يلتشكي دنْيَا الْحزْن . فوگ الْعِلَل زادتك
تريدك الدَّنْيَا ابهظُم تتنومس بذلَّتك
ومحتار بَيْن الخلگ . ذَايبٌ گلب خلَّتك
وَآهِمْ أَبَد يلتظن دَرَب الْحَذَر دلَّتك
وشيمتها غَدَر وجفه أَدَّور عَلَى زلَّتك
مهظوم طُول الْوَكْت . اِتهد الصَّخْر ونَّتك
مَعْلُولٌ رَايد  دوه هَنَاك أَشْتَكِي حَالَتِك
السَبْع الدِجَيْل أَعْتنِي تلگه الدوه العلَّتك

الشاعر حسن لعيبي الحريشاوي

لوفاة سيد محمد سبع الدجيل وزن الدارمي (٣ دگات )

يامن زرت هيهات  حاجتك ترَّدَ
لا مايرد محتاج     سيد محمد
★★★★★
بلمرحبه للناس   تضوي المناير
خل يفرح المهموم   لايضل حاير
بمراده صوب الدار  يرجع الزاير
بابه بوجه مظلوم  مالحظه ينسد
★★★★★
ماتمر حسبه اعليك  لوچنت گاصد
لسبع الدجيل العون   وكت الشدايد
خير وكرامه وجود     عينك تشاهد
بفضاله تدري الناس  ما إلها كل حد
★★★★★
حاطوه بني العباس   بالحيله والشر
بالسم  تأثر  حيل          لونه وَتِغَيَّر
من شجرة المختار     غصن التكسر
صبله الدمع  مدرار  خل يحفر الخد
★★★★★
بفضلك  أَشَيَّم  الروح  وانت  سندها
تحمل مزايا اهواي    محتار  أعدها
بيك  العشم  مولاي       لا ماتردها
أفضالك عليها اهواي   يافضل ينعد
★★★★★
ياسند للمهظلوم   ولماله  صاحب
ومن العلل خلصان  والگلبه ذايب
امجرب يبو الكلفات   وكت النوايب
بفضلك جميع الناس  كل وكت تشهد

الشاعر حسن لعيبي الحريشاوي

في استقبال العام الجديد

وبراس السنه العالم بنوع الفرح محتارين
بملذات ومرح واعياد بجديد العام مبتشرين
بهواها الناس محتفله ابحب الدنيا مجنونين
دربنه واحد وعمره ماصار الدرب دربين
احنه بهلسنه انجدد عهدنه شماتمر اسنين
على نهج النبي الهادي على هذا النهج ماشين
وللحجة العهد للدوم على هذا العهد باقين
خدام السنة وكل عام لآل المصطفى الطيبيين
الفرح والفوز بحماهم وخدمتهم اصول الدين
وبالدم والنفس يجري طول الدهر حب حسين

وحگ أثنين وثلاثه وتسعه
الارض متشيل حبي الهم وتسعه
الرضاهم تنتهج روحي وتسعه
اهل البيت سادات البرية

اداء والحان ملا سعد ابوعبدالله الإمارة
الشاعر حسن لعيبي الحريشاوي

لوفاة سيد محمد سبع الدجيل 
بن الامام علي الهادي عليه السلام     
( ميمر )

سبع الدجيل بفرگاه   عايش الهادي ابحسره
★★★★★
عين الوفه صوب الدرب مشبوحه
الهادي يناطر ماتهيد  اجروحه
لاحته اسهام المايظنها تلوحه
أسهام الفراگ الچتال    نيران تچوي ابصدره
★★★★★
دار الاهل ظلت حزينه وظلمه
نور وجمال الگمر چان ورسمه
روح الامام العسكري وأبن امه
وعم الامام  المهيوب   بلهفه الخلگ تنتظره
★★★★★
الحافظ كتاب الخالق ومظمونه
عالي القدر والوادم ايعرفونه
حته العده  ماگدروا ينكرونه
وارث علوم الاطهار      لوعَنَّه رايد تقره
★★★★★
يامنزله المحد گدر يوصلها
من الهادي وابنه العسكري حَصَّلَهَا
روحه القدر ياحيف  مَاأَجْلَّها
البيها علوم واسرار   أسرار وعلوم العتره
★★★★★
موضع كرامات شكثر مشهوده
معروفه هيه مسجله وموجوده
سيد محمد لوتريد شهوده
اگصد ضريحه ونخاه    لمن تطب بالحظره

