هوسات لولادة الامام الحسين عليه السلام

المبادئ علمتنه شلون نحرسها
وبگلوب الاجيال أشجار نغرسها
وندافع عن عقايدنا. ونقدَّسها

(منك يحسين اتعلمنه )
★★★★★
بثالث هلشهر يامسعد الافراح
ولد سحر الجنان وعطره الفواح
ولد نور العلوم. ومنهج الاصلاح

(يحسين انته امنور أيامي )
★★★★★
بياهي من المشاعر ماچنت اول
بلاحبك موازين العشگ تختل
جميل الكون بس بطلعتك أجمل

(حبك يحسين امعلينه)

الشاعر حسن لعيبي الحريشاوي


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

هوسات لمولد الإمام الحسين عليه السلام

نحييها المحافل باحله هلهوله
والي ايلوم خلي ايلوم كلوله
غالي حسين ما نفرحله معقوله

نكَلبها الدنيه بميلاده
**
حنين حسين وشكد شايل امروه
ما عدنه وسيله وعلي بس هوه
ودنيه بلايه حب حسين ما تسوه

بوجوده الدنيه شمحلاها
*
الليلة بمولده فطرس يرد جنحه
وعلي ينزف مشاعر لمن ايلمحه
ومحمد حاضنه وما ينوصف فرحه

وجبريل امكَابل كاروكه
***
أبشر يالتحب حسين والله حسين ميعوفك
جاي المحفله وفرحان وتهني بمولده ايشوفك
يكلك اطلب وشتريد عهد اترسهن اجفوفك

مد اجفوفك وأخذ امرادك
****
تمت
ميثم العمري


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

قصيدة مولد للامام الحسين عليه السلام..

احلى صوره بالعين
واحد ما إله اثنين
صيحو هذا الحسين .. صيحو هذا الحسين
..............
اول عشك همسه
لاهل الكِسَه الخمسه
بنبض الكلب لَمسَه .. من عالم الذَر
هناك بعهد ربي
بصمت بعشك حبي
وكل الخلك تربي .. وبروحي أكثر

صحت بعالم اشباح
بيهم روحي ترتاح
عندي ولايه مفتاح .. صيحو هذا الحسين
..............
خَضَّر عشك دمعي
وآنه الوفه بطبعي
يحسين من ضلعي .. جن الكلب طار

هذا عشك يحرك
نبض بحياتي يدك
شمع الفرح يعلك .. خله سِمانه انهار

عشكك صَوَّب اسهام
واكثر بالكلب ضام
عيني الليله متنام .. صيحو هذا الحسين
..............
اوياك من زغري
والبِيَّ بي تدري
بالدم تره تجري .. والله محبتك هاي

يحسين الي دمعه
بليل العشك شمعه
معذور الي ابطبعه .. العطشان وانته الماي

تروي كل الافلاك
هامت حتى الاملاك
كلشي رايد وياك .. صيحو هذا الحسين
..............
كطرة مطر نزلت
بكلب المحب أحيَت
بيهه العشك وَدَّت .. تلاله بالعين

صورة هوى بعيني
مرسومه لحسيني
ياوردة اسنيني .. بيِدَيَّه الاثنين

لمن أدعي بالليل
دنيه تنترس هيل
شوكك يُمرد الحيل .. صيحو هذا الحسين
..............
غَطَّه السمه نورك
حَد الله يم سورك
كلوب التحب دُورَك .. دُور المحبين

نبنيهه ظل تكبر
بحبك فلا تزغر
نورك اذا يظهر .. يمليهه للعين

بيتك بالكلب صار
يهوى والعشك نار
بيه ادموعي تحتار .. صيحو هذا الحسين
..............
ابو مريم الاسدي ..
30/1/2025 ..

https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

شعبان 1446ه‍-2025م
مولد الأقمار الشعبانية

اعلني الأفراح يروحي وهلهلي
بمولد العباس والحسين وعلي
؛★★★★★★★★★★★★★★

يا هلا بشعبان دلالي هتف
مولد الأقمار بيه وضعي اختلف
ابعث بهاليوم تهاني للنجف
افراح شعبان يروحي استقبلي
؛★★★★★★★★★★★★★★

