في بطولة مسلم بن عقيل (ع)
..........................
((( مسلم يوم الطب للكوفه )))

ريتـك ياكرار تشـــوفه
مســلم يوم الطب للكوفة
...........................................
مسلم يوم الســـار بزوده
وللكوفه اتعنه بمگصوده
وصارح عليَتهُم بعْهوده
توسَّـــم نصرَتهُم مألوفه
............................................
وگفتـله الأمه أتبايعلـه
وعيَّت عالمــوت أتوقع له
حمل المايل بيـده أيعدله
وأتعنه وميهاب احتوفه
...........................................
عيون الظالم طارت منه
وأعليــه بالغـداره أتعنــَّه
وحربه أعليه بالباطل شنه
ومنه أصحابه امست مخطوفه
..........................................
خله الناس أيزيد بظُلمَه
تحت أسياطه أتفوگ وتغمه
لو عالأمه أتولت طغمه
تصبح چالعِبره المچتوفه
...........................................
مسلم ظل أوحيد أبحيرَه
وسار ولن باب أم الغيره
يصيح اعليه من ذاته أيجيره
دگ الباب أعداه أتحوفه
...........................................
طلعتله وشافت بعيونه
نظرات الغُربه المحزونه
صاحت يالمعلومه أفنونه
بيتك هذا وأحنه ضيوفه
...........................................
گالتله أحنه اليوم أضيوفك
يالجازي أعلَ الكل معروفك
باچر نتعرف ونشوفك
ياليث اليســــطر بچفوفه
...........................................
توَثَّب للغيـره بميدانــه
وطوعه أتحييله وولهانه
بسيف الحگ ينحر عدوانه
بيعتـهُم چانت محفوفــه
..........................................
مسلم سجَّل مجده بيومه
واطه السيف الحگ بالحومه
لاچن بالغدره المشؤومه
أضحت شمس العز مكسوفه
.........................................
نسألكم الدعاء
خادم أهل البيت عليهم السلام
الشاعر أبو عقيل الناصري

قناة الشاعر ابو عقيل الناصري
لاشي يتركه الزمان مقاوما .. الا الذي حمل الإباء شعارا
https://www.tgoop.com/aa_ad9

ياسيف الٱسلام
ـــــــــــــــــــــــــ
مسلم يضرغام ياسيف الٱسلام
وين الرموك من القصر خلهم يشوفون النصر ياهو البقه ودام
ـــــــــــــــــــــــــــــــــــــــــــ
سفير احسين أويلي الغدرته الكوفه
شـــبل هاشم يسـولف عنه معروفه
مسـلم ليث للحگ روحــه ملهـوفه
بطل خيَّب ظُنون الگصدت اتحـوفه
مسلم بالٱقدام مادنگ الهام
بالحومه من كظ صارمه خيَّب ظنون الواهمه
وراواهم انجوم الظهر خلهم يشوفون النصر
ـــــــــــــــــــــــــــــــــــــــــــــ
البطل هذا البطل تشهدله عدوانه
وعنوان الشجاع ايذكره ميـدانه
وسافه الحيد طاح بناس خوانه
شبصرك بالرجل لو خانته أعوانه
آه من الٱيام لو بيها تنضام
بالحق طبع مسلم ذهب ومابالعرب شيمة عرب
والدانت بدين الغدر خلهم يشوفون النصر
ــــــــــــــــــــــــــــــــــــــــــــــ
يحر هذا الزمــان وهاذي عملاته
يميل اعل الأطايب وسفه عاداته
غدر طبعه وخيانه أونحسه دگاته
تعجز من تســـولف عن معانـاتــه
وشسَدّد أسهام گوسه اعلى الٱكرام
ماعنده غيره ولاوعد وبأهل الوفه يخون العهد
وٱهل الفكر وٱهل العصر خلهم يشوفون النصر
ـــــــــــــــــــــــــــــــــــــــــــــــ
أكيــد العاقبــه المرضيّه للطيبيـن
ومايفلح ســعي المايرتبط بالدين
صد بعين منصف وٱحكم بهالحين
وشوف حسين وٱنصاره وسفير حسين
ويامشهد القام وتحدى الأيام
ووين أصبح الخان الوفه والقابل البر بالجِفَه
وياهو التخلد بالذكر خلهم يشوفون النصر
ــــــــــــــــــــــــــــــــــــــــــــــ
هذا اليـوم مســـلم بالذكر موجود
وعدوه بهالأرض مايعتبـر موجود
ووين الحشدت ضده بظلمها ٱجنود
مســلم واحد أورد الحشود اردود
راحوا بالأوهام زايد والأحلام
باعوا ثواب الآخره بصفقة مصالح خاسره
مادامت وطر الفجر خلهم يشوفون النصر
ـــــــــــــــــــــــــــــــــــــــــــــــ
وينه اللي گطع وي مســـلم وهاني
وفتـك بيـهم فتـك متجبـّر وجاني
ومن فوگ القصر للأســـفل الداني
رماهـم للأرض واحـد وره الثـاني
هم شفتوا يسلام بيت الظلم دام
وشتعتقد بٱهل الرده لو خانوا بدين الهدى
لو دامت اسنين العمر خلهم يشوفون النصر
ـــــــــــــــــــــــــــــــــــــــــــــــ
مسلم هذا صرحه إمشيد وعالي
ومشهد موقفه بعز السـمه ايلالي
وعدوانه الگضوها بخدمة الوالي
لا أول تبقَّى ٱلهُـم ولا تـالي
مفهومه الأحكام ماتبقه ظلّام
والصبروا اعلَ الموزمه والكسبوا العز بالمَه
وأهل المكارم والصبر خلهم يشوفون النصر
ــــــــــــــــــــــــــــــــــــــــــــــ
شاعر أهل البيت عليهم السلام
أبو عقيل الناصري الحساني
https://www.tgoop.com/aa_ad9

