راجي القسمة فيك تديني
وبيك اتمو ناقص ديني
سألك بالله ما ترديني
ردي لي قولي موافقة

لابينك غرام لا بيني
بس شفتك واعجبتيني
انا كل مناي يا عيني
تكوني لي في حياتي مرافقة


#زول_بشخبط

دايرة الحب ح أحبك.... ومن هسي قولي حبيتك...

دايرة الحنان بغرقك فيهو...

دايرة الكلام الحلو ح اسمعك كلام احلى من العسل...

دايرة الإهتمام ح أهتم بيك أكتر من نفسي...

دايرة الغيرة دي أكتر حاجة ح تلقيها ومتأكد منها...

دايرة المال. الرازق الله.


اقري يا زوجتي المستقبلة

ُهضّرَبة زول عزابي
#زول_بشخبط

بحمدلله تمت خطبتي بالانسانة التي كنت احلم بها واتمناها وابحث عنها من سنين

لاتيأس سيعوض الله صبرك ...الحمدلله صبرت ونُلتَ وكان عوض الله فوق ما اتوقع♥

#زول_بشخبط

ومين القال الكيف في البن؟
انا كيفي لمن بس القااك
متقريف في الوحدة براااي
ومزاجي بيظبط يوم ابقي معاك
عارفك جاية بس صبري قليل
ماتجيني وتتاوقي لي وتقولي لي ياك .. ياك
ياطفلة صغيرة في عيني وفي الاصل كبيرة
منتظرك تظهري في حياتي وتكوني لي يا احلي ملاك
وتجي وتقولي لي ماااااالك مستجعل
انا اصلا جايااااااك جايااااااك
واوريك كمان!!بصدقني؟
متلهفة جدا اني اشوفك وفي جمر الشوق انا منتظراك
وانا ليك انت بس يانزار
ماعاااااايزة انسان غيرك وبلاك
اهو قلبي ساكنو حبك والروح والجسد ليهن واهباك
واقولك ياسعد حياتي وبهجتها وماضقت سعادة انا ٳلا معاك
يا اجمل بنوتة في الدنيا اكرمك الله بكرمو ومن نهر الحسن انفق واعطاك
يا خي انا بريدك وبحبك وبعشقك وبهواااااااااااك

✍ نزار عثمان
#زول_بشخبط
❤️😍👍

الحقوق والواجبات!


على الإنسان قبل أن يطالب بما له أن يقوم بما عليه ...

فالموظف او الأجير قبل أن يتم عمله لا يحق له ان يطالب براتبه او أجرهُ.

وما ذكر أعلاه مثاًلا بسيطًا لما سوف يُذكر أدناه:

- فمثلما على الوالد حقوق على الأبناء فعلى الأبناء حقوقًا عليه... من تربية ومأكل ومشرب وملبس وغيرها من الحقوق وعلى كل والد أن يقوم بماعليه تجاه أبنائه ، لا لكي يقوم الأبناء بواجبهم ردا لما قدمه والدهم لهم وإنما لأنه هذا حقهم الذي يتوجب على الوالد أن يقوم به فرضًا عليه لا تفضلاً منه.

فلا يبحث والدًا عن بر أبنائه عند تقدمه في السن وهو لم يربيهم ولم يعلمهم وينفق عليهم ويوفر لهم مايحتاجونه ويغرس في داخلهم الخير ويوجههم وينصحه لهم ويجعلهم يشعرون أنه يوقوم بما عليه حتى لو يقدم الممكن والمستطاع وليس المستحيل.

وليس معنى كلامي هذا أن يكون الأبن عاق لمجرد أن لم يقم الوالد بواجبه اتجاه أبنه، ولكن عليه أن يسأل نفسه هل قمت بما علي من وحقوق إتجاه أبني حتى أطالبه بما لي من حقوق عليه؟...


