Сиз қаерда, қачон ва кимнинг оиласида туғилишингизни танлай олмайсиз. Қаерда ва қандай ўлишингизни ҳам сиз белгиламайсиз. Аммо қаерда ва қандай яшаш сизнинг измингизда. Уни бемақсад сарф қилинган кунлар билан тўлдириш ҳам, яшаш мақсадингиз билан ҳар дақиқасидан унумли фойдаланиш ҳам ўзингизга боғлиқ.


http://www.tgoop.com/Zokirjon_qori_uychi

Нолияпсанми?
Ҳовли-жойинг торлик қиляптими?
Ёки яшашинг ва турмушингдаги мушкулотлар кўпми?
Ёки уйингдаги эҳтиёжларинг тез тугаб қоляптими?
Ёки оиланг, рўзғорингда етишмовчилик бўляптими?

У ҳолда сенга Набий соллаллоҳу алайҳи васаллам ўқиган қуйидаги дуоларини далолат қиламан. Уни тажриба қилиб кўриб, шахсий ҳаётимда ажиб таъсирини кўрганман: “Аллоҳуммағфирлий занбий, ва вассиъ лий фий дарий, ва барик лий фий ризқий!» (Эй Раббим, гуноҳларимни кечир. Ҳовлимни кенг қил ва ризқимга барака бер)”

Бунга риоя қиларкансан, тез орада уйингдаги ҳолатни ўзгаришини кўрасан, иншааллоҳ!


http://www.tgoop.com/Zokirjon_qori_uychi

#Ҳадис

“Ким илм талаб қилиш йўлига тушса, Аллоҳ унга жаннат сари йўлни осон қилади” (Имом Муслим ривояти).

http://www.tgoop.com/Zokirjon_qori_uychi

#САВОЛ_ЖАВОБЛАР

БИР ЖИНСДАГИ ҲАЙВОНЛАРНИ ЎЗАРО АЙРИБОШЛАШ

CАВОЛ: Қўйни қўйга ёки эчкини эчкига айрибошлашда бир тараф қўшимча маблағ олса жоизми?

ЖАВОБ: Бисмиллаҳир Роҳманир Роҳим. Ҳа, нақд савдода бир жинсдаги икки ҳайвонни ўзаро айрибошлаш ва бирининг устига қўшимча маблағ олиш дуруст. Аммо бир жинсдаги ҳайвонларни айрибошлашда насия савдо дуруст эмас. Уларнинг савдоси фақат нақд кўринишда бўлади ("Дурарул ҳукком" китоби). Валлоҳу аълам.

Ўзбекистон мусулмонлари идораси
Фатво маркази.


http://www.tgoop.com/Zokirjon_qori_uychi

АССАЛОМУ АЛАЙКУМ!
☘️ Хайрли тонг! ☘️

Расулуллоҳ соллаллоҳу алайҳи васаллам: «Кимки бирор нарса кўриб ажабланса:
مَا شَاءَ اللهُ لاَ قُوَّةَ إِلاَّ بِاللهِ
«Маа шаа Аллоҳу лаа қуввата иллаа биллаҳи», деса унга зарар етмайди», дедилар.

Маъноси: «Аллоҳ хоҳлагани бўлади. Аллоҳдан бошқа қувват йўқ».
Ибн Сунний ривояти.
http://www.tgoop.com/Zokirjon_qori_uychi

“... албатта, намоз мўминларга вақти тайин фарз бўлгандир” (Нисо сураси 103-оят)

2025 ЙИЛ 15-ИЮНЬ (1446ҳ ЯКШАНБА КУНИ УЧУН НАМОЗ ТАҚВИМИ (Уйчи вақти билан)


📚Кун вазифаси:
سبحان الله وَالْحَمْدُ للهِ وَلاَ إِلَهَ إِلاَّ اللهُ وَاللهُ أَكْبَرُ
«Субҳаналлоҳи валҳамду лиллаҳи ва ла илаҳа иллаллоҳу валлоҳу акбар» (100 марта)

🔅 ТОНГ 02:54
📌 Такбир 04:00
🔆 Кун 04:39
📌 Қиём 12:18
🕌 Пешин 12:40
📌 Аср 17:29
📌 Шом 19:50
📌 Хуфтон 21:31
•••••┄┄┄┄༻❅༺┄┄┄••••
@Zokirjon_qori_uych

Ваҳб ибн Мунаббаҳ айтади: Бировларнинг айбларини қидирмасдан ўзининг айбига назар солган кишига жаннат бўлсин! Мискину муҳтож бўлмаса ҳам Аллоҳ учун мутавозе – гуноҳ-маъсиятсиз ҳалол мол-давлат орттирган ва уни Аллоҳ йўлида сарфлаган, илм, ҳилм ва ҳикмат эгалари билан суҳбат қуриб ўтирган, бидъатга ўтмасдан фақат суннат билан бахтиёр яшаган хокисор, сокин инсонни Аллоҳ Ўз раҳматига олсин!
@Zokirjon_qori_uychi

Ҳозиржавоблик қандаям яхши кўмакчи!