يابا الحسن وياك
ـــــــــــــــــــــــــــــــ
وياك . وياك ـــ يابا الحسن وياك
يامهيوب ياحيد ... يافارس يصنديد
يفداك اليحبك والله يفداك
.....................................
يابو الحســن ياإشـــراقة النور
أصبح بيك كلمن يحب مسرور
عمري لأســمك المبروك منذور
وماأگدر ابد دوم اعلَى فرگاك
ـــــــــــــــــــــــــــــــــــــــــــــــ
يابا الحســن ياحلو المعاني
نرفع لك بهالمـحفَـل تـهـاني
لجلك تبتســــم كل الأماني
بس الله ورسوله ايعرف معناك
ـــــــــــــــــــــــــــــــــــــــــــــــ
يابا الحسن يافارس الفرسان
ياإنســـان يالمامثلك ٱنســـان
باقي اوام ويامَعلَم الإيمــــان
ماعوفك ومشتاگ اعلَ ملگاك
ـــــــــــــــــــــــــــــــــــــــــــــــ
يامشـــكاة عزنـه ونور الأنـوار
يارمز الوفه وعنـوان الأبـرار
ياســر الجليل ، وسر الأسرار
أهواك وأظل للدوم أهواك
ـــــــــــــــــــــــــــــــــــــــــــــــ
ياضرغـام ياغالي ويمحبـوب
بيك اتعلگت عالفطرة الگلُوب
آنه عليك يابالحسن محسوب
وابقى وياك الك رغماً علَ اعداك
ــــــــــــــــــــــــــــــــــــــــــــــ
نبقى وياك غصباً عاليضـدون
وخلي الحاقدين شـمايگولون
جنه امحبّـتَك يانـور العيـون
وبغضك نار يافـاتـك يفتّــاك
ــــــــــــــــــــــــــــــــــــــــــــــ
ياسـل الضلالـه وروح الإقـدام
يالبيك اليحب والمـايـحب هام
سيفك ذو الفقار الشاد الأسلام
شلون يصيـر غيرك عود مولاك
ــــــــــــــــــــــــــــــــــــــــــــــ
بالك يالبـعيـــد بغيَّـك اتـروح
وتحمل الحبيب المرسل جروح
باب الله علي وللخلگ مفـتـوح
وبعد الحيد حيدر وين منواك
ـــــــــــــــــــــــــــــــــــــــــــــ
شاعر أهل البيت عليهم السلام
أبو عقيل الناصري الحساني
https://www.tgoop.com/aa_ad9

في رثاء العباس (ع)
__

شلون سبع الكنطره بيوم الطفوف

ظلـن بشـاطي الفـرات جـفوفــه

*********
والله بالعباس تحتار شتكول
وهـوه دنـيه وبالمجد مرصوفـه
وش يصطرله القلم من مكرمات
ونــون جنـت والقـلم بحروفــه
آه منـك يازمـــان الفــــاجـعات
هـاي دكــاتـك فلا موصــوفــــه
وياإباة الظيـم يـليــوث النــزال
اليــوم واتـركم يـــدك بدفوفــه

*****
كوموا خل أنشيل بيرغنه العظيم
وسـفـه رايـتـكم تظـل ملفوفـه
ماتشوفـون الكـمــر يـم الفــرات
وهـامـتة العـز بالعـمد مخسوفـه
لاتـخلون الشهامـه على التـراب
بالمـخاطـر مـن تـظـل محفوفــه
ومن وكع تدرون ظل بلا عضيد
حسين مكسور الظهـر بطفوفه

*****
دنكوا .. دنكوا الروس يهل النايبات
راس شيـــال العـلــــم بالكوفــه
دنكوا .. دنكوا الروس ويلي لهالمصاب
الحره راحت من وكع مجتوفــه
ويــازمـن أيّـس بعــد لاتـرتـجـيــه
ماأظـن يـرجــع بعــد وتشـوفــه
ولـو كلنـه بعـازته بهـاي الظروف
لـجــن قـدّر يــازمـان آظـروفــه

*****
وين صار اليسعف إهل الموزمات
واللـي مايـلكه العسـر مسعوفــه
وكمر هاشـم بالمحن فلك نـجــاة
وهاي حاله مسجله ومعروفـــه
من نزل للمــاي يتلاهب ظمــاه
وكشف عنه بحملته المكشوفـــه
ذبه من دنــــاه يم حلكـــه ورمــــاه
وجعل نفسه من العذب مصروفـه

