السلام عليكم اخواني وأحبائي متباركين واسعد ايامكم وقلوبكم الطاهرة بولادة الاقمار الهاشمية 🌹

شــاء الله ويسبحـان الذي شــاء

أبتنـزيل الشهامــه البــاري أعلـم

ويسبحان العقيل أمسخرّه نسّاب

ظهـر لحسيــن راد وللخيــم عَــم

قريــنـه الگمـر مـن المــهد للماي

لگـينـه الوفـه ابراعي الرايـه ينشم

لگينه أبلا بوفاضل كل ضوه أيموت

وبعـيــن البصيــره أنشــوفه دَلـهَم

وشوبحـنـه الشيّم خَـد آخر الشوف

ولگيـنا عَـم سَـكيـنـه وطـود أيــهـم

ودوّرنـه الحچــي إمن الـراي للـراي

وعرفـنه الكل شهـامه الگمـر مَنجَم

أبهيــام السـاقي مختـلـفه الموازين

وچـذب تـل الحيــاد الصعـد يسلَم

الصدگ رَشـفـة أمـروه أتغيـّر الحـال

ومن جـود الشهـامه المـــاي بَلسَـم

أبشراك أعيونه كلمن بالعطش طـاح

نجــاة اليبـره جنحــه وطـاب ينـــدم

العرف حبـل الوصل(عباس بحماك)

يشــد چــف الغـــرام ويـرد مُلـهَــم
يشــد چــف الغـــرام ويـرد مُلـهَــم

يمر ياغِيرة الله أغروب رمضان

المايشبه محاچي أغروب عاشر

السلام عليك أيُها الصائم الغائب يا صاحب الزمان

وعلى جدك الغريب العطشان 💔

هذا الشام يا زينب يعمـه
هذاك القصر ملتمين يمه
هل وصلنه..ابلايه أهلنه

زيـنب ياعمــه أهنـا كـل بلــواي
اهنا ديـرة غربـه وموبيدي الـراي
حيره وروس أهلي تتماشه اوياي
وطيحـة دمعاتچ أصعبهن هـاي
ناس هالديره
الشام كل غيره..مابيهه
خاف ابكربله الشوغات شفتي
هذا الشام بيهه الما سمعتـي
هل وصلنه..ابلايه أهلنه

****************
يادرة حيـــدر ومهيـوبـه الشـان
ياروح الزهــره أبشــام الأحــزان
أبســدج ماشفتي أچتاف الوليان
أتشـوفين الحنه الفوگ الحيطان
عيــد والحنــه
وناس تهضمنه..ابهالديره
هذا الشام شامت كلشي بينه
أمعيده الناس ياعمه ابسبينه
هل وصلنه..ابلايه أهلنه

****************
يَـل دمعچ غـالـي كابـرتـي وطـاح
ومـن گد أونينـچ صوتـچ هالــراح
عمه وروس أهلچ هل فوگ ارماح
ومـو ناس أبظهري وبعالي أصياح
الشام وبقصره
اشلون يالحره..أتدخلينه
گمر هاشم يعمه إمنين أجيبه
ويسمـع بالقصـر زينب غريبـه
هل وصلنه..ابلايه أهلنه

****************
اهنـا بـاب الغربــه وقصـــر الالام
اهنا حتـه الأكلف مـن حرگ أخيام
اعيون اهنا صلفه وچلمات اسهام
زينـب يا عمــه مـوّتنـــي الشــــام
اجروح نايبتي
آه عمه انتي..ياوسفه
صلف طبع القصر مابي شهامه
ولا نغــار بــي عــاگـد لثــامـــه
هل وصلنه..ابلايه أهلنه

****************
اهنـا گاع الغربـه وحــر الدمعــات
اهنـا ممشه الهزّل أتنــود أبعثرات
أبيــوت أمحنايـه وصفره الچلمات
اهنـا عمـه أنسمعت كافلهن مـات
أهنـا ابدمعتهه
أتصير موتتهــه..مهضومه
يعمــه أبهالخرابــه أهنا رقيــه
تشم راس الولي وتلفي المنيه
هل وصلنه..ابلايه أهلنه

****************
خادم أهل البيت
عبدالخالق الحريشاوي

آه خويه ردينه٠٠من بعد ضيم اليسر
غربه تحدينه
آه خويه ردينه.. بينه چم كسرة گلب
ميته اسامينه
يا فيّ عفافي الكله حنيه
هسه آنه اجيتك واسمي مسبيه
عنك رحت واهنا بقت روحي
شام المصيبه مارحم بيه
عنكم رحنه.. تماشينه الغرب
ميته الشيمه.. غريبات ونطب
فيكم ردنه.. شهامه أعله الدرب
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

آه ياعزيز امي.. خويه هل رد الضعن
گابعه أبهمي
آه ياعزيز امي.. جمره دمعات الشجن
منذبح اسمي
ردينه خويه ابلايه حادينه
لا فيّ أهلنه اولا اسامينه
راح الدلال وخلصت العشره
رحنه ابكفاله وغربه ردينه
يا فيّ روحي.. غريبه أختك لفت
أبدمع الفرگه.. نواظرهه أنطفت
تشتم عطرك.. عله گبرك بچت
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
آه نايبة دهري..شام اطب أمگيده
وانذبح خدري
آه نايبة دهري.. أمعاين وصلفه العده
ودمعتي تجري
شام المصيبه الماعرف غِيره
مكسور طولي والقصر حيره
لاناس اليّه اولا ألي كافل
وجدم الغريبه أتعثره الديره
أعيون ألتمت..ولا صحت شيّم
وما لمانه..البني هاشم علم
أتبدل حيره..دلال أهل الخيم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
آه واعية روحي..وماهفت موگد حِزن
آ يمذبوحي
آه واعية روحي.. مابرد گلبي يحن
ومابرد نوحي
ألمن أعيش ابدونك أيامي
ياريحة امي المنذبح ضامي
تحت الترايب طولك الفارع
ودمعة بناتك خويه جدامي
ماصح بيدي..يبو الاكبر رِدت
ظهر العاشر.. گبل موتك متت
أولا سمعنك..تون ضامي صحِت
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
آه ماتت أبغربه.. أبنيتك المدمع يهل
شعتذر صعبه
آه ماتت أبغربه..ماتت أبچفهه حبل
بالسبي ودربه
ماتت رقيه التشبه الزهره
خويه ابصدرهه ضلت العبره
الشافن متنهه مايغسلنهه
شام المصيبه كسرته كسره
مو ديرتنه..ولا حيد الفزع
اولاچف غيره..ابعلم خدري أنرفع
ابلا راياته..ضعن هاشم رجع
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
خادم أهل البيت/عبدالخالق الحريشاوي