اسرتك واسرتها والمازون ! فرصة وجات لي كل واحد بحب واحدة ظروفو صعبة... لا صالة لا حفلة لا لمة ولا عزومة. بالكتير خروف وشيلة وربنا يبارك ليكم كمان.
في احلى من كدة؟
تاني لو ما عرسك عمرو مابيعرسك ولا اظن يبقى جادي وعايزك حلالو

#الزواج_في_زمن_الكورونا

#زول_بشخبط
نزار عثمان هاشم

سنين طول نساني الحب
وفقدت العاطفة واحساسه
نسيت الريدة كيف بتكون
تعالو دولني يا ناسه
بدور الحب يزور قلبي
وحوجة قبلي ليهو ماسه
واحب دقات قليبي تدق
و تكون حصرية وبزول خاصه

#زول_بشخبط
نزار عثمان هاشم

بتذكر لمن كنا صغار كنا بنتلمة بنات واولاد(كنا صغار) الحلة في قريتنا ونشد البليلة كل يوم العصير الاولاد يجيبو الواقوّد(الخطب) والبنات يجيبن العيش(الذرة) ويشدن الحلة فوق النار
ويقعدن يدقن ويغنن مرددات اغاني امثال:

يا ربي تقبلا وتكافي البلاء
يا مكاي كيل بالربع الكبير
البحر يتسب والعتمور(الوادي) يسيل
نحمد ربنا العيش(الذرة) رقد لنا
يشرب العتمر ونعود السنة

خطر على بالي فجاءة ونحن في ازمة وباء كورونا رجع بي الزمن اكتر من 20سنة لي وراء ونحن محتاجيين لي الكرامة في هذا الوقت عشان ربنا يزيل البلاء عننا وباذن الله لو ربنا سهل ح الم بنات الحلة الصغار واجيب ليهن الواقود والعيش واخليهم يعملو بليلة تكافي البلاء وترفعو وتزيلو.

#زول_بشخبط
نزار عثمان هاشم

السلام عليكم ورحمة الله وبركاته

اهنئكم بقدوم الشهر الفضيل -رمضان- ونسأل الله أن يعننا وإياكم على صيامه وقيامه وأن يعيده علينا وعلى الامة الإسلامية جمعاَ باليمن والأمان والعافية والبركات.

رمضانكم إسلامي بنكهة سودانية

#زول_بشخبط
نزار عثمان هاشم

ذهب الظماء وابتلت العروق وثبت الأجر إن شاءالله.

رمضان فرصة للرجوع لكل من حاد عن السراط المستقيم .فرصة للتقرب إلى رب العالمين اللي هو اقرب إلينا من حبل الوريد لكن نحن اللي بنبعد بالمعاصي والذنوب بالتهاون في اداء الصلوات وبالتعدي على حدود الله وترك الطاعات وفعل المنكرات. شهر الخير فرصة للجميع فلا تضيعوها اغتموا اوقاتها في ذكرالله وكثرة الصلاة وقراءة القرآن والدعاء والصلاة على خير الخلق كلهم نبينا محمد ﷺ. كم رمضان مر عليك ولم تتغير رغم انك تنوي ذلك !
هناك من كانو يتمنون ان يدركو رمضان ليغتنموا ساعاته ودقائقه وثوانيه في طاعة الله وتوفاهم الأجل. لكنك الان انت حي لم تمت بعد. قم الان فلا تؤجل القرب من الله إلى لحظة اخرى.

#زول_بشخبط
نزار عثمان هاشم

قناتي التانية التي انشر فيها ما لم اكتبه انا
قناة مما اعجبني
ربما يعجبني من منشورات الاخرين يعجبكم ايضا

للانضمام 👈 @i_like_me

ربي لا تزرني فردا وانت خير الوارثيين.

#زول_بشخبط

- قالت لي: إلديك سكنا واثاثا حينما طلبت منها أن تتزوج بي.
- فقلت لها: انتِ سكني ومسكني فكيف أتي بأثاث وليس لدي مسكنً له بعد؟!
ـ قالت : لا اريدك إذاً !.
- فقلت :لنفسي حتى وإن قبلت بي فهي لا تصلح بإن تكون زوجة لي.

