‘xshatish va tashbehlarda yashirib aytiladi. Chaldirmoqda chalg‘itib berilayotgan fikr, narsa-hodisalar savol-javobning mantiqiy mushohadasi orqali xuddi matematik masala kabi yechiladi.

❗️Bugun 20:30 da kanalda chaldirmoq e‘lon qilinadi va birinchi topgan 3 kishiga aynan shu kitobni sovg‘a qilamiz.

🔸Zabarjad Media – eng yaxshisini ilinamiz!

Chaldirmoq 🤔

Qish kunlarining birida vaziri bilan ovga chiqqan podsho daryo bo‘yida bir cholning baliq tutib o‘tirganini ko‘rib qolibdi. Podsho cholga qarab:
– Ha, ota! To‘rtni uchga urolmayapsizmi? Qish kunida baliq ovlab qolibsiz? – debdi.
Chol esa bu savolga javoban:
– To‘rtni uchga urishga urdim-u, o‘ttiz ikki qo‘ymadi-da, – debdi.
– Bir g‘oz yuboraman, patini yulib, tozalab olasizmi?– debdi podsho.
Chol:
– Aytganingizdan ham ziyoda qilaman, – debdi.
Podsho saroyga qaytgach, vaziridan chol bilan oralarida bo‘lib o‘tgan suhbatning sinoati haqida so‘rabdi. Vaziri esa hech nima tushunmaganini aytibdi. Shunda podsho vazirga g‘azab qilib:
– Senga uch kun muhlat. Shu uch kun ichida chol bilan suhbatim mazmunini aniqlab kelasan yoki mol-u joningni berasan, – debdi.
Vazir podshoning qahr-g‘azabidan qo‘rqib, cholga katta mol-dunyo beribdi. Keyin o‘sha suhbatning mazmunini so‘rabdi. Chol bo‘lsa vazirga jumboqning sirini bayon qilibdi.

Savol: Chol vazirga nima degan?

Javoblarni @sotuv_zabarjad ga yuborishingiz mumkin.

🔸Zabarjad Media – eng yaxshisini ilinamiz!