#muhokama #idrok

Hozirgi kunda marketingdagi qaysi vazifalarni AI (sun'iy intellekt) orqali amalga oshirsa bo'ladi?

Sun'iy intellekt marketing jamoasidagi qaysi mutaxassislar o'rnini bemalol bosishi mumkin?

@abalog

​​#reaktivatsiya #qaytish

🤦🏻‍♂️ Kanaldagi eng ohirgi "толковый" post bundan 3 yil oldin chiqqan ekan. Ko'rib eslolmadim, eshitishga vaqt bo'lmadi. Izohdagi matndan bilingani - bu qandaydir suhbat, SMM haqida.

👉 O'tgan vaqt davomida ancha "kiyim yirtildi", ko'p yangiliklar bo'ldi, "networking", loyihalar, tajribalar, gipotezalar testi, hulosalar, yutuqlar va muvafaqiyatsizliklar... Shu kungacha:
- Ko'plab retail (mahsulot sotish bilan shug'ullanadigan korxonalarni shu nom bilan ataymiz);
- Marketpleys;
- Bank;
- Savdo majmuasi;
- Ko'ngilochar majmua kabi yo'nalishlarda mahalliy, horijiy va xalqaro kompaniyalar marketingini yurgazdik. Bekorga "...dik" emas, o'zimning jamoam bilan emas, alohida mutaxassis sifatida, lekin hamma joyda jamoa bilan!

☑️ Undan tashqari, juda ko'plab tadbirkorlar, bloggerlar, zamonaviy kasblar mutaxassislari bilan tanishdim, birga loyihalar ustida ishladik. Ko'plab kompaniyalarga marketing jamoalarini tuzib berdik, tizimlashtirdik, marketing, kommunikatsion strategiyalar, hisobot tizimlari va hokazolarni tuzib berdik.

🙂 Hullas, 3 yillik tanaffus faqat telegramdagi Abalog kanali uchun bo'ldi, biz esa tanaffus olmadik!

🤝 Bularni yozishimdan qariyb 10 daqiqa oldin shu kanal esimga tushib qoldi va uni qayta aktivlashtirish istagi paydo bo'ldi. Obunachilar ham 1000 dan oshgan edi, ~65% ga kamayib ketibdi. Nasib qilsa, kichik komyunitini kengaytiramiz, oldingidan ko'proq va yaxshiroq maqolalar chiqaramiz, birgalikda loyihalar ustida bosh qotiramiz va yuqori marralar tomon harakat qilamiz!

@abalog

​​#metrika #tavsiya

Suvning haroratidan emas, choyning mazasidan rohatlaning!

Biznesda raqamlar gapirishi kerak. Ayniqsa marketingda! Agar mayda tijoratlar bilan "o'ynayotgan" bo'lsangiz, marketingdagi bazaviy hisob-kitoblar ham yetarli bo'lishi mumkin. Ammo, maydonga tushdingizmi, kattalardek o'ynashga harakat qilaverish kerak! CPC, CPL, CPM kabi ko'rsatkichlar - choynakdagi suvning haroratiga o'xshaydi: qiziqarli, bilgingiz keladi, lekin, asosiysi - choyni damlash, ichish va rohatlanish!

Ishdan bo'sh vaqtlaringizda quyidagi metrikalar bilan ishlashni ham o'rganing:
ROI - Return On Investment;
TRX - Transactions;
ATV - Average Transaction Value;
CAC - Customer Acquisition Cost;
ASP - Average Selling Price;
COGS - Cost of Goods Sold;
UPT - Units Per Transaction;
GNV (GMV) - Gross Net Value (Gross Merchandise Value).

@abalog

​​#tavsiya #tahlil

Ma’lumotlarni tahlil qiling!

Boshlanishiga MS Excel, Google Sheets, keyin CRM tizimlari, keyin Power BI va boshqa bir nimalar…

Xozir fashion retail yo’nalishidagi loyihada cheklar tahlilini tugatdim. Aniq raqamlar asosida quyidagi masalalarga yechimlar topildi:

- kommunikatsiyadagi takliflar;
- mijozga qiziq bo’ladigan to’plamlar;
- UPT va ATV’ni oshirish yo’llari;
- do’konlardagi merchendayzing;
- TIS (time in store)’ni oshirish yo’llari “и так далее”.