#زول_بشخبط
نزار عثمان هاشم

بتحبها؟ وبتحبي؟ صادقين في حبكم؟
منو بعرف بحبكم؟ اصحابك؟ صاحباتك؟
بس؟!
اهلك واهلها عارفين عن علاقتكم؟
لا!
طيب ديل اهم ناس انهم يعرفوا وانتو لو بجد جادين وبتحبو بعض وناوين تتوجوا هذا الحب بالزواج يبقى مافي داعي انو تكون علاقتكم في الظلمة لازم تطلع للنور
ح تقول لي انا لسة ما جاهز وهي مستعدة ترجاني لحدي ما اكون نفسي عشان كدة ماعايزين نعلن العلاقة للاهل ودا اكبر غلط. بتحبها وماجاهز وما عندك القدرة انك تصل لي بيتة وتطلب ايدها من اهلها عشان تكون زوجتك مافي داعي لي انك تبوح ليها بمشاعرك اكتمة جواك.ايوة اكتمة جواك لانو مافي فائدة مدام مش حتجي تتقدم ليها وتبقيها حلالك.
ح تفضل تتكلمو بالتلفون ِ بحبِك وبحبَك ومشتاقين وحشتني وكلام من شاكلة هذا الكلام وتعيشو في وهم وفي النهاية يجيها واحد راجل بجد ويجي يدق البيت من بابو ولانها بت مش ح تقدر تقول انها بتحب شخص اخر وترفض وحتى لو رفضت مرات الاهل بجبروها عليهو لانو شايفين هو مناسب ولي مصلحتها وماتقول انو مش ح تسعد لانها ما اتزوجتك انت البتحبها. ح تعيش سعيدة وتحب زوجها وتعتبرك مجرد فترة مراهقة وعدت لانو الزواج اكبر من الحب مثياق غليظ ومودة ورحمة وعشرة بين اثنين ارتبطو بعقد على كتاب الله وسنة رسوله مش بلحظة عاطفة عابرة.
عشان كدة ماتحبو في الظلام وبالدس حبو في النور وفي العلن اطرقو الابواب واطلبو الايادي وعيشو الحلال
الحب وهم واكبر وهم لمن مايكون نهايتو عقد وكتب كتاب

بتحبها صارحها وعلي طول امش لي ابوها واطلب ايدها منو
وانتن يابنات ماتغريكن كلمات الحب المعسولة نهايتها مر وحنظل وعذاب والم
مايغريكن من يدق القلوب دق القلوب ساهل لكن دق الابواب هو الصعب

والحب لا عيب لا حرام لكن بكون حرام لمن مايكون الهدف منو الزواج


ومابالضروري الانسان يتزوج بمن يحب لكن مهم انو يتزوج بالشخص المناسب ليهو


#زول_بشخبط
نزار عثمان هاشم

#موضوع_للنقاش

من المعروف للعامة وللمسلمين بصورة خاصة ان سيدنا وحبينا وقدوتنا محمد ﷺ هو خاتم الانبياء والمرسلين ورسالته تلقي جيمع الديانات بعد ما بعث عليه الصلاة والسلام بالاسلام. رغم ان الايمان بالرسل شرط اساسي لإسلام المسلم وحسب فهمي شخصيا ان كل الديانات الاخرى لا تصح فقط الاسلام هو الديانة التي يجب على الجميع الايمان بهاواتباعها .فما هو رايك انت/ي اخي/اختي المسلم/ة ويمكنك الاستدلال برأي غيرك من المشايخ واصحاب العلم من علماء المسلمين
وإلا تتفقوا معي بأن هناك تقصير من المسلمين في دعوة غيرهم إلى الاسلام وتعريفهم به مع العلم بأن الدعوة إلى الإسلام هي واجبة على المسلمين خصوصا بعد وفاة صاحب الرسالة ﷺ
وهل يجوز بأن ندعو للتعائش الديني وليس هنالك دين صحيح غير الاسلام؟
أليس دعوتنا على الكفار الذين لا يعرفون عن الاسلام شئ ولم يتم دعوتهم وتعريفهم بالاسلام من قبل الدعاة يعتبر ظلم؟

#للمشاركة_راسلوني_هنا

@nazaroh