*****
عسن مـاي العلـكمي علكم يصـير
ماتـشربـه الظـاميـه الملهـوفـــــه
وفعـله يوم الكنطـره يلعلع صـداه
أخـذ كـلمن ليـه دنـه مـن حتوفــه
بطل من يجدم على حيود الرجال
تصـبح ألـوان الزلـم مخـطوفــه
جان أبو السجاد بوجود العضـــيد
وحـامـل الرايــه جثـيره سيوفـه

*****
ماتصور والعـذر شـان الكـــرام
عـنــه يـمشي بـلا وعـد ويعوفــه
لا..أبــد ماراح عـنــه ومايروح
ولايـغيـض ويـنـتـهي معروفـــه
يظل ساجي الظاميه يرفرف لواه
وتصرخ بـثـاره وتصيح صفوفــه
واحنه متأكدين راعي المعجزات
يكوم يستقبل جميع أضيوفه

**
............................
نسألكم الدعاء
خادم أهل البيت
الشاعر أبو عقيل الناصري

قناة الشاعر ابو عقيل الناصري
"قيمة كل امرء مايحسنه" علي ع
https://www.tgoop.com/aa_ad9

انصار ابو اليمه
ـــــــــــــــــــــــــــــ
شگ ثوب الحزن لانصار ٱبو اليمَّه
الخذو عهد الشرف بذراعهم ذِمَّه
“””””””””””””””
شگ ثوب الحزن وابچي اعله ابو السجاد
وانصاره النشامه. المفخره. الامجاد
وي هذا الشهر يالشيعي الك ميعاد
توزّم للمآتم وانهض بهمه
“”””””””””””””””
توزّم والبس اسود وٱعلن الاحزان
وسويلك مجالس عامره وديوان
وانعى النايبات الحلّت بعدنان
بعد هالصار حزنك إلمن إتضمه
""""""""""
خل ارجالكم عن الحزن تِعرِب
وعفيفات النِسَه تواسي النِسَه وتندب
مصايب مو مصايب للاسف ترهب
حزنها يابچي ويانايحه إتلمه
""""""""""
فجايع فگد ابو السجاد وانصاره
واهل بيته واخوته او ولدَه واحراره
عليهم شنت ارجاس الغدر غاره
غمه امتحنت بطغيانه الأمَّه
""""""""""
وسفه اعله السبط والله والف وسفه
وعلى انصاره الرجال الباسله الكلفه
الوگفو بالمعاره حيودهم وگفه
للملاگه اعتنت والكون مِتولْمَه
"""""""""""""
ماخلو زلم توصل للمخيّم
سگوا كلمن دِناله ابموت المحتم
اليگرب يم رجال الصيد يتندَّم
وياهو اللي يصير گبالهم. زلمه
"""""""""""
زينب من يشد قايدهم اعله الگوم
ياخذها العزم تبره الرجال اتگوم
تهلهل للنشامه امن الخدور تهوم.
عمت عين المثلهم مگبره أتطمه
"""""""""""
ابطال اطَّو سيوف المرهفات احگوگ
وشگو للحرايب بالصگال احلوگ
لابو السجاد ثلَّه ابهالمعاني. تلوگ
الضيم اليعتنيله بزودها تزِمَّه
""""""""""
شالو عن گلب زينب وگلب حسين
هم الفزع بيه اعلَ الرساله البين
ثله ابرار ينحطون وسط العين
وين الحافظّته امن الضياع امه
""""""""""
ماخلو عِدَه اعله ام الخدر يدنون
لمّن بالدمه شافتهم يسبحون
قسمو بالطفوف بحيدر يموتون
ولا يصلونها الا تشوفهم رمّه
""""""""""
وفّو بالعهد وتوسدوا عالگاع
مرحى بنومهم بالكون نوم سباع
اليوگع منهم ايگصده الحسين بساع
يحط خده اعله خد الطاح ويشمه
"""""""""""""
اويلي اعله الاصحاب الأَبَر وأوفى اصحاب
يسرون الگلب بافعال ماتنعاب
ماكو اطياب هيج بهالبريه. اطياب
عدهم هيج غيره ومرجله وهمه
"""""""""""""
الشاعر : ابو عقيل الناصري الحساني
انصار ابو اليمه
ـــــــــــــــــــــــــــــ
شگ ثوب الحزن لانصار ٱبو اليمَّه
الخذو عهد الشرف بأفعالهم ذِمَّه
“””””””””””””””
شگ ثوب الحزن وابچي اعله ابو السجاد
وانصاره النشامه. المفخره. الامجاد
وي هذا الشهر يالشيعي الك ميعاد
توزّم للمآتم وانهض بهمه
“”””””””””””””””
توزّم والبس اسود وٱعلن الاحزان
وسويلك مجالس عامره وديوان
وانعى النايبات الحلّت بعدنان
بعد هالصار حزنك إلمن إتضمه
""""""""""
خل ارجالكم عن الحزن تِعرِب
وعفيفات النِسَه تواسي النِسَه وتندب
مصايب مو مصايب للاسف ترهب
حزنها يابچي ويانايحه إتلمه
""""""""""
فجايع فگد ابو السجاد وانصاره
واهل بيته واخوته او ولدَه واحراره
عليهم شنت ارجاس الغدر غاره
غمه امتحنت بطغيانه الأمَّه
""""""""""
وسفه اعله السبط والله والف وسفه
وعلى انصاره الرجال الباسله الكلفه
الوگفو بالمعاره حيودهم وگفه
للملاگه اعتنت والكون مِتولْمَه
"""""""""""""
ماخلو زلم توصل للمخيّم
سگوا كلمن دِناله ابموت المحتم
اليگرب يم رجال الصيد يتندَّم
وياهو اللي يصير گبالهم. زلمه
"""""""""""
زينب من يشد قايدهم اعله الگوم
ياخذها العزم تبره الرجال اتگوم
تهلهل للنشامه امن الخدور تهوم.
عمت عين المثلهم مگبره أتطمه
"""""""""""
ابطال اطَّو سيوف المرهفات احگوگ
وشگو للحرايب بالصگال احلوگ
لابو السجاد ثلَّه ابهالمعاني. تلوگ
الضيم اليعتنيله بزودها تزِمَّه
""""""""""
شالو عن گلب زينب وگلب حسين
هم الفزع بيه اعلَ الرساله البين
ثله ابرار ينحطون وسط العين
وين الحافظّته امن الضياع امه
""""""""""
ماخلو عِدَه اعله ام الخدر يدنون
لمّن بالدمه شافتهم يسبحون
قسمو بالطفوف بحيدر يموتون
ولا يصلونها الا تشوفهم رمّه
""""""""""
وفّو بالعهد وتوسدوا عالگاع
مرحى بنومهم بالكون نوم سباع
اليوگع منهم ايگصده الحسين بساع
يحط خده اعله خد الطاح ويشمه
"""""""""""""
اويلي اعله الاصحاب الأَبَر وأوفى اصحاب
يسرون الگلب بافعال ماتنعاب
ماكو اطياب هيج بهالبريه. اطياب
عدهم هيج غيره ومرجله وهمه
"""""""""""""
الشاعر : ابو عقيل الناصري الحساني
https://www.tgoop.com/aa_ad9