Tahlildan oldingi rejalar qariyb 20% ga o’zgardi, mijozlarni va loyihani yaqinroqdan tanidim, mavsum trendlari bo’yicha tasavvur uyg’ondi.

Yuqoridagi barcha effektni 100 dan ziyod tahlillar orasidan faqat bittasi berdi. Qolgan tahlillar tugagach, qo’limizdagi sochma o’qli miltiq “оптический прицел”i bor snayperlar vintovkasiga aylanadi.

Sizdan birov so’rashini kutmang, qayerda raqamlar bo’lsa, ishingizdagi nimalarni o’lchash mumkin bo’lsa o’lchang. Ularning orasidagi bog’liqlikni belgilang, tahlil qiling. Bu - eng oddiy qadam. Aniq va “более” foydali tahlillar uchun esa formulalar va misollar internetda “навалом”.

P. S. Bu postni siz o’qib “кайф” qilishingiz, “matvatsa” olishingiz uchunmas, haqiqatdan tahlil asosida ishlashni boshlashingiz uchun yozdim.

@abalog

​​#formula #marketing #tahlil

Mijoz narxi lidlar soni bilan hisoblanmaydi!

Digital marketingda CPA (harakat narxi), CPC (klik narxi), CPM (1000 ta ko’rsatish narxi), CPL (lid narxi) kabi ko’rsatkichlar bor.

Ushbu ko’rsatkichlar fonida biznes jarayoni va marketolog malakasini ko’rsatadigan asosiy metrika - CAC yo’qolib ketyapti. CAC (Customer Acquisition Cost) — marketing orqali jalb qilingan xaridor narxi.

Sodda qilib tushuntiraman. Masalan:
- mahsulot narxi 100.000 so’m, barcha harajatlar va marja bilan birga;
- mahsulot lidlar bilan ishlash orqali sotiladi;
- targetolog lid narxini 2.000 so’mga tushiridi,
- aslida konversiya pastligi (lidlar sifatsizligi) hisobiga, har 20 ta mijozdan faqat bittasi xarid qilmoqda.

Bu holatda bitta mahsulot sotish uchun marketing harajati 40.000 so’mga teng bo’lyapti. Mana shu CAC deyiladi.

Demak, narxdagi reklamaning haqqi - 40%. Bu ahvolda kompaniya uzoq yashay olmaydi. Holatni yaxshilash uchun choralar ko’rish: lidlar sifatini oshirish, konversiyani ko’tarish, boshqa reklama kanallarini rivojlantirish, mijozlar bazasi bilan ishlash tavsiya etiladi.

@abalog

​​#foydali

Ertalab, ishni boshlash uchun Mac'ni ochganingizda, (ko'p hollarda) Touch ID qabul qilinmaydi, sizdan kod parol terishni so'raydi. iPad, iPhone'da ham shunaqa odat bor.

Buning sababi - Apple qurilmalaridagi havfsizlik nuqati-nazaridan ko'zda tutilgan cheklovlarda ko'rinadi. Apple'ning rasmiy ma'lumotiga ko'ra, quyidagi hollarda Touch ID, Face ID texnik jihatdan muammosiz ishlasa ham, kod-parolni terish kerak bo'ladi:
- Dasturiy ta'minotni (iOS, iPadOS, MacOS va hk) yangilash;
- Ma'lumotlar va sozlamalarni tozalash;
- Kod-parol sozlamalarini ko'rish, o'zgartirish;
- Konfiguratsiya profillarini o'rnatish va hk.

Undan tashqari, quyidagi hollarda ham kod-parolni terish talab etiladi:
- Qurilmani перезагрузка qilganda, yoki o'chiq qurilma yoqilishi bilan;
- Mac'da foydalanuvchi profiliga kirilmagan bo'lsa yoki undan chiqib ketilsa;
- 48 soatdan ortiq vaqt davomida qurilma блокировка'dan chiqarilmagan bo'lsa;
- 156 soat davomida faqat biometrik разблакировка funksiyalaridan (Face, Touch ID) foydalanib, kod-parol bir marta ham terilmasa (har 6,5 kunda bir marta terib turish kerak);
- 4 soat davomida qurilma hech qanday yo'l orqali блокировка'dan ochilmagan bo'lsa va hk.