الشاعر حسن لعيبي الحريشاوي

لوفاة سيد محمد (سبع الدجيل) عليه السلام
(وزن عگيلي )

خدامك ياسيد محمد
خدامك ياسيد محمد
★★★★★
حال الزاير ينعه ويندب
والرادود  وشاعر يكتب
والناصب بالشارع موكب
واحد غايتهم  والمقصد
خدامك ياسيد محمد
★★★★★
يابو جعفر منك نظره
زوارك منك منتظره
بگلب الزاير لجلك جمره
لاتطفه بساعة ولاتبرد
خدامك ياسيد محمد
★★★★
علهادي اصعب يوم غيابك
ينوح ويتالم لمصابك
ومثله انوح بعتبة بابك
ياباب الخير الماينسد
خدامك ياسيد محمد
★★★★★
ياسيد محمد خدامك
عطر الجنه اتراب جدامك
بمانملك نفديها  ايامك
وياريت ابگبرك نتوسد
خدامك ياسيد محمد
★★★★★
والعدهم شك بايمانك
شافوا ماتهتز اركانك
عدوان الهادي وعدوانك
حقد البيهم من سابع جد
خدامك ياسيد محمد
★★★★★
وسفه الموت بعمرك حادي
ياهادي الناس ابن الهادي
محطم كل طاغي استبدادي
يادعوة  عالم   ماترَّد
خدامك ياسيد محمد

الشاعر حسن لعيبي الحريشاوي

خدامك ياسيد محمد

هوسات تأبينية لوفاة سبد محمد (سبع الدجيل)

اطلب الحاجه من اهلها مايصدك
وارتجي صاحب الغيره المايردك
تهون لوجار الزمان وصار ضدك

(يم سيد أمحمد محلوله)
★★★★★
من أهل الزود زوده المايفل عزمه
تبيان وبلاغه ومعرفه وحكمه
مامعصوم بس من منبع العصمه

(هاديها الناس ابن الهادي )
★★★★★
صح من حچاها وگال وإلي نقلها
لاتطلب الحاجات الا من أهلها
كل شده مرت بيك حتما يحلها

(عم المهدي الصعبه ايحلها)
★★★★★
گاصدها (بلد) من أرض سامره
عرف سبع الدجيل بخاتمة عمره
لبن حامي الحمية وفاطمة الزهره

(مهظومه وتنحب سامره)

الشاعر حسن لعيبي الحريشاوي

نعي لوفاة سيد محمد سبع الدحيل
لسان حال اخيه الامام الحسن العسكري
عليه السلام

يگله العسكري   والله يعينه
يبن امي الوكت شمسوي بينه
يمحمد يبو الروح الحنينه
شملنه وراح ذاك الشمل وينه
الگوم اتعاونوا كلهم علينه
لديار الغرب غصبن اجينه
عفنه اديارنا البيها ربينه
تركنه اديار اهلنه البلمدينه
يم الما الهم رحمه  صفينه
مثل يعگوب ابوي شگد ونينه
عليك بكل وكت مشبوحه عينه
عليك اشگد يبو الغيره بچينه
دفناك بهظم  عنك مشينه
على فرگاك ياخويه اشبدينه

الشاعر حسن لعيبي الحريشاوي

لوفاة سيد محمد سبع الدجيل عليه السلام

اجيتك سيد محمد
اجيت ودمعتي بلخد
اجيتك سيد محمد
★★★★★
ابماصار وجره اعليهم
آل البيت أواسيهم
وبمصابك اعزيهم
جيت ولوعتي تشهد
اجيتك سيد محمد
★★★★★
لمصابك يبوجعفر
الهادي انهظم واتأثر
وگلب  العسكري اتفطر
وجمرة گلبي ماتبرد
اجيتك سيد محمد
★★★★★
(ابلد)رب السمه اختارك
كريم وتنطي خطارك
ماخاب الگصد دارك
يباب الكرم ماينسد
اجيتك سيد محمد
★★★★★
هنياله الگصد نورك
دليل الغانمه سورك
وي القائم انزورك
شماطال الدرب وأبعد
اجيتك سيد محمد
★★★★★
ياجرح الابد ماخف
بيه لوعات من الطف
يومك صعب  يتوصف
جنه ابلحد تتوسد
اجيتك سيد محمد