((( واحسينا واحسين )))

::::::::::::::::::::::::::::::::::

حســين يانبع الكرامة بهل الحيـاة
الكـتب للأجيال منهاج الثبـــــــات
حسين مات وما شرب ماي الفرات
حســين نور وعنه ماتستغني عين
.................................
حســـــين ياسر الحياة المستفـيـض
وياحزنّه بكل تفاصيــله العريــــــض
ويا شجن ذاب على مأساته القريض
ونشر جنحان الأسى على الخافقين
...................................
حسيـن يومك جَلبَب بحزنه النفوس
وعــنفـوانك قــدّم أنــــواع الدروس
حســـين بيك أتأثرت حتى المجوس
ياضــوة الكون اليـــشع بالفرقـديـن
....................................
أنتــــــــه همة ملحمة وأمه برجــل
مــات لولاك ودرس حتى العــــدل
أنتــــــه فكرك للبشـــر عين العـقـل
ياإمامي يامنــار المشــــــعـريـــن
.................................
أنتــــه أصل الدين ياســـبط النبي
جوهر أمصفى ومُـركّـب من أبـــي
ذهــــبٌ في ذهــــبٍ في ذهــــبِ
ولجـــينٌ في لجيـــنٍ في لُجــــين
...................................
إنتــــه يمتاز بعُـــلاك الأنتمــــــاء
يا رمز دنيـه الوِفَـه وشمس الأبــاء
فگــدك تفجّر على العـالــم عــزاء
وأنتــــه معلَم من منار المَعلَمين
.................................
إنته للعـالم عَلَم خير وســــلام
وهذا منوال الصناديد العظـــــام
بل نظام تقاطــع إويا للانظـــــام
والتقت بالغاضــريه الأمتــــــين
.................................
إلتقى الاســــلام بيها ويا لضـــلال
وأحتشد بيها النقص ضد الكمــــال
يوم هدّ الراسيــــات من الجبـــــال
چنه بيه أهل الكفر تطلبـــنه ديـــن
.................................
خذت منه البيـــه ضمدنه بكربلــه
وزلزلت عرش الجلــيل بمقتلــــه
لچن يبقى المنـفـــگد ثر منهلـــــه
شما بقن يتناوبنـــــّه المشرقـــين
...................................
يا أبي الضيم يـا عزّ الذليـــــــل
ياشبل حيدر علي وموت الجبـيل
مَحْـنه نعرف صطرتك تشفي الغليل
واليضدك وين صار ، وأنته ويــن
.................................
راح كل اللي يضدك وي يزيـــــد
وكلمن إتحداك طگ راسه بحديـــد
شمــا يعود اللي يبغضك مـن جديد
ينهزم وأنـــته بمكانك يا حسيــــن
..................................
إحنه بيك من الهظـم ياالحــر نلوذ
ومنهو غيرك إلنّـــه بيه للعز نــفـوذ
إحنـــه بيـــك نلوذ ونذود ونعــوذ
وشايلينـك منقبـه على المنكبـين
..................................
حسَـــين يمك خادمك عنده طلب
شاف من دنيا المكر كل العجـــب
وشاف كان وكان ما إلهن ســـبب
وأنته شاهد ياحبيبي المشهديـن
....................................

