تبًا لكل شخص ثرثار لو كان الأمر بيدي لقطعت إلسنتهم جميعًا حتى لا يقطعوا عليّ لحظات الهدوء التي أرغب دومًا في عيشها.

#زول_بشخبط
نزار عثمان هاشم

#موضوع_للنقاش

الماضي ...كل انسان وليه ماضي في علاقاتوا العاطفية وكتير من الناس بترتبط باشخاص غير اللي كانت بتحبهم في الاول فعندما يبتدو علاقة جديدة بيعتبر الحب الما اتوفقوا فيه (ماضي)

فهل عادي انو الزوجة والزوج يحكوا ماضيهم لبعض؟
ولا افضل الزوجة تعتبرو ماضي وانتهى وما تحكي
وهل اذا حكت ليك ماضيها انت كرجل بتثق فيها وبتتقبل الموضوع عادي؟
وهل ممكن الزوج يحكي ماضيه لزوجتو؟ وانتي كانثى ح تثقي فيه بعد ماهو حكي ليك ماضيهو؟

نرجو مشاركة الجميع ونسعد بمشاركاتكم

ارسلو هنا 👇

@nazaroh

#مشاركةمن

نزار عثمان هاشم
#زول_بشخبط

#يقول_فيها
ماضي من ماضي بفرق والعلاقات العاطفية مرات بتخرج من اطار الطهر وتنحرف إلى اشباع الغرايز عشان كدة بنحدد نوع الماضي بعدين نشوف اذا ممكن نحكي للطرف التاني ولا لا

ومن وجهة نظري انا ماشايف في داعي انك تحكي ماضي فات والبيناتكم انتهى ليهو زمن لزولك الجديد لانو مرات بتكون سبب لنقاشات بتحصل كتير في مستقبل علاقتكم وانت لمن جيت تحكي جيت تحكي عشان ماتخبي عن زولك حاجة لكن ما ح يفهو ليك دا وبالذات لمن يكون الشخص العندك بيهو ماضي من العائلة دي كمان مشكلة المشكلات لانو كل مايشوفك معاهو ان شاء الله وسط كمية من الناس بيتزكر البيناتكم زمان ويقول الناس ديل لسه مستمرين

المهم مافي داعي لحكي الماضي مهما كانت درجة تفهم الطرف الاخر ووعيه كلهم واحد كان اناث ولا ذكور كان ما في لحظة البتحكي فيها ماضيك ليهم ح يكون في مستقبل علاقتكم

الا اذا كان ماضي بيتكشف وهو ح يقدر يكشوفو اها دا ضروري يتحكي (وانتو اكيد فهمتو قصدي)

اما بالنسبة لي. ماعايز ماضي نبدأ صفحة جديدة مدام الماضي مافيهو اشياء ح تعكر صفو مستقبلنا

وشكرا لإتاحتكم لي الفرصة بالمشاركة في منبركم العامر بالنقاشات 😎

تم قفل باب المشاركات

ترفض الفتاة الكثير من طلبات الزواج وهى تدرس ، وعندما تتخرج ، تتمنى أن يأتيها ولو طلب واحد حتى توافق عليه وتتزوج!

#زول_بشخبط
نزار عثمان هاشم

في منشورات كتيرة بتقابلني و بتعجبني سواء كانت نص نثري او بيت شعر او قصيدة او مقال وبحب اني اشاركم ليها لكن طبعا قناتي ما قاعد انشر فيها إلا الحاجة البشخبطة انا براي