Изоҳ. Жавобнинг ўз ўрнида, зудлик билан, энг мувофиқ тарзда юзага чиқиши ҳозиржавобликдир. Бу хусусият аксар туғма бўлади.
Аббосий халифалардан Ҳорун ар-Рашиднинг ўғли Ал-Муътасим биллаҳ ҳали юзидан гўдаклик шираси аримаган бола Фатҳ ибн Ҳоқоннинг қўлидаги қимматбаҳо тошни кўриб, унга: «Эй Фатҳ, қўлингдаги тош меникидан чиройлироқ экан-а? » деди. «Ҳа, эй мўъминлар амири, бу чиройли тошни ушлаган қўл ҳам нариги тошни ушлаб турган қўлдан яхшироқ-да!» – дея жавоб берди Фатх. Ёш боланинг ҳозиржавоблиги мўъминлар амирини ҳайратга солди ва дарҳол унга совға ва либос келтиришларини амр қилди.
Лекин тажриба билан ҳам ҳозиржавоблик малакасини ҳосил қилиш мумкин. Айниқса, битта соҳани ипидан игнасигача тўла эгаллаган инсонларда бу ҳолат кўпроқ кузатилади. Оллоҳ ато этган ақл, фаҳм-фаросат, жидд-у жаҳдни ўзи қизиққан соҳа, касб-ҳунарга чексиз садоқат билан йўналтиришда чарчамаган кишига айни неъмат туҳфа этилади.
Абу Ҳанифанинг шогирди имом Муҳаммад холасининг ўғли Кисоийга, яъни наҳв илмининг машҳур олимига: Шундай хотиранг бўлатуриб, нега фиқҳ илми билан шуғулланмайсан? – деди.
– Киши бир илмни пухта билса, ўша билими уни бошка илмларда ҳам тўғри йўлга бошлайди, – деди Кисоий. Шунда Муҳаммад айтди:
– Ундай бўлса, сенга фиқҳ илмидан бир масала айтаман, жавобини наҳв илмидан чиқариб бер-чи.
– Айтинг, – деди Кисоий.
– Саждаи саҳв қилган ё қилмаганини унутган кишига саждаи саҳв вожиб бўладими? – сўради Муҳаммад. Кисоий озгина ўйлаганидан сўнг:
– Унга саждаи саҳв вожиб эмас, – деди.
– Тўғри айтдинг, бу жавобни наҳв илмининг қайси қоидасидан чиқардинг? – қизиқиб сўради Имом Муҳаммад, шунда Кисоий:
– «Кичрайтирилган исм кайта кичрайтирилмайди» (масалан, «қуёнча» сўзини яна кичрайтириш учун «қуёнчача» дейилмагани каби) деган қоидадан, – деди.
Хоҳ туғма бўлсин, хоҳ касб этиб ҳосил қилинган бўлсин, ҳозиржавоблик аксар ҳолатда инсонга энг яхши кўмакчидир!

“Унвонул баён”дан.
@Zokirjon_qori_uychi

БУГУН ҲАЁТ ЖАҲАННАМГА АЙЛАНГАНДИР

Қачонки онгимизга ибодат фикри келса, намоз, рўза ва садақани тушуниб қолганмиз, зикр ва тасбеҳни тушуниб қолганмиз, Қуръони карим тиловатини ўйлаб қолганмиз. Алҳамдулиллаҳ, буларнинг барчаси олий даражадаги ибодатлардир. Лекин Набий соллаллоҳу алайҳи васаллам марҳамат қиляптиларки, улардан ҳам олийроқ даражадаги амал борки, у мусулмонлар ўртасини ислоҳ қилишдир. Бугун жамиятимиз Набий соллаллоҳу алайҳи васалламнинг ана шу кўрсатмаларидан шунчалик узоқлашиб кетганки, ҳар қадамда ўзаро нафрат, низо, тортишув ва келишмовчиликка йўлиқамиз. Натижада ҳаёт жаҳаннамга айланган, десак асло муболаға бўлмайди. Ваҳоланки, Набий соллаллоҳу алайҳи васалламнинг ўзлари буларни динни “қирувчи” дея марҳамат қилдилар. У бугун бизнинг динимизни “қириб” йўқотмоқда. Шу сабабдан унинг ёмонлиги, қабиҳлиги ва ёвузлиги қалбларимизга бегонадир.

