‏جا بدونك ليل ٍ الله يقطعه يسحب ردونه
‏وانا مدري ويش ابي في الليل يوم يغيب بدره

‏- عويد النجود

‏ولا خذيت السوالف لبّ ومقارح
‏أصغي مع السالفه من حب راعيها
‏سعد بن جدلان

بعض الرياجيل مثل الدلو فالجمه
‏مطيحه ورفعته ماهيب في ايدينه

النشاما عن مقاصد بعضهم يعرفون..
‏والردي لو صبوا العلم فـ اذنه ماعرف

من كسب ود الاوادم بـ وجهٍ مستعار
‏تجبره لأيام يدفع ضرايب مكسبه

‏ليا منا لقينا كل بابٍ للأمل مسدود
‏طرقنا باب ربٍ ما عليه أقفال وحراسة

لك في دماث الصدر روض وربيع ومضيف
‏أبعد على كف غيرك من نجوم السماء .

لا قل دين الرجل قلّت شيمته
‏ما عاد يدرا العيب والمنقود

‏على كثر العباد اللي على مترامية الاطراف
‏ما يجذبني حنين الا الحنين لربعها الخالي

ياعلّ مدهم السحابه
‏وبلٍ يسوقه بارد النود

يقولون الحذر لمّاح و اقول الحذر خوّاف
‏كلام اللي يغامر و العمر في دبرة الوالي

‏ولا خذيت السوالف لبّ ومقارح
‏أصغي مع السالفه من حب راعيها
‏سعد بن جدلان

‏عجزت أرسم أكبر خارطهّ داخل أصغر لوح
‏و أنا اللي عزومهّ تدحم طويق و تدفه

‏• حزمي سعد

اليا مشى من خشيم الذيب منتلّي
‏يزمي على كبد نجد تقول طبشوره

‏• سعد بن جدلان رحمة الله

‏انا في رجا الله ماترجيت مد الغير
‏ولالي ورا المقفين لاشرهه ولا حاجه

‏تكفي مراسيلنا العجلات يا خلّي
‏عن مخذ الأخبار ولا شوف الأزوالي

‏قلبي وقلبك توصّل لك وترسل لي
‏والله إنها أشدّ من موجات الإرسالي

‏رداً سلامي عليك وجنّ وقالوا لي
‏إنك ترحّب وأنا في خاطرك غالي .

‏•سعد بن جدلان

‏الحيا الذرب دايم من سمات النشاما
‏عاشر الطيّب و تلقاه ، ذرب و حياوي

‏طلايع جيش في صّدري تداحم من ورى البيبان
‏سرى بي ضلعي الطارف . . على لجة حفايرهَا