الشاعر حسن لعيبي الحريشاوي

وفاة سيد محمد سبع الدجيل عليه السلام

بجمرة ألم خلاني   آخر جماد الثاني
جمرة گلب ماتبرد  لمصاب سيد محمد
آخر جماد الثاني
★★★★★
مصابك يبو جعفر خبر
بيه گلب للهادي انفطر
وللعسكري ظهر انكسر
بآل النبي اسوه الدهر
وسط العده خلاهم
مانصف يوم وياهم
تچوي المدامع بالخد  لمصاب سيد محمد
آخر جماد الثاني
★★★★★
بعيونه مر طف وعطش
الماخذ علومه من أهدعش
ياجنه مشيول بنعش
بفعل العصابه اهل الدغش
البيهم حقد سفياني
علمبدٱ الانساني
والدنيا بصعب مشهد  لمصاب سيد محمد
أخر جماد الثاني
★★★★★
رادوا مقامه يندثر
طول الوكت ماينذكر
يبن المعارف والفكر
والشافع بيوم الحشر
عم الامام الصابر  
وأبن الامام العاشر
جروح الگلب ماتنعد لمصاب سيد محمد
اخر جماد الثاني
★★★★★
الماعدهم اصل ولافصل
سموك ياباب الفضل
الهادي ينوح على الشمل
والعسكري دموعه تهل
جد الامام القائم  
عالم يودع عالم
بحسره دليله اتمرد   لمصاب سيد محمد
آخر جماد الثاني
★★★★★
ماخاب من راح البلد
والسيد محمد گصد
يلگاه بالشده سند
معروف مايخلف وعد
يم حضرته خليها 
ثق حاجتك يگضيها
خلي الحزن يتجدد    لمصاب سيد محمد
آخر جماد الثاني

الشاعر حسن لعيبي الحريشاوي

✍🏻قناة الشاعرحسن لعيبي الحريشاوي     كتابة أنواع القصائد  في مدح ورثاء  ال  البيت الأطهار

✨معرف القناة🌹   https://www.tgoop.com/a3lei

✨معرف التبادل🌹   @ha_aliebee
رابط  قناتي على اليوتيوب
https://www.youtube.com/channel/UC_qMISpvnKnqhS-LTnV3thw

بصوت. مسلم المطيري

بجمرة ألم خلاني

كلمات الشاعر
حسن لعيبي الحريشاوي

لاستشهاد الامام علي الهادي عليه السلام (وزن هجري)

لفت ياحيف المنية.  التاسع اولاد الزچيه
الدنيا ماادري شجاها.    ضجت الگاع وسماها
              التاسع اولاد الزچيه
★★★★★
أشطَوَّل الليل وعذابه.   والنهار اصبح ظلام
وبرجب وگفت الدنيا.     تودع أنوار الامام
موحشه سامره صارت    فارگت بدر التمام

غاب حاضرها ومجدها.    وكل خمايلها او وردها
من مشه عنها ضواها.  ضجت الگاع وسماها
              التاسع اولاد الزچيه
★★★★★
العسكري ينظر الهادي. بلوعته وگلبه الحزين
فارگت يابويه  بعدك.  راحتي وطعم السنين
فارگت طه وبضعته.  وجدي أمير المؤمنين

ياضوه عيوني ونظرها.   كسرتي يصعب جبرها
الحزن سامره لفاها.    ضجت الگاع وسماها
         التاسع اولاد الزچيه
★★★★★
ضلت الدار ابحزنها.   تون علهادي وتنوح
ومهبط جروح بدليله. العسكري يشكي الجروح
وين من لوعة عذابه.   يشتكي والمن يروح