وكذلك الازواج

فلكل طرف حقوق على الأخر وعلى كل طرف اولاً معرفه هذه الحقوق التي عليه ثم قيامه بها على أكمل وجه ومن ثم بعد ذلك إذا حصل تقصير من الطرف الأخر يقوم بسؤاله عنها!


خلاصة القول
عليكم أن تسألوا أنفسكم هل قمتكم بما عليكم حتى تطالبوا غيركم بما هو عليهم!

-هل اهتميت بما تشكي من أنهُ يهملك ولم يهتم بك؟
-هل أنك كوالد قمت ببر أبنك صغيرًا حتى يبرك وهو كبيرًا؟
-هل قمت أنتَ كزوج بحقوقك تجاه زوجتك حتى تسألها عن تقصيرها؟

حاسبوا انفسكم قبل أن تحاسبو غيركم


Nazar Osman ✍
#زول_بشخبط

في ناس في القناة دي ولا مافي

نسيناكم ونسيتونا😤

المجتمع السوداني والبئية حقتو بقت ماصالحة للعيش الادمي خصوصا للناس القلبها ابيض والناس الصادقة ووشها واحد ماعندهم وشين

مع ام ضد
#زول_بشخبط

صوتو ليها

قال ليها انا عشانك بمشي في الجمر =الصباح لقتو ببرد في شاي الصباح في كباتين الكضاب 😂

لو ختيت موية في بيبسي بتاع زول إحتمال ما يشربو
لكن لو ختيت ليهو تلاته مكعبات تلج بنبسط مع إنها ربع كباية مويه

الحكمه من كلامي دا :
التلج بمشي مع كل شئ في حياتك. بس إنت كسرو كويس 😹

‏في علاقات بتبقي قايمة علي مجهودك انت بس و لو شلت المجهود ده العلاقات دي هتنتهي
و انا بقولك شيل المجهود و امشي انت تستحق احسن من كده..

هنيئا لمن لا يتشتت في عصر التشتت وكثرة الملهيات

#زول_بشخبط

بعد الحرب دي تنتهي مافي حاجة اسمها دا بيتك ودا بيتي
بس حجز تقع ليك عمارة تقع ليك فيلا يقع ليك حوش انت وحظك يعني الاول البيجي دا حقو 😂😂😂
انا واحد ناس مامن الخرطوم لكن ح امشي احجز فيها🙈

#زول_بشخبط

🎉كل عام وانتم بخير🎉

تقبل الله منكم رمضان كاملاً مكمل
وضاعف اعمالكم وغفر ذنوبكم
وستر عيوبكم
وعاده عليكم تامين سالمين
ووطنا السودان ينعم بالامن والامان
والاستقرار والنماء

#عيدكم_مبارك

شايل هم انوم كيف من بدري بالليل بعد اتعودت اساهر للصباح😭😭

#زول_بشخبط

اي زول بقول بل بس مايجي يشكي عن ضيق الحال وعن انقطاع الكهرباء وعن السخانة وغلاء الإسعار دا بالنسبة للناس الداخل السودان
اما الفي الخارج الماحاسيين بمعاناة الناس ان شاءالله يضقو نفس المعاناة الضايقنها الناس عشان يعرفو يحسو بغيرهم

كلنا مع الجيش ومع ايقاف الحرب واي حرب نهايتة مفاوضات واتفاقيات ومدام كدة ليه كل مرة عايزين تزيدو معاناة الناس ومع استمرار الحرب كل يوم بزيد معاناتهم اكثر عشان كدة الناس تقول رايها عشان مايقولو راي المواطن الحرب تستمر.
ماتقول بل وانت بجاي مبلول وح تتبل اكتر

#لا_للحرب
نعم للسلام

🖤لستةة بلاك لدعم القنوات1k🖤




خاليه من الاعلانات🫂.





أسود _ Black


رسائل



لستة لدعم القنوات وزيادة مضمونة🔥.




للاشتراك اضغط هنا🦦

لستةة لدعم القنوات1k
لسته مضمونه🫶🤍.
زيادات كبيره🔥
خاليه من الاعلانات🫂