نسألكم الدعاء
خادم أهل البيت عليهم السلام
الشاعر أبو عقيل الناصري الحساني
https://www.tgoop.com/aa_ad9

( ياللي تسـأل ليش نلطم )

ياللي تسأل ليش نلطم على حسين ومقتله
حسين ريحانة الهادي وراح مِنَّه بكربله
....................................

ياللي تسـأل ليش نلطم يوم عاشور ونون
وليش من دون البريه نعلّك أعلام الحزن
وليش مدمعـنه يصب بهالشهر صب المِزن
أســمع وأخذ الجواب الكامل لهالمسأله

*
أسمع وأخذ الجواب الشافي من هذا الجمع
وبالك تعوف الحقيقه وتنكُر أحكام الشرع
آنـه أرشدك عالطريق البيه وصلنه لهالنبع
وانته بس تمشي اعله درب العدل حتماً توصله
* * ***

وكونك تريد الشـريعه وماي منهلها الصُفَه
أحنه منهلنَه الموقَّـــر منهل آل المصطـفى
أتقرَّب وعوف الصدود وأشرب بنهر الوفه
والله منبَعهم يعجبَك من تجرب منهله
* * ***

والله منبعهـم يسـرَّك من تمِت بيه الـوصل
يستمد فكره ونظامه بهالوجود من العقل
يربـط الروح بطريق الأسـتقامه ويه العدل
وعلَ مو سبعين محمل يحمل أكثر محمله
* * ***

وانته لوضايع عليك بدنيتك هذا السـبيل
اتمسك بآل الرسول وتشرب من السلسبيل
وبالك تميل اويه كلمن وي هوه الموسم يميل
ولابد اتحـدد مسـيرك بأتجـاه البوصله
* * ***

البوصله إعلَ الحق تشير لمنهج ابن المصطفى
الخاض ميدان البطـوله وكتب بالدم موقفـه
حسـين مصبـاح الهـدايه وفكره نهج المعرفه
حسـين غيَّـر من توزَّم كل سـمات المَرحله
* * ***

حسـين زلزل يوم عاشر من هتف دولة يزيد
وثبّت الدين بثورته بواقع الأمه الجديـد
حسين للمؤمن يَسائل بالحشر أكبر رصيد
وعون للشده ومساعد لليطيح بمعضله
* * ***

حسين گال الهادي عنه ونقلت أقـواله الصحاح
(حسين مني وآنـه منـه) حسـين مفتاح الفلاح
(حسين سيد كل شباب الجنه) وبوجهه الصلاح
ويـرد كل سـنّة محمد ، أي بشـر مايقبَله
* * ***

أذن هذا أعله الرسول وعَلَه الأسلام العزه
ونعرف بقلب أبو القاسم قدَر سبطه ومركزه
وياهـو للمصطفى وآلـه إببختك أيـرد الجِـزه
وهُمَّه إلهم عِد إلـه الكون أعظم منـزله
* * ***

نعم بالمصطفى الهادي وعترته الطيبه الأمل
والوصيه الوصَّه بيها بمنزله خيـر العمل
بيهم أنوار العقيده أزدهت والدين اكتمل
والعمل كل قيمه ماله بلا ولايه اتكَمّله

....................

نسألكم الدعاء
خادم أهل البيت (ع)
الشاعر أبو عقيل الناصري الحساني

قناة الشاعر ابو عقيل الناصري
لاشي يتركه الزمان مقاوما .. الا الذي حمل الإباء شعارا
https://www.tgoop.com/aa_ad9

آه يسـبط المصطفى .. آه يسبط المصطفى
زينب الحره تنادي آه . .. =
سار بضعنها الحادي آه .... =
********

يحسين يا خويه أنتهض هاي أختك بحيره
وريتك تشوف أم الخدر عينك يبو الغيره
من ديره تفتر عالهزل من بعدك لديره
** يبن الفحل وين الوفا

ياخويه من يوم الغبت ياحر تولونه
وبالويل والنار العده بغلهم تعنونه
وگوم الرده تعدوا على الحد وتعدونه
*** ماصدّگ بهذا الجفا
وهاي الحراير تنتحب يحسين مذهوله
وأنه أصبحت بعدك على الايتام مسؤوله
وصارت نويتي ويا لعده الأشرار مجهوله
*** وآنه يسيره مچتفه

يحسين يا خويه الزمان شسوه بحوالي
بالطف يبو اليمه خطف منعندي كل غالي
ما خله عندي بكربله لهاي الحرم والي
** حرمه بيساره إمكلفه