بثلاثه شعبان فَرحة فاطمه
فرحة العطشان لو مات الضمه
مولود الحسين ومعيّده السمه
بمولد الحسين نبارك للولي
؛★★★★★★★★★★★★★★

يوم اربعه صار عباس الگمر
گلب ام البنين بالفرحه ابتشر
وصاحت يعباس يا ضي النظر
ردتك للحسين ما ردتك إلي
؛★★★★★★★★★★★★★★

من صار عباس زينب حيّته (تحيه)
مية هلا بيك يخويه نادته
راحت لبوها بخوها هنّته
چنها تناديه هذا كافلي
؛★★★★★★★★★★★★★★

الخامس بشعبان بالفرحه ازدهر
يتلقى الحسين بيه اجمل خبر
بمولد السجاد تزّين هالشهر
وبهاي الافراح كل هم ينجلي
؛★★★★★★★★★★★★★★

الشاعر جعفر عطيه البزوني


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

قصيده مولود للأمام العباس {ع}{طور كرار أولادك علنت الفرحه }ابوادم الحلي
ميلادك هلت أنواره /////////// ميلادك أجمل أبشاره
ياباالفضل ياباالفضل ياباالفضل
عباس انوارك هلت أبميلادك واعلنت هالبشره
هل الكمر نوره نور المعموره والدنيا متـنوره
وبدار حامي الجار طَشَوا عِطر وأزهار الكلوب مِنسَرَه
فرحان ابو الحسنين ويه الحسن واحسين وي زينب الحره
والفرحه عمت أبداره /////////////////// ميلادك اجمل ابشاره
ياباالفضل ياباالفضل ياباالفضل
من ولدتك امك حيدر اجه ايحضنك وشالك ابو الحسنين
شالك ابو الحملات وبفرحه وبدمعات قبلها للجفين
لن يدري ياعباس ياصاحب النوماس انته عضيد احسين
ابكربله تنطيهن لحسين تفديهن واتناصره الهالدين
واجفوفك للوفه أسراره ////////// ميلادك اجمل ابشاره
ياباالفضل ياباالفضل ياباالفضل
اليوم الفضل مولود وكل الوفه والجود ابمولد ابو فاضل
وكل عزمه كل زوده والكرم كل جوده من حيدره حامل
طيببة علي الضرغام وحنيته عالأيتام هذا الكمر شايل
عَلَمَه ابو الحمله لو سائل أيساله ميرده للسائل
مَيِرده أبد خطاره ////////////////// ميلادك اجمل ابشاره
ياباالفضل ياباالفضل ياباالفضل
ولليوم ضل موصوف بحر الكرم معروف عباس ابو الغيره
يالعندك أمعسرات وعندك بعد حاجات يالطايح ابحيره
أسمع كلامي زين الحضرته روح الحين لاتكصد الغيره
لحسين أصبَح باب والدكها ابد ماخاب بزغيره وجبيره
بالدنيا عمت اخباره ////////////// ميلادك اجمل ابشاره
ياباالفضل ياباالفضل ياباالفضل
وهاليوم بالميلاد خالننثر الاوراد وانطش رياحين
باحلى نغم وأشعار أنهني العلي الكرار والأُم الأبنين
الأمه نباركها الفرحه نشاركها أبفرحة أموالين
وندعي اله الكون خدام احنه أنكون نكضيها الأسنين
للعباس خدم وانصاره ///////////////// ميلادك أجمل أبشاره
ياباالفضل ياباالفضل ياباالفضل

خادم الحسين {ع} ابو ادم الحلي


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

تهـــاني الهاشم بمــــولد بدرهم
عضـــيد حسين حل نــوره بدرهم  (بدارهم)
اخدمه  وارضه من عدهم  بدرهم
مرامي  بالحشر يشفع اليه
***
  ***
زهر عـــباس عــــالدنيه وجوده
وروه الظامي بعذب چفه وجوده
تسولف كربله بــــزوده وجوده
نطه الچفين لجل الحـﮔ هديه
***
 