Siz ham shunaqa vaziyatlarga e'tibor berganmisiz?

@abalog

​​#freelancer #coffee

💻 Кофейня'larda cappucino ichib, soatlarb MacBook'da bir nimalar qilib o'tiradigan freelancer'lar kafe uchun foydami yoki zararli?

Birinchi qarashda - zararli. Sababi, ular o'rtacha 3-4 soat bitta o'rini band qilib o'tiradilar va bu vaqt davomida o'rtacha 2 ta kofe ichishadi. Bitta kofe 25.000 so'm bo'lganda ham, uning cheki 50.000 so'm bo'ladi. 3-4 soat ichida stol 5-6 ta mijozga xizmat ko'rsatishi va (freelancer'dan boshqalarda o'rtacha chek tahminan 50-60.000 ekani hisobiga) 300.000 atrofida pul ishlashi mumkin.

Ikkinchi tarafdan esa, kafeda odam yo'q paytida MacBook'ka termulib o'tirgan bu toif odamlar tashqariga yaxshi effekt beradi: "кофейня'da odamlar bor, bo'm bo'sh emas, demak, nimasidir yaxshi...". Undan tashqari, freelancer'lar o'zlariga o'xshagan kofexo'rlar bilan ko'p aloqa qilishadi. "Shaharda ishlash uchun qulay joy qaysi?", degan mavzu ular uchun doim aktual. Bu orqali sarafan radiosi ishlashiga ham umid qilsa bo'ladi.

👉 Tavsiya: muloyimlik bilan, har 45-60 daqiqada ichish, yeyish uchun ularga taklif berish mumkin (bu bilan freelancer ham mehmon, u ham e'tibordan chetda emasligi ko'rinadi).

Shuningdek, kirish qismi yaqinidan "doimiy" mijozlar uchun Wi-Fi, розетка, chiroyli atmosferaga ega alohida joylar tayyorlash mumkin. Shu tariqa, freelancer'lar qimmatchi mijozlar o'tiradigan divanli zonalarga deyarli borishmaydi.

@abalog

​​#atl #btl #ttl

ATL (Above The Line) - ommaviy targ'ibot:
- Keng auditoriyaga mo‘ljallangan ommaviy marketing faoliyati.
- Bu usul televizor, radio, tashqi reklama, gazetalar va internetning ommaviy kanallarida qo‘llaniladi.
- Maqsad - brendni keng targ‘ib qilish va ko‘pchilikka yetkazish.

BTL (Below The Line) - kichik (maqsadli) auditoriya orasidagi targ'ibot:
- Maqsadli va shaxsiylashtirilgan marketing usullari
- Promo-aksiyalar, shaxsiy elektron pochta xabarlari, savdo nuqtalarida faoliyatlar, tadbirlar va mahsulot taqdimotlari asosiy o‘rin tutadi.
- Maqsad - xaridorlarning bevosita javobini olish, tezkor sotuvni amalga oshirish.

TTL (Through The Line) - ATL va BTL usullarini birlashtirgan marketing yondashuvi:
- Kampaniyalar ham keng auditoriyani qamrab oladi, ham maqsadli auditoriya bilan individual ishlaydi.
- Bu yondashuv integratsiyalashgan reklama kampaniyalarida keng qo‘llaniladi.
- Masalan: do'kondagi promo aksiyani televizorda reklama qilish.

@abalog

#neyromarketing

Xullas, AI bilan bir qatorda, neyromarketingni o'rganishni boshlaganmiz. Qiziq yo'nalish.

Ayni vaqtda shu yo'nalishda so'rovnoma o'tkazyapmiz. Vaqtingizni ayamay, savollarga javob bersangiz, minnatdor bo'laman!

So'rovnomaga o'tish

@abalog

“Mutaxassisning darajasi uning mavjud vaziyatga qanday ta’sir o’tkazishiga qarab baholanadi”

Tushunmasangiz qayta-qayta o’qing!

Muallif - Xasan aka degan odam

@abalog