“Ўзаро жанжаллар ва уларнинг ечими” китобидан.
@Zokirjon_qori_uychi

Бу дунё аслида қанчалар қадрсиз ва ҳеч кимга вафо қилмаслигини, яқинларимизни ўз қўлларимиз ила қабрга кўмаётгандагина англаб етамиз...

@Zokirjon_qori_uychi

700 минг кишини исломга киришига сабабчи бўлган она

Муъинуддин Ажмирий раҳматуллоҳи алайҳ Бенгалияга ташриф буюрганларида, йўл давомида бир неча одамлар у кишининг ҳузурида Исломни қабул қилиб, тавба қилдилар. Шу сабабли, у киши уйларига мамнун ҳолда қайтдилар. Буни кўрган оналари: “Ўғлим, нимадан бунчалик хурсандсиз?”, деди. Ажмирий раҳматуллоҳи алайҳи: “Она, сафарим давомида етти юз минг киши қўлимда мусулмон бўлди ва яна етмиш минг киши қилган ишларидан тавба қилдилар. Шу боис бугун жуда мамнунман”, деди. Она: “Ўғлим, бу сизнинг камолотингиз эмас, балки бу менинг меҳнатим самарасидир”, деди. Ўғил: “Онажон, қандай қилиб?” дедилар. Она: “Сиз туғилгандан бошлаб бирор марта ҳам сизни таҳоратсиз эмизган эмасман. Шунинг баракотидан бугун юзлаб кишилар сизнинг қўлингизда Исломни қабул қилиб, тавба қиляптилар”, деди.
Қаранг-а, бу етук шахс ортидаги бир аёл меҳнати ҳам она сиймосида намоён бўлмоқда!

@Zokirjon_qori_uychi

Шундай фарзандлар ҳам бўлган...

Умар ибн Абдулазизнинг кенжа қизи ҳайит куни отасининг ҳузурига йиғлаб кириб келди. Отаси:
«Нимага йиғлаяпсан?» деди. Қиз: «Ҳамма болалар янги кийим кийишди, мен эса халифанинг қизи бўлсам ҳам, эски кийим билан юрибман», деди. Умар қизининг йиғисидан таъсирланиб😢, хазинабоннинг олдига борди ва: «Кейинги ойлик маошимдан бериб тура оласанми?» дедилар. Хазинабон: «Нима учун, эй мўминларнинг амири?» деди. Умар қизининг гапини айтиб берди. Шунда хазинабон: «Майли, лекин бир шарт билан бераман», деди. Умар: «Қанақа шарт?» деди. Хазинабон: «Кейинги ойгача тирик юришингиз ҳақида кафолат берасиз», деди.

Бу гапни эшитган Умар тўғри уйига қараб кетди. Отасини қўлида пул билан кутиб ўтирган фарзандлари:
«Отажон, нима бўлди?» дейишган эди,
Умар ибн Абдулазиз: «Ё сизлар сабр қиласизлар ва ҳаммамиз жаннатга кирамиз. Ё сизлар сабр қилмайсизлар ва мен дўзахга кираман» деди.
Фарзандлар: «Сабр қиламиз, отажон», дейишди.

Шу воқеани ўқиб, йиғладим. Ўйлаб қоламанки, ҳозир шунақа фарзандлар жуда камайиб кетмоқдалар. Оталари озроқ уларни айтганини қилмасалар сабр қилолмай, аразлаб, нолиб, оталарини қийин вазиятга тушириб қўядилар. Бизлар ҳам оталаримиз билан жаннатда бирга бўлишни хоҳламаймизми?Шуларни бир мушоҳада қилайлик!

http://www.tgoop.com/Zokirjon_qori_uychi

Бахт ва хотиржамликнинг асосий белгиларидан бири: кимгадир ниманидир исботлаш эҳтиёжининг йўқлигидир.


http://www.tgoop.com/Zokirjon_qori_uychi

#ЭСЛАТМА:

"Сабр қилсанг ҳам тақдирда бори бўлади, ажр олганинг қолади.
Бесабрлик қилсанг ҳам тақдирда бори бўлади, гуноҳкор бўлганинг қолади"

(Али ибн Абу Толиб розияллоҳу анҳу "Ат-таозий" 1/82, 113-ҳадис).


@Zokirjon_qori_uychi