موحشه الدنيا بأهلها.    ايام مامرت مثلها
بكل صبحها وكل مساها.   ضجت الگاع وسماها
           التاسع اولاد الزچيه
★★★★★
شيَّعَت سامره اهلها.    وَدَعَّت  خير الزمان
الشامل الناس بمحبته. حصن للناس وأمان
عطف واحسان  ومَوَدَّه. وين ما حل يامكان

الناس لوتخفي دمعها.    گلوب يكشفها وضعها
يوم ناحت لابن طه.   ضجت الگاع وسماها
        التاسع اولاد الزچيه
★★★★★
الساطعه الدنيا بوجوده.   تاسع اولاد البتول
طال سامره حزنها.     حزن دايم مايزول
تشكي من حكَّام بيها.   عذبوا آل الرسول

ليش بالسم ليش تالي.  غابت بدور الليالي
موحشه يخنگ هواها.    ضجت الگاع وسماها
        التاسع اولاد الزچيه

الشاعر حسن لعيبي الحريشاوي

بِمُناسَبَة اسْتِشْهَاد الْإِمَامِ عَلِيٍّ الْهَادِي عَلَيْهِ السَّلَامُ

الْيَوْم ياشيعه عَلِيّ الْهَادِي رَحَل
وَدَع ابسامره أَحْبَابٌ وَأَهْل

وَدَّعَ ابْنَهُ الْعَسْكَرِيّ وَدَمْعُه جَمُر
جَمُر يشْعَل بالگلب نَار الصَّبُر
الصَّبُر مِثْل سِنِين سَاعَاتَه تمُر
تمُر وَالدَّمْعَه بطَرَف عَيْنَه تضَلْ

العاصر أَيَّام انقلابات وَفِتَنٌ
فتِن سَوْدَه غَيَّرَت وَجْه الزَّمَن
الزَّمَن لوُن الْعِده بيه اُمْتَحِن
اُمْتَحن گلبه وعُوْدَه مِنْ شَرِّهُمْ ذِبَل

ذِبَل مِنْ شَرِّهُمْ وَمَن نَهْج الظُّلْم
ظُلَم مِنْهُم شَاف . بِالدُّنْيَا . وهظُم
هظُم عَانَى مِنْ الْخَلِيفَة وَكُلّ خَصُم
خَصُم باحقاده ضَرَب لِلشَّر مَثَل

صَابِرٌ ابوجه الدَّسَايس والخِدَع
خِدَع بيها گلوب مليانه طُمَع
طُمَع أَثَّر بالظماير . وانطُبَع
اِنْطُبَع بيهن مَنْهَج الشَّر واكتمَل

حَوِّلُوا سامِرَة أَحْزَان وَكِدَر
كِدَرٌ علهادي وعذابات وَقَهَر
قَهَر مِنْ يُوْم الْوِلَادَةِ . لِلْقَدَر
الْقَدَر يَوْم الْحَلِّ عَلَى دَارِهِ وَنَزَل

عرفَوا شيْعْني الْإِمَام بِمَوْقِفَه
مَوْقفَه ثَابِت . علُوم . وَمَعْرِفَه
مَعْرِفَةِ منْ جَدَّه ذَاك الْمُصْطَفَى
الْمُصْطَفَى وَذَاك عَلِيٍّ خَيْرُ الْعَمَلِ

الشاعر حسن لعيبي الحريشاوي

لاستشهاد الامام علي الهادي عليه السلام

علي الهادي شكثر مولاي عانيت شكثر منهم
لگيت اخرهم العدوان نفس أطباع أولهم
ذنب ماعدك ولاصوچ خاطر تعتذر الهم
رادوا بالنشد كلساع تثبت انته موضدهم
دارك بالحرس ضجت بياكلمة التجاوبهم
دار ي للعلم والخير ياما اهواي گلتلهم
خافوا ثورة من دارك تمر تالي وتغيرهم
خافوا دعوتك لايوم ريح ابليل تاخذهم
خافوا من صلاتك حيل صارت جيش يرعبهم
فرد لكن يشوفونك الف دوله التحاربهم
صرت مصدر عذاب الهم وجودك صار علتهم
رادوك شكثر تحتار يلصبرك محيرهم
سم النايبه خلطوه هاي اعداك شيمتهم
بقيت وي الوكت انته وخبرماضي صفوا كلهم