خليتك وروحك ظمه أتفتتت ملهوفه
وبدر الهواشم عالشريعه مگطعه چفوفه
ياهي مثل صبري واخوها على الثرى تعوفه
**** وچانت امأمنه إبمرهفه

يحسين اصيح ويا بدر هاشم يولياني
ما اصدگ اتذبني شهامتكم وتنساني
حرمه وعزيبه وبالنوايب ضاگ ميداني
** وگلب العدو بينه اشتفه

يحسين زينب بالامس ضيعت واليها
واليوم عادت هالعده ولحگت مواليها
من عگب عينك ياشهم ياهو اليباريها
** وانته دليـــل المعرفه

ردت علينه بالغدرحملة بني ميه
تبقى بنفس سمها وطبعها على الرده الحيه
وكل واحد بنفس الطبيعة يعود ماضيه
**** بعدك على الدنيا العفه
......................................
خادم أهل البيت
الشاعر أبو عقيل الناصري الحساني
https://www.tgoop.com/aa_ad9

موشح في شجاعة العباس ع مجارة لما هو مأثور ...........................
القصيدة:

حي اخو زينب نزل ميدانها
وأرخه بالطف للمنايا إعنـانها
* * *
حي ابو فاضل نزل طف كربله
وخاض بيها ابن الصميده ام العلا
رمحه خطفه ، وسيفه مثل الزلزله
لكد مهره وخطف بيها ألوانها
* * *
لمهره أرخه إعنانها وشد وإنتخه
وگام يطعم بيها للسيف إبسَخَه
وهودج الموت بشملهم نوَّخه
وفرَّگ إمن الحومه كل شجعانها
* * *
فرَّگ الفرسان بيها إبصارمه
ونبَّه إبطعن الرماح النايمه
الچانت إتظن بحقدها إو حالِمَه
تنال منَّه بكيدها إو بضغانها
* * *
زعزع وهب ونسفها إبصولته
تگول صور ونفخه صارت هيبتَه
غيضه لجل حسين فارت فورته
وصعد لعنان السمه دخانها
* * *
نزل كَد المشرعه إبَرغم العِدَه
إو وفى للحره العقيله بموعده
وصل للماي السِبَگلَه أوشهّده
إعليه ميضوگه گيل عطشــانها
* * *
وصَدَّر الماهَمتَه لحتفَه المنون
وگال يحسين النفِس لجلك تهون
كظ المذَهَّب وجوده أعلَ المِتون
وگصد للنكرَت يشيعه إحسانها
* * *
إتلگته الماتصمد لملگه الجبيل
وراگت الجربه وغدى إبحيره الكفيل
حزن من شافه اليسر ملگه العليل
واليغيظ إبسطرته عدوانها
* * *
شَـمَّر وبيهم أخذ يسَره ويمين
وروَّع الكون إورعد بالمشركين
حال ملگاه ورموه من الكمين
وأگطعت يمناه الضاع إيمانها
* * *
صال والسيف إبيسرته اعلَ العده
ويومهم أسود عليهم نَكِّدَه
بانَوا اليسره إبغدرهم من بِدَه
الله يگطع نســــل كلمن بانها
* * *
ونزل عامود المنيـَّة بهامتــه
وطاح وسهام الغدر بيــه نابته
ريت ياحيدر تشاهد حالته
من وگع بالطف گمر عدنانها
::::::::::::::::::::::::::::::::::::::
نسألكم الدعاء
خادم أهل البيت عليهم السلام
الشاعر أبو عقيل الناصري
...................................

قناة الشاعر ابو عقيل الناصري
لاشي يتركه الزمان مقاوما .. الا الذي حمل الإباء شعارا
https://www.tgoop.com/aa_ad9

موشح / في رثاء القاسم وذكر بطولته ونهضته للحق يوم عاشوراء على صغر سنه ........................

القصيدة:
من برز شبل الحسن صنديدها
ضاگت الوسعه أعلَ جيش أيزيدها
.................................................
شاب يوم الطف طلع من خيمته
بدر لابس للحرايب لامته

بيه تتوسل القاسم عمته
ورمله تشبح عينها أعلَ إوليدها

ركب وأرخه لغوجه جسّام الرسن
وشافه ابو السجاد وعيونه جَرَن
وصاح من شاف الشمايل للحسن
يبني لمَّك عود مَنتَه إوحيدها

گله لمك رد ينَجل المجتبى
يلي فخرَك بيد مجدك كاسبَه
لاتعوف امك يجاسم ناحِبَـه
من تروح إعليك يكثر ويدها

گله امي اللبستني إعمامتي
وهيه شدتلي يعمي لامتي
بالعمر شلي بعدكم سـادتي
الدنيا بعدك يالسبط ماريدها

الدنيا بعدك شلّي بيها وبالعمر
مُنيتي گبلك يواريني الگبر
بعد ماظل عندي ياعمي صبر
ضاگ صدري إرخصني ألحگ صيدها

أرخصاه وجال بأوساط العده
وخله كل ذيچ الصفوف أمبدده
دار قطب الرحى وشدها بساعده
بهمّته وشل حالها بتكبيدها