عشان كدة عملت لي قناة للحاجات البتعجبني لو حابين تنضمو حبابكم 10

دا الرابط
@i_like_me

اسمي احمد .عمري 7سنوات .كنت اجلس في احدى العصريات بالقرب من ميدان الكرة في قريتي الجميلة. اشاهد الشباب وهم يلعبون .مستمتعا بالمشاهدة ومتمنيا اللعب معهم .لكني لازلت صغيرا لكي العب مع الكبار .يمكنني ان اكتفي باللعب مع من هم في عمري في الوقت الحالي. وغدا سوف اصبح في طور الشباب والعب في ميدان قريتنا مثل هؤلاء الشباب الذين يلعبون الان .كنت منتدمجا مع اللعب انظر للكرة وهي تركض هنا وهناك من قدم إلى قدم مرة بالارض ومرة بالجو مرة يركلها احدهم بقدمه وتارة يركلها اخر براسه كانوا يتصايحون كل واحد يريد ان تُركل إليه الكرة ليمتع نفسه بسحر المستديرة وليستعرض بعض مهاراته وفنياته امام الجميع. لعيبة وجمهور .وفي تدخل عنيف من احدهم على لاعب اخر تم ركل الكرة بقوة اندفعت مسرعة ناحيتي مصطدمة باحدى جنباتي (صفحتي) وقعت على الارض -كمن اصيب بطلق ناري وليس بكرة قدم- والألم يعتصرني تجمع من كان يجلسون معي حولي حتى يتطمئنوا علي .كنت اتألم وابكي من شدة الالم .قد ظنوا وقد ظننت ايضا ان الالم سطحي و سيزول بعد فترة بسيطة .كانوا يشجعونني بقولهم انني بطل وشجاع حتى اتوقف من البكاء ! لا ادري ماعلاقة الشجاعة والبطولة بطفل صغير مثلي! تحاملت علي نفسي وذهبت إلي امي من دون ان احكي لها شعرت امي بما شعرت به اخذتني إلى مستشفي المدينة وبعد مقابلة الطبيب وتطمينه لامي كنت اتلقى جرعات العلاج التي اعطاني لها الطبيب لكني لم ارى اي تحسن في حالتي طالبت والدتي بتحويلي للخرطوم لكن المستشفى رفضت ذلك لكن مع اصرار امي تمت الموافقة على تحويلي إلى الخرطوم وعند وصولنا قام الطبيب بالكشف علي وقد كان تشخصيه لحالتي ان احدى الكلى قد اصيبت جراء اصطدام الكرة بها وكما هو الحال دايما ما يطمئنك الطبيب حتى وان كنت في الرمق الاخير من خروج روحك .قال لامي لقد تأخر في الحضور ولكن قد تُعالج باذن الله وقد حاول لكن في نهاية الامر بعد فترة من العلاجات قد تمت ازالتها.
حضرت إلى المستشفى لكي يُشخص المرض التشخيص الصحيح. وأُعطي العلاج المناسب له. واخذ بالاسباب حتى يتم الله لي الشفاء. والحمدلله قد حصل لي. لكنه كلفني الكثير. فقد فقدت احدى كليتي وانا طفل صغير ذو سبع سنوات انا لا اعترض على اقدار الله فقدر الله اني اصاب. لكن انا اشكو من التشخيص الخاطئ من الدكتور الغير مؤهل لقد سمعت الكثير من القصص عن حالات توفى اصحابها من نفس المستشفى واخرين تم انقاذهم في اللحظة الاخيرة بعد تحويلهم منها إلى الخرطوم .ليس وحدي .هناك الكثير غيري وستسمعون عنهم كما سمعتوا قصتي .

#زول_بشخبط
نزار عثمان هاشم

ـ سوداني اتزوج سودانية ح يجيبو شنو يعني؟
ـ اكيد سوداني
شاطرييين انتو ياخ
ـ ارضك زرعتها قمح ح تحصد شنو؟ ذرة؟
ـ اكيد لا ح تحصد قمح طبعا
ـ طيب شين اتزوج سمحة ح يلدو شنو؟ شين ولا سمح؟
ـ دي فيها احتمالات .يمكن يشبه ابوه .ويمكن يشبه امو. ويمكن يشيل من امو حبة ومن ابوه حبة. يعني يكون شين سمح او سمح شين.

انتو فاهمني؟مش كدة؟
الليبب بالإشارة يفهمُ

#زول_بشخبط
نزار عثمان هاشم

#موضوع_للنقاش

في مثل بقول مد كرعيك قدر لحافك وللاسف الكتير الناس ماشة بالمثل دا
يعني مثلا لو انت ما متعلم نهائي او بتعرف تقرأ وتكتب لكن ماعندك شهادة جامعية ومشيت اتقدمت لي بت خريجة جامعة بتترفض كان من اهل البت او من البت ذاته .والرفض بكون سببو عدم الشهادة والرسول قال من ترضون دينه وخلقه فزوجوه ما قال شهادتو

اها ادونا وجهة نظركم في الموضوع دا ليه المتعلمين مابرضو بغير المتعليمن
لي الاغنياء مابيرضو بالفقراء
ليه السمحين ما بيرضو بالشنين

نقول الو ونستلم مشاركتكم هنا👇

@nazaroh