لسان حال السيدة زينب تخاطب الامام المهدي عليهم السلام
محرم ١٤٤٦ ه. _٢٠٢٤م

اه يبني. اه يبني
ثار حسين انريده
اه يبني اه يبني
ذبحو يبني اوريده
_______
يالمهدي جاوب عمتك
حالتها كلش صعبه

بعاشر محرم هالارض
بدم الولي متخضبه

وانه بغيابك يا لمهدي
وي شيعتك متعذبه

يالمهدي واسي دمعتي
شفت الجثة المتسلبه

اه يبني اه يبني
جيش الكفر بيدة

اه يبني اه يبني
ثار حسين انريده
_______
يالمهدي نار بكربله
كل لحضه تسعر بينه

خلصو اهلك بالذبح
وحسينك الله يعينه

وموادعهم ما ينحمل
ولوعت سبي حسينة

صابو كفيلي. بالعمد
ويلي اكطعو جفينه

اه يبني اه يتني
سيفك وين ارعيدة

اه يبني اه يبني
ثار حسين انريده
_______
عبدالله صاباه السهم
يكسر الخاطر شفته

عطشان وبحر الشمس
نبل العدة فاجعته

ومصابه لا ما ينحمل
بعد زغير ودعتة


يالمهديو تكسر بالكلب
حالة الطفله اخته

اه يبني اه يبني
تارس دمه البيدة

اه يبني اه يبني
ثار حسين انريده
_______
احجيلك ابيوم اهدعش
خيميتي شبوها بنار

وازغار اخوية بالفله
متحضره السبي الكفار

انظر رقية بيا وضع
تتلفت ايمين ايسار

ياعمة وينه والدي
تسألني وكلبي محتار

اه يبني اه يبني
ضلت رقيه اوحيدة

اه يبني اه يبني
ثار حسين انريده
_______
دمعاتك تنزل من دمه
من تتذكر حسينك

يعينك الباري عالجرة
اشلون اتكضي سنينك

يالمهدي منتظرة تجي
بيا ديرة كلي وينك

ثار الزهرة وثار السبط
يمتى تجيبة ايمينك

اه يبني اه يبني
موقف حيدر عيدة

اه يبني اه يبني
ثار حسين انريده
_______
الشاعر _ابو منتظر الموالي

جديد _محرم_١٤٤٦. ه_٢٠٢٤ م



ريت الحافر بصدري
يحسين الدمع يجري
_______

شكثر مصابك اذاني
بحيرة الدهر خلاني
غريبة وراحو اخواني

ارجع يا بعد عمري

ريت الحافر بصدري
يحسين الدمع يجري
_______
زينب شاهد اشبيها
من رحت يا واليها
بعدك هضم ساليها

وانته بحالتي تدري

ريت الحافر بصدري
يحسين الدمع يجري
_______
عاينها يابو الاكبر
يوم الهجمة العسكر
بخيمتها الحزن يفتر

بدمها الفاجعة تسري

ريت الحافر بصدري
يحسين الدمع يجري
_______
نحرك منذبح يحسين
عينوني عله هذا البين
كطعو لعضيدك جفين

مات الكافل الخدري

ريت الحافر بصدري
يحسين الدمع يجري
_______
اه من رفست الحافر
والله تكسر الخاطر
لجلك ما فزع ناصر

يحسين ونفذ صبري

ريت الحافر بصدري
يحسين الدمع يجري
_______
ترضى زينب يسبوها
بسوط العده يضربوها
فوك الناكه يصعدوها

منهو ايجابر بكسري

ريت الحافر بصدري
يحسين الدمع يجري
_______
خادم الحسين _ ابو منتظر الموالي

جديد _محرم_١٤٤٦_ه_٢٠٢٤ م
ليلة السابع _ الامام العباس عليه السلام
قصيدة _ نزلة

حجاية حجايه حجايه.
عباس انطى احجاية
________
سولفها وسط الميدان. . كال اسمعو يالعسكر
فرسانه تهد جيوش بيهم حميه حيدر
سمعوني كاللهم زين امحي عروش المنكر
يرعب كلام العباس خله الشمر يتعثر