 
 
 
 
 
ذخر للـــشـده ضمـــيته  ولكـبر(ولكبار)
فداك بروحه يوم الطف ولكـبر(وإلك بر)
شبيه الهــــادي يتسمه ولكــبر(والأكبر)
يبو اليمه بعلي دارك زهيه
***
 
عزيز حــــسين ميلادك جمعنه
ويسولف صار بالفرحه جَمعنه
ورد فواح من وصفك  جمعنه
وشمينه عطر هادي البريه
***
تمت بفضل الله وتوفيقه، الحمد لله رب العالمين،
اللهُمَّ صل على محمّدٍ وآلِ محمّدٍ وعَجِّلْ فرجَهم

حيدر كريم جار الله الكربلائي


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

بيــن هلااله الـشـهر والـفـرح بان
صحنه بصوت واحد هـلا شـعبان
رسمنه الفرحه ونكتب ع الحيطان

والفرحه الــــيلة شمحلاها
🌷🌷🌷🌷🌷🌷🌷🌷🌷🌷
شاعرها
خادمكم
مرتضى مكطوف الموالي


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

🌹هوسات شعبانيه🌹

يا هلا بشهر الفرح واخـــــباره
بزغت وشعّت علينه انـــــواره
هل علينه وجايب احلا ابشاره

جايب ويّاه احلا ابشاره
ــــــــــــــــــــــــــــــــــــــــــــــــــ
اول ابشاره يزفها اعـــــلينه
مولد حسين السبط والــينه
بهالولادة افرحنه وانسريـنه

بصيار احسين انسرينه
ــــــــــــــــــــــــــــــــــــــــــــــــــ
يا شهر شعبان يا اجمل شهر
رابع ايامك اجه وجايب خبر
مولد الوفاي عباس الگمـر

شعّت بالكونين انوراه
ــــــــــــــــــــــــــــــــــــــــــــــــــ
ينجلي ابشعبان كل هم الـــــفؤاد
والفرح ينتشر ويعم كل بـــــــلاد
خــــامس ايامه انولد زين الــعباد

فرحان الكون بميلاده
ــــــــــــــــــــــــــــــــــــــــــــــــــ
البهجه تبقى وتستمر اعيادي
لمولد الاكبر شبيه الهـــــادي
تاسع بشعبان بســــمه انادي

حيا الله الاكبر وعلومه
ــــــــــــــــــــــــــــــــــــــــــــــــــ
١٥ شعبان مـــــنتظرينه
تكمل الفرحه وتتم اعلينه
آبو صالح ينولد مهـــدينه

وتم الفرحه بميلاده

علي كاظم المنصوري


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

تحلى الاعياد ... لهل الأمجاد
بهلولادات   .... شوكَي يزداد
////////
هلت   اعياد  البتول
وازدهر بيت الرسول
كل ملك تحت العرش خفّكَ جناحه
واعتنه لبيت   الرسالة    والسماحة
مولد احسين .......والميامين
خمست   انوار ....... كَرة العين
****
هنى  جبريل  الأمين
من ظهر نور الحسين
شافه ضوء من المهد بان ارتفاعه
لان  نوره   للسمه  واصل  شعاعة
كوكبه    بان .......  ثلاثه شعبان
أزهرت بيه  .......   كل  الجنان
***
وانولد  خير   البشر
هذا ابن فارس مضر
بأربعة   شعبان   فرحة    هاشمية
انولدت وياه  الشجاعة   والحمية
رفعة الراس .... هذا عباس
بالولادة    .....  جفه ينباس
****
من بزغ خامس فجر
لن  ظهر   رابع  وبدر
هذا   ابو   الباقر    تنور    بالولاده
هذا من بيت الوحي وخيرة عباده
زين العباد ....... فرحه ينعاد
من صفاته ....  راعي الامجاد
//////////////////
ابو ريحانة الحساني ١  من شهر شعبان ١٤٤٦ هج