الشاعر حسن لعيبي الحريشاوي

لاستشهاد الامام علي الهادي عليه السلام -

ليش ايامك صارت مره يانور بظلمة سامره
صابر علمايعرف قدرك يلهادي محيرّهم صبرك
يانور بظلمة سامره

***************
حنيّت الدار امفارگها دار المختار وطاريها
دار الكرار وطيبتها جبريل الچان ايمر بيها
يم العدوان الماترحم ايامك صارت تاليها
چم شبهه توضحها بعلمك واثار الباطل تمحيها
ال العباس وسطوتهم ماشفت الراحه ابدولتهم
جور اشگد يتحمل صدرك يلهادي محيرّهم صبرك

***********
باخلاق وايمان وحكمه للاسلام اتشيد دوله
متاكد من ناتج علمك كل صعبات العالم سهله
ياجد المهدي الماتضعف والخط المرسوم تكمله
لهذي الاسباب المذكوره مرت ضدك ابشع حمله
يبن الانوار المظلومه حتما دولتهم مهزومه
مايكبر شان الي ايصغرك يلهادي محيرّهم صبرك

*********
من جم سفياني وعباسي شگد شافت لوعات العتره
رحلات الهم مرت بيهم من اول يوم من الهجره
من دار المختار اولها لحد دار اخرها ابسامره
من بيت المتواضع ركنه ليش الحاكم مهتز قصره
تحقيق وتفتيش ابدارك جم جاسوس يلم اخبارك
ناكر دينه الراد ينكرك يلهادي محيرّهم صبرك

**********
مصلح الهم چنك عيسى يضيعونك ليش التصلحهم
مكسور الخاطر شاريهم رفضوا خيرك زادوا شرهم
مانصحوا وياك ابلحظه اجاهد كل وكتك تنصحهم
دومك للصح رايد بيهم وحاقد للظلمه ايرجعهم
تعطيل الدين وانواره مقصد هلناس الغداره
وهذا الحال الشاغل فكرك يلهادي محيرّهم صبرك

*********
للخير اتريد اتوصلهم لكن امر الحاكم يرفض
تبني الانسان وشخصيته لاترفع بيه ناس وتخفض
رايد بالامه المظلومه تنقذها وبالواقع تنهض
تصدالك بالسم حاكمهم لامن صدفه ولاسوء الحظ
بالسم ياما غدروا مثلك چم معصوم تحارب قبلك
بالسم ينهي الحاكم عمرك يلهادي محيرّهم صبرك

الشاعر حسن لعيبي الحريشاوي

لولادة الامام محمد الباقر
عليه السلآم

ينور الزاهر
يعلم الباهر
ودليل الحاير
امامي الباقر
★★★★★
جمالك  نوره       بكمال الصوره
احتوه المعموره.  وصفت مسروره
جمالك سوره      يعلم الزاخر
             امامي الباقر
★★★★★      
زهت دنيانه.    وصفت ويانه
سعت مسعانه.   بفرح مليانه
انولد مولانا.     الامام الطاهر
               امامي الباقر
★★★★★
فرح و اتبسم          نبينا الاكرم
بوجوده يعلم          إله من قدم
وصيه  وسلم          يوصي جابر
              امامي الباقر
★★★★★
بدون اي ريبه      علوم وهيبه
وسماحه وطيبه    وفخر تنصيبه
رجع بالخيبه      الاجاه  يناظر
             امامي الباقر
★★★★★
تمام النعمه        علوم وحكمه
تزيح الظلمه       علومك قمه
وجودك رحمه    حكيم وصابر
                 أمامي الباقر           
★★★★★
همم فكريه       وقيم علميه
تظل ثوريه       على الرجعيه
وزمر قمعيه      عدوك خاسر
             امامي الباقر

الشاعر  حسن لعيبي الحريشاوي