الغاية الغايه الغايه
الحره عندي الغايه

حجايه حجايه حجايه
عباس انطى احجايه
________
كال اختي تبقى بلا ماي متصير هاي الحاله
تعرفني زين من اغتاض مثل النبي وافعاله
اقسم وحك داحي الباب بيدي اذبح العياله
ماهمني عدة ولا جيش. روح اسأل الخياله

حمايه حمايه حمايه
الزينب ابقى احمايه

حجايه. حجاية حجايه
عباس انطه احجاية
________
معروف ابن ذاك الحيد. خيبر قلعها بأيده
علمني مهنه وي السيف عباس هذا يريدة
جربت سيفي بعاشور. بدمهم ترست البيده
والبرز كدامي انهان. هذا الدرب ميفيده

الراية. الرايه. الرايه
تحله بجفوفي الرايه

حجايه حجايه حجايه
عباس انطى احجايه
________
يازينب انتي بلا ماي عطشانه وتأذيني
اترس شريعتهم روس. لوسمعج اتوصيتي
بدمهم شريعه سويت وفايج اتعرفيني
بس ادري هذا مكتوب خوية العذر انطيني

دمايه دمايه دمايه
سيفي ترسته دمتيه

حجايه حجايه حجايه
عباس انطى احجايه
________
اعليهم دنه راعي الجود خله العده محتارة
بيمينه طخ راس براس. ما ترهملهم جارة
عله الغبرة خلاها تسيل. دموم العده تتجارة
لأم الخدر انطي الروح عباس هاي افكارة

هواية هوايه هوايه
يهوة الشجاعه هوايه

احجايه. احجايه. احجايه
عباس انطى احجايه
________
خادمكم _ابومنتظر الموالي

محرم _١٤٤٥_للهجرة_٢٠٢٤_للميلاد
ليلة العليلة _عليها السلام
جديد _ قصيدة رئيسيه

نار اصعب من نار
وين. ضعن اهلي سار
ليش ضل خالي الدار.
وين احبابي
راحو ماخذوني يمكنهم نسوني
=====================
ماودعتهم من مشو بالغربه وشل صبري
بالبيت وحدي بلا اهل شيكضي باقي عمري
يا ويلي كلبي منفجع كبالي المصايب تسري
يحسين زادت ونتي من رحت اضلم دهري

حيل ماضل كل حيل
ليل شيكضي الليل
شلون لوحملي ايميل
وين احبابي
دمعاتي بعيوني يمكنهم نسوني
=====================
انه العليله يا زمن ليش ابعدت احبابي
واشلون احمل هالبعد المن اوجه اعتابي
ادعي بدموعي كل صبح يايوم افتح بابي
واستقبل اهلي ياوكت اشكبرة صار امصابي

راح كل حلمي راح
عاف بس يمي اجراح
موت خذني ارد ارتاح
وين احبابي
لتخيب ضنوني. يمكنهم نسوني
=====================
المرض ماهمني وعلي البعد مرض حالي
فاركت ابوية واخوتي ويومية اذكر غالي
ما ضنتي ابقى بغرب معلوله وبلا والي
بس انه وام الاربعه ودمع العيون ايلالي

نوح تسمع كل يوم
اه بكلبي المهموم
عين. ماتاخذ نوم
وين احبابي
يايوم ويجوني يمكنهم نسوني
=====================
ساعة منيتي كربي وياموت اخذ الرية
كل لحضه بالي منشغل وانه بحزن يومية
طولو اهلي بهالبعد قصتي بدمع مروية
ياقارئ كتاب العلي شوف الجروح البية

ناس ماعدها احسان
كوم ذبحو عطشان
راح مني اغله انسان
وين احبابي
راحو مارووني. يمكنهم نسوني
=====================
وين الدرب يهل الضعن لاتتركوني وحيدة
مشكلتي مو مسني المرض كطعو لبوي اوريدة
هيهات ترجع ضحكتي وذاك الزمن شيعيدة
بكلب العليلة شكد الم سكنو اهلها البيدة