ليث صال بساحته وشد النزال
وكام سيفه يحودهم يمنه وشمال
شبل لاچن جَبَّن أحيود الرجال
وترس بالعدوان منهم بيدها

فرَّت من إمكاون الليث الغضوب
وعِقدَت النية من المبارز تتوب
دون ابو السجاد راواها الخطوب
منه تشرد كون طايح بيدها

مايُبالي شما أجت ليه من جموع
ضاعت إبعزمه العده وكامت تلوع
خلها تعلگ أمته أعليه الشموع
وتذكر ايام البطل وتعيدها

ضحه لجل حسين عمه بكربله
وزفّـتَه افعال المجد لَمُّ العَلَه
هذا منهل زود كلمَن ينهلَه
إنوجد بالطف يستحق تمجيدها

هذا قدوة كربله لكل الشباب
يظل شاهد للأبد رغم المصاب
هذا مانــايم ابد حدر التراب
هذا رمز لأمتَّــه وتوحيــدها
...........................................

نسألكم الدعاء
خادم اهل البيت عليهم السلام
الشاعر أبو عقيل الناصري
قناة الشاعر ابو عقيل الناصري
لاشيءَ يتركُه الزمانُ مقاوماً .. الا الذي حملَ الإباءَ شعارا
https://www.tgoop.com/aa_ad9

نصاري في لقاء العقيلة زينب ع يجابر بن عبد الله الإنصاري في أربعينية الحسين ع

((( يجابر ماألومك )))

يجابر ماألومـك ضيعتني
ياعمي المصايب غيرتني

يجابر زينب آنه وهذا حالي
بالطف ضيعت عزي ودلالي
خلاني زمـاني إبلايـه والي
حگك من شفتني مَعرَفتني

ياعمي الهظم فتت لي روحي
ونكبات الزمن لچمن جروحي
ومليت وجرِت من كثر نوحي
وبالطف المصايب گوّضتني

يجــابر روحي جارت من زمـاني
أورِگَد حيلي عله مصاب الدهاني
ألف وســـــفه الوكت وليه ولاني
ومُـرّات الليــــالي ومرمَرَتـني

وبالطف عالصعيد حسين عفتَه
ونايـم عالنهر عباس شـــــــفته
ياوســـفه الكفيل يفارگ أختـه
مصايب كربله إثگال وسِـبَنّي

ونكبـات الدهر طفَّن أشموعي
وعالوليـان مانشــفن إدموعي
يـاعـمي بـعـدهــم زاد روعـي
مدري منين هالمأساة إجتني

ياعمي وبعد عزنـــه يســـاره
رحنه ومدمـع العين يتجـاره
شـگد دار الزمن بينه بمـداره
مصايب مو مصايب عذّبَتني

نسألكم الدعاء
خادم أهل البيت عليهم السلام
الشاعر أبو عقيل الناصري
قناة الشاعر ابو عقيل الناصري
لاشي يتركه الزمان مقاوما .. الا الذي حمل الإباء شعارا
https://www.tgoop.com/aa_ad9.....................................

لطمية نندب فيها مقتل الحسين :
(((واحسينا واحسين))) 2

ياسبط خير البريه ...... واحسينا واحسين
وياشبل حامي الحميه ..
وشمعة الدنيا الضويه ..
ونبعة الهادي الأمين ..

يلي أعظم يوم يومك ... واحسينا واحسين
الكَوم غير وجوه كَومك ..
من نشرتلهم اعلومك ..
بيّن الحقد الدفين ..

صاحوا بيوم المحربه .. واحسينا واحسين
الكَوم ياثارات عتبه ..
والوليد وثار شيبه ..
من أمير المؤمنين ..

شلون ريحانة الهادي ... واحسينا واحسين
أتحاشمت ضده الأعادي ..
شيعتك بأسمك تنادي ..
ياإمام الثقلين

ليش هذا الحقد والغل ... واحسينا واحسين
عالكريم اليرفض الذل ..
هيج ناس أضغان تحمل ..
وصوتك الحق المبين ..

ناس ماتهوى الكرامه .. واحسينا واحسين
هتكت الدين ونظامه ..
باعت العز والشهامه ..
بآل أميه المفسدين ..

باعت العز والرساله .... واحسينا واحسين
بناس ماعدعم عداله ..
وتبعت أذناب الضلاله ..
وما وفت للمهتدين ..

داروا أعله أحسين كلهم .. واحسينا واحسين
وأتضح مكنون غلهم ..
ماكو كل طغمه مثلهم ..
من العتاة المجرمين ..

الله وأكبر ياأمامي ..... واحسينا واحسين
طاح بالميدان ظامي ..
ليش هالمذبوح دامي ..
تصيح كل العالمين ..

وليش ظل أعلَ الشريعه .. واحسينا واحسين
صاحب العزة المنيعة ..
وياسبط بيده رضيعه ..
ماشرب ماي المعين ..

ويلي للحزوا ركَبته ...... واحسينا واحسين
ولأهل بيته أو صُحُبتَه ..
ويابطَل مثله أبغربته ..
أستوحدوه الظالمين ..