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

ابوذيات الافراح
//
قسم بالصلى فرض الموت وداه
الگلب من عالم الاصلاب  وداه
رحمه الباري للخدام..وداه
الحضور ابمجلسه ايفرح الزجيه
///
يحسين الگلب طافـــــح غراما
ونطيت الروح من اجلك غراما
إِنَّ عَــــــــــذَابَهَا كَــــــانَ غَرَامًا *
واحب هذا العذاب ايطول بيه

* الفرقان / ٦٥
///
عم السادة
جمــــال الله ببو فاضل تجله
عـــم الســـــاده والوادم تجله
مثل  الكعبه من كل فج تجله
وتنحل بيده كل شده وقضيه
///

حسافه العمــــر كله ماخدمتاه
وتره لحسين كلمن ما خدم تاه 
ناس هـواي خسرت ماخدمتاه
اصـــــــــابع ندم عضو  بالمنيه

///

الباري برحمته الحبكم هداني
هديه ومن بحر جوده هداني
چفكــــــم ابد مالحظه هداني
اميل وانتم تعدلــــــــــون بيه

~
((لمولد الامام الحسين عليه السلام))

ابجيّتك صحنه يا اهلاً وسهلاً
ابكــل وادي الك بيرغ وسـهلاً
حـبـك مـوصعب دربـه وسهلاً
اذا وياك واحد صافي نيه
~

ياحبيبي ياحسين

الگلب یاطيب العشره فضالك
نجمه واحس حاضني فضالك
ابد يحسين مـــا انسه فضالك
بخيرك دوم متروســـات اديه

✍ حيدر بشار الدراجي


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

بميلاده ونهني الدنيا بميلاده

***

هذا حسين الما ينسانه
بميلاده الوادم فرحانه
يوم المحشر هو حمانه
وين اليرفع ايده ويانه

ويهوس ويدگ چفوفه

**

ميلاد الجنه بهليله
وللمهدي الحجه نهنيله
يا زينه اليوم نخليله
ويا محفل راح نسويله

چكليت نطش بكل ديره

**


يا روح الروح ويلوالد
محتارين وربنه الشاهد
شلون انرد افضال القائد
بيش نضحي وبيش نجاهد

خدام وبسمك جنينه

***

بهلالك شعبان اعيادي
بايامك مولوده اسيادي
يا فرحه الطشت ببلادي
افرح هوس صفگ عادي

هاي الفرحه الما ننساهه

*

لو ما انته النار امچاني
دمك طهرني وخلاني
افخر خادم بين اقراني
اسمك يحسين السواني

لو ما انته الدنيه شبيهه

*


فظلك ما انساه وخادم
يمضحي بعبد الله وقاسم
يموذر والحبك سالم
دايم فضلك زودك دايم

شنوافي اعذرنه شسوينه


تمت ** الشاعر رعد الفريجي


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

قصيده مولوديه للامام الحسين (ع) وممكن تقرأ على شكل (مربع)




اجه شعبان هل وهلت البشره
١

شع نور الحسين اتلاثه من شعبان
من نور الجلاله وهل على الاكوان
سبحان الآله الصوره سبحان
اتمعن بي اهوايه صاحب القدره
اجه شعبان هل وهلت البشره
٢

من عطر الجنان العطر رباني
عطر بضعت الزهره الما اله ثاني
خلي انهني احنه العالم بأسره
وانهني علي هالليله والزهره
اجه شعبان هل وهلت البشره
٣

عطر ثالث امام اعله البشر انفاس
عطر بي رقه كلش عاليه واحساس
من تشتمه چنه ريحة العباس
مدري اشبيك هيج اتذوب عالفطره
اجه شعبان هل وهلت البشره
٤

الله اختار النه الثالث بشعبان
للغيره مثال وللشرف عنوان
حسين وصار سيد عالانس والجان
كلها اتطيعه كلها وتلتزم بأمره
اجه شعبان هل وهلت البشره
٥