بيت. ضل خالي البيت
كون. ميته يا ريت
دموم مو دمع ابجيت
وين احبابي

ازدادت شجوني. يمكنهم نسوني
_______
الشاعر _ابو منتظر الموالي

لحن قصيدة  العليلة عليها السلام
نار   اصعب من نار
  بصوت _ خادمكم _ ابو منتظر الموالي

وصل لطفوفه هالليله
بغربته ايعاين العيله
_______
نضر لأم الخدر زينب تهل دموم
يكلها كاتبه الله هذا او مقسوم
تشوفيني ذبيح كبالج ومضلوم
تسمع والدمع ياشيعه اتسيله

وصل لطفوفه هالليله
بغربته ايعاين العيله
________
يخوتي ويهلي عاشر قادم اعليكم
سلب ذبح وتعب كون الله يحميكم
يزينب باجر اخيامي تشب بيكم
تصرخ اه يبوية اسكينه تشكيله

وصل لطفوفه هالليله
بغربته ايعاين العيله
________
وصل وبكربله يسولف على امصابه
يودع حسين بنصارة أويه احبابه
تزيد الاه لون يحجي على اخضابه
دنية أعليه مصايب بس توديله

وصل لطفوفه هالليله
بغربته ايعاين العيله
________
على طفلي الرضيع الله يصبرني
الفجيعة تكبر بصدري وتعذبني
عطش عبدالله يكسرني ويلوعني
سهم تالي فجع نحرة ويهد حيله

وصل لطفوفه هالليله
بحسرته ايعاين العيله
________
يبوفاضل يالاكبر يصرخ بحسرة
يجاسم يبن اخويه طيب العشرة
يالأنصار الزجية الليله متحضرة
امي الزهرة همي وهمها اتشيله

وصل لطفوفه هالليله
بحسرته ايعاين العيله
________
الشاعر_ابومنتظر الموالي
تمت بحمد الله

لحن قصيدة
وصل لطفوفه هليله
بصوت _ ابو منتظر الموالي

مودعين والله وياكم يخوتي
مودعين وانتظر يلفيني موتي
وي كل لحضه تمر
بية لوعه بكل كتر
مودعين مودعين
__

عمة يالسجاد احشمك لو دفنت الغالي
دير بالك لاتلجمه نحرة شاغل بالي
الرمح رافع ابراسه والهظم ودالي
تنسبي لتودع اهلها وانه هذا حالي

ساعد الله ام الخدر
بيه لوعه بكل كتر
مودعين مودعين
__
وابو فاضل لو وصلته عينه لتأذيها
ادفنه بهداي اخويه ودمعتك ابجيها
السهم ثابت بصدرة اجفوفه امكطعيها
كله ياعباس اختك زينب اميسريها

من رحت جانه العسر
بية لوعه بكل كتر
مودعين مودعين
__
جسم الاكبر بالحصيره يعين كلبك منظرة
شلون لميته يعمه وصال جسمه مطشرة
صار ظهرحسين محني من نضرله عالثرة
يبن اخوي شرد اكلك جره بيه الما جرة

شيسوة بعده هالعمر
بيه لوعه بكل كتر
مودعين مودعين
__

فوك صدر حسين ادفنه الطفل عبدالله
نحرة ازغير وسهمهم فجع كلبه ونحرة
ذري لتراب عله كيفك انشدك بالزهرة
اه يامصيبة العاشر بية خلت جمرة

شلون احمل هالصبر
بيه لوعه بكل كتر
مودعين مودعين
__
الشاعر_ ابومنتظر الموالي

جديد. ... لقاء فاطمه الزهراء بابا الفضل العباس عليهم السلام. بعد واقعة الطفوف


بعد ماصار الي صار وزينب وحيدة اصبحت
وانذبح راعي الشريعه واخر انفاسه انتهت

اجت روح الزهرة يم روح الكفيل
علت اهات الحزن والدم يسيل
والمصيبه اتهيأت
________
موخيال احجي الرواية ثابته وبيها سند
مو مجرد ارد اسولف واضح بهالمعتقد
بعد واقعت الطفوف الشاب منها البالمهد
كصدت الزهرة الزجية صوب وفاي الوعد