ويلي ويلي أعلَ أبو الغيره .. واحسينا واحسين
وعيلته الراحت يسيره ..
من يعز الحق نصيره ..
يطيح بين المعتدين ..

الله يلعن آل أميه ..... واحسينا واحسين
ماسكَوه شربة أميه ..
حاصروه بالغاضريه ..
وطاح مكطوع الوتين

واحسينا ......................................

خادم أهل البيت (ع)
الشاعر أبو عقيل الناصري الحساني
https://www.tgoop.com/aa_ad9

مواساة المهدي عج
ـــــــــــــــــــــــــــــ

ٱتعنينه نواسي ... المهدي بمأساته
بمصاب الوالد ... تهمل دمعاته
ويحمل آلام ــ كل هالأيام
وتهمل دمعاته
..................................
/ 1
تعنينه نواسي ابن الحسن هاليوم
بفگده الوالده المتغرّب المسموم
أجينه اجروح تنزف والگلب مالوم
وعلينه النايبات بهالمصاب ٱتحوم
وجمر بالروح ـــــ عليك اننوح
بگلب موجور ـــ وجفن مقروح
وأدموع اعيونك ... نمسحها اويانه
تتقبل كونك .... من عدنه ابچانه
جيناك أيتام ـــــ وحتى الأسلام
تهمل دمعاته
ــــــــــــــــــــــــــــــــــــــــــــ
/ 2
يبو صالح إلك نتربى كل جمعه
يابدر الدجى اليحمل أجل طلعه
عهد بالعين إلك يتلاله مو دمعه
ألم فرگاك هظمه من العمر يرعه
تعال وشوف ... الگلب ملهوف
وألم بالروح ... فلاموصوف
ينطَّر جيتك _ يومك ميحانه
والشايل عهدك ــ موجِر ميدانه
ومرفوع الهام ... تقبل ينضام
وتهمل دمعاته
ـــــــــــــــــــــــــــــــــــــــــــــــ
/ 3
شد الحيل يالنگض غيابه الحيل
مو طال اعله عشاگك ظلام الليل
وعلى الداست عليه يوم الطفوف الخيل
شفنه بلا هواده من الزمان الويل
يسيف الثار ... ويباقي الدار
بصميم الروح ... تشب النار
والكون لسيفك ـــ مشتاگه اركانه
منتظرك حيفَك ـــــ والطف وأحزانه
والدنيا أسهام ... وحال المقدام
تهمل دمعاته
ـــــــــــــــــــــــــــــــــــــــــــ
/ 4
يالمهدي وحق مأساة داحي الباب
ويوم أم الحسن ذيج الصدرها انعاب
ول بسهام شرهم بالنعش منصاب
والبالطف گلبها من المصيبة ارتاب
لمصاب احسين ... نور العينين
وعلى العباس ... وعلى الچفين
نتنطَّر يومَك ... يفجُر بركانه
يل بس بعلومك ... مِرهب عدوانه
مر عام وعام ... وصوت الأَكرام
تهمل دمعاته
ــــــــــــــــــــــــــــــــــــــــــ
/ 5
يبو الثار الوضع يستوجب الگومه
العدا گالوا: (وَهَم) لا تنتظر يومه
وسفكوا دم شعبكم والعرب نومه
وأمة جدَّك بعـالـمـهـا معدومــه
شعب محجور ... برعاة الجُور
ورحاة الضيم ... عليه اتدور
والناس لجودك ــــ امست عطشانه
إنهض لحدودك ــــ داستها أعدانه
ويل الظلّام ... الگالوا أوهام
تهمل دمعاته
ــــــــــــــــــــــــــــــــــــــــــــ
خادم أهل البيت عليهم السلام
الشاعر أبو عقيل الناصري الحساني
https://www.tgoop.com/aa_ad9

ملازم جاهزة للمدرسين والمعلمين لكافة المراحل ادخل للقناة واخذ الي اعجبك

https://www.tgoop.com/+ta8JrNDdU6UzMGJi

تم حذف قناة الشاعرة ام ياس الساعد بالخطأ
نروجو من خدام الامام الحسين ع
الاشتراك بالقناة الجديدة لطفا
https://www.tgoop.com/Alsaidyh

ملازم ورد جاهزة لجميع المواد للمعلميين والمدرسين.


https://www.tgoop.com/ahmed_alziwar14

(كروب خاص بالقرأن كذلك يوجد قناة خاصة بتعليم القرأن الكريم)
https://www.tgoop.com/ayaaa2585

شاهد ابداع الشاعر كامل السعيدي


https://www.tgoop.com/kamelAbdullah

ترويج( تيك توك)  حقيقي عراقي
1-مشاهدة
2-لايكات
3-متابعين
للتواصل واتساب 👇
07732320742
تلجرام 👇
@ahmed_alziwar0

سارع في تسجيل قصيدة اونعي او لطمية لاستشهاد (الامام الكاظم )(ع )من خلال بصمة التلجرام او الواتساب للاستفسار
@ahmed_alziwar0