بشعبان الولاده نحتفل بيها
ورايات الفرح بسمه نعليها
حسين الجنه هوه وكل معانيها
وللخدام هاي الجنه تاليها
اجه شعبان هل وهلت البشره
٦

اختملك الليله بهل خبر اسمع
بسم حسين ادعي بعينك التدمع
تاخذ حاجتك بالحفل من تطلع
هنيالك وحضك صاير اشكبره
اجه شعبان هل وهلت البشره




لاتنسون والدي ووالدتي وأبني عباس من الرحمه والمغفره خادمكم رياض الرسل الجابري


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

مواويل وهوسات للشعبانيه
*
بطاقه للعباس ع
***
انه يا عباس احبك من زمان
وكلبي بمحبتك يبو الغيره ارتوه
والهوه الما جاب ريحه أمن الضريح
هذا يا عباس ما سمي هوه
ومن كثر ما شايل امروه وثكيل
يابو فاضل عالجرح تنحط دوه

هوسات للعباس ع
*
اريد افرح وعيد طش بيدي الياس
واقره أجمل قصيده بمولد العباس
هذا الهد رسنها وطكها رأس براس
ودخيلك صاحتله الحومه
**
نزل ليها أبو فاضل والحرب صفنت
وسره اعله الموت خلالها الزلم لزمت
ويله النيته صاح بكربله اختلفت
واليحجي اليوم اسحك راسه
**
بطاقه للحسين ع
*
انه عاشك والعشك خلاني اهيم
وبالغرام المركز الأول خذت
حسين مدرسه الوفه وسر الحياة
وأنه من عنده الأصول اتعلمت
امي صاحت يا علي بوكت الطلوك
ويا حسين انه بعلو صوتي صحت


هوسات للحسين ع
*
يحسين الملائك كلهم اتعنوك
وضل حته الفراش امكابل الكاروك
وسليمان كلالك الف مبروك
وامعيد جبريل الليله
****
يحسين انته غالي واغله من غالي
وبسمك ضل يدك كل ساعه دلالي
ويحلالي السهر هليله يحلالي
والدنيه اليوم امضويها
****
بطاقه للاكبر ع
**
بمولد الأكبر سرح تدري الخيال
وكام يخفك عالمهد طير السعد
زينب اتكمطه وتصلي اعله الرسول
وكل وكت تقره الفلق عن الحسد
والله لو نسوت مصر موجوده جان
ينغمي اعليها وتطيح اعله المهد

هوسات الأكبر ع
***
بوصافك يالاكبر حارت الأفكار
ومن شدت جمالك حته يوسف غار
الليله بمولدك تتغازل الأقمار
والحور بحبك ولهانه
*
شع نور الهداية والنجم أزهر
ومثل هيبة محمد هيبه الأكبر
الورد من شاف حسنه صفن وتحير
ومن نوره شمس الله انخلقت
***
بطاقه للسجاد ع
***
كلبي يالسجاد ضل ينشد عليك
وروحي من كثر العلل متمرمره
انه شايلك عشك فاق الخيال
والحنان البي ما تتصوره
انته كبرك جنه وايشافي العليل
والمريض ايطيب لو شافك تره


هوسات للسجاد ع
****
شهر شعبان اجانه وهلت الأعياد
وغمرتنه السعاده بمولد السجاد
اجت حته الطير اتريد منه امراد
ولو ضاكت بيك اتعناله
****
بده عكلي يعالم بالعشك يسرح
وللسجاد كلبي اشلون ما يفرح
الكمر بثياب عيده ايريد يتوشح
وتغازل بالكمره عيونه
****
انته نور الله الذي بي يستضاء
وانته يالمهدي الوتر والبسمله
بيك شمرت حيدر وزعل الكفيل
وبيك يالموعود كل المرجله
اتكطع اكماطك جنت لو كمطوك
يمكن اشتميت ريحه كربله

هوسات للمهدي ع
***
هليله الفرح لهل المكارم حان
والكون ابتهج بخمس طعش شعبان
انولد هليله راعي الغيره والايمان
والناس امعيده ووفرحانه
***
انه خيري جثير وتدري متبدي
وضل طول العمر متمسك بعهدي
افدي منحري وما عوفن المهدي
واليته وجددت البيعه
****
تمت
تحسين الخفاجي


https://www.tgoop.com/joinchat-AAAAAEFVSMd2pvMFlLPXYg

🌷هوسات

جـاب الـغـيـره كلـهـه بـيـوم مـيـلاده
حگـهه بزوده تحچي وتفخر الـسـاده
عـمـهـم هاذ اسـمـه الخورس الـقـاده

      (بـس هـوه الـقـائـد لـلـقـاده)

*--------------------*-------------------*

حلات الهوسه بأسمه اتصير منظومه
بس عـبـاس وحده اتـشـيّـم اعلومـه
روح الـكـربـلـه واسـأل عـلـه الحومه

      (تحچيلك عـن زود افـعـالـه)

*-------------------*------------------*

مو كـلـمـن بـرز يـسـتـاهـل الـهـوسـه
ولا كـل يمنـه دوم اتصير جـايـوسـه
ابو فاضل يـمنـتـه امـوقـعـه ابـوسـه

    (مـن حـيـدر سـاعـت ميلاده)

*----------------------*-------------------*

✍خادم العباس ع
الشاعر رعد الجريخي


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

صلاوات صلاوات السجاد هل اهلاله
صلاوات صلاوات السجاد هل اهلاله
__

صلاوات علو الصوت على الجمال الباهر
على الكون بزغ نور ابن الحُسين الطاهر
وجه خير والرسوم تِسحر اعيون الناظر
بديع السماوات عل خلگ بسمه ايفاخر

تحيات تحيات من العرش ودّاله
صلاوات صلاوات السجاد هل اهلاله
__

بل اِجنان بل اكوان افراح بسمه الليله
والاملاك مع الحور سهرانه واتغنيله
الف راح الف جاي لحسين وايهنيله
ابهل اوليد يهنّون افواجا اتصليله

مراسيم مراسيم كل مرسل ايسويله
صلاوات صلاوات السجاد هل اهلاله
__

مراسيم يسوون يم مهده وايناغونه
يأشرون . يهمسون من ينظرون اعيونه
اشحلاهن يهل ناس ياربي لا ايحسدونه
جميلاََ . بهيّاََ . هنيال الي ايشوفونه

سحر بي سحر بي مثل الذهب يتلاله
صلاوات صلاوات السجاد هل اهلاله
__

للحسين نهنّيه او نقرا القصيد اللامع
والاصوات والافراح حد السماء السابع
صلاوات صلاوات محد مثلهن سامع
يمولاي يل احسين هل ولد مثلك طالع

قبس نور قبس نور محتار شرد اقراله
صلاوات صلاوات السجاد هل اهلاله
__

على الخير على الخير وجهه بدر متكامل
الارواح والعيون نفديها أله او يستاهل
أله الليل سهرناه والفرح ضل متواصل
يسجاد يسجاد دمع الفرح متهامل

عله الخير عله الخير يامن فرحنه ابجاله
صلاوات صلاوات السجاد هل اهلاله
__
يبو الطيب يبو الزود هنيال بيك الوادم
ينبعة محمد يفرحة امك فاطم
شرف للموالين انت او منار الهاشم
يزين السماوات مولدك هز العالم

يمهيوب يمهيوب للگلب انت آماله
صلاوات صلاوات السجاد هل اهلاله
__

ابو فاطمة الطائي


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

لمناسبة مولد الامام المنتظر ( ع)
………………… .


بمولدك نادينه ..هلا بيك مهدينه
.............

نور طش بالديره .. انولد راعي الغيره
ما نضل ابحيره… ياهلا بقائدنه

الزهره بيه فرحانه… وازهرت دنيانه
ياهلا بمولانه…  نهوس لسيدنه

الهوسه الك محلاها… بيك سولف طه
الگاع الك سواها… نورك يوحدنه

الله خلاك ذخر يل الوالي  ..
وبيك يلهج يضل دلالي
شيعي انه الف هنيالي

انته منه وبينه .. هلا بيك مهدينه
…………… .

يا حلات ارسومه .. گمر وسط الحومه
ويانه حاضرنه دومه .. ابو ابين اولاده

مايتيه ولده .. الخير بس من عنده
ابو حچايه الوحده… .حيو فخر الساده

انت نور الباري .. ضوه وطب الداري
تعرف باسراري .. گلبي باسمك ناده

خير وتبده علينه الليله
اجه المعدل يعدل الميله
اكحيل راچب للثگال اكحيله

بطلعته امتانينه..  هلا بيك مهدينه
……………………
الله لينه اختار .. وحفظ بيه اسراره
لو نشر فقاره .. ينشر بيه العدل

العدل سناه سيفه .. الدنيه تمشي بكيفه
الما عرف تعريفه .. الدين هو و الاصل

ابو چفوف البيضه .. عايشين بفيضه
الحيد منهو يغيضه .. وحده يشد ويحل

المالك الحصري لكنوز الكوكب
هاي گاعه وعليها اتنصب
وغير مذهب بعد لا مذهب

بخيرك امغطينه .. هلا بيك مهدينه

…………………… .

بالنهر ودينه .. شمع يحچي البينه
نبقى منتظرينه .. لحد اخير انفاسنه

يا امل هالدنيا .. ياهوى لكل ريا
الناس تمشي بضيه .. انته رفعة راسنه

انت خطي الاحمر .. ولاجلك اني اتوذر
خادمك واتنطر .. يا امام احساسنه

اقبلنه مولاي خدمك وانصارك
من الاهوال تضمنه بدارك
يلي يومك علينه امبارك

نور الله ودينه .. هلا بيك مهدينه
………………
ايوب يوسف الطوگي


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

  كل عام وانت بخير يامهدينه
                      ————
             بالولايه مولدك طش هيله
             والفرح فرحان هاي الليله
          اليوم ضهر حسين ينشد حيله
       
            بجيتك يالمهدي كرت عينه
                     —————
             وياك نفرح حلم يامحبوبنه
             لجيتك جوري فرشنه دروبنه
             كافي من تمطر تحن گلوبنه
            لشوفتك يبن الضوه حنينه
                     ——————
            جم بحر ياموسى راد يشوفك
           جم نذر يحلم يحني جفوفك
           هواي ناس تريد بس نعوفك
            ومانعوفك كل وكت نادينه
                       —-———-
             غايب ومحد يلاوي ذراعك
              مر يملاچ الهَوه بصناعك
          جم بحر يحلم يشوف شراعك
            نصلي يمته وأنته التئم بينه
                     ____
             اليوم مفتوحه الفرح بيبانه
             وشعيتك من الكلب فرحانه
             السهره تحله لو جنت ويانه
              ضل مكانك خالي ياوالينه
                      —————
             البعيد اعله النضر ينسونه
             جذبه هاي ، اليبعد يتانونه
              بمولدك يم الكمر يلگونه
           ليوم جيتك جم علك شدينه
                      ————-
              سيد معتز الحسيني


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

(ميمر) لولادة الامام المهدي المنتظر عج




للمهدي نوره اتحسه يزهي و يسطع
بهاي القصيده الميمر و بالمطلع



بهاي القصيده اتحس ولادة نوره
بأبياتها ومابين صوره و صوره
تقره القصيده شيعته ومسروره
للمستهل من تقره حتماً ترجع


ماجنست ابياتها المكتوبه
والمثلي هم تشفع اله بذنوبه
اكتب واصيحن وارجه اني التوبه
يالمهدي والمهدي يقيناً يسمع



نور القصيده بكل حرف من عدها
تسمعها واملاك السمه ترددها
اقره الحروف وبوسها من خدها
واحضنها لنها بكل گلب تتربع



مقتنع اني بهل قصيده العندي
مايمي واحد گاعد اكتب وحدي
بس اشعر اني وياي يقره المهدي
لن سهله مو صعبه كتابه التطلع