الزهرة تسمع هوة يحجي بده يزداد الالم
كلها يمه وداعة الله ابد ماطاح العلم

فاطمه الهم العليها شكد ثجيل
بدت ساعات الحزن والدم يسيل
والمصيبه تهيأت
_______
بدة يسولف للزجيه وفاطمه شبعت بجي
خاف قصرت وي زينب ابرضائج ارتجي
تكله يبني عليك زينب هون بهذا الحجي
على مصابك يابو فاضل لازم الطفك اجي

كلها شحجيلج يزهرة عالجرة بيوم الطفوف
السهم بدد الماي وجربتي صوب الجفوف

ردت اروي العايله كبل الرحيل
بدت ساعات الحزن والدم يسيل
والمصيبه تهيأت
_______
تكله يبني يابوفاضل راضية وما قصرت
لجل زينب واليتاما الموتك انت قررت
بيوم عاشور بمحرم للمصيبه اتحضرت
جيت اشكرلك جهودك يمك انه اتحسرت

يبقى تاريخك يسولف بيك يبن الطاهرة
صرت للخوة مثلها وفزت دنية واخرة

راسك الشاله الرمح ماله مثيل
بدت ساعات الحزن والدم يسيل
والمصيبه تهيأت
_______
جان كل هم العليه تبقى زينب سالمه
وادري يالزهرة الزجية عالهظم متعلمه
ايساعد الباري كلبها يمتلك بس الضمه
شافت حسين ومصابه راسه ناكع بالدمه

شافت النار ابخيمها ولوعة اطفال الحسين
شافت دموع العطاشه نزلت بحركه
ونين

بالهفجيعه الحرة ماضل بيها حيل
بدت ساعات الحزن والدم يسيل
والمصيبه تهيأت
_______
يالزجيه وامي وصت لا تتركون الخيام
انت وخوانك تكلي فدوة لتراب الامام
زينب ابداعت شبابك مني وصللها
السلام
كلها من سافر ضعنكم خيم اعليه الضلام

فدوة ياعباس كالت بدمك افدي العايله
كل زمن يايمه خلها تحجي عنك كربله

الزهرة تبجي بعد ماضللها حيل
بدت ساعات الحزن والدم يسيل
والمصيبه تهيأت
_______
الشاعر _ابو منتظر الموالي

جديد _ محرم _ ١٤٤٦ للهجرة

رتلتهن ايه ايه
وحصنت بيها السباية
ميسرات الهم خذوهن
راحو الصوب المنايه
_______
قل هوه اية عظيمة وفاتحة ام الكتاب
رددتها اعله الاعادي ونزلت اعليهم عذاب
وحصنت بيها الحراير من مشو درب الغياب
حسين مطممن دليلة تنتصر ام الحجاب

جثتي تغطت دماية
لجن فايز بالنهاية
والحرم بعدي ولوهن
راحو الصوب المناية
_______
من على الغبرة واعاين والضعن انوة الرحيل
والدمة مغظي عيوني وما اشوف اله القليل
جني اسمع صوت زينب حايره بهمها الثجيل
ولملمت ضعن اليتامة وحيل اذاها العليل

لليسر صارو ضحاية
والزمن يروي الروايه
ال امية الما رعوهن
راحو الصوب المنايه
_______
ياعيال حسين اصبرو يا اهل بيت النبي
كلمة من حسين ابوكم ما يذلكم اجنبي
انتو محروسين بالله والله كاتب هالسبي
باجر بقصر الشماتة ينتصر طف زينبي

ينرفع صوت الولايه
بمجلس ابناء البغاية
بيوم عاشر يسروهن
راحو صوب المنايه
_______
مودعات الله ورسوله وبالسلامة ياهلي
جثتي ضلت غريبة شلون همي ينجلي
ادري عاشر من محرم بيه اندب ياعلي
ودري قافلت اليتامه بدرب امية تبتلي

ضنهم اتموت الهداية
صيتهم سيء النواية
شوفت حسين احرموهن
راحو الصوب المناية
_______