هاي القصيده ابياتهـا نوراني
نزلت عليه وحركت وجداني
معقوله للمهدي اكتبتها اني
وبالحشر تنفعني اليه وتشفع



متأكد اني بالحشر تنفعني
ومتأكد اني المهدي هم يسمعني
بهاي القصيده للولاده اعني
وبالحشر باچر هي بس التنفع




لاتنسون والدي ووالدتي وأبني عباس من الرحمه والغفران
خادمكم رياض الرسل الجابري


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

هوسه الى الامام الحجة ابن الحسن عليهما السلام



باچــر رايــــة العبـــاس چــف المهــدي يــرفعــها
وجذور أهــل الكفر والجــور مــن الأرض يشلعها
الصفعها الحمزه اي والله يرد المهدي يصفعها

( ويذلها المهدي بچف ايده )

**
***

هوسه الى المولد المنتظر الحجة ابن الحسن عليهما السلام


انولــد هليله اخــــر نــور  للعتــره
مــو بس احنه كل الكــون ينتظره
بظهور المهدي تكمل فرحة الزهره

( ويفرح الزهره بصولاته )


الشاعر
موسى البديري


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة

﴿والمهدي شع بنواره ﴾

صلوات...صلوات   والمهدي شـع بـنواره
صلوات...صلوات    يامحله هـيج أبشاره
__؟
فطرس نزل.  بيه نـــذهل    واليـلة مـحلاها
وبكــل كتر   سار الضوءه    والضلمه ضواها


فطرس نزل يسأل   هذا الضوءه منـين
يامحـله هل طله.    كحل ضوءه العين
خــلونه هـل اليلة   ونـعـــوفه الـونيــن
خــلونه نتــبارك.     بالـينــصـر الــديــن

أجن ليه   أجن ليه.   هاجر أجت وي ساره
صلوات     صلوات.   والمهدي شـع بـنواره
___؟
ساره أجـت.    يمة نثنت.    تـــتـبارك بنـــوره
هاجر قرءت.   يمه حجت   يامحله هل صوره

وســاره أجـت يمه     صــاحـت صلوات
هاجر قرءت أجمل   أجـمـــل عــبــارات
يانــرجس أمبارك.    رســمــن عــلامــات
حورالسـمه نزلت     تــحمــل  هــدايــات


حورالعين.   حورالعين.   نــزلـن أله يــم داره
صلـــوات.    صــلــوات  والمهدي شـع بـنواره
_؟
نشوف السمه.   مومضلمه.   بيها ضوءه ساطع
وطي الأرض.   طول بعرض  بيـها الفرح شاسع

نهتـف كلب واحـد.    حـــي الله مــــولاي
هل اليلة هل اليـلة.   نـفرح تـره هـووواي
نشعل شمع نشغـل.   ونــغــــنـي باالــنــاي
جيب الورد جـيبه    وهــتـف تـــره ويـاي

هل مـولود.  هــل مـولود  .  هــوه اليــبـرد ثـاره
صلـــوات.    صــلــوات    .والمهدي شـع بـنواره
__؟
عند البشر.     لا منـتشر.    خبــر هـايه الولاده
ربنه العلي.   اخفه الحمل.   طبــعن إلــه أراده

هـاي البشــر هــايه.    ماتــدري باالـصـار
أخفى الحـمل ربــنه   مـن كيـد الاشــرار
ربنـه الـعلي اخـتاره   يــعـرف با القــدار
باجر يـجـي باجــر.     طــبعــن  إلـه ثــار

يسرج خيل  يسرج خيل  برايـه ورفــع فـقاره
صلـــوات.    صــلـوات   والمهدي شـع بـنواره
__؟

﴿تمـََْٖت بـحٌُٕـمـََِد الله تَـعالى ﴾ٌَٕ
   ..👇
     كلمات
.   خــادمــكم
﴿مرتــضـى مـكـطـوف الموالي


https://www.tgoop.com/joinchat-AAAAAEFVSMd2pvMFlLPXYg
مواليد لكل المناسبات اشترك بالقناة