بكم خرابة نيموهن والشمس تلهب لهب
والاشد من هذا كله زينب المجلس تطب
اه منك يا زماني شكثر سويت العجب
تبقى وحدها العقيلة تموت بديار الغرب

عاشت وياها العباية
عدها وي العفه غايه
تالي بالسوط اضربوهن
راحو الصوب المناية
_______
الشاعر _ابو منتظر الموالي

5
ليلة مسلم. عليه السلام

من نويت اعلى السفر
كلبي يابوية انفطر

الف ياوسفة وهظيمة
صارت بنيتك يتيمة
ارجع ارجع
###########
اه يا ساعة الفركة شكثر تحمل من الم
يا هظيمة انغدر مسلم راح صكار الزلم
والله يابوية بغيابك جنة حيلي منهدم
بوية ارجع بالسلامة تندبك كل الحرم

يااعز من النظر
كلبي يابوية انفطر
ارجع ارجع
###########٣٣
بويه يامسلم نخيتك ارجع من اتسافر
صارت بنيتك حميدة بوية تكسر خاطر
شلون لو هجمو علينة ال امية ابعاشر
صعب يوم الغاضرية عمي رايد ناصر

مسنة بابوية الخطر
كلبي يابوية انفطر
ارجع ارجع
###########
لون تسئلني رقية عمي شنهي اخبارة
تكلي مسلم مايجينة بعدة اظلم دارة
شرد اجاوبها بغيابك اصبحت محتارة
والزمن يابو حميدة بينت اخطارة

ايزمجر اعلينة الشمر
كلبي يابوية انفطر
ارجع ارجع
############
والله محتارة بغيابك من رحت يالغالي
شلون اكضيها الليالي والحزن يبرالي
انت تدري شكد عزيز وشوفتك تحلالي
بنيتك جنها غريبة لون تنظر حالي

راح اموت من القهر
كلبي يابوية انفطر
ارجع ارجع
#############
بوية احجيلك مصيبة من دخلنة الكربلة
يوم حركوه للمخيم شردوها العايلة
وانة وي سكنة نعاين الظلم من حرملة
كمنة نصرخ يالعقيلة وينة راعي المرجله

وين عباس الكمر
كلبي يابوية انفطر
ارجع ارجع
############
تمت بعون الله ورعايت سيد الكائنات محمد واله الاطهار
كلمات خادمكم ##ابو منتظر الموالي

ليله القاسم وعلي الاكبر عليهم السلام

تعلمي درس منهم تعلمي
افهمي يكاع الطف افهمي
_______
شباب ثنين فزعو وابو اليمة يحبهم
تحدو يوم عاشور وضع فلا عجبهم
تعنو سوح القتال يموت اليدنه يمهم
الاكبر وي جسام طفح منهم عزمهم

ارسمي مجد الهم ارسمي
افهمي يكاع الطف افهمي
_______

يجاسم ابرز السيف وانه سيفي برزته
اعرفنك ابن حيد وابوية انته نصرته
يهز الكاع لو ضاج تعرفه من خزرته
يكله عمري ما ضاع لبو اليمه نذرته

يدمي ابد ما همني دمي
افهمي يكاع الطف افهمي
_______
يالاكبر صاح جسام يبن عمي وعضيدي
نطيت العهد لحسين اقدمله
وريدي
شحلات السيف وياي شمرته تلوك ليدي
من اطبها اسحك الجيش علية شما تزيدي

تكلمي علي الغيرة تكلمي
افهمي يكاع الطف افهمي
_______
تشوفه بناضر العين مثل حيدر ولينه
يهز الكاع لوصال فلا تتعب يمينه
شبل مولانه لحسين طفح غيرة وسكينه
اخذ من عمه عباس بخت ينكط جبينه

يسمي لون يفزع يسمي
افهمي يكاع الطف افهمي
_______
ركض للخيمه جسام سمع صوت العقيله
خيامي شبت بنار وبدت حسرت دليله
يكلها عمة للموت وحك صبر العليله
اكص اركاب الاجناب لحد مادمي اسيله

يهمي شكثر تكبر يهمي
افهمي يكاع الطف افهمي
_______
الشاعر _ابو